കൃഷി തന്നെയാണ് ജീവനെന്ന് പഠിപ്പിച്ച ചില സ്ഥലങ്ങള്‍

Total
152
Shares

വിവരണം – Farooque Edathara‎.

ഇടുക്കിയിലേക്ക് യാത്ര പോകുമ്പോള്‍ നിര്‍ബന്ധമായും കാണേണ്ട സ്ഥലങ്ങളാണ് മറയൂരും കാന്തല്ലൂരും ഒടങ്കണിയും വട്ടവയുമൊക്കെ. മനോഹരമായ കൊച്ചുഗ്രാമപ്രദേശങ്ങള്‍. നിറയെ കൃഷിത്തോട്ടങ്ങള്‍. നമ്മളൊക്കെ ലോക്ക്ഡൗണില്‍ പ്രയാസപ്പെട്ടപ്പോഴാണ് കൃഷി ചെയ്ത് തുടങ്ങിയതെങ്കില്‍ ഇവിടെ പാരമ്പര്യമായി കൃഷി തന്നെയാണ് ഉപ ജീവന മാര്‍ഗം.

ശര്‍ക്കര ഗ്രാമം – രാജ്യത്തെ തന്നെ പേരുകേട്ട ശര്‍ക്കര നിര്‍മാണ കേന്ദ്രമാണ് മറയൂര്‍…നിറയെ കുഞ്ഞു കുഞ്ഞു വീടുകള്‍.. ഇവിടെ നിന്നാണ് നമ്മുടെ നാട്ടിലേക്കൊക്കെ ശര്‍ക്കരയെത്തിക്കുന്നത്.. ഒട്ടേറെ ശര്‍ക്കര നിര്‍മാണ യൂണിറ്റുകള്‍ ഇവിടെയുണ്ട്. ചന്ദനക്കാടുകള്‍ കൊണ്ട് പേരു കേട്ട സ്ഥലം കൂടിയാണ് ഇവിടം. പോകുന്ന വഴിയിലൂടനീളം കരിമ്പന്‍ തോട്ടങ്ങളും, വെളുത്തുള്ളി കൃഷിയും, തക്കാളി, ചോളം, കാബേജ് തുങ്ങി നിരവധിയായ കൃഷിത്തോട്ടങ്ങള്‍ കാണാം.

സെപ്തംബര്‍ മാസത്തിലാണേല്‍ ഓറഞ്ച് ,ആപ്പിള്‍ തുടങ്ങിയ പഴ വര്‍ഗങ്ങളുടെ കൃഷിത്തോട്ടങ്ങളും കാണാം. പോകും വഴി മറയൂരിലെ ഒരു ശര്‍ക്കര നിര്‍മാണ ഫാക്ടറിയിലിറങ്ങി. നല്ല പോലെ കായികാദ്ധ്വാനമുള്ള ജോലിയാണ് ശര്‍ക്കര നിര്‍മാണം. ജോലിക്കാരില്‍ മിക്കവരും സ്ത്രീകള്‍ തന്നെയാണ്. ഒരു ഭാഗത്ത് കരിമ്പ് മെഷീന്‍ വഴി ജ്യൂസ് എടുക്കുന്നു . വലിയ കാനില്‍ നിറക്കുന്ന ജ്യൂസ് പൈപ്പ് വഴി തിളക്കുന്ന ചെമ്പിലേക്ക്. അടുത്ത് നില്‍ക്കുമ്പോള്‍ വലിയ ചൂടുണ്ടെങ്കിലും ഹൈറേഞ്ചിലെ തണുപ്പ വലിയൊരു ആശ്വാസമാണ്.

കുറേ നേരം തിളപ്പിച്ച് കുറുകി വന്നാല്‍ അടുത്തുള്ള വലിയ മരപ്പാത്രത്തിലേക്ക് ഒഴിക്കും. ജ്യൂസെടുത്ത് കിട്ടുന്ന കരിമ്പിന്‍ വേസ്റ്റാണ് കത്തിക്കാനും ഉപയോഗിക്കുന്നത്. മണ്ണെണ്ണയോ മറ്റോ ഉപയോഗിക്കാറില്ല. കുറേ നേരം അവരുടെ വിശേഷങ്ങള്‍ ചോദിച്ചും കണ്ടും നിന്നു. എല്ലാവരും കഠിനാധ്വാനികളാണ്. പക്ഷേ! ചിരിച്ചും കഥകള്‍ പറഞ്ഞോണ്ടുമുള്ള അവരുടെ ജോലി കാണാന്‍ വല്ലാത്തൊരു ചന്തമാണ്. പലരും ഇരുപതിലേറെ വര്‍ഷമായി ഇവിടെ ജോലി ചെയ്തുവരുന്നു. എല്ലാവരും ഹാപ്പി. ഞങ്ങളെ കണ്ടപ്പോള്‍ ചിരിച്ചോണ്ടുള്ള സ്വീകരണം കണ്ടപ്പോഴേ തോന്നിയിരുന്നു അവര്‍ ആ ജോലിയില്‍ സംതൃപ്തരാണെന്ന്. മലബാറില്‍ നിന്നാണെന്നറിഞ്ഞപ്പോള്‍ കൂട്ടത്തിലെ കാരണവര്‍ സുശാന്തേട്ടന്‍ പറഞ്ഞു ഇവിടന്നാണ് നിങ്ങടെ നാട്ടിലേക്ക് ശര്‍ക്കര കൊണ്ടു പോകുന്നതെന്ന്. കഥകളെല്ലാം ആസ്വദിച്ച് എല്ലാവരോടും യാത്ര ചോദിച്ച് നേരെ കാന്തല്ലൂരിലേക്ക് തിരിച്ചു.

കാന്തല്ലൂരിലേക്ക്… മറയൂരും, പഴങ്ങളുടെ നാടായ കാന്തല്ലൂരും കടന്ന് പുത്തൂര്‍ പ്രദേശത്തെ ആനന്ദവന്‍ എക്കോ മഡ് ഹൗസിലേക്ക്. ഗൈഡ് സോമുവിനൊപ്പം മൂന്ന് കിലോ മീറ്ററോളം ഓഫ് റോഡ് യാത്ര. ഉച്ചക്ക് രണ്ട് മണിയായിട്ടും നല്ല തണുപ്പ്. കാടും കാഴ്ചകളും മുകളില്‍ എത്തിയതും ശരീരം തുളയ്ക്കുന്ന മഴയും എടുത്തു കൊണ്ടു പോകുന്ന കാറ്റും. 20 ഏക്കറില്‍ പരന്ന് കിടക്കുന്ന വനത്തിനുളളില്‍ നാല് മഡ് ഹൗസും, കിച്ചണും, ട്രീ ഹൗസും ഒപ്പം പുതുതായി പണിയുന്ന ഡോര്‍മെറ്ററിയും. ക്യാമ്പുകളും, മീറ്റിംഗുകളും നടത്താന്‍ പറ്റിയ സ്ഥലം.

കാടിനുളളില്‍ കുഞ്ഞുകുഞ്ഞു വെള്ളച്ചാട്ടങ്ങള്‍. ചുറ്റും യൂക്കാലിപ്‌സ് മരങ്ങളില്‍ നിന്നുമുള്ള തിളിര്‍മയാര്‍ന്ന കാറ്റേറ്റിരിക്കാന്‍ വല്ലാത്തൊരു സുഖം തോന്നി. ഏസിയോ ഫാനോ റൂമിലില്ല. തികച്ചും മണ്ണിനാല്‍ പണിത റൂമുകള്‍. നിറയെ ചെടികളും, മരങ്ങളും, പഴ വര്‍ഗങ്ങളും. ബാഗും, സാധനങ്ങളുമെല്ലാം റൂമില്‍ വെച്ച് കാഴ്ചകള്‍ കാണാനായി പുറത്തേക്കിറങ്ങി. ഹൈറേഞ്ച് ആയതു കൊണ്ട് തന്നെ പോകുന്ന വഴിയിലുടനീളം മനോഹരമായ വ്യൂ പോയിന്റുകളും, പച്ചപുതച്ച് കോടയില്‍ മുങ്ങിയ കാഴ്ചകള്‍.. പ്രകൃതിയെ സ്‌നേഹിക്കുന്നവര്‍ക്കും ട്രക്കിംഗ് ഇഷ്ടപ്പെടുന്നവര്‍ക്കും ഇവിടം ഇഷ്ടപ്പെടുമെന്ന് തീര്‍ച്ച.. നിരവധി കാഴ്ചകള്‍ കണ്ട് ഫോട്ടോകളെല്ലാം മൊബൈലിലാക്കി രാത്രി ഒമ്പതോടെ ചപ്പാത്തിയും, ചിക്കന്‍ കറിയും, കടലക്കറിയും കഴിച്ച് ഉറക്കത്തിലേക്ക്…

രണ്ടാം ദിനം.. പുലര്‍ക്കാല കാഴ്ചകള്‍ കാണാന്‍ ആറ് മണിയോടെ എണീറ്റു. റൂമും പരിസരവും കോടയില്‍ മുങ്ങി നില്‍ക്കുന്നു. വെള്ളച്ചാട്ടങ്ങളുടെ കളകളാരവും പക്ഷികളുടെ ചില്‍..ചില്‍ ശബ്ദവും കേട്ടിരിക്കാന്‍ വല്ലാത്തൊരു സുഖം. ഫോണിന് റേഞ്ചില്ലാത്തതിനാല്‍ മറ്റൊരു ശല്യവുമില്ല. മുകളില്‍ നിന്ന് കോട ഇടക്ക് പോയി താഴെ തെളിഞ്ഞു കാണുന്ന ഒരു കാഴ്ചയുണ്ട്. മാസ്മരികമാണത്. ഒമ്പതരയോടെ ഇഷ്ട വിഭവമായ പുട്ടും കടലയും കഴിച്ച് നോട്ടക്കാരന്‍ സോമുവിനോടും ചേച്ചിയോടും യാത്ര പറഞ്ഞു.

മൂന്ന് കിലോമീറ്റര്‍ അകലെയുള്ള ഒടങ്കണ്ണിയിലെത്തി ജോര്‍ജേട്ടന്റെ തോട്ടത്തില്‍ നിന്ന് നാല് കിലോ പ്ലംസും, സബര്‍ ജില്ലും, ചോളവും കുറച്ച് വെളുത്തുള്ളിയും വാങ്ങിച്ചു. എല്ലാത്തിനും വിലക്കുറവ്. വെറും അറുപത് രൂപയാണ് ഒരു കിലോ പ്ലംസിന് വാങ്ങിച്ചത് (നാട്ടില്‍ ഇപ്പോള്‍ കിലോക്ക് 120 രൂപ). നിറഞ്ഞ സ്‌നേഹമുള്ള കുടുംബം. തോട്ടമൊക്കെ വലുതാണേലും കുഞ്ഞുവീടാണ് ജോസേട്ടന്റെത്. ഭാര്യയും രണ്ട് പെണ്‍മക്കളും. അച്ഛന്റെ കൂടെ പ്ലംസ് പറിക്കാന്‍ അവരും കൂടെയുണ്ട്. പ്ലംസ് മരത്തീന്ന് വീണു കിടക്കുന്നത് കാണാന്‍ പ്രത്യേക രസമാണ്.

വീടിന്റെ കാര്യം ചോദിച്ചപ്പോള്‍ കുഞ്ഞു ചിരിയോടെ ജോസേട്ടന്‍ പറഞ്ഞു, ബേങ്കീന്ന് ലോണെടുത്ത് വീട് വലുതാക്കിയാല്‍ അതിനുള്ളിലിരിക്കാന്‍ ഒരു സമാധാനം ഉണ്ടാകില്ല, ഇപ്പോ വലിയ സന്തോഷത്തിലാണ്.. രണ്ടേക്കറിലാണ് കൃഷി. ഇതിന്ന് കൂടുതല്‍ വരുമാനം കിട്ടുവാണേല്‍ വീടൊക്കെയൊന്ന് ഉശാറാക്കണം. കേട്ടപ്പോള്‍ വലിയ സന്തോഷം തോന്നി, നമ്മളില്‍ പലരും ഉള്ളതെല്ലാം വിറ്റുപെറുക്കി കൂടെ ലക്ഷങ്ങള്‍ ലോണെടുത്തുമാണ് വലിയ വീടുകള്‍ വെക്കുന്നത്. ആ കടം വീടുന്നത് വരെ മനസ്സില്‍ വെപ്രാളം തന്നെയാവും..പക്ഷേ ! ഇവര്‍ക്കൊന്നും അത്തരം പ്രശ്‌നമില്ല. ജീവിതം ആസ്വദിക്കുന്നു.

വട്ടവടയിലേക്ക്… കാന്തല്ലൂരില്‍ നിന്നും ഏകദേശം മൂന്നര മണിക്കൂറാണ് വട്ടവടയിലേക്ക്. ഉച്ചക്ക് രണ്ടരയോടെ അവിടെയെത്തി. നിറയെ കൃഷിയിടങ്ങള്‍. ഒറ്റവാക്കില്‍ പറഞ്ഞാല്‍ മണ്ണിനെ പ്രണയിക്കുന്ന മനുഷ്യര്‍. അവര്‍ക്ക് കൃഷിയല്ലാതെ മറ്റൊരു ലോകമില്ല. പുലര്‍ച്ചെ മുതല്‍ അന്തിയാവോളം പ്രകൃതിയോട് പടവെട്ടി മണ്ണില്‍ ജീവിതം നയിക്കുന്നവര്‍. മലകള്‍ക്ക് നടുവില്‍ തട്ടുതട്ടായി ഭൂമി ഒരുക്കി കൃഷി ചെയ്യുന്ന കാഴ്ചകള്‍ നമ്മുടെയെല്ലാം ഹൃദയം കവരുമെന്ന് തീര്‍ച്ച. അത്ര രസമുള്ള കാഴ്ചയാണിവിടെ. ക്യാരറ്റ്, ബീന്‍സ്, ക്യാബേജ്, കോളി ഫ്ളവര്‍, ഉരുളക്കിഴങ്ങ്, വെളുത്തുള്ളി, സ്ട്രോബറി, തക്കാളി തുടങ്ങി നിരവധി പച്ചക്കറികള്‍ ഇവിടെ കൃഷി ചെയ്യുന്നുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post