ഭാരതീയ വാസ്തുവിദ്യയുടെ മഹിമ തെളിയിക്കുന്ന ആന്ധ്രയിലെ ഒരു ക്ഷേത്രം

Total
140
Shares

വിവരണം – Prajoth kkd.

പുരാണകഥയും, ചരിത്ര നിർമ്മിതിയും ഒത്തുചേർന്ന കരിങ്കൽ ശില്പങ്ങൾ ചുരുക്കി പറഞ്ഞാൽ അതാണ് ലേപാക്ഷി ക്ഷേത്രം. കർണ്ണാടകയുടെ അതിർത്തി പങ്കിടുന്ന ആന്ധ്രാപ്രദേശിലെ അനന്തപൂർ ജില്ലയിലെ ഹിന്ദ്പൂർ പട്ടണത്തിൽ നിന്ന് 14 കിലോമീറ്ററോളം സഞ്ചരിച്ചാൽ ലേപാക്ഷിയിൽ എത്തിച്ചേരാം.

ശില്പചാരുതയിൽ വേറിട്ടുനിൽക്കുന്ന ഈ ക്ഷേത്രം ഐതിഹ്യങ്ങളുടെയും, കരിങ്കൽ കൊത്തുപണികളുടേയും, ചിത്രകലകളുടേയും ഒരു വലിയ ലോകം തന്നെയാണ്. ക്ഷേത്രത്തിന്റെ വാസ്തുവിദ്യാ സവിശേഷതകൾ മുഴുവനും വിജയനഗര ശൈലിയിലാണ് അത് ക്ഷേത്രത്തിന്റെ എല്ലാ ഉപരിതലങ്ങളിലും കൊത്തുപണികളിലും, പെയിന്റിംഗുകളിലും ധാരാളിച്ചുകാണാം.

ആദ്യം ഐതിഹ്യം : ലേപാക്ഷി ക്ഷേത്രത്തിലേക്ക് പ്രവേശിക്കുന്നതിനു മുമ്പായി അകലേ ഇടതുവശത്തായി ഒരു കൂറ്റൻ പാറക്കെട്ടിനു മുകളിലായി ചിറകുവിരിച്ചു നിൽക്കുന്ന ജടായുപക്ഷിയുടെ പ്രതിമയാണ് പുരാണകഥയുടെ പ്രതീകമായി നിലകൊള്ളുന്നത്. രാവണൻ സീതയെ തട്ടിക്കൊണ്ടു പോകുന്ന വേളയിൽ ജടായു മാർഗ്ഗതടസ്സം സൃഷ്ടിച്ചു രക്ഷപ്പെടുത്തുന്നതിനിടെ രാവണനാൽ ചിറകരിഞ്ഞ് വീണു നിലംപതിച്ച സ്ഥലമാണ് ഇവിടം. തന്റെ പത്നിയായ സീതയെ രക്ഷിക്കാൻ ശ്രമിച്ച ജടായുവിനു രാമൻ മോക്ഷം നൽകിയ ഐതിഹ്യമാണ് ലേപാക്ഷിയിലേത്. (ലേ പാക്ഷി – ഉയരൂപക്ഷി എന്നർത്ഥം).

ചരിത്ര നിർമ്മിതി : വിജയനഗര സാമ്രാജ്യത്തിന്റെ കീഴിലായിരുന്ന കാലത്താണ് [1530 – 40] ഈ ക്ഷേത്രം നിർമ്മിക്കപ്പെട്ടത്. വാസ്തുവിദ്യയുടെ ഒട്ടേറെ കൗതുകങ്ങൾ നിറഞ്ഞ വിശാലമായ ക്ഷേത്രാങ്കണമാണ് ലേപാക്ഷി. ക്ഷേത്രാങ്കണത്തിനു പുറത്തായി ഒറ്റക്കല്ലിൽ തീർത്ത ഇന്ത്യയിലെ ഏറ്റവും വലിയ നന്ദി പ്രതിമ ശില്പകലയുടെ മഹിമ വർദ്ധിപ്പിക്കുന്നു.

ശിവപാർവതി സ്വയംവരം നടന്നുവെന്നു കരുതപ്പെടുന്ന കല്യാണമണ്ഡപമാണ് പ്രദക്ഷിണ വഴി വലയം ചെയ്ത് അകത്തു കടന്നാൽ ആദ്യ കാഴ്ച്ച. വീണ്ടും നടന്നാൽ വലിയൊരു പാറയിൽ കൊത്തിയെടുത്ത ഗണപതിവിഗ്രഹവും അതിനോടു ചേർന്ന നിലയിൽ ഏഴു തലകളുള്ള നാഗലിംഗവും, മറ്റു കൊത്തുപണികളും ചേർന്ന അപൂർവ്വമായ ശില്പനിർമ്മിതിയുടെ കാഴ്ച്ചകളും.

ഇനിയുള്ളത് നൃത്ത മണ്ഡപമാണ്. സങ്കീർണ്ണമായ ചിത്രപണികളാൽ നിറഞ്ഞ കൽത്തൂണുകൾ, അതിനു മുകളിലായി മേൽക്കൂരയിൽ പുരാണ കഥാസന്ദർഭങ്ങൾ ആലേഖനം ചെയ്ത ഛായാചിത്രങ്ങൾ, ഇതിനെല്ലാറ്റിനുമുപരിയായി നിലംതൊടാതെ നിൽക്കുന്ന കരിങ്കൽ തൂൺ. കൽത്തൂണിന്റെ ശിലാദ്ഭുതത്തെ കൗതുകത്തോടെ അല്ലാതെ വീക്ഷിക്കാൻ സാധ്യമല്ല. ലേപാക്ഷിയിലെ ഒരോ കൽത്തൂണിലും പുരാണകഥയെ ഓർമ്മിപ്പിക്കും വിധം ശില്പങ്ങളാക്കി കൊത്തിവെച്ചിരിക്കുകയാണ്, വിവരിച്ചാൽ തീരാത്തത്രവിധം.

എത്ര ചിത്രങ്ങൾ ഒപ്പിയെടുത്താലും മതിവരാത്ത കാഴ്ച്ച ലോകമാണ് ലേപാക്ഷി വീരു ക്ഷേത്രം. ഭാരതീയ വാസ്തുവിദ്യയുടെ മഹിമ തെളിയിക്കുന്ന ആന്ധ്രാപ്രദേശിലെ ഈ ക്ഷേത്രം ചരിത്ര നിർമ്മിതികൾ തേടി പോകുന്ന സഞ്ചാരികൾക്ക് ഒരു അധ്യായം തന്നെയാണ്. കാണണമെന്ന് മനസ്സിൽ ആഗ്രഹിച്ച ഒരു യാത്ര പൂർത്തിയാക്കിയതിന്റെ സന്തോഷത്തിലാണ് ലേപാക്ഷിയിലെ പടിയിറങ്ങിയത്.

യാത്രാമാർഗ്ഗം – ഏറ്റവും അടുത്ത റെയിൽവേ സ്റ്റേഷൻ ഹിന്ദുപൂർ തന്നെയാണ്. ബാംഗ്ലൂരിൽ നിന്നു ഹിന്ദുപൂരിലേക്ക് ഒരുപാടു ട്രെയിനുകൾ ഉണ്ട്. ട്രെയിൻ ചാർജ്ജുകൾ – മെമു Rs.25,എക്സ്പ്രസ്സ് Rs.50, ബസ് ചാർജ്ജ് – Rs.155.

ഹിന്ദുപൂരിൽ നിന്നു ലേപാക്ഷിയിലേക്ക് ലോക്കൽ ബസ് അല്ലെങ്കിൽ ലോക്കൽ ഓട്ടോ [Rs. 15] ആണ് സഞ്ചാരമാർഗ്ഗം. കേരളത്തിൽ നിന്നും ഹിന്ദുപൂരിലേക്ക് നേരിട്ട് ഒരേ ഒരു ട്രെയിൻ മാത്രമേയുള്ളൂ. ട്രെയിൻ നമ്പർ 16332 Mumbai CSMT Weekly Express.ഈ ട്രെയിൻ ശനിയാഴ്ചകളിൽ മാത്രമാണുള്ളത്.

താമസ സൗകര്യം – ആന്ധ്രാപ്രദേശ് ടൂറിസത്തിന്റെ കീഴിൽ വരുന്ന [APTDC] ടൂറിസം ഹോട്ടൽ മാത്രമേ ലേപാക്ഷിയിൽ ലഭ്യമായുള്ളൂ. കോൺടാക്ട് നമ്പർ – 7095536663, 09000282897.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post