മുംബൈ സിറ്റി ബസ്സിൽ ഡ്രൈവറായി ഒരു 24 കാരി സുന്ദരി യുവതി; സംഭവം ഇങ്ങനെ…

Total
1
Shares

വനിതകൾ ബസ് ഓടിക്കുന്ന കാഴ്ച കേരളത്തിൽ ചിലപ്പോഴൊക്കെയായി നമ്മൾ കണ്ടിട്ടുണ്ട്. പ്രത്യക്ഷത്തിൽ കെഎസ്ആർടിസിയിൽ ഒരു വനിതാ ഡ്രൈവർ ജോലി ചെയ്യുന്നുമുണ്ട്. എന്നാൽ പറഞ്ഞു വരുന്നത് മുംബൈയിലെ കാര്യമാണ്. മുംബൈ നഗരത്തിലെ സിറ്റി ബസ് സർവ്വീസായ ‘ബ്രിഹന്‍ മുംബൈ ഇലക്ട്രിക് സപ്ലൈ ആന്റ് ട്രാന്‍സ്‌പോര്‍ട്ടിൽ’ (BEST) ഈയിടെ ഒരു വനിത ബസ് ഡ്രൈവറായത് മാധ്യമശ്രദ്ധ നേടിയ സംഭവമാണ്.

ഇതിലെന്താണ് ഇത്ര പുതുമയെന്നല്ലേ ഇപ്പോൾ ചിന്തിക്കുന്നത്. കാരണം ബെസ്റ്റ് ബസ് സർവ്വീസിലെ ആദ്യത്തെ സംഭവമാണിത്. ചരിത്രത്തിൽ ആദ്യമായാണ് ഒരു വനിത ബെസ്റ്റിൽ ബസ് ഡ്രൈവർ ട്രെയിനിംഗിനായി കയറുന്നത്. അതും 24 വയസ്സുള്ള ഒരു സുന്ദരി യുവതി. പരുക്കൻ ജീവിത സാഹചര്യങ്ങൾ കൊണ്ട് ട്രക്ക് ഡ്രൈവർമാരായി ജോലിചെയ്യുന്ന വനിതകളെ മുംബൈക്കാർ ഏറെ കണ്ടിട്ടുണ്ടാകും. എന്നാൽ ഇങ്ങനെയൊരു യുവതി ബസ് ഡ്രൈവറായി വരിക എന്നത് അദ്ഭുതകരമായ വാർത്ത തന്നെയാണ് അവർക്ക്.

പുരുഷന്മാർ അടക്കി വാണിരുന്ന ബെസ്റ്റ് ബസുകളിലെ ഡ്രൈവിംഗ് സീറ്റിലേക്ക് കാലെടുത്തു വെച്ചുകൊണ്ട് എല്ലാവരെയും അമ്പരപ്പിച്ച ആ യുവതിയുടെ പേര് പ്രതീക്ഷാ ദാസ് എന്നാണ്. മുംബൈ സ്വദേശിനിയായ പ്രതീക്ഷ ഒരു മെക്കാനിക്കൽ എൻജിനീയർ കൂടിയാണ്. ഥാക്കൂർ കോളേജിൽ നിന്നും മെക്കാനിക്കൽ എഞ്ചിനീയറിംഗ് പാസ്സായ ഉടനെ തന്നെയാണ് പ്രതീക്ഷ ബസ് ഡ്രൈവറായി വേഷം മാറിയിരിക്കുന്നത്. പൊതുവെ ബിടെക് കഴിഞ്ഞു ഏതെങ്കിലും ഉയർന്ന കമ്പനിയിൽ ജോലി തേടിപ്പോകേണ്ടതും, ഫ്രണ്ട്സുമായി അടിച്ചുപൊളിച്ചു നടക്കേണ്ടതുമായ സമയത്ത് പ്രതീക്ഷയുടെ കയ്യിൽ മുംബൈ നഗരത്തിന്റെ പതിവ് കാഴ്ചകളിൽ ഒന്നായ ചുവന്ന കളർ സിറ്റി ബസ്സിന്റെ സ്റ്റീയറിങ് വീൽ തിരിയുകയാണ്.

എന്തുകൊണ്ടാണ് ഇത്തരമൊരു ജോലിയ്ക്ക് ശ്രമിച്ചത് എന്ന ചോദ്യത്തിന് പ്രതീക്ഷ പറയുന്ന ഉത്തരം ഇങ്ങനെ, “ചെറുപ്പം മുതൽക്കേ എനിക്ക് ഹെവി വാഹനങ്ങളോട് വല്ലാത്തൊരു കമ്പം ഉണ്ടായിരുന്നു. പിന്നീട് ബിടെക് പഠന കാലത്ത് RTO ആകുവാൻ ആയിരുന്നു ആഗ്രഹം. അതുകൊണ്ടു തന്നെയായിരുന്നു ‘മെക്കാനിക്കൽ’ വിഷയം എടുത്തതും. RTO ആകുവാനായി ഒരാൾക്ക് ഹെവി വെഹിക്കിൾ ലൈസൻസ് വേണമെന്നതും വാഹനങ്ങൾ അനായാസേന ഓടിക്കുവാൻ അറിയണമെന്നതും നിര്ബന്ധമാണ്. ഇതോടെ മനസ്സിൽ കിടന്നിരുന്ന ഹെവി ഡ്രൈവർ ആഗ്രഹം സഫലമാകുകയായിരുന്നു. ഞാൻ ജോലിയ്ക്കായല്ല, ബസ് ഡ്രൈവർ ട്രെയിനിംഗിന്റെ ഭാഗമായാണ് ബെസ്റ്റിൽ ഡ്രൈവറായി സേവനം ചെയ്തത്. എന്നാൽ മീഡിയകൾ എന്നെ മുംബൈയിലെ ആദ്യത്തെ വനിതാ ബസ് ഡ്രൈവർ ആക്കിമാറ്റി.”

ബ്രിഹന്‍ മുംബൈ ഇലക്ട്രിക് സപ്ലൈ ആന്റ് ട്രാന്‍സ്‌പോര്‍ട്ട് (BEST) തങ്ങളുടെ ജീവനക്കാർക്ക് മാത്രമല്ല, പുറമെ നിന്നുള്ള ഡ്രൈവർമാർക്കും ട്രെയിനിംഗ് കൊടുക്കാറുണ്ട്. 21 ദിവസത്തെ ട്രെയിനിംഗ് കോഴ്സ് ആണ് BEST ഇത്തരത്തിൽ പ്രദാനം ചെയ്യുന്നത്. ഇതിനായി പ്രത്യേകം ഫീസും ഈടാക്കാറുണ്ട്. ഇത്തരത്തിൽ ഫീസടച്ചു വന്ന ആദ്യത്തെ വനിതയാണ് പ്രതീക്ഷ ദാസ്.

ബസ് ഡ്രൈവർ എന്ന ടാസ്ക് പ്രതീക്ഷയ്ക്ക് വിചാരിച്ചത്ര എളുപ്പമായിരുന്നില്ല. പുരുഷന്മാർ കയ്യടക്കി വാണിരുന്ന സ്ഥാനത്ത് ഒരു യുവതി വന്നപ്പോൾ സഹപ്രവർത്തകർക്ക് ഉണ്ടായ അസൂയ പലവിധത്തിൽ പ്രതീക്ഷയെ വേട്ടയാടി. ചിലർ അവളുടെ പൊക്കത്തെയും, സ്ത്രീത്വത്തെയും വരെ കളിയാക്കി. തങ്ങൾ സ്ഥിരമായി യാത്ര ചെയ്യുന്ന ബസ്സിന്റെ ഡ്രൈവിംഗ് സീറ്റിൽ ഒരു ദിവസം ഒരു യുവതിയെ കണ്ടപ്പോൾ യാത്രക്കാർക്കും അമ്പരപ്പായിരുന്നു. ചിലർ അവളെത്തന്നെ തുറിച്ചു നോക്കിക്കൊണ്ടിരുന്നു. എന്നാൽ ചുറ്റിനും ഇതുപോലുള്ള കാര്യങ്ങൾ ആടിത്തിമിർക്കുമ്പോൾ തൻ്റെ ഡ്രൈവിംഗിൽ മാത്രം ശ്രദ്ധ കേന്ദ്രീകരിച്ച്, തനിക്കു നേരെ നീണ്ട നോട്ടങ്ങളെയും കളിയാക്കലുകളെയും തട്ടിത്തെറിപ്പിച്ചു പ്രതീക്ഷ.

ആദ്യമായി പ്രതീക്ഷ ഓടിക്കുവാൻ പഠിച്ച വാഹനം മോട്ടോർസൈക്കിളുകൾ ആയിരുന്നു. അമ്മാവന്റെ മോട്ടോർസൈക്കിളിൽ ചെറുപ്രായത്തിൽ തന്നെ പ്രതീക്ഷ ഡ്രൈവിംഗ് പഠിച്ചു. എട്ടാം ക്‌ളാസിൽ പഠിക്കുന്ന സമയത്ത് അനായാസം ബൈക്ക് ഓടിക്കുവാൻ സാധിച്ചിരുന്ന പ്രതീക്ഷയെ കുടുംബാംഗങ്ങൾ അമ്പരപ്പോടെയാണ് കണ്ടത്. പിന്നീടായിരുന്നു കാർ ഓടിക്കുവാൻ പഠിച്ചത്.

ഇപ്പോൾ ബസ് ഡ്രൈവറായി പ്രശസ്തയായെങ്കിലും പ്രതീക്ഷ ഒരു ബൈക്ക് റേസർ കൂടിയാണെന്ന് ഓർമ്മിപ്പിക്കട്ടെ. 2019 ഏഷ്യ റോഡ് റേസിംഗ് ചാമ്പ്യൻഷിപ്പ് അടക്കം പല മത്സരങ്ങളിലും പ്രതീക്ഷ പങ്കെടുത്തിട്ടുണ്ട്. കൂടാതെ രണ്ടു തവണ ടിവിഎസ് റേസിംഗ് ചാമ്പ്യൻഷിപ്പിൽ വിജയിച്ച് ട്രോഫി നേടിയിട്ടുമുണ്ട് ഈ സുന്ദരി. ട്രെയിനിംഗ് പൂർത്തിയായിക്കഴിഞ്ഞു തൻ്റെ സ്വപ്നമായ ആർടിഒ പോസ്റ്റ് സഫലമാകുവാൻ കാത്തിരിക്കുകയാണ് ഈ 24 കാരി പെൺകുട്ടി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post