കുറഞ്ഞ ചിലവിൽ നിങ്ങൾക്കും പോകാം ലക്ഷദ്വീപിലേക്ക്…

Total
413
Shares

വിവരണം – Firoz Pulimoodan.

കുറഞ്ഞ ചിലവിൽ നിങ്ങൾക്കുംപോകാം നീല തിളക്കത്താൽ തിളങ്ങുന്ന ലക്ഷദ്വീപിലേക്ക്.. ഞങ്ങൾ ഏഴ് പേരടങ്ങുന്ന ഒരു സംഘമാണ് ലക്ഷദ്വീപ് യാത്രക്ക് തയ്യാറായത്. യാത്രക്ക് തൊട്ടു മുൻപുണ്ടായ ചില സാങ്കേതിക തടസ്സങ്ങൾ കാരണം സഹയാത്രികരാകേണ്ട സുഹൃത്തുക്കളുടെ യാത്ര മറ്റൊരു ദിവസത്തേക്ക് മാറ്റി വച്ചു. നിരവധി കടമ്പകൾ കടന്നാൽ മാത്രമാണ് ലക്ഷദ്വീപ് യാത്ര സാധ്യമാവുകയുള്ളൂ. അത്ര എളുപ്പത്തിൽ പോയി വരാവുന്ന ഒരിടമല്ല ലക്ഷദ്വീപ്…

കേരളത്തിന്റെ പടിഞ്ഞാറ് ഭാഗത്ത് അറബികടലിൽ ചിന്നി ചിതറി കിടക്കുന്ന ദീപ് സമൂഹമാണ് ലക്ഷദീപുകൾ. പോർച്ചുഗീസുകാരും ഡച്ചുകാരും അറക്കൽ ബീബിയും ടിപ്പു സുൽത്താനും ബ്രിട്ടീഷുകാരുമാണ് ദീപ് ഭരിച്ചിരുന്നത്… സാതന്ത്യ ലബ്ദിക്ക് മുൻപ് ദ്വീപിലെ പൂർവ്വികൻമാർ അനുഭവിച്ച കഷ്ടപാടുകൾ ചെറുതല്ല. ഇന്നിത് കേന്ദ്ര ഭരണ പ്രദേശമാണെങ്കിലും ഈ ജനതയുടെ പ്രയാസങ്ങളും പ്രതികരണങ്ങളും പുറം ലോകത്തെ അറിയിക്കുവാനുള്ള ദിനപത്രങ്ങളോ ചാനലുകളോ ഇല്ലതാനും..

Photo – Jyo Photography.

ആന്ദ്രോത്, മിനികോയ്, കവരത്തി, കൽപേനി, ബംങ്കാരം, കടമത്ത്, ചെത്തിലത്ത് എന്നിങ്ങനെ 35 ദീപുകൾ ചേർന്നതാണ് ലക്ഷദീപ്. ഇതിൽ പത്തോളം ദീപുകളിൽ ജനവാസമുള്ളതാണ്. ടൂറിസത്തിന് അമിത പ്രാധാന്യം കൊടുക്കുന്ന ദ്വീപുകളിൽ സ്സ്‌കൂബാ ഡൈവിങ്ങ്, കയാകിംങ്ങ്, ഗ്ലാസ് ബോട്ടിംങ്ങ് പോലുള്ള വിസ്മയ അനുഭവങ്ങളുമുണ്ട്. കൂടുതൽ ആളുകൾ താമസിക്കുന്നത് ആന്ത്രോത്തിലാണ്. പ്രാദേശികമായ സംസാരഭാഷയുമുണ്ട്. ദീപുകളുടെ കേന്ദ്രം കവരത്തിയാണ്. BSNL ആണ് ദീപുകാർ ഉപയോഗിക്കുന്നത്. തേങ്ങയും മീനുമാണ് പ്രധാന വരുമാന മാർഗങ്ങൾ. ഭൂരിഭാഗവും സർക്കാർ ജീവനക്കാരോ മീൻ പിടുത്തക്കാരോ ആണ്. ലോകത്തിലെ ഏറ്റവും അപകടം നിറഞ്ഞ രണ്ടാമത്തെ എയർപോർട്ടുള്ളത് അഗത്തിയിലാണ് …

ദ്വീപ് യാത്രക്ക് വിമാനം, കപ്പൽ എന്നിങ്ങനെ രണ്ട് മാർഗ്ഗങ്ങളാണ് ഉള്ളത്. വിമാനത്തിൽ ഒരു മണിക്കൂറും കപ്പലിൽ 12 to 35 മണിക്കൂർ വരെ യാത്ര ചെയ്യണം. വ്യത്യസ്ത നിരക്കിലുള്ള ടിക്കറ്റുകൾ കപ്പലിൽ ലഭ്യമാണ്. സമയക്കൂടുതൽ എടുക്കുമെങ്കിലും കപ്പൽയാത്രയാണ് രസകരവും ചിലവ് കുറവും. വൃത്തിയുള്ള റസ്റ്റോറന്റും ചികിത്സാ സംവിധാനവുമുള്ളതാണ് യാത്രാ കപ്പലുകൾ. യാത്രക്ക് നല്ലത് Mv കവരത്തി, Mv ലഗൂൺ, Mv കോറൽസ് എന്നീ കപ്പലുകളാണ്. എന്നാൽ Mv മിനികോയ്, Mv അമിന്ദി എന്നീ കപ്പലുകളിലുള്ള യാത്ര ദുരിതമാണ്.

കൊച്ചി, ബേപ്പൂര്, മംഗലാപുരം എന്നീ വാർഫുകളിൽ നിന്നാണ് ലക്ഷദ്വീപിലേക്ക് കപ്പലുകൾ പുറപ്പെടുന്നത്. ഉപ്പ് തൊട്ട് കർപ്പൂരം വരെ ഇറക്കുമതി ചെയ്യേണ്ടവരാണ് ദീപുകാർ. ഭക്ഷ്യ സാധനങ്ങളും മാംസാവശ്യത്തിനുള്ള മൃഗങ്ങളും കെട്ടിട നിർമാണ സാധനങ്ങളും ഇറക്കുമതി ചെയ്യുന്നു. നെല്ലിക്കുഴി ഫർണിച്ചറിനും ദീപിൽ പ്രാധാന്യമുണ്ട്. ശാന്തിയും സമാധാനവും സ്വസ്ഥതയുമുള്ള ഗ്രാമമാണ് ലക്ഷദീപ്. മുസ്ലീംങ്ങളാണ് ദീപുകാരിൽ ഭൂരിഭാഗവും. വീതി കുറഞ്ഞ കോൺക്രീറ്റ് റോഡുകളാണ് ദ്വീപുകളിൽ ഉള്ളത്.

ബൈക്കുകളും ഓട്ടോറിക്ഷകളും മാത്രമുള്ള ദ്വീപിൽ 100% ബൈക്ക്‌ യാത്രികരും ഹെൽമെറ്റ് ഉപയോഗിക്കാത്തവരാണ്. കുറ്റകൃത്യങ്ങളും മറ്റ് പ്രശ്നങ്ങളും ഇല്ലാത്തത് കൊണ്ട് പോലീസിന് വലിയ പണിയൊന്നുമില്ല. കള്ളും കഞ്ചാവും ഇല്ലാത്തത് കൊണ്ടാവാം കുറ്റകൃത്യങൾ ഇല്ലാത്തത്.

ലക്ഷദീപിന്റെ ആചാരവും സംസ്കാരവും വ്യത്യസ്തമാണ്. നബിദിനമാണ് ദീപുകാരുടെ വലിയ ആഘോഷം. നമ്മുടെ കലോത്സവ വേദിയിൽ നിറഞ്ഞു നിൽക്കുന്ന അറബന മുട്ട് ദീപുകാരുടെ കലാരൂപമാണ്. ഇന്ന് വിദ്യഭ്യാസ, സാമ്പത്തിക, ജീവിതസാഹചര്യങ്ങൾ സൂക്ഷമമായി പിന്തുടരുന്നരും മത മൂല്യങ്ങൾ ഉയർത്തി പിടിക്കുന്നവരുമാണ് ദ്വീപ് നിവാസികളിൽ ഭൂരിഭാഗവും.

#എങ്ങിനെ പോകാം ദീപിലേക്ക് # മൂന്ന് മാർഗ്ഗങ്ങളിൽ കൂടി ദീപിലേക്ക് പോകാം. ഗവൺമെന്റ് പാക്കേജ്, പ്രൈവറ്റ് പാക്കേജ്, വ്യക്തി ബന്ധങ്ങൾ മുഖേന. ലാഭം വ്യക്തി ബന്ധത്തിൽ കൂടി പോകുന്നതാണ്. സ്പോൺറെ കിട്ടിയാൽ നമ്മുടെ സ്പോൺസർക്ക് ഫുൾ അഡ്രസ്, രണ്ട് ഐഡന്റിഫിക്കേഷൻ മാർക്ക്, രണ്ട് സുഹൃത്തുക്കളുടെ അഡ്രസ് എന്നിവ അയച്ച് കൊടുക്കുക. അപ്പോ ഡിക്ലറേഷൻ ലെറ്റർ കിട്ടും. നമ്മുടെ പോലീസ് സ്റ്റേഷനിൽ പോയി PCC യും എടുക്കുക. PCC കിട്ടിയാൽ PCC+ Diclaration+ 3 Phottos + fees ഉൾപ്പെടെ ഐലന്റിൽ ഉള്ള ലക്ഷദ്വീപ് ഓഫീസിൽ പെർമിറ്റിന് അപേക്ഷിക്കുക. സൂക്ഷ പരിശോധനകൾക്ക് ശേഷം ക്രമമനുസരിച്ച് 15 ദിവസത്തേക്ക് പെർമിറ്റ് കിട്ടും. പെർമിറ്റ് ആയാൽ ടിക്കറ്റ് എടുക്കാം.

ടിക്കറ്റിൽ പറഞ്ഞിരിക്കുന്ന സമയത്ത് കൊച്ചിയിലെ സ്കാനിംങ് സെന്ററിൽ പരിശോധനക്ക് ശേഷം വാർഫിലേക്ക് പ്രവേശിക്കാം. ഷിപ്പ് പുറപ്പെടുന്നത് വൈകിട്ടോടുകൂടിയാണ്‌. കപ്പലിന് മുകളിൽ കാറ്റും കൊണ്ട് നക്ഷത്രവും നോക്കി മണിക്കൂറുകൾ നീണ്ട കപ്പൽ യാത്ര മനോഹരമായ അനുഭവമാണ്. പലർക്കും ഛർദ്ദിക്കാൻ തോന്നുമെങ്കിലും ആ യാത്രയോടും കാലാവസ്ഥയോടും നമ്മൾ പൊരുത്തപ്പെട്ട് പോകുന്നതാണ്.

കപ്പൽ ജീവനക്കാരോട് സൗഹൃദം സ്ഥാപിച്ച് ചോദിച്ചാൽ ഫോട്ടോകൾ എടുക്കില്ലെന്ന നിബന്ധനയോടെ കപ്പലിന്റെ ഉള്ളറകൾ നമുക്ക് കാണുവാനും ചിലപ്പോൾ സാധിക്കും. കപ്പലിൽ നിന്നും ഇറങ്ങി ചെറു ബോട്ടുകളിലാണ് ദ്വീപിലേക്ക് പോകുന്നത്. ദീപിലെത്തിയാൽ അവിടത്തെ പോലീസ് സ്റ്റേഷനിൽ പോകണം. തിരിച്ച് പോരുമ്പോഴും റിപ്പോർട്ട് ചെയ്യണം. ദ്വീപിൽ സഞ്ചാരികൾക്കായി സ്‌കൂബാ ഡൈവിംഗ് മുതലായ വിവിധതരം ആക്ടിവിറ്റികൾ ലഭ്യമാണ്. അതുപോലെതന്നെ വ്യത്യസ്തങ്ങളായ കടൽ വിഭവങ്ങളും ദ്വീപിൽ രുചിയ്ക്കാൻ ലഭിക്കും.

കടല് പോലെ വിശാലമായ മനസിന്റെ ഉടമകളായ ലക്ഷദ്വീപുകാർ സൽക്കാരപ്രിയരാണ്. സ്നേഹിക്കാൻ മാത്രം അറിയുന്ന സന്തോഷമുള്ള സൗഹൃദമുള്ള ഒരു ജനത.. ഒരു പ്രാവശ്യം ദ്വീപിൽ പോയാൽ ഒന്നുകൂടി പോകാൻ ആഗ്രഹം തോന്നും. അത്രമേൽ സുന്ദരമാണ് ലക്ഷദ്വീപ്. കണ്ണിന് കുളിർമയുള്ള കുറേ പുതിയ അനുഭവങ്ങൾ മനസിൽ കുറിച്ചിട്ടു കൊണ്ടാണ് ദ്വീപിൽ നിന്നും ഓരോ സഞ്ചാരിയും യാത്ര പറഞ്ഞു മടങ്ങുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post