കുട്ടിക്കുറുമ്പൻ മംഗലാംകുന്ന് അപ്പു – മായ്ച്ചാലും മായാത്ത സുന്ദരമായ ആനച്ചൂരുള്ള ഒരോർമ്മ

Total
8
Shares

എഴുത്ത് – സജിൻ മഠത്തിൽ (തിടമ്പും തമ്പുരാന്മാരും).

മംഗലാംകുന്ന് അപ്പു. ഇന്നിവന്റെ ചിത്രം കണ്ടപ്പോൾ പഴയൊരു കാഴ്ച്ച ഓർമയിൽ വന്നു. അതെന്താണന്നല്ലേ.. പറയാം. ഞാൻ എന്റെ കുട്ടിക്കാലത്തു അപ്പുവിനെ കാണുന്നത് ആദ്യമായി കുണ്ടുവംപാടം ഭരണിവേലക്ക്‌ ആണ്. അന്ന് അപ്പു സിനിമാസ്റ്റാർ ആണ്. ഇന്നും നക്ഷത്രത്തിളക്കത്തോടെ ഓര്മയിലുണ്ട് ആ സുന്ദരകാഴ്ച്ച. കുണ്ടുവംപാടം ഭരണിവേലക്കും നിറമാലക്കും ഞങ്ങൾ കുടുംബസമ്മേതം പോകാറുണ്ട്. ഉണ്ണികണ്ണന്റെ അമ്പലത്തിൽ നിന്നുള്ള വേലയുടെ അമരത്തു ചെറിയച്ചനും ഉണ്ടാവും.

ഞങ്ങളെ ക്ഷേത്രചുമരിനോട്‌ ചേർന്നുള്ള ചുറ്റുവിളക്കിന് കീഴിൽ കൊണ്ടിരുത്തി വീട്ടിലെ മുതിർന്ന ആണുങ്ങൾ പൂരാഘോഷങ്ങളിലെ ആരവങ്ങളിലേക്കു ചേക്കേറും. ഞാനും അമ്മയും ചേച്ചിയും വല്യമ്മയും അച്ഛൻപെങ്ങന്മാരും ചെറിയച്ഛന്മാരുടെ ഭാര്യമാരും കൂടാതെ അയല്പക്കത്തുള്ള സ്ത്രീജനകളും കുട്ടികളും കാണും കൂടെ.

ക്ഷേത്രനടയുടെ അരികിൽതന്നെ എല്ലാകൊല്ലവും ഞങ്ങൾക്കുള്ള സ്ഥാനം അന്ന് പിടിച്ചുവച്ചിട്ടുണ്ടാവും. അതുകൊണ്ടുതന്നെ ആനകളും ആരവങ്ങളും പടികെട്ടുകൾ കയറിവരുന്നത് കാണാൻ സാധിക്കും. എത്രയോ തവണ പൂരാആവേശംകൊണ്ട് പിന്നിലേക്ക് നീങ്ങി മുതുകിൻപുറം ചുറ്റുവിളക്കിലെ വജ്രശോഭയിൽ വെന്തുരുകി വെയിൽകൊണ്ട കമുങ്ങിൻപ്പാള പോലായിരിക്കുന്നു. പക്ഷേ.. ആ നീറ്റലോന്നും എന്റെ മനസ്സിലെ ആനകമ്പത്തെയും പൂരകമ്പത്തെയും തെല്ലും നിരുത്സാഹപ്പെടുത്തിയിട്ടില്ല അന്നൊന്നും.

അങ്ങനെയുള്ള ഒരു ഭരണിവേലക്ക്‌ പതിവിൽകവിഞ്ഞ ആവേശത്തോടെ വടക്കൻപൂരം ആ വലിയ ഭീമാകാര പടികെട്ടുകൾ കയറിവരുന്നത് ഞാൻ,അല്ല ഞങ്ങൾ കണ്ടു. തെല്ലത്ഭുതത്തോടെ ക്ഷേത്രമുറ്റത് നിൽക്കുന്നവരും താഴേക്ക്‌നോക്കുന്നുണ്ട്. ഞാൻ എന്താണെന്ന് അറിയാൻ അമ്മയുടെ കൈപ്പിടിയിൽനിന്നും കുതറിമാറി എഴുന്നേറ്റു നോക്കി. അപ്പോൾ അതാ വരുന്നു കിഴക്കൻപൂരത്തിന്റെ തിടമ്പാന ഗജലോകചക്രവർത്തി ആനകേരളത്തിന്റെ ചരിത്രങ്ങൾ പലകുറി തിരുത്തിക്കുറിച്ച മാതങ്കമാണിക്യം സാക്ഷാൽ മംഗലാംക്കുന്നു ഗണപതിയും മൂന്നുനാലു കൂട്ടുകാരും. ഒപ്പം ചെറിയ 2 വയസ്സുകാരൻ കുട്ടിയെപ്പോലെ പിച്ചവച്ചു നടക്കുന്ന ഒരു കുറുമ്പൻ ആനക്കുട്ടിയും.

അന്ന് ഞാൻ ജീവിതത്തിൽ ആദ്യമായിട്ടാണ് ചെറിയ ആനക്കുട്ടിയെ കാണുന്നത്. ആസമയത്തെ എന്റെ ഒരു സന്തോഷവും ഇതെന്തുകാണിക്കും എന്നുള്ള ആകാംക്ഷയും. അതെങ്ങിനെയാണ് ഞാൻ എഴുതി ഫലിപ്പിക്കുക?! എന്തായാലും ആളുകൾ ഗണപതിക്ക് ജയ്‌വിളിക്കുകയും പൂവെറിയുകയും ഒക്കെ ചെയ്യുന്നുണ്ട്. അങ്ങിനെ ആ പൂരം ക്ഷേത്രമതിലകത്തെക്കു പ്രവേശിക്കുവാൻ തുടങ്ങി.

ആദ്യം ആളുകളും പിന്നാലെ വാദ്യമേളങ്ങളും ക്ഷേത്രത്തിനകത്തേക്കു കടന്നു തൊട്ടുപുറകെ ഗണപതിയും മറ്റ്‌ ആനകളും. അപ്പോഴാണ് ആ സംഭവം നടന്നത്. വേറൊന്നും അല്ല നമ്മുടെ കുട്ടികുറുമ്പൻ അപ്പുക്കുട്ടന് ക്ഷേത്രത്തിനകത്തേക്കു കടക്കാൻ പറ്റുന്നില്ല. കുണ്ടുവംപാടം ചെറുക്കുന്നത് ഭാഗവതീക്ഷേത്രത്തിലേക്കു പ്രവേശിക്കാൻ രണ്ടു നടകൾ ആണുള്ളത്. വടക്കേനടയും കിഴക്കേനടയും. വടക്കേനടയിൽകൂടി കയറുന്ന പൂരങ്ങൾ കഴിഞ്ഞു ആനകൾ ഇറങ്ങുക കിഴക്കേനടയിലൂടെയാണ്.

എന്തായാലും പറഞ്ഞുവന്നത്, മ്മടെ അപ്പുസ്സിന്‌ വടക്കേനടയുടെ കല്ലത്താണി കടക്കാൻ പറ്റുന്നില്ല. അവൻ അവനെകൊണ്ടു ആവുംവിധം ശ്രമിക്കുന്നുണ്ട്. പക്ഷേ ഒരു രക്ഷയും ഇല്ല. പിന്നെ അവിടെ നടന്നത് ഞാൻ കണ്ട ഏറ്റവും സുന്ദരമായ ആനകാഴ്ച്ചകളിൽ ഒന്നായിരുന്നു. മുമ്പിൽനടന്ന വമ്പനാം ഗണപതി തെല്ലൊന്നുചെരിഞ്ഞു തന്റേ തുമ്പികരം നീട്ടി അപ്പുവിനെ അകത്തെക്കുകടത്തി, അതൊരു കാഴ്ച്ച ആയിരുന്നു, ഒരൊന്നൊന്നര കാഴ്ച്ച!!

അന്ന് ഇതൊക്കെ കാണുമ്പോഴും എനിക്കതൊരു ആനയും ആനക്കുട്ടിയും മാത്രമായിരുന്നു. പിന്നീടാണ് പറഞ്ഞറിയുന്നത് ആനക്കും ആനക്കുട്ടിക്കും പേരുണ്ടെന്ന്. അന്ന് ആ പൂരം കഴിഞ്ഞു പോകുന്നതുവരെ എന്റെ നോട്ടം ,തലയുയർത്തി നിൽക്കുമ്പോഴും തുമ്പിക്കൈ ഒരുമടക്കു നിലത്തു ചുരുട്ടിവച്ചിരിക്കുന്ന ഗണപതിയിലും കുട്ടികുറുമ്പുകൾ കൊണ്ട് ആളുകളെ ഹരംകൊള്ളിക്കുന്ന അപ്പുവിലും ആയിരുന്നു. എന്തായാലും അതൊരു ഓർമ്മയാണ്.. മായ്ച്ചാലും മായ്ച്ചാലും മായാത്ത സുന്ദരമായ ആനച്ചൂരുള്ള ഒരോർമ്മ.

ഇന്ന് മംഗലാംകുന്ന് അപ്പു ഗുരുവായൂർ അനന്തനാരായണൻ ആണ്. പുന്നത്തൂർ കോട്ട ഭാവികാലത്തിനായി കരുതിവെയ്ക്കുന്ന തികഞ്ഞ നാടൻ ആനച്ചന്തം….ആനക്കോട്ടയിലെ ലക്ഷണ തികവുള്ള യുവതാരം… വരും നാളുകളുടെ ഭാവി വഗ്ദനമയ് ഇവൻ വളരുന്നു പുനത്തൂർ കോട്ടയിൽ. ഒപ്പം ഗുരുവായൂരപ്പന്റെ ദൈവിക സാനിധ്യവും… ഉയർന്ന തലക്കുന്നി, തേൻ നിറമാർന്ന കണ്ണുകൾ, വലിയ ചെവികൾ, ചെവിയാട്ടുംപോഴുള്ള ശബ്ദം, നല്ല കൊമ്പ്, നല്ല വാലുകൾ ഇങ്ങനെ പോകുന്നു അപ്പുവെന്ന അനന്തനാരായണന്റെ വിശേഷങ്ങൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post