കോട്ടയത്തെ മലരിക്കൽ ആമ്പൽപ്പാടം; പ്രകൃതി ഒരുക്കിയ വിസ്മയം.

Total
13
Shares

വിവരണം – പ്രശാന്ത് കൃഷ്ണ.

കഴിഞ്ഞ വർഷം മുഖപുസ്തകത്തിൽ ആമ്പൽ പാടങ്ങൾക്ക് നടുവിലൂടെ നടക്കുന്ന ഒരാളുടെ മിഴിവാർന്നൊരു ചിത്രം കണ്ടതുമുതൽ മനസ്സിൽ കയറിയ ആഗ്രഹമായിരുന്നു ആമ്പൽ പാടങ്ങൾ കാണാൻ പോകണം എന്നുള്ളത്. പല കാരണങ്ങൾ കൊണ്ടും കഴിഞ്ഞ വർഷം അത് നടന്നില്ല, എന്നാൽ ഇത്തവണ പൂക്കൾ വിരിഞ്ഞു തുടങ്ങി എന്നറിഞ്ഞത് മുതൽ യാത്ര പോകാനായി ഒരുങ്ങിയതാണ് ഞാൻ. എന്നാൽ പതിവുപോലെ തടസങ്ങൾ ഒന്നിന് പുറകെ ഒന്നായി ഉണ്ടായിക്കൊണ്ടിരുന്നു, ഇത്തവണ അത് മഴയുടെ രൂപത്തിലായിരുന്നു. മഴയുള്ള സമയത്ത് പോയാൽ ആമ്പൽ പൂക്കൾ കാണാൻ കഴിയില്ല എന്ന് ചില സുഹൃത്തുക്കൾ എന്നോട് പറഞ്ഞിരുന്നു .

മുഖപുസ്തകത്തിലെ കുറച്ചു സുഹൃത്തുക്കളോട് സ്ഥലങ്ങൾ കൃത്യമായി ചോദിച്ചു മനസിലാക്കി 13-10-2019 നു രാവിലെ ഞാനും പ്രിയ സുഹൃത്തു സുബാഷും കൂടി യാത്രയ്ക്കൊരുങ്ങി. വീട്ടിൽ നിന്ന് മൂന്നു മണിക്കൂർ യാത്രയുണ്ട് ആമ്പൽ പാടങ്ങൾ ഉള്ള സ്ഥലത്തേയ്ക്ക്. അങ്ങനെ രാവിലെ 4 മണിക്ക് തന്നെ ഞങ്ങൾ യാത്ര ആരംഭിച്ചു. നല്ല വെയിൽ വീഴും മുൻപ് എത്തണം എന്നാണ് സുഹൃത്തുക്കൾ പറഞ്ഞിട്ടുള്ളത് ആമ്പൽ പൂക്കൾ രാത്രി വിരിയുകയും പകൽ കൂമ്പുകയും ചെയ്യുന്നവയാണ്. എന്തായാലും രാവിലെ 7 മണിക്ക് തന്നെ ഞങ്ങൾ സ്ഥലത്തെത്തി.

കോട്ടയം ജില്ലയിലെ ഇല്ലിക്കൽ, മലരിക്കൽ, പനച്ചിക്കാട്, പുതുപ്പള്ളി എന്നിവിടങ്ങളിലാണ് ആമ്പലുകൾ ധാരാളമായി പൂവിട്ടു നിൽക്കുന്നത്. കൊട്ടാരക്കര – ചെങ്ങന്നൂർ – ചങ്ങനാശ്ശേരി വഴി നാട്ടകം എത്തി അവിടെ സിമെന്റ് കവലയിൽ നിന്നും ഇടത്തേക്ക് തിരിഞ്ഞു വേണം ഇല്ലിക്കൽ എത്താൻ അവിടുന്ന് തിരുവാർപ്പ് പോകുന്ന വഴിക്കു മുന്നോട്ടു പോയാൽ മലരിക്കൽ എത്താം. ഞങ്ങൾ പോകുന്ന വഴിക്കു ആൾക്കാർ അവരുടെ കയ്യിലും വാഹനങ്ങളിലുമായി ധാരാളം പൂക്കൾ പറിച്ചുകൊണ്ടു പോകുന്നുണ്ടായിരുന്നു.

ഞങ്ങൾ എത്തിയപ്പോഴേയ്ക്കും അവിടവമാകെ ആളുകളെ കൊണ്ട് നിറഞ്ഞിരുന്നു. അവധി ദിവസം ആയതിനാലാകും ഇത്രയും തിരക്ക്, എന്തായാലും വാഹനം ഒതുക്കി വച്ചു ഞങ്ങൾ കാഴ്ചകൾ ആസ്വദിച്ചക്കാൻ ഒരുങ്ങി. കൃഷി ചെയ്തിരുന്ന പാടങ്ങളിലാണ് ആമ്പലുകൾ ഇങ്ങനെ കണ്ണെത്താ ദൂരം പൂത്തു നിൽക്കുന്നത്. ഇനി കൃഷിയിറക്കുമ്പോൾ ഇവയെ മരുന്ന് തളിച്ച് നശിപ്പിക്കും എന്നിട്ടാണ് നിലം ഉഴുതു കൃഷിക്ക് യോഗ്യമാക്കുന്നത്. കണ്ണെത്താ ദൂരത്തോളം ചുവന്ന ആമ്പൽ പൂക്കൾ അതങ്ങനെ സൂര്യന്റെ ഇളം പ്രകാശത്തിൽ തിളങ്ങി നിൽക്കുന്നു. ഒരുപക്ഷെ തുലിപ് പുഷ്പങ്ങൾ കഴിഞ്ഞാൽ (നേരിട്ട് കണ്ടിട്ടില്ല ചിത്രങ്ങളിൽ കണ്ടതാണ്) എന്റെ മനസിനെ ഏറ്റവുമധികം സന്തോഷിപ്പിച്ചത് ഈ കാഴ്ചകൾ തന്നെയാണ്.

കുറച്ചു മാസങ്ങൾക്കു മുൻപ് സുന്ദരപാണ്ഡ്യപുരത്തു സൂര്യകാന്തി പൂക്കൾ കാണാൻ പോയപ്പോൾ പോലും ഇത്തരത്തിൽ ഒരു ഭംഗി അവയ്ക്കുള്ളതായി അനുഭവപ്പെട്ടില്ല. മനോഹരമെന്നോ അതിമനോഹരം എന്നോ വിശേഷിപ്പിച്ചാൽ അത് ചെറുതായിപോകും അത്രയ്ക്കുണ്ട് ആ കാഴ്ച. സത്യത്തിൽ കുറച്ചു നല്ല ചിത്രങ്ങൾ പകർത്തണം എന്ന ആഗ്രഹത്തോടെയാണ് ഞാൻ മലരിക്കൽ എത്തിയത് പക്ഷെ ആൾക്കാരുടെ തിരക്ക് കാരണം ഞാൻ വിചാരിച്ചപോലുള്ള പല ചിത്രങ്ങളും എടുക്കാൻ സാധിച്ചില്ല. ആ വിഷമത്തിലായിരുന്നു ഞാൻ.

മറ്റൊരു വിഷമം തോന്നിയ കാഴ്ച കൂടി ഇവിടെ പങ്കുവയ്ക്കുന്നു, ഞാൻ ഈ പറയുന്നതിനോട് എത്രപേർ യോജിക്കുമെന്നു അറിയില്ല എന്നാലും എന്റെ മനസ്സിൽ തോന്നിയത് ഇവിടെ കുറിക്കുന്നു. ഇതുപോലുള്ള കാഴ്ചകൾ കാണുക ആസ്വദിക്കുക ചിത്രങ്ങൾ പകർത്തുക ഇതെല്ലാം നമുക്കെല്ലാവർക്കുമുള്ള ആഗ്രഹങ്ങളാണ് അതിനൊന്നും ആരും തടസമാകില്ല പക്ഷെ ആ കാഴ്ചകളെ ഒരു രീതിയിലും നശിപ്പിക്കാനുള്ള ശ്രമങ്ങൾ നമ്മളിൽ നിന്നുണ്ടാകാതെ നോക്കേണ്ടത് നമ്മുടെ ഓരോരുത്തരുടെയും കടമയാണ്.

ഇനി മലരിക്കൽ കണ്ടത് പറയാം. ആമ്പൽ പാടങ്ങൾ കാണാൻ വരുന്നവർ ഓരോരുത്തരും കെട്ടുകണക്കിനു പൂക്കളാണ് പറിച്ചുകൊണ്ടു പോകുന്നത്. സത്യത്തിൽ ആമ്പൽ പൂവുകൾക്കു അധികനേരം ആയുസില്ല എന്നിരുന്നാലും ആ കാരണത്താൽ അവയെ പറിച്ചു നശിപ്പിക്കുന്നതിനോട് എനിക്ക് യോജിപ്പില്ല. ഒരു തരത്തിലും ആ പൂവുകൾ നമുക്ക് ഉപയോഗമില്ല പിന്നെന്തിനാണ് അവയെ പറിച്ചെറിയുന്നത്? മനസിലാകുന്നില്ല. ഞാൻ ചിലരോട് ചോദിച്ചു നിങ്ങൾ എന്തിനാണ് ഈ പൂക്കളൊക്കെ പറിച്ചതെന്നു “വെറുതെ പറിച്ചതാണ്” എന്നാണ് അവർ തന്ന മറുപടി.

ശരിയാണ് നിങ്ങൾക്ക് ന്യായീകരിക്കാം ഈ പൂക്കൾ നശിച്ചു പോകുന്നതാണല്ലോ ഇല്ലെങ്കിൽ നാളെ അവയെ മരുന്ന് തളിച്ച് നശിപ്പിക്കുമല്ലോ എന്നൊക്കെ പക്ഷെ ഒന്നോർക്കുക. പൂക്കൾ ചെടികളിൽ നിൽക്കുമ്പോഴുള്ള ഭംഗി അത് പറിച്ചെടുത്തു നമ്മുടെ കൈകളിൽ വയ്ക്കുമ്പോൾ കിട്ടില്ല. ഒരു കൊച്ചു കുട്ടി പൂക്കൾ കണ്ടു അതിശയത്തോടെ അത് പറിച്ചെടുത്താൽ അത് നമുക്ക് മനസിലാക്കാം പക്ഷെ എന്തിനു മുതിർന്നവർ? മനസിനെ വല്ലാതെ വിഷമിപ്പിച്ച കാര്യങ്ങൾ പറഞ്ഞു പോയതാണ്. പ്രകൃതിയിലുള്ള ഒന്നിനെയും അറിഞ്ഞുകൊണ്ടു നശിപ്പിക്കാതിരിക്കാൻ നമ്മൾ ഓരോരുത്തരും ശ്രമിക്കുക. അത് നമ്മുടെ കടമയാണ് പലതും നാളേക്കുവേണ്ടി പകർന്നു നൽകേണ്ട കടമ നമുക്കുള്ളതാണ് എന്നോർക്കുക.

NB – കൃഷി ആവശ്യങ്ങൾക്കായി ഉടനെ പാടം ഉഴുതു തുടങ്ങും അതിനു മുന്നേ ആമ്പൽ ചെടികളിൽ മരുന്ന് തളിച്ച് അവയെ നശിപ്പിക്കും അതിനാൽ ഈ കാഴ്ചകൾ എത്രദിവസം ഉണ്ടാകും എന്ന് ഉറപ്പു പറയാൻ കഴിയില്ല. പോകാൻ ആഗ്രഹിക്കുന്നവർ തിരക്കിയിട്ടു മാത്രം പോവുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post