ലോക്ക്ഡൗണിന് മുമ്പുള്ള ഒരു മുട്ടക്കഥ

Total
12
Shares

വിവരണം – ‎Praveen Shanmukom‎, ARK – അനന്തപുരിയിലെ രുചി കൂട്ടായ്മ.

ലോക്ക്ഡൗണിന് മുമ്പുള്ള ഒരു മുട്ടക്കഥ, നമ്മുടെ മുരുകണ്ണന്റെ കട… ലൊക്കേഷൻ: കിളളിപ്പാലം റൗണ്ട് കഴിഞ്ഞ് സൂര്യ ഫാസ്റ്റ് ഫുഡ് എത്തുന്നതിന് മുമ്പായി ഇടത്തോട്ട് ചാലയിലോട്ട് കേറുന്ന വഴി കുറച്ച് മുന്നോട്ട് പോകുമ്പോൾ ഇടത് വശത്ത് കാണുന്ന SKP ടിം ബേഴ്സിന്റെ അടുത്ത് ഇടത് വശത്തായി ചെറിയൊരു ഇടവഴി കാണാം. ആ ഇടവഴി തിരിച്ചറിയാനായി വർഷ ഗ്ലാസ് ഹൗസ് എന്നുള്ള ഒരു ബോർഡ് ആ ഇടവഴിക്ക് എതിരെയായി കാണാം.

അങ്ങനെയൊരു നാൾ കൊതിപ്പിക്കും രുചി നിറയും മുട്ടകളുടെ അടുത്തേക്ക് നമ്മുടെ ചാലയിലെ മുരുക അണ്ണന്റെ അരികിലേക്ക്. ആദ്യം ഒരു സിംഗിൾ ഓംലെറ്റ് പറഞ്ഞു. കുറച്ച് സമയത്തിന് ശേഷം വാഴയിലയിൽ അത് കിട്ടി. നല്ല ഐശ്വര്യമായി പൊടിയൊക്കെ ഇട്ട്. ആ രാത്രി സമയം ആ അരണ്ട വെളിച്ചത്തിൽ ആ പൊരിഞ്ഞ മുട്ടയിൽ ഒരു പിടി പിടിച്ച് ആ പൊടിയും ചേർത്ത് കഴിക്കുമ്പോഴുള്ള ഒരു രുചി. ഹമ്മാ കൊതിയാവുന്നു. വന്നണയൂ ആ നിമിഷങ്ങളേ വീണ്ടും.

വറ്റൽ മുളക്, കുരുമുളകെല്ലാം വറുത്തെടുത്ത് പൊടിച്ച പൊടിയാണ് അതിലെ താരം. കൂട്ടിന് പാകത്തിന് ഉപ്പും, സവാളയും വെളിച്ചെണ്ണയും. എരിവ് വേണ്ടാത്തവർക്ക്, പറഞ്ഞാൽ പൊടി ഒഴിവാക്കിയും തരും.

അടുത്തത് മുട്ട അവിച്ചത്. അവിടെ ചെന്നാൽ ഇത് കഴിക്കാതെ പോകരുത്. പൊളിയാണ്. ഉള്ളിയും പൊടിയും നിറഞ്ഞ മാസ്മരികതയിൽ അതും രുചിച്ചു. ബുൾസൈ എത്തി. ഒരു സ്പൂണും കൂടി മേടിച്ച് ആ മഞ്ഞക്കരു പൊട്ടിക്കാതെ ചുറ്റും മുറിച്ചെടുത്ത് വായിൽ ഇട്ടപ്പോൾ ഒരു സമാധാനം. അകമ്പടിക്ക് പൊടിയും.

പിന്നെ ഒരു വൺ സൈഡ് കൂടി ആയപ്പോൾ തൃപ്തിയായി. ഡ്രിങ്ക്സ് ആയി കിട്ടിയ രസ്ന വലിയ സുഖം തോന്നിയില്ല. ബാക്കിയെല്ലാം പൊളപ്പൻ. ലോക്ക് ഡൗൺ ഒക്കെ ഒന്ന് തീർന്നോട്ടെ ഇനിയും പല വരവ് വരേണ്ടി വരും.

ആ സ്പീഡും ഈ പ്രായത്തിലും ജോലിയോടുള്ള ആത്മാർത്ഥത ഇവയൊക്കെ എടുത്ത് പറയേണ്ടതാണ്. കണ്ടാൽ സീരിയസ്സാണെന്ന് തോന്നാം. സംസാരിച്ചാൽ ആള് പാവമാണ്. വില വിവരം: സിംഗിൾ ഓംലെറ്റ് – ₹ 20, മുട്ട അവിച്ചത് – ₹ 25, ബുൾസൈ – ₹ 25, ഒൺ സൈഡ് – ₹ 20, രസ്ന – ₹ 10.

മുരുകൻ ചേട്ടന്റെ അതിജീവനത്തിന്റെ പാതകൾ – തമിഴ്നാട്ടിൽ അംബാസമുദ്രത്തിനടുത്തായി കല്ലിടക്കുറുച്ചിയിലാണ് ചേട്ടന്റെ സ്വദേശം. നാട്ടിൽ നെയ്ത്തായിരുന്നു തൊഴിൽ. മുണ്ട്, കൈലി തുടങ്ങിയവ. കുലത്തൊഴിലായിരുന്നു.

40 വർഷം മുൻപ് അനന്തപുരിയിൽ പത്മനാഭന്റെ നാട്ടിൽ എത്തി. ലോട്ടറിക്കച്ചവടത്തിലായിരുന്നു തുടക്കം. 20 വർഷം മുൻപ് രുചി വിരുന്നിന്റെ അങ്കത്തട്ടിലേക്കായി പ്രയാണം. എല്ലാത്തിനും പ്രേരകം വിശപ്പിന്റെ വിളി തന്നെ.

ആദ്യം ആര്യശാലയിൽ തട്ടിലായിരുന്നു തുടക്കം. കൂൾ ഡ്രിങ്ക്സും സർബത്തുമായി. ഓംലെറ്റ് ഒരു സൈഡിലായിരുന്നു. പിന്നെ അത് പ്രധാനമായി. രണ്ടാമത് ചാലയ്ക്കകത്തോട്ടായി കട മാറി. മൂന്നാമത് യു.പി സ്ക്കൂളിന്റെയടുത്ത് ഒരു ബങ്കുണ്ട്. അത് വാടകയ്ക്കെടുത്ത്. നാലാമതായി ഇപ്പോൾ ഇവിടെ 6 വർഷത്തിലേറെയായി. വൈകുന്നേരം 5 മണിക്ക് ചെന്ന് കട തുറക്കും. 6 മണി മുതൽ വിഭവങ്ങൾ കൊടുത്ത് തുടങ്ങും. രാത്രി 10 – 10:30 വരെ കട കാണും.

ലോക്ക്ഡൗണൊക്കെ മാറി സാഹചര്യങ്ങൾ അനുകൂലമാണെങ്കിൽ കട തുറക്കാമെന്ന പ്രതീക്ഷയിലാണ് ചേട്ടൻ. ഇത് പോലെ എത്ര പ്രതീക്ഷകൾ, സ്വപ്നങ്ങൾ. നമ്മൾക്ക് കാക്കാം, കാത്തിരിക്കാം… അല്ലലില്ലാത്ത ആ നാളേക്ക് വേണ്ടി .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post