‘മലമേൽ പാറ’ – കൊല്ലം ജില്ലയിലെ അധികമാരും അറിയാത്ത ഒരു പ്രദേശം..

Total
1
Shares

വിവരണം – Akhil Surendran Anchal.

മലമേല്‍ എന്ന പ്രദേശം സംസ്ഥാന വിനോദസഞ്ചാര വകുപ്പ് പ്രകൃതി സൗഹൃദ ടൂറിസം മേഖലയായി പ്രഖ്യാപിച്ചിരിക്കുന്നു. വിനോദ സഞ്ചാര വികസനത്തിന് ഏറെ സാധ്യതകളുള്ള കിഴക്കന്‍ മേഖലയിലെ ഏറ്റവും പ്രകൃതി രമണീയമായ പ്രദേശങ്ങളിലൊന്നാണ് മലമേല്‍ പാറ എന്ന് പറയാം. ഐതീഹ്യ പ്രാധാന്യം കൊണ്ടും ദൃശ്യ ചാരുത കൊണ്ടും ചരിത്രപ്പെരുമ കൊണ്ടും ധാരാളം സഞ്ചാരികളെ ആകര്‍ഷിക്കുന്ന പ്രദേശമായി മാറിക്കഴിഞ്ഞു ഇന്ന് മലമേല്‍ പാറ . ഒരു കാലത്ത് പാറ ലോബികൾ ആർത്തിയോടെ പാഞ്ഞടുത്ത മലനിരകൾ. തുരന്നു തുരന്നു നാടിന്റെ ആത്മാവ് തന്നെ കുളം തോണ്ടു മെന്നായപ്പോൾ നാടാകെ ഇളകി, നാട്ടുകാർ സമര രംഗത്തിറങ്ങി. പാറ ഖനനം പൂർണ്ണമായും നിലച്ചതോടെ കൊല്ലം ജില്ലയിലെ മലമേൽ പാറ മികച്ച ടൂറിസം സാധ്യതയാണ് ഇപ്പോൾ മുന്നോട്ടു വെയ്ക്കുന്നത് . ആ പാറ വഴികളിലൂടെ ഒരു യാത്ര.

ത്രിമൂര്‍ത്തികളുടെ സംഗമ സ്ഥാനമെന്നനിലയില്‍ പ്രസിദ്ധമായ ശങ്കരനാരായണ ക്ഷേത്രം മലമേല്‍ പാറയിൽ ആണ് സ്ഥിതി ചെയ്യുന്നത്. ഈ ക്ഷേത്ര ചൈതന്യം തന്നെയാണ് മലമേൽ പാറയെ ഇത്രയും പ്രശസ്തിയുടെ കൊടുമുടിയിൽ എത്തിച്ചിരിക്കുന്നത് എന്ന് എടുത്ത് പറയണ്ടേ കാര്യം തന്നെയാണ് . പഴയ കാല നാടുകാണിപ്പാറയ്ക്ക് ഇടയ്ക്ക് ഇടുങ്ങിയ ഗുഹ പോലെ ഒരു ദ്വാരം. പാറക്കൂട്ടങ്ങൾക്കിടയിലൂടെ മൃഗങ്ങളുടെ സഞ്ചാരത്തിനു പ്രകൃതി കനിവോടെ അളന്നു നൽകിയ വഴിത്താര.

പരുക്കൻ പാറകളിൽ അള്ളിപ്പിടിച്ചും നൂഴ്ന്നിറങ്ങിയും മുന്നോട്ടുപോകുമ്പോൾ ഏതു ധൈര്യശാലിയുടെയും ശ്വാസം ഒരുവേള നിലച്ചേക്കാം. എൻറ്റേയും ശ്വാസം നിലച്ചിരുന്നു. Wedding Studio കളുടെയും മറ്റ് സീരിയൽ , ആൽബം , സിനിമ ഷൂട്ടിങ്ങളും മലമേൽ പാറയിൽ വെച്ച് ധാരാളം ചിത്രീകരിച്ചിട്ടുണ്ട് . അതിൽ ഞാൻ കണ്ടിട്ടുള്ളതും എനിക്ക് അറിയാവുന്നതും ആയ Video അഞ്ചലിലെ Prayads Studio യുടെ Permo Wedding Video ആണ്. Photographer Stalin Jerom ചേട്ടൻ വളരെ മനോഹരമായി ആണ് Wedding Permo Video മലമേൽ പാറയിൽ ചിത്രീകരിച്ചിരിക്കുന്നത് എന്ന് കാണാം .

പാറകളുടെ വിടവിലായി കാണാം, പുലിച്ചാൺ. പുലിയുടെ താവളം. ഉള്ളിലേക്കു തലയൊന്നു നീട്ടി നോക്കൂ, പഴക്കമേറെച്ചെന്ന ചൂര് മണക്കുന്നു. മനുഷ്യന്റെ കടന്നു വരവിനു മുൻപു പുലി അടക്കം വന്യമൃഗങ്ങൾ മലമടക്കുകൾ താവളമാക്കിയിട്ടുണ്ടാകാം. പാറക്കൂട്ടങ്ങൾ പിന്നിട്ടു നാടുകാണിപ്പാറയ്ക്കു മുകളിലെത്തുമ്പോൾ ചന്ദനക്കാറ്റ് ചുറ്റി വീശുന്നതിനാൽ ക്ഷീണമെല്ലാം അതോടെ നമ്മുടെ അകലും. പാറക്കൂട്ടങ്ങൾക്കു ചാരെ ചന്ദനമരങ്ങൾ സമൃദ്ധമായി വളരുന്നു. പുൽത്തൈലത്തിന്റെ നറുമണം തൂകുന്ന ഇഞ്ചപ്പുല്ല് മേടുകളോളം വളർന്നു നിൽക്കുന്നു. സമീപം കൂറ്റൻ ഏഴിലംപാലയും കാണാം . അതിന്റെ ചുവട്ടിൽ ഇഞ്ചപ്പുല്ലിന്റെ നാമ്പുകൾ പൊട്ടിച്ചു മണപ്പിച്ച് അൽപനേരം ഇരിക്കാം. ഭൂമിയും ആകാശവും തൊട്ടു തൊട്ടു നിൽക്കുന്ന മലമേൽ ഗ്രാമപ്രദേശങ്ങൾ തരുന്ന പ്രകൃതിയുടെ ദൃശ്യ ഭംഗി അത് എന്റെ സഞ്ചാരി സ്നേഹിതർ ഇവിടെ വന്ന് അനുഭവിച്ച് അറിയുക. ഞാൻ പറഞ്ഞ് തരില്ല . മലമേൽ വാ ആവോളം പ്രകൃതി ഭംഗി ആസ്വദിക്കാം .

തിരുവിതാംകൂർ ദേവസ്വം ബോർഡിനു കീഴിലുള്ള ക്ഷേത്രമാണ് , മലമേൽ ശങ്കരനാരായണ ക്ഷേത്രം ഗ്രാമത്തിന്റെ മുഖശ്രീ തന്നെ ഈ ക്ഷേത്രത്തിന്റെയും ദേവൻമാരുടെയും ചൈതന്യത്തിലാണ് എന്ന് ഞാൻ വീണ്ടും എടുത്ത് പറയുന്നു . നടപ്പാറയിലെമ്പാടും ഇഞ്ചിപ്പുല്ല്. ഇവിടെ നിന്നു നാടുകാണിപ്പാറയിലേക്കു യാത്ര സാഹസികം. നാടുകാണിപ്പാറയ്ക്കു മുകളിൽ നിന്നാൽ തങ്കശേരി വിളക്കുമരം കാണാം. ചടയമംഗലം ജടായുപ്പാറയും, മരുതിമലയും തലയെടുപ്പോടെ നിൽക്കുന്നത് കാണാവുന്നതാണ് . നാടുകാണിപ്പാറയിൽ നേരത്തെ പൊലീസിന്റെ വയർലെസ് സ്റ്റേഷൻ ഉണ്ടായിരുന്നു. മിന്നലേറ്റ് അതു കത്തിപ്പോയി. കെട്ടിടം ഇപ്പോഴും ഇവിടെ അവശേഷിക്കുന്നു.

മലമേൽ പരിസ്ഥിതി സംരക്ഷണ വേദി, പരിസ്ഥിതി സംരക്ഷണ ഏകോപന സമിതി, കൊല്ലം ജില്ലാ പരിസ്ഥിതി സംരക്ഷണ ഏകോപന സമിതി, മലമേൽ പൗരസമിതി, അറയ്ക്കൽ ദേവീക്ഷേത്ര ഉപദേശക സമിതി, കേരള ട്രസ്റ്റ് ദേവസ്വം കോൺഫെഡറേഷൻ, കേരള ഗാന്ധിയൻ സാംസ്കാരികവേദി, മലമേൽ വേലുത്തമ്പി സ്മാരക വായനശാല തുടങ്ങിയ സംഘടനകളുടെ നേതൃത്വത്തിൽ നടത്തിയ സമരങ്ങൾക്കും നിയമ പോരാട്ടങ്ങൾക്കും ഒടുവിലാണ് പാറഖനനം നിർത്തിവച്ചത് മലമേലിൽ .

ആയിരക്കണക്കിനു കുരങ്ങന്മാർ അധിവസിച്ചിരുന്നു ഇവിടെ. അവയിൽ പലതും മലയിറങ്ങി. ഇപ്പോഴും അഞ്ഞൂറിലേറെ കുരങ്ങന്മാരുണ്ടെന്നു നാട്ടുകാർ വാദിക്കുന്നു . ഈ പാറകളെ ബന്ധിപ്പിച്ചു സാഹസിക ടൂറിസം – ഇക്കോ ടൂറിസം – തീർഥാടന ടൂറിസം പദ്ധതികൾ ആവിഷ്കരിച്ചാൽ വിനോദസഞ്ചാരികൾ ഇങ്ങോട്ടേക്ക് ഒഴുകും. ഇപ്പോൾ തന്നെ നൂറുകണക്കിനു സഞ്ചാരികൾ വരുന്നുണ്ട്. മലനിരകൾ ഔഷധസസ്യങ്ങളുടെ കലവറയാണ്. ചന്ദനം, ഇഞ്ചിപ്പുല്ല് എന്നിവയ്ക്കു പുറമെ കറുക, കൂവളം, കാഞ്ഞിരം, ദന്തപ്പാല, കടുവപ്പാല, കുടപ്പാല, നറുനണ്ടി, അമൃത്, പേരാൽ, അരയാൽ തുടങ്ങിയവയും തിങ്ങി വളരുന്നത് നമ്മുക്ക് കാണാവുന്നതാണ് .

മലമേൽ മലനിരകളിലെപ്പോഴും ചന്ദനക്കാറ്റ് വീശും. മലനിരകളിൽ ചന്ദനമരങ്ങൾ വ്യാപകമായി വളരുന്നു. മരങ്ങളുടെ സുഗന്ധം കാറ്റിലലിഞ്ഞ് പരിസരമെമ്പാടും പരക്കും – ഗ്രാമത്തിന്റെ വിശുദ്ധി പോലെ. മറയൂർ കഴിഞ്ഞാൽ ചന്ദനമരങ്ങൾ സ്വാഭാവികമായി വളരുന്ന ഏക പ്രദേശം ഇവിടമാണെന്നു നാട്ടുകാർ പറയുന്നു. വനേതര പ്രദേശത്തു ചന്ദനം കൂടുതൽ വളരുന്ന ഏക പ്രദേശവും ഇതാകാം.
ഇവിടത്തെ മണ്ണിന്റെ ജൈവസമ്പുഷ്ടിയും കാലാവസ്ഥയുടെ പ്രത്യേകതകളുമാകാം ചന്ദനം ഇത്രയേറെ വളരാൻ കാരണം. പുരാതനകാലം മുതൽ ചന്ദനമരങ്ങളുടെ കലവറയായിരുന്നു ഇവിടം. ഐതിഹ്യങ്ങളും പുരാണങ്ങളും ഇടകലരുന്ന ഇവിടെത്തെ അക്കഥകൾക്കുമുണ്ട് ചന്ദനത്തിന്റെ സുഗന്ധം.

മലമേൽ പാറയിൽ എത്താൻ – കൊല്ലം നഗരത്തിൽ നിന്ന് ഏകദേശം 42 കിലോമീറ്റർ അകലെയാണ് മലമേൽ പാറ സ്ഥിതി ചെയ്യുന്നത്. കൊല്ലത്തു നിന്നു കൊട്ടാരക്കര വഴി വാളകത്തെത്തി അവിടെ നിന്നു കെ എസ് ആർ ടി സി –സ്വകാര്യ ബസുകളിൽ കയറി മലമേൽ എത്താം. കൊല്ലത്തു നിന്നു മറ്റു മാർഗമാണെങ്കിൽ അഞ്ചലിലെത്തി അവിടെ നിന്ന് ഏറം, തടിക്കാട് വഴിയും എത്താം. അഞ്ചൽ – ആയൂർ റോഡിലെ പനച്ചവിളയിൽ നിന്നും മലമേലിൽ എത്താം. എംസി റോഡ് വഴി വരുന്നവർക്ക് വാളകം വഴിയും മലമേൽ പാറയിൽ എത്തിചേരാവുന്നതാണ് .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post