ഓട്ടോറിക്ഷ ഓടിക്കുവാൻ ഇനി ഫോർ വീലർ ലൈസൻസ് (LMV) മാത്രം മതി..

Total
0
Shares

സാധാരണക്കാരന്റെ വാഹനം എന്ന വിളിപ്പേരിന് അന്നുമിന്നും അർഹരാണ് ഓട്ടോറിക്ഷകൾ. ഒത്തിരിയാളുകൾ ഓട്ടോറിക്ഷ ഓടിച്ചു കുടുംബം പോറ്റുന്നുണ്ട്. ഓട്ടോറിക്ഷകൾ ഓടിക്കുവാൻ മാത്രം അറിഞ്ഞാൽ പോരാ, അതിനായി പ്രത്യേകം ലൈസൻസും ഡ്രൈവർമാർ എടുക്കണമായിരുന്നു. ഡ്രൈവിംഗ് സ്‌കൂളിൽപ്പോയി പഠിച്ച് ടൂവീലർ പോലെത്തന്നെ എട്ട് (8) എടുത്തും റോഡ് ടെസ്റ്റ് പാസ്സായും ഒക്കെയാണ് ത്രീവീലർ ലൈസൻസും നേടിയിരുന്നത്. ഇതിനൊപ്പം ബാഡ്ജും കൂടി എടുത്താൽ പിന്നെ ആർക്കും ഓട്ടോറിക്ഷയുടെ സാരഥിയാകാം.

എന്നാൽ ഇപ്പോൾ ഈ നിയമങ്ങളിൽ വൻ ഇളവുകൾ വന്നിരിക്കുകയാണ്. ഇനി മുതൽ ഓട്ടോറിക്ഷകൾ ഓടിക്കുവാനായി പ്രത്യേകം ലൈസൻസ് എടുക്കേണ്ട ആവശ്യമില്ല. പകരം കാറുകൾ ഓടിക്കുവാനുള്ള ലൈറ്റ് മോട്ടോർ വെഹിക്കിൾ ലൈസൻസ് (LMV) മതിയാകും. 2019 ലാണ് ഈ നിയമം പ്രാബല്യത്തിൽ വരുന്നത്. മോട്ടോർ വാഹന വകുപ്പ് ഔദ്യോഗികമായി പ്രസ്താവനകൾ ഒന്നും ഇറക്കിയിട്ടില്ലെങ്കിലും ഇന്ത്യയൊട്ടാകെ ഈ നിയമം നിലവിൽ വരുമെന്നാണ് വാർത്തകൾ സൂചിപ്പിക്കുന്നത്.

©Pinterest.

ഇത് നിലവിൽ വരുന്നതോടെ കാർ ലൈസൻസുള്ള മറ്റു ജോലികൾ ചെയ്യുന്നവർക്ക് ഒഴിവുള്ള സമയങ്ങളിൽ വേണമെങ്കിൽ ഓട്ടോറിക്ഷയും ഓടിച്ചു വരുമാനം കണ്ടെത്തുവാൻ കഴിയും. ത്രീവീലർ ലൈസൻസുകൾ നിർത്തലാക്കുന്നതോടൊപ്പം ബസ്, ലോറി, ട്രെയിലറുകൾ തുടങ്ങിയ ഹെവി വാഹനങ്ങൾ ഓടിക്കുന്നതിനുള്ള ലൈസൻസുകൾ ഏകീകരിച്ച് ഒന്നാക്കുകയും ചെയ്യും. ഇതോടെ എല്ലാത്തരം വലിയ വാഹനങ്ങൾക്കും ഒരേ ലൈസൻസ് ആയി മാറും.

ഡ്രൈവിംഗ് ലൈസൻസുകൾ ‘വാഹൻ സാരഥി’ എന്ന സോഫ്റ്റ്വയറിലേക്ക് മാറുന്നതിന്റെ ഫലമായാണ് ഈ പരിഷ്‌ക്കാരം. വരുന്ന ജനുവരിയോടെ ഇത് പ്രവർത്തികമാക്കുവാനാണ് ഉദ്ദേശിക്കുന്നത്. ഇതിനു മുന്നോടിയായി നടത്തിയ ട്രയൽ വിജയകരമായാണ് മോട്ടോർ വാഹന വകുപ്പ് പൂർത്തിയാക്കിയത്. പുതിയ സംവിധാനങ്ങൾ വരുന്നതോടെ വാഹനങ്ങളുടെ സഞ്ചാര ദിശ, വേഗത തുടങ്ങിയ വിവരങ്ങൾ സാറ്റലൈറ്റ് സംവിധാനത്തിന്റെ സഹായത്തോടെ ആർടി ഓഫീസിലെ മോണിറ്ററുകളിൽ നിന്നും മനസ്സിലാക്കാം. വാഹനങ്ങൾ ഓവർസ്പീഡ്, തെറ്റായ ദിശയിൽ സഞ്ചരിക്കാൻ തുടങ്ങിയ നിയമലംഘനങ്ങൾ നടത്തുകയാണെങ്കിൽ കൃത്യമായി കണ്ടെത്തുവാനും ഇതുമൂലം സാധിക്കും.

ടാക്സി കാറുകൾ ഉൾപ്പെടെയുള്ള ചെറു ട്രാൻസ്‌പോർട്ട് വാഹനങ്ങൾ ഓടിക്കുവാനുള്ള ബാഡ്‌ജുകൾ കഴിഞ്ഞയിടയ്ക്ക് നിർത്തലാക്കിയിരുന്നു. ഇപ്പോൾ നിലവിൽ ബാഡ്‌ജ്‌ ആവശ്യമുള്ളത് ഓട്ടോറിക്ഷാ ഡ്രൈവർമാർക്കും ഹെവി വാഹന ഡ്രൈവർമാർക്കും മാത്രമാണ്. അധികം വൈകാതെ ഇതിനും ഒരു തീരുമാനമാകും എന്നാണു ഇപ്പോൾ സംഭവിച്ചു കൊണ്ടിരിക്കുന്ന മാറ്റങ്ങൾ സൂചിപ്പിക്കുന്നത്.

ഇതോടൊപ്പം തന്നെ ഡ്രൈവിംഗ് ലൈസൻസ് ടെസ്റ്റുകളിലും മാറ്റങ്ങൾ വരുത്തുവാൻ പദ്ധതിയുണ്ട്. 2017 ൽ മാറ്റങ്ങൾ കൊണ്ടുവന്നെങ്കിലും മത്സരാർത്ഥികളുടെയും ഡ്രൈവിംഗ് സ്‌കൂളുകാരുടെയും എതിർപ്പുകൾ കൊണ്ടും വേണ്ടത്ര സംവിധാന സൗകര്യങ്ങളുടെ പോരായ്മകൾ കൊണ്ടും അവ ഉപേക്ഷിക്കുകയായിരുന്നു. ഇനി ഈ വക കാര്യങ്ങളിൽ മാറ്റങ്ങൾ വരുന്നതിനൊപ്പം ലേണേഴ്‌സ് ടെസ്റ്റ്, ഡ്രൈവിംഗ് ടെസ്റ്റ് തുടങ്ങിയവയുടെ തീയതികൾ അപേക്ഷകന് ഓൺലൈനായി തിരുത്തുവാനുള്ള സൗകര്യവും നിലവിൽ വരും.

മോട്ടോർ വാഹനവകുപ്പ് നടപ്പിലാക്കുന്ന ഈ പുതിയ പരിഷ്‌ക്കാരങ്ങൾ എല്ലാവർക്കും ഗുണം ചെയ്യുമെന്നു തന്നെയാണ് പൊതുവെയുള്ള വിലയിരുത്തലുകൾ. ഇതേക്കുറിച്ച് മോട്ടോർ വാഹന വകുപ്പ് ഔദ്യോഗികമായി പ്രസ്താവനകൾ ഒന്നും ഇറക്കിയിട്ടില്ലെങ്കിലും എന്തായാലും നമുക്ക് കാത്തിരുന്നു കാണാം.

ഈ ലേഖനത്തിന് ആധാരം  – മാധ്യമം ഓൺലൈൻ പോർട്ടലിൽ വന്ന വാർത്ത.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ…
View Post

ലോക്ക്ഡൗൺ ഇന്ന് കൂടുതൽ ഇളവുകൾ; 12, 13 കർശന നിയന്ത്രണം

കേരളത്തിൽ ലോക്ക്ഡൌൺ ജൂൺ 16 വരെ നീട്ടിയെങ്കിലും പൊതുജനതാല്പര്യാർത്ഥം ജൂൺ 11 വെള്ളിയാഴ്ച ലോക്ക്ഡൗണിനു ഇളവുകൾ പ്രഖ്യാപിച്ചിട്ടുണ്ട്. ഈ ദിവസത്തെ പ്രധാന ഇളവുകൾ ഇനി പറയും വിധമാണ്. ബാങ്കുകളും ധനകാര്യ സ്ഥാപനങ്ങളും ജൂൺ 11 നു പ്രവർത്തിക്കും. അവശ്യ സാധനങ്ങൾ വിൽക്കുന്ന…
View Post