അന്ന് വിമാനത്തിലെ ക്ളീനിങ് ജീവനക്കാരൻ; ഇന്ന് അതേ വിമാനത്തിലെ ക്യാപ്റ്റൻ..

Total
8
Shares

വളരെ താഴ്ന്ന നിലയിൽ നിന്നും ആളുകൾ ഉയർന്ന നിലയിലേക്ക് എത്തിയ സംഭവങ്ങൾ നമ്മളെല്ലാം കുറെ കേട്ടിട്ടുണ്ട്. എന്നാൽ സിനിമാക്കഥകളെ വെല്ലുന്ന തരത്തിൽ യഥാർത്ഥ ജീവിതത്തിലും സംഭവിച്ച ഒരു സംഭവം സോഷ്യൽ മീഡിയയിൽ വൈറലായി മാറിയിരുന്നു. സംഭവം വേറൊന്നുമല്ല വിമാനം ക്ളീൻ ചെയ്യുവാൻ വന്ന പയ്യൻ പിന്നീട് അതേ വിമാനത്തിലെ ക്യാപ്റ്റൻ ആയി മാറുകയാണ്. സംഭവം നടന്നത് ഇവിടെയെങ്ങുമല്ല അങ്ങ് നൈജീരിയയിലാണ്.

നൈജീരിയയിലെ പ്രാദേശിക എയർലൈനായ അസ്മാൻ എയറിൽ (Azman Air) 24 വർഷങ്ങൾക്ക് മുൻപ് നൈജീരിയക്കാരനായ മൊഹമ്മദ് അബൂബക്കർ ക്ളീനിങ് ജോലിക്കാരനായി കയറുമ്പോൾ അദ്ദേഹം പോലും വിചാരിച്ചിട്ടുണ്ടാകില്ല താൻ ഒരിക്കൽ ഈ വിമാനത്തിലെ ഏറ്റവും ഉയർന്ന പൊസിഷനായ ‘ക്യാപ്റ്റൻ’ എന്ന സ്ഥാനത്തിരിക്കുമെന്ന്. അത്രയ്ക്ക് സംഭവ ബഹുലമായിരുന്നു അബൂബക്കറിന്റെ ജീവിതകഥ.

കഷ്ടപ്പാടുകൾക്കിടയിലും പഠനത്തോടൊപ്പം ജോലിയും കൂടി ചെയ്യുവാൻ നിർബന്ധിതനായ കുട്ടിക്കാലം.. ചെറുപ്പം മുതലേ അബൂബക്കറിനു വിമാനം പറത്തണം എന്ന മോഹമുണ്ടായിരുന്നു. ആ മോഹം മനസ്സിൽ കണ്ടുകൊണ്ട് ആ പയ്യൻ കഷ്ടപ്പെട്ടു പഠിച്ചു. അങ്ങനെ അവസാനം പൈലറ്റ് ആയില്ലെങ്കിലും വിമാനത്തെ നേരിൽക്കാണുവാനും തൻ്റെ ആഗ്രഹം കുറച്ചെങ്കിലും സാക്ഷാത്കരിക്കുവാനും മുഹമ്മദ് അബൂബക്കർ അസ്മാൻ എയറിൽ ഒരു സ്വീപ്പർ തസ്തികയിൽ ജോലിയ്ക്ക് ചേർന്നു. അപ്പോഴും തൻ്റെ പഠനം അദ്ദേഹം കൈവിടാതെ തുടരുന്നുണ്ടായിരുന്നു.

അങ്ങനെ 24 വർഷങ്ങൾക്കു ശേഷം തൻ്റെ കുട്ടിക്കാലത്ത് സ്വപ്നം കണ്ടിരുന്ന ആ രാജകീയ ജോലിയിലേക്ക് അബൂബക്കർ പ്രവേശിച്ചു. ഇത്രയും നാൾ വിമാനം വൃത്തിയാക്കിയിരുന്നയാൾ അതേ വിമാനത്തെ നിയന്ത്രിക്കുവാൻ പോകുന്നു. ഈ സംഭവം എയർലൈൻ കമ്പനി തന്നെയാണ് സോഷ്യൽ മീഡിയയിൽ ഷെയർ ചെയ്ത് വൈറലാക്കിയത്. തൻ്റെ ഈ ജീവിത വിജയത്തിനു പിന്നിൽ ഒത്തിരി ആളുകളോടാണ് കടപ്പെട്ടിരിക്കുന്നത് എന്നാണു അദ്ദേഹം പറയുന്നത്. അതിൽ ഏറ്റവും നന്ദിയോടെ ഓർക്കുന്നത് അസ്മാൻ എയർ കമ്പനിയെയും അതിലെ ജീവനക്കാരെയുമാണെന്നും അബൂബക്കർ പറയുന്നു.

ജീവിതത്തിൽ എന്തു പ്രതിസന്ധി വന്നാലും തോറ്റുപോയി എന്നു വിചാരിക്കുന്നവരാണ് നമ്മളിൽ ചിലരെങ്കിലും. ഈ സംഭവത്തിൽ അബൂബക്കറും അങ്ങനെയായിരുന്നെങ്കിൽ അദ്ദേഹം ഇന്നും ഒരു ക്ളീനറായി ജോലി ചെയ്യുന്നുണ്ടായേനെ. പക്ഷേ അദ്ദേഹം തൻ്റെ ജീവിതത്തിലെ ലക്ഷ്യത്തിലേക്ക് എത്തുവാനായി പരിശ്രമിച്ചു. ഒരു ജോലി ചെയ്തുകൊണ്ട് ഇത്രയും സങ്കീർണ്ണമായ മറ്റൊരു ജോലി നേടിയെടുത്തതിനു പിന്നിൽ എത്രത്തോളം കഷ്ടപ്പാടും വിഷമതകളും അദ്ദേഹം നേരിരുട്ടുണ്ടെന്നത് ഊഹിക്കാവുന്നതേയുള്ളൂ.

Source – celebritiesbuzz.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post