വണ്ടിയുടെ RC ബുക്ക് നഷ്ടപ്പെട്ടാൽ എന്ത് ചെയ്യണം? എങ്ങനെ ഡ്യൂപ്ലിക്കേറ്റ് എടുക്കാം?

Total
0
Shares

ഒരു വാഹനത്തിന്റെ ഉടമസ്ഥതയും രജിസ്‌ട്രേഷനും തെളിയിക്കുന്ന ഒരു രേഖയാണ് ആർസി ബുക്ക്. യാത്രയ്ക്കിടയിൽ പോലീസ് ചെക്കിംഗോ മറ്റോ ഉണ്ടെങ്കിൽ നമ്മൾ നമ്മുടെ വണ്ടിയുടെ ആർസി ബുക്ക് പരിശോധനയ്ക്ക് വിധേയമാക്കേണ്ടതാണ്. എന്നാൽ ഈ ആർസി ബുക്ക് നഷ്ടപ്പെട്ടാലോ? കുറച്ചു നാൾ മുൻപ് എനിക്കൊരു അനുഭവമുണ്ടായി. അതിൽ നിന്നും ഉൾക്കൊണ്ട വിവരങ്ങളെ അടിസ്ഥാനമാക്കിയാണ് ഈ ലേഖനം തയ്യാറാക്കുന്നത്. ഇനി കാര്യത്തിലേക്ക് കടക്കാം.

രണ്ടു മാസം മുൻപാണ് സംഭവം. ഞാൻ ബെംഗളൂരുവിലുള്ള സുഹൃത്ത് വിപിനെയും കൊണ്ട് ബെംഗളൂരുവിൽ നിന്നും എൻ്റെ സ്വന്തം വാഹനമായ ഫോർഡ് ഇക്കോസ്പോർട്ടുമായി വരികയായിരുന്നു. പാലക്കാട് – തമിഴ്‌നാട് അതിർത്തിയിലുള്ള ആനക്കട്ടിയിൽ എത്തിയപ്പോഴാണ് ആ ഞെട്ടിക്കുന്ന സത്യം ഞാൻ അറിഞ്ഞത്. എൻ്റെ വണ്ടിയുടെ ആർസി ബുക്ക് കാണുവാനില്ല. ബാഗിലും വണ്ടിയിലും എല്ലാം നോക്കി. രക്ഷയില്ല. ഉടനെ വീട്ടിലേക്ക് വിളിച്ചു അവരെക്കൊണ്ട് വീട്ടിലാകെ തിരയിപ്പിച്ചു. എന്നിട്ടും നോ രക്ഷ. പണി പാളിയെന്നു മനസ്സിലായി. ബെംഗളൂരു പോലുള്ള സ്ഥലത്തു നിന്നും ആർസി ബുക്ക് കയ്യിലില്ലാതെ ഇവിടെവരെ വണ്ടിയോടിച്ച് വന്ന കാര്യം ഒന്നോർക്കണേ. എവിടെയെങ്കിലും ചെക്കിംഗ് ഉണ്ടായിരുന്നെങ്കിൽ എട്ടിന്റെ പണി തന്നെ കിട്ടിയേനെ.

അങ്ങനെയിരിക്കെയാണ് മോട്ടോർ വാഹനവകുപ്പിൽ ജോലിചെയ്യുന്ന പരിചയമുള്ള ഒരു സുഹൃത്തിനെ ഞാൻ വിളിക്കുന്നത്. ഡ്യൂപ്ലിക്കേറ്റ് ആർസി ബുക്കിനായി അപേക്ഷിക്കുവാനാണ് അദ്ദേഹം എന്നോട് നിർദ്ദേശിച്ചത്. പിന്നീട് അങ്ങോട്ട് അതിനായുള്ള ഓട്ടമായിരുന്നു. നമ്മുടെ ആർടി ഓഫീസ് ഏതാണോ അവിടെയാണ് ഇതിനായി അപേക്ഷിക്കേണ്ടത്. ആദ്യം നമ്മൾ ചെയ്യേണ്ടത് ഏതെങ്കിലും മലയാളം ദിനപ്പത്രത്തിൽ ആർസി ബുക്ക് നഷ്ടപ്പെട്ടതായി കാണിച്ച് ഒരു പരസ്യം നൽകുക എന്നതാണ്. ഇതിനായി പത്രം ഏജന്റുമാരെ സമീപിച്ചാൽ അവർ സംഭവം ഭംഗിയായി ചെയ്തു തരും. മാതൃഭൂമി, മനോരമ പോലുള്ള വമ്പൻ പത്രങ്ങളിൽ കൊടുക്കുകയാണെങ്കിൽ നല്ല റേറ്റ് ആകുമെന്നതിനാൽ മംഗളം, വീക്ഷണം പോലുള്ള പത്രങ്ങളിൽ പരസ്യം ചെയ്യുന്നതായിരിക്കും നല്ലത്.

ഇതിനുശേഷം ഒരു നോട്ടറി വക്കീലിനെ സമീപിച്ച് കാര്യങ്ങൾ സൂചിപ്പിക്കുക. വിവരങ്ങളും നിശ്ചിത ഫീസും നൽകിയാൽ നിങ്ങൾക്ക് നോട്ടറി സർട്ടിഫിക്കറ്റ് ലഭിക്കും. പിന്നീട് പത്രപ്പരസ്യവും നോട്ടറി സർട്ടിഫിക്കറ്റും ആർസി ബുക്കിന്റെ കോപ്പിയും മറ്റു വിവരങ്ങളുമൊക്കെ വെച്ചുകൊണ്ട് ഒരു പരാതി എഴുതി നമ്മളുടെ അടുത്തുള്ള പോലീസ് സ്റ്റേഷനിൽ ചെല്ലുക. നമ്മുടെ വണ്ടിയ്ക്ക് ഫിനാൻസ് (ലോൺ) ഉണ്ടെങ്കിൽ എടുത്തിട്ടുള്ള ബാങ്കിൽ നിന്നും ഒരു ‘നോ ഒബ്ജക്ഷൻ സർട്ടിഫിക്കറ്റ്’ കൂടി വാങ്ങി ഈ രേഖകൾക്കൊപ്പം വെക്കേണ്ടതാണ്. ഈ കാര്യത്തിൽ പോലീസുകാരുടെ ഒരു എൻക്വയറി ഉണ്ടായിരിക്കും. ചിലപ്പോൾ മൂന്നോ നാലോ ദിവസം ഇതിനായി വേണ്ടി വന്നേക്കാം. ചിലപ്പോൾ പോലീസ് സ്റ്റേഷനിൽ നിന്നും നമ്മൾ താമസിക്കുന്ന സ്ഥലത്തെ വാർഡ് മെമ്പർ/കൗൺസിലർ ന്റെ ഒരു സാക്ഷ്യപത്രം കൂടി ആവശ്യപ്പെട്ടേക്കാം. എൻക്വയറിയ്ക്ക് ശേഷം പോലീസ് സ്റ്റേഷനിൽ നിന്നും നമുക്ക് ‘ലോസ്റ്റ് സർട്ടിഫിക്കറ്റ് എന്നൊരു രേഖ ലഭിക്കും.

ഇതെല്ലാം കഴിഞ്ഞശേഷം ഈ പറഞ്ഞിരിക്കുന്ന രേഖകൾ എല്ലാം ചേർത്ത് നമ്മുടെ വണ്ടി രജിസ്റ്റർ ചെയ്തിരിക്കുന്ന ആർടി ഓഫീസിൽ ചെന്ന് ഡ്യൂപ്ലിക്കേറ്റ് ആർസി ബുക്കിനായി അപേക്ഷ നൽകണം. ഈ രേഖകളെല്ലാം അവർ പരിശോധിച്ച ശേഷം ജോയിൻ്റ് ആർടിഒ, മോട്ടോർ വെഹിക്കിൾ ഇൻസ്പെക്ടറോട് നമ്മുടെ വണ്ടി ഇൻസ്‌പെക്ഷൻ നടത്തുവാൻ നിർദ്ദേശിക്കും. ആർടി ഓഫീസിൽ നിന്നും അറിയിക്കുന്ന ദിവസം പറഞ്ഞിരിക്കുന്ന സ്ഥലത്ത് നമ്മുടെ വണ്ടിയുമായി പരിശോധനയ്ക്ക് എത്തിച്ചേരുക. മോട്ടോർ വെഹിക്കിൾ ഇൻസ്‌പെക്ടർ വണ്ടിയെല്ലാം പരിശോധിച്ച ശേഷം എല്ലാം കറക്ടാണ് എന്നൊരു സാക്ഷ്യപത്രം ആർടിഒയ്ക്ക് നൽകും. വീണ്ടും ആർടി ഓഫീസിലെ നടപടിക്രമങ്ങൾക്ക് ശേഷം നമുക്ക് ഡ്യൂപ്ലിക്കേറ്റ് ആർസി ബുക്ക് ആർടി ഓഫീസിൽ നിന്നും ലഭ്യമാക്കും. ഇങ്ങനെ ലഭിക്കുന്ന ആർസി ബുക്കിൽ ‘ഡ്യൂപ്ലിക്കേറ്റ്‌’ എന്ന് പ്രത്യേകം രേഖപ്പെടുത്തിയിട്ടുണ്ടാകും.

കണ്ടില്ലേ ഒരൽപം ബുദ്ധിമുട്ടുള്ള ഒരു പരിപാടിയാണ് ഡ്യൂപ്ലിക്കേറ്റ് ആർസി ബുക്ക് കരസ്ഥമാക്കുക എന്നത്. അതുകൊണ്ട് നിങ്ങളുടെ വാഹനത്തിന്റെ ആർസി ബുക്ക് സൂക്ഷിച്ചു വെക്കുക. സംസ്ഥാനത്തിനു പുറത്തേക്കാണ് നിങ്ങളുടെ യാത്രയെങ്കിൽ നിർബന്ധമായും ഒറിജിനൽ ആർസി ബുക്കും മറ്റു രേഖകളും വാഹനത്തിൽ സൂക്ഷിക്കേണ്ടതാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post