ഇന്ത്യയിൽ നിന്നും കുറഞ്ഞ നിരക്കിൽ വിദേശത്തേക്ക് സർവ്വീസ് നടത്തുന്ന വിമാനങ്ങൾ…

Total
0
Shares

വിമാനയാത്രകൾ ഇന്ന് സർവ്വ സാധാരണമാണെന്നു പ്രത്യേകം എടുത്തു പറയേണ്ടല്ലോ. വിദേശ രാജ്യങ്ങളിലേക്ക് ഇന്ത്യയിൽ നിന്നും (കേരളത്തിൽ നിന്നും) നിരവധി വിമാനസർവീസുകൾ ഇന്ന് ലഭ്യമാണ്. ഇവയിൽ ചില വിമാന സർവീസുകൾക്ക് ടിക്കറ്റ് നിരക്കുകൾ കൂടുതലും ചിലതിനു വളരെ കുറവും ആയിരിക്കും. കൂടുതൽ ടിക്കറ്റ് നിരക്കുള്ള വിമാനങ്ങളിൽ അതിനനുസരിച്ചുള്ള സൗകര്യങ്ങളും അതോടൊപ്പം തന്നെ യാത്രാ സുഖവും ഉണ്ടായിരിക്കും. എന്നാൽ സാധാരണക്കാർക്ക് വിദേശ യാത്രയ്ക്കായി തിരഞ്ഞെടുക്കാവുന്ന ബഡ്‌ജറ്റ്‌ സർവ്വീസുകൾക്കാണ് ഇന്ന് ഡിമാൻഡ്. ഇത്തരത്തിൽ ബഡ്‌ജറ്റ്‌ വിമാനസർവീസുകൾ ഇന്ത്യയിൽ നിന്നും സജീവമാകുവാൻ കാരണം എയർ ഏഷ്യയുടെ ഇന്ത്യയിലേക്കുള്ള വരവാണ്. ഇത്തരത്തിൽ ഇന്ത്യയിൽ നിന്നും വിദേശ രാജ്യങ്ങളിലേക്ക് കുറഞ്ഞ നിരക്കിൽ യാത്ര സാധ്യമാക്കുന്ന ചില വിമാന സർവീസുകളെ പരിചയപ്പെടാം.

1. എയർ ഏഷ്യ : ബഡ്‌ജറ്റ്‌ വിമാന സർവീസുകളുടെ തലതൊട്ടപ്പൻ എന്നു വേണമെങ്കിൽ എയർ ഏഷ്യയെ വിളിക്കാം. ബെംഗളൂരു ആസ്ഥാനമാക്കിയാണ് ഇന്തോ-മലേയ്ഷ്യൻ കമ്പനിയായ എയർ ഏഷ്യ (ഇന്ത്യ) പ്രവർത്തിക്കുന്നത്. ഇന്ത്യയിൽ പ്രവർത്തനമാരംഭിക്കുന്നതിനു മുൻപേ തന്നെ വ്യോമയാന പരിസ്ഥിതിയും നികുതി നിരക്കുകളും അനുയോജ്യമാണെങ്കിൽ, എയർഏഷ്യ ഇന്ത്യയിൽ കുറഞ്ഞ യാത്ര നിരക്കിൽ വ്യോമയാന സൗകര്യം ഒരുക്കാൻ തീരുമാനിച്ചിരുന്നു.

ചെന്നൈ അന്താരാഷ്‌ട്ര എയർപോർട്ട് പ്രധാന പ്രവർത്തന ആസ്ഥാനമായി ടയർ 2, ടയർ 3 നഗരങ്ങളിലേക്കു പ്രവർത്തനം ആരംഭിക്കാനാണ് എയർ ഏഷ്യ ആദ്യം പദ്ധതിയിട്ടത്. എന്നാൽ പിന്നീട് അത് ബംഗളുരുവിലേക്ക് മാറ്റി. ആദ്യ വിമാനം പറന്നത് ബംഗളുരുവിൽനിന്നും ഗോവയിലേക്കാണ്. ഇന്ന് ഇന്ത്യയിൽ നിന്നും കുറഞ്ഞ നിരക്കിൽ മലേഷ്യ, തായ്‌ലൻഡ് പോലുള്ള രാജ്യങ്ങളിലേക്ക് എയർ ഏഷ്യ സർവ്വീസ് നടത്തുന്നുണ്ട്. ഈ റൂട്ടുകളിലെ കുത്തകയായി മാറിയിരിക്കുന്നു എയർ ഏഷ്യ എന്നു വേണമെങ്കിൽ പറയാം. നിരക്ക് കുറവായതിനാൽ യാത്രാ സൗകര്യങ്ങളും അത്ര തന്നെ പ്രതീക്ഷിച്ചാൽ മതി. ഗൾഫ് രാജ്യങ്ങളിലേക്ക് എയർ ഏഷ്യയുടെ സർവ്വീസ് ഇല്ലെന്നത് ഒരു ന്യൂനതയായി അവശേഷിക്കുന്നുണ്ടെങ്കിലും സാധാരണക്കാർക്ക് പറക്കുവാനായി വിശ്വാസത്തോടെ ടിക്കറ്റ് ബുക്ക് ചെയ്യാൻ പറ്റിയ ഒരു എയർലൈനാണ്‌ എയർ ഏഷ്യ.

2. ഇൻഡിഗോ : എയർ ഏഷ്യ പോലെത്തന്നെ വളരെ ചെലവ് കുറഞ്ഞ എയർലൈനാണ് ഇൻഡിഗോ. ഇതൊരു ഇന്ത്യൻ കമ്പനി കൂടിയാണ്. 2017 ജനുവരിയിലെ കണക്കനുസരിച്ചു 39.8 ശതമാനം മാർക്കറ്റ്‌ വിഹിതമുള്ള ഇൻഡിഗോ എയർലൈൻസ്‌ ആണ് യാത്രക്കാരുടെ എണ്ണത്തിലും വിമാനങ്ങളുടെ എണ്ണത്തിലും ഇന്ത്യയിലെ ഏറ്റവും വലിയ എയർലൈൻസ്‌. ഡൽഹിയിലെ ഇന്ദിരാഗാന്ധി അന്താരാഷ്‌ട്ര വിമാനത്താവളത്തിലാണ് ഇൻഡിഗോ എയർലൈൻസിൻറെ പ്രധാന ഹബ്. ഇന്ത്യയിൽ നിന്നും ദുബായ്, മസ്കറ്റ് തുടങ്ങിയ ഗൾഫ് രാജ്യങ്ങളിലേക്ക് സർവ്വീസ് നടത്തുന്ന ബഡ്ജറ്റ് എയർലൈനുകളിൽ പ്രധാനിയാണ് ഇന്ന് ഇൻഡിഗോ. എയർ ഏഷ്യയെക്കാളും കുറച്ചുകൂടി സൗകര്യങ്ങൾ ഇൻഡിഗോയിൽ ആണെന്നാണ് യാത്രക്കാരിൽ ഭൂരിഭാഗവും പറയുന്നത്.

3. സ്‌പൈസ് ജെറ്റ് : ഒരു ഇന്ത്യൻ ലോ ബഡ്‌ജറ്റ്‌ എയർലൈനാണ്‌ സ്‌പൈസ് ജെറ്റ്. ദുബായ്, മസ്കറ്റ് ഉൾപ്പെടെ ഏഴോളം വിദേശ രാജ്യങ്ങളിലേക്ക് സ്‌പൈസ് ജെറ്റ് സർവ്വീസ് നടത്തുന്നുണ്ട്. സാധാരണക്കാർ വളരെ ചെലവു കുറഞ്ഞ യാത്രകൾക്ക് തിരഞ്ഞെടുക്കാറുള്ളതും സ്‌പൈസ് ജെറ്റിനെ ആണ്. മറ്റു ലോ ബഡ്ജറ്റ് എയർലൈൻസുകളെ അപേക്ഷിച്ച് നല്ല ഓഫറുകളും ഇടയ്ക്കിടെ സ്‌പൈസ് ജെറ്റ് യാത്രക്കാർക്ക് നൽകാറുണ്ട്.

4. എയർ ഇന്ത്യ എക്സ്പ്രസ്സ് : കൊച്ചി കേന്ദ്രീകരിച്ചു പ്രവർത്തിക്കുന്ന എയർ ഇന്ത്യയുടെ കുറഞ്ഞ നിരക്കിലുള്ള എയർലൈൻ അനുബന്ധമാണ്‌ എയർ ഇന്ത്യ എക്സ്പ്രസ്സ്‌. എയർ ഇന്ത്യയെ അപേക്ഷിച്ച് ചാർജ്ജ് കുറവായിരിക്കും എയർ ഇന്ത്യ എക്സ്പ്രസ്സിൽ. ദക്ഷിണേന്ത്യൻ സംസ്ഥാനങ്ങളായ കേരളം, തമിഴ്‌നാട്, കർണാടക എന്നിവിടങ്ങളിൽ നിന്നും മിഡിൽ ഈസ്റ്റിലേക്കും സൗത്ത് ഈസ്റ്റ്‌ ഏഷ്യയിലേക്കും ആഴ്ച്ചയിൽ നൂറിൽ അധികം സർവീസുകൾ നടത്തുന്നു. മറ്റു ബഡ്ജറ്റ് എയർ ലൈനുകളെ അപേക്ഷിച്ച് എയർ ഇന്ത്യ എക്‌സ്പ്രസ്സിൽ യാത്രക്കാർക്ക് ലഘുവായ ഭക്ഷണം ലഭിക്കുന്നതായിരിക്കും.

5. എയർ അറേബ്യ : ഷാർജ കേന്ദ്രീകരിച്ച് നടത്തുന്ന ഒരു എയർലൈൻ ആണ് എയർ അറേബ്യ. ഇന്ത്യയിൽ മുംബൈ, ഡൽഹി, ചെന്നൈ, ഗോവ, ബെംഗളൂരു, കൊച്ചി എന്നിവിടങ്ങളിൽ നിന്നും എയർ അറേബ്യയുടെ സർവ്വീസുകൾ ലഭ്യമാണ്. എയർ ഇന്ത്യ എക്സ്പ്രസ്സിനോളം ചാർജ്ജ് കുറവില്ലെങ്കിലും ബഡ്ജറ്റ് എയർലൈൻസുകളുടെ ഗണത്തിൽ എയർ അറേബ്യയെയും ഉൾപ്പെടുത്താം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

ശ്രീലങ്കയിലേക്ക് ഇനി കൂളായി പോകാം; ഇന്ത്യക്കാർക്ക് ‘ഫ്രീ വിസ ഓൺ അറൈവൽ..’

തായ്‌ലൻഡ് പോലുള്ള രാജ്യങ്ങളിലേക്ക് പ്രവേശിക്കുവാനായി ഇന്ത്യക്കാർക്ക് വിസ ഓൺ അറൈവൽ സൗകര്യം നിലവിലുണ്ടെങ്കിലും തൊട്ടയൽവക്കത്തുള്ള ശ്രീലങ്കയിലേക്ക് ആ സൗകര്യം ഉണ്ടായിരുന്നില്ല. എന്നാൽ ഇപ്പോഴിതാ സഞ്ചാരികൾക്ക് ഒരു സന്തോഷ വാർത്ത! ശ്രീലങ്കയിലേക്ക് ഇന്ത്യക്കാർക്ക് ഫ്രീ വിസ ഓൺ അറൈവൽ സൗകര്യം ലഭ്യമാക്കിയിരിക്കുന്നു. ഇന്ത്യയോടൊപ്പം…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

7000 പേർക്ക് ഒരുമിച്ച് ഇരുന്ന് നിസ്കരിക്കാൻ സാധിക്കുന്ന ബഹ്‌റൈനിലെ ഗ്രാൻഡ് മോസ്‌ക്ക്

സൗദി – ബഹ്‌റൈൻ അതിർത്തിയിലെ കാഴ്ചകൾ കണ്ടതിനു ശേഷം പിറ്റേദിവസം ഞങ്ങൾ പോയത് ബഹ്‌റൈനിലെ പ്രസിദ്ധമായ ഗ്രാൻഡ് മോസ്‌ക്കിലേക്ക് ആയിരുന്നു. പേരുപോലെതന്നെ നല്ല ഗ്രാൻഡ് തന്നെയായിരുന്നു മനോഹരമായ ആ പള്ളി. ഏഴായിരത്തോളം പേർക്ക് ഒരുമിച്ചിരുന്നു നിസ്‌ക്കരിക്കുവാൻ സാധിക്കും എന്നതാണ് ഈ പള്ളിയുടെ…
View Post

വയനാട്ടിലെ 100 വർഷം പഴക്കമുള്ള ബ്രിട്ടീഷ് ബംഗ്ളാവിൽ താമസിക്കാം..

വയനാട്ടിലെ രണ്ടാം ദിവസം ഞങ്ങൾ താമസിച്ചിരുന്ന റിസോർട്ടിൽ നിന്നും വെക്കേറ്റ് ചെയ്ത് ഇറങ്ങി. വയനാട്ടിലെ വ്യത്യസ്തങ്ങളായ താമസസൗകര്യങ്ങൾ എക്‌സ്‌പ്ലോർ ചെയ്യുക എന്നതാണ് ഇനി ഞങ്ങളുടെ ലക്‌ഷ്യം. വയനാട്ടിലെ സുഹൃത്തായ ഹൈനാസ്‌ ഇക്കയെ വിളിച്ച് അന്വേഷിച്ചപ്പോൾ ആണ് 100 വർഷം പഴക്കമുള്ള ഒരു…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

“ഓട് മീനേ കണ്ടം വഴി” – OMKV ഉണ്ണിയും യൂട്യൂബ് വിശേഷങ്ങളും

ടെക് ട്രാവൽ ഈറ്റിൻ്റെ ‘Travel with Vloggers’ എന്ന സീരീസിൽ പിന്നീട് ഞാൻ പോയത് എറണാകുളം കുമ്പളങ്ങിയിലേക്കാണ്. അവിടെയാണ് OMKV Fishing and Cooking എന്ന ചാനലിലൂടെ പ്രശസ്തനായ ഉണ്ണിയുടെ വീട്. പേര് പോലെത്തന്നെ മീൻ പിടിക്കുക, അത് പാകം ചെയ്യുക…
View Post

കൊച്ചി – ലക്ഷദ്വീപ് യാത്ര; ചെയ്യേണ്ട മുന്നൊരുക്കങ്ങളും കടക്കേണ്ട കടമ്പകളും

ലക്ഷദ്വീപ് എന്നു കേൾക്കാത്തവർ ആരുംതന്നെ ഉണ്ടായിരിക്കില്ല. പണ്ടുമുതലേ ലക്ഷദ്വീപ് എന്നു കേട്ടിട്ടുണ്ടെങ്കിലും മിക്കയാളുകളും അവിടത്തെ കാഴ്ചകൾ അനുഭവിച്ചത് ‘അനാർക്കലി’ എന്ന സിനിമയിലൂടെയായിരിക്കും. ഇന്ത്യയിൽ ഉൾപ്പെട്ടതാണെങ്കിലും ലക്ഷദ്വീപിലേക്ക് പോകുവാനായി അൽപ്പം കടമ്പകൾ നമുക്ക് കടക്കേണ്ടതായുണ്ട്. അവ എന്തൊക്കെയെന്നും ഏതൊക്കെ മാർഗ്ഗത്തിൽ അവിടേക്ക് പോകാമെന്നും…
View Post