മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

Total
111
Shares

വിവരണം – Zainudheen Kololamba.

അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്.

കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന് ഞാനാലോചിക്കുകയായിരുന്നു, ഈ ഊരുതെണ്ടലുകൾക്കിടയിൽ പരിചയപ്പെട്ട മലയാളി സൗഹൃദങ്ങളെക്കുറിച്ച്.
അഞ്ചുദിവസം കൂടെയുണ്ടായിരുന്ന ഇർഷാദും ടീമും. അവരിപ്പോൾ ശ്രീനഗറിലോ, ഗുൽമർലോ മറ്റോ കാണും. പിന്നെ ശിഹാബ്, ലേയിലേക്കുള്ള വഴിയിൽ കെലോങ്ങിൽ വച്ച് പരിചയപ്പെട്ട സഞ്ജയ്. ഡോർമിറ്ററിയിൽ തങ്ങിയിരുന്ന എന്നോട് ഫ്രഷാകാനോ മറ്റോ എന്താവശ്യങ്ങൾക്കും റൂമിലേക്ക് വരാം, അല്ല വരണം എന്ന് ഹ്യദ്യമായി ക്ഷണിച്ച സുഹൃത്തിനെ സ്നേഹത്തോടെയല്ലാതെ എങ്ങിനെ ഓർക്കാനാണ്. തിരക്കുകൾക്കിടയിൽ നമ്പർ വാങ്ങാനോ യാത്ര പറയാനോ കഴിഞ്ഞില്ല. സഞ്ജയ് ബായ്, നിങ്ങൾ തീർച്ചയായും അന്വേഷിച്ചിട്ടുണ്ടാകുമെന്നറിയാം ക്ഷമിക്കുക.

പിന്നെ നിസാം (Muhammed Nizam Moorkanad). രണ്ട് വർഷം മുമ്പാണ് നിസാമിനെ പരിചയപ്പെട്ടത്. അന്ന് വിശദമായി അദ്ധേഹത്തെക്കുറിച്ച് എഴുതിയിരുന്നു. ഇന്നിപ്പോൾ അദ്ധേഹത്തിന്റെ വൈഫുമുണ്ട് കൂടെ. അവരിപ്പോൾ ഹണിമൂൺ ആഘോഷത്തിലാണ്. കാണാൻ കഴിയുമെന്ന് നിനച്ചതല്ല. മണാലിയിലെ അലച്ചിലുകൾകൊടുവിൽ ആകസ്മികമായി കണ്ടുമുട്ടിയതാണ്.
ഓർമ്മക്കായ് മനോഹരമായൊരു ചിത്രം ഫ്രൈമിൽ പകർത്തി ഇരുവരോടും യാത്ര പറഞ്ഞു. ഇനിയുമുണ്ട് ഒത്തിരി പേർ എഴുതി മുഷിപ്പിക്കുന്നില്ല. പറയാനുദ്ധേശിച്ച കാര്യത്തിലേക്ക് കടക്കാം.

കഴിഞ്ഞ ദിവസങ്ങളിൽ കെലോങ്ങിലായിരുന്നു. ദില്ലിയിൽ നിന്ന് hrtc യുടെ ട്രാൻസ്പോർട്ട് പിടിച്ചാണ് അവിടെയെത്തിയത്, അടുത്ത ദിവസം പുലർച്ചെയുള്ള കെലോങ്ങ് – ലേ ബസ്സിൽ ലേയിലേക്ക് കയറാമെന്ന ധാരണയിൽ. സൗമ്യനായി സംസാരിക്കുന്ന സിഖ് സഹോദരനിൽ നിന്ന് ഡോർമെറ്ററി തരപ്പെടുത്തി. ലഗേജ് ഇറക്കി വെച്ചു. ഇനി വല്ലതും കഴിക്കണം. കെലോങ്ങിൽ ഹോട്ടലുകളുടെ നിയന്ത്രണം സ്ത്രീകൾക്കാണ്. ഓരോ ദാബ്ബകളും ഓരോ കുടുംബങ്ങൾ നടത്തുന്നതാണെന്ന് തോന്നുന്നു. സാമാന്യം ഭേദപ്പെട്ട ദാബയിൽ കയറി ദാൽ ചവൽ ഓർഡർ ചെയ്തു.

വിശപ്പടക്കി പുറത്തിറങ്ങിയപ്പോഴേക്കും പ്രകൃതി രൗദ്രഭാവം പൂണ്ടിരുന്നു. കനത്ത ഇടിമിന്നലിന്റെ അകമ്പടിയോടെ ശക്തമായ മഴ. കനമുള്ള തുള്ളികൾ. മുകളിൽ നിന്ന് ഒലിച്ചിറങ്ങുന്ന മലവെള്ളം സാഹസിക ഭാവം കൈവരിച്ചിരിക്കുന്നു. ഡോർമെറ്ററിയുടെ മുൻവശത്തിരുന്ന് ഹിമാചലിന്റെ പ്രകൃതിയനുഭവിച്ചു കൊണ്ടിരിക്കുകയാണ്. പെട്ടന്നാണ് വലിയൊരു ശബ്ദത്തോടെ മുൻവശത്തെ റോഡ് തകർന്നൊലിച്ചു പോയത്. കെലോങ്ങ് ബസ് സ്റ്റാന്റിലേക്കുള്ള വഴിയാണത്. വലിയ ശബ്ദം കേട്ട് മഴയത്തും ആളുകൾ ഓടി വരുന്നു. ഇവിടെ ഇങ്ങിനെയൊക്കെയാണ്. ഏത് സമയത്തും ഇവയൊക്കെ പ്രതീക്ഷിക്കാം.

കഴിഞ്ഞ ഞായറിന് ഹിമാചൽ കിന്നൗർ ഭാഗത്തുണ്ടായ അപകടവും അപ്രതീക്ഷിതമായിരുന്നു. ഒന്നര വർഷം മുമ്പ് അവിടെയെല്ലാം സന്ദർശിക്കാൻ അവസരം ലഭിച്ചിരുന്നു. ഡോ: ദീപ ശർമ്മയടക്കം ഒമ്പത് ടൂറിസ്റ്റുകളാണ് മരണപ്പെട്ടത്. പ്രകൃതിയോട് മല്ലിട്ട് ഇവിടുത്തെ ഗതാഗതം സുഖമമാക്കുന്ന സർക്കാർ സംവിധാനങ്ങളോട് ബഹുമാനം തോന്നി. പലയിടങ്ങളിലും ടണലുകളുടെ പണി തകൃതിയായി നടക്കുന്നുണ്ട്. വരുംവർഷങ്ങളിൽ ഗതാഗതം കൂടുതൽ സുഗമമാകും എന്നുറപ്പാണ്. എന്നാൽ സാഹസികതയാഗ്രഹിക്കുന്നവർക്ക് അതു വലിയ നഷ്ടമായിരിക്കും. അങ്ങനെയുള്ളവരാണല്ലോ ഹിമാചൽ -ലേ യാത്രകൾ അധികവും തിരഞ്ഞെടുക്കാറുള്ളത്.

ഏതായാലും റോഡ് തകർന്ന് പോയി. ലേ റൂട്ടിൽ പലയിടത്തും പ്രശ്നങ്ങളുമുണ്ടെന്ന് കേൾക്കുന്നു. ഇനി നാളെ ബസ്സ് സർവ്വീസ് നടത്തുമോ എന്നറിയില്ല. അടുത്ത ദിവസം പുലർച്ചെ 4.30ന് തന്നെ ബസ് സ്റ്റാന്റിൽ എത്തിയപ്പോൾ അത്ഭുതമൊന്നും സംഭവിച്ചില്ല. ലേഹ് റൂട്ടിൽ ബസ് ഇന്ന് സർവ്വീസ് നടത്തുന്നില്ല എന്നറിഞ്ഞു. തണുപ്പിൽ നല്ല ചൂടു കട്ടനടിച്ച് കുണ്ഡിതപ്പെട്ടിരിക്കുമ്പോഴാണ് സ്ഞ്ജയ്നെ പരിചയപ്പെടുന്നത്. നേരത്തെ പറഞ്ഞല്ലോ.

എന്നെപ്പോലെ അദ്ദേഹവും ലേയിലേക്ക് തന്നെയാണ്. റോഡ് ചാലുവാകും (റെഡിയാകും) വരെ കെലോങ്ങിൽ തന്നെ തങ്ങാം എന്നാണ് അദ്ദേഹത്തിന്റെ ഭാഷ്യം. പക്ഷേ എന്ന് ശരിയാകുമെന്നറിയില്ല. എനിക്കാണേൽ അധിക സമയവുമില്ല. ഏതായാലും ഞാൻ ലേ ടിക്കറ്റ് ക്യാൻസൽ ചെയ്ത് മണാലിയിലേക്ക് കയറി. അവിടെനിന്ന് ഡൽഹി പിടിക്കാം. റോത്തോങ്ങ് കടന്ന് 10.45 ഓടെ മണാലിയിലെത്തി. ഇനി 11.45ന് മണാലിയിൽ നിന്ന് ചാണ്ടിഗഢ് വഴി ഡൽഹിയിലേക്ക് ട്രാൻസ്പോർട്ടുണ്ട്. നാളെ പുലർച്ചെ അഞ്ചു മണിയോടെയാണ് ഡൽഹിയിലെത്തുക.

ആലുപൊറോട്ടയും കഴിച്ച് ബസ്സിനു വേണ്ടി കാത്തു നിൽക്കുമ്പോഴാണ് ഒരു പയ്യനെ പരിചയപ്പെട്ടത്. ഇവനെ കുറിച്ചെഴുതാനാണിത്രയും വലിച്ചു നീട്ടിയത്. അലോസരമായെങ്കിൽ ക്ഷമിക്കുക.
പയ്യൻ മലയാളിയാണ്. വയനാട് ജ്യൂസ് മേക്കറാണെന്നാണ് പറഞ്ഞത്. ഒരു മലയാളിയെ കൂടെ പരിചയപ്പെട്ട സന്തോഷത്തിൽ അവനുമായി ഏറെ സംസാരിച്ചു. യാത്രാ പ്ലാനുകളും മറ്റും പരസ്പരം പങ്കുവെച്ചു. സൗമ്യമായ സംസാരം.

അതിനിടെയാണ് ശകടം സ്റ്റാൻഡിൽ എത്തിയിട്ടുണ്ടെന്നും കൗണ്ടറിൽനിന്ന് ടിക്കറ്റ് ബുക്ക് ചെയ്യാമെന്നുമുള്ള അനൗൺസ് കേട്ടത്. ഏതായാലും ഞാൻ ബസ് ബുക്ക് ചെയ്യാനായി നീങ്ങി. അപ്പോഴാണ് അവൻ പറഞ്ഞത്. “ഞാനുമുണ്ട് ഈ ബസ്സിൽ ചാണ്ടീഗർ വരേ. നിങ്ങളെനിക്ക് കൂടെ ടിക്കറ്റെടുത്ത് തരുമോ. എന്റെ കാശ് അക്കൗണ്ടിൽ കയറിയിട്ടില്ല. പിരിയും മുമ്പ് ഗൂഗിൾ പേ ചെയ്തു തരാം” എന്ന്.

എനിക്ക് സന്തോഷം. മണിക്കൂറുകൾ യാത്ര ചെയ്യണം ചാണ്ടീഗറിലേക്ക്. പരസ്പരം സംസാരിച്ച് രസകരമായി യാത്രചെയ്യാമല്ലോ. ഞാൻ അവനുകൂടെ ചേർത്ത് ടിക്കറ്റെടുത്തു. 660 രൂപയാണ് മണാലി നിന്ന് ചാണ്ടിഗറിയിലേക്ക് ട്രാൻസ്പോർട്ടിന്. ടിക്കറ്റ് അവന് കൈമാറുകയും ചെയ്തു. അവനാകട്ടെ ബസ്സിൽ അടുത്തുള്ള മറ്റൊരു സീറ്റിലാണ് ഇരുന്നത്. ആയിക്കോട്ടെ, ഞാൻ നിർബന്ധിച്ചില്ല.

കഴിഞ്ഞദിവസം കെലോങ്ങിൽ ഒട്ടുമേ റേഞ്ചില്ലായിരുന്നു. എനിക്ക് ചിലയാളുകൾക്ക് അടിയന്തിരമായി വിളിക്കാനുമുണ്ട്. ഞാനതിൽ മുഴുകി. വണ്ടിപുറപ്പെടാൻ നേരം അവനെ നോക്കിയപ്പോൾ കാണുന്നില്ല. ഞാനെല്ലായിടത്തും നോക്കി. ഇല്ല, അവനെവിടെയുമില്ല. അപ്പോഴേക്കും വണ്ടി ചലിച്ചു തുടങ്ങിയിരുന്നു. എടുത്ത ടിക്കറ്റ് ക്യാൻസൽ ചെയ്യുമ്പോൾ പണം പൂർണ്ണമായി തിരികെ ലഭിക്കുന്നതിനാൽ എനിക്ക് കൂടുതലൊന്നും ചിന്തിക്കേണ്ടി വന്നില്ല അവൻ ഞാൻ കാണാതെ ബസ്സിൽ നിന്നിറങ്ങി കൗണ്ടറിൽ ചെന്ന് ടിക്കറ്റ് ക്യാൻസൽ ചെയ്ത് കാശും വാങ്ങി മുങ്ങി. ഗൂഗിൾ പേയുമില്ല ഒരുകോപ്പുമില്ല. ഒരു മലയാളി മറ്റൊരു മലയാളിയെ പറ്റിച്ചിരിക്കുന്നു. അത്രമാത്രം.

പ്രിയപ്പെട്ടവരേ, ഈ ദിവസങ്ങളിൽ പലരുമായും സഹവസിച്ചു, സംസാരിച്ചു, യാത്ര ചെയ്തു.വ്യത്യസ്ത നാട്ടുകാർ, അറിയാത്ത ദേശക്കാർ, ഭാഷകൾ ഒരാൾ പോലും പറ്റിച്ചില്ല, കബളിപ്പിച്ചില്ല. അവസാനം പറ്റിച്ചത് കേരളത്തിൽ നിന്ന് വണ്ടി കയറിയ മലയാളിയാണെന്ന് ഓർക്കുമ്പോഴാണ് പരമപുഛം തോന്നുന്നത്. ചിലപ്പോൾ അവനീ എഴുത്ത് വായിക്കുന്നുണ്ടാകാം, അല്ലെങ്കിൽ അവനെപ്പോലുള്ളവർ വായിക്കുന്നുണ്ടാകാം. സൗമ്യമായി നിങ്ങളോട് പറയാനുള്ളത്: ആവശ്യമായ പണമില്ലെങ്കിൽ ഹിച്ച് ഹൈക്കിങ്, ക്ണാപ്പ് എന്നെല്ലാം പറഞ്ഞ് ഇറങ്ങിപ്പുറപ്പെടാതിരിക്കുക. അല്ലെങ്കിൽ യാത്രക്കിടയിൽ അധ്വാനിച്ച് പണം കണ്ടെത്തുക. മലയാളികളെ മുഴുവൻ അപമാനിക്കാതിരിക്കുക. അപേക്ഷയാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post