വയനാട്‌ കരയുകയാണ്, കാത്തിരിക്കുകയാണ്.. കണ്ണീരൊപ്പാൻ കൂടെ നിൽക്കണം….

Total
0
Shares

എഴുത്ത് – Harish KM Wayanad.

പ്രകൃതി സുന്ദരിയായി അണിഞ്ഞൊരുങ്ങി നിന്ന വയനാടിനെ നിങ്ങൾക്ക്‌ ഓർമ്മയില്ലേ? നിങ്ങളുടെ സഞ്ചാരങ്ങളിൽ നിറപുഞ്ചിരി തീർത്ത വയനാടിനെ, നിങ്ങളുടെ സ്വപ്നങ്ങളിൽ ഭ്രമമേറ്റിയ വയനാടിനെ, പച്ചപ്പിന്റെ പലപല വർണ്ണഭാവങ്ങൾ കൊണ്ട്‌ നിങ്ങളെ ഉന്മത്തരാക്കിയ വയനാടിനെ, നിങ്ങളുടെ സന്തോഷ നിമിഷങ്ങളെ സാർത്ഥകമാക്കിയ വയനാടിനെ.

ആ വയനാട്‌ ഇന്ന് കരയുകയാണ്‌. ഞങ്ങളുടെ 12 സഹോദരങ്ങൾ ഉരുൾപൊട്ടലിൽ മരണപ്പെട്ടു. ഏഴ്‌ പ്രിയപ്പെട്ടവരെ കാണാനില്ല. അവർ ഉണ്ടെന്ന് ഞങ്ങൾ കരുതുന്ന പുത്തുമലയിൽ രാവും പകലും ഞങ്ങൾ തിരയുകയാണ്‌, അവർക്ക്‌ വേണ്ടി. അവരവിടെ ഉണ്ടെന്ന് എല്ലാവരും പറയുമ്പോഴും ഞങ്ങൾ പ്രതീക്ഷിക്കുന്നു. അവർ ആ മണ്ണിനും വെള്ളത്തിനും മലവെള്ളപ്പാച്ചിലിനും ഉരുൾപൊട്ടലിനും കീഴടങ്ങാതെ, മലകൾക്കപ്പുറത്തെ കാട്ടിൽ നിന്ന് ഞങ്ങൾക്ക്‌ നേരെ കൈകൾ വീശി വരുമെന്ന്. ആ പ്രതീക്ഷ വെറുതെയാണെന്ന് എല്ലാവരും പറയുമ്പോഴും, വെറുതെ അങ്ങനെ ആശിച്ച്‌ പോകുന്നു.

കണ്ണീർ തോരാത്ത കണ്ണും മനസ്സുമായി ഉറ്റവരെ പിരിഞ്ഞവർ കഴിയുന്നുണ്ട്‌ ക്യാമ്പുകളിൽ. അവർക്ക്‌ തിരികെ പോവാൻ വീടില്ല. വയനാട്ടിൽ ഞങ്ങളുടെ 535 വീടുകൾ തകർന്ന് തരിപ്പണമായി. അയ്യായിരത്തി അഞ്ഞൂറോളം വീടുകൾക്ക്‌ സാരമായ കേടുപാടുകൾ സംഭവിച്ചു. തൊണ്ണൂറായിരത്തോളം ആളുകളെയാണ്‌ ജില്ലാ ദുരന്ത നിവാരണ അതോറിറ്റി മുൻ കരുതലായി മാറ്റിപ്പാർപ്പിച്ചത്‌. അതു കൊണ്ടാണ്‌ ഈ ദുരന്തത്തിന്റെ ആഘാതം കുറഞ്ഞത്‌.

ജനങ്ങളും സർക്കാരും കൈകോർത്ത്‌ നിന്നാണ്‌ ഞങ്ങളീ ദുരന്തത്തെ നേരിടുന്നത്‌. ഒപ്പം നിങ്ങളും ഉണ്ട്‌. നിങ്ങൾ ചെയ്തതെല്ലാം വലിയ സഹായങ്ങളാണ്‌. പക്ഷേ അവിടെ നിർത്തരുത്‌. ഇനിയും നിർത്താനായിട്ടില്ല. വീടും സ്ഥലവും ജീവിതമാർഗ്ഗവും സകലതും ഒരു നിമിഷം കൊണ്ട്‌ കണ്മുന്നിൽ ഇല്ലാതാവുന്നത്‌ കണ്ടു നിന്നവർ കുറേയുണ്ട്‌ ഞങ്ങളുടെ വയനാട്ടിൽ. അവരുടെ കണ്ണീരൊപ്പാൻ ഇനിയും കൈകൾ മുന്നോട്ട്‌ വരണം, സ്നേഹത്തിന്റെയും സഹായത്തിന്റെയും പട്ടുതൂവാലകൾ ഏന്തിയ കൈകൾ.

നിങ്ങളുടെ കൈകളും ഉണ്ടാവില്ലേ? ഉണ്ടാവും എന്നറിയാം. എങ്കിലും ഒന്നുകൂടി ചോദിച്ച്‌ പോവുകയാണ്‌ അടിയന്തിരമായി ആവശ്യമുള്ള സാധനങ്ങളുടെ പട്ടിക keralarescue.in എന്ന പോർട്ടലിൽ കാണാം. അത് തരണം ദയവായി. അത്‌ കുറച്ച്‌ സാധനങ്ങളുടെ മാത്രം പട്ടികയാണ്‌. അത്‌ കൊണ്ടായില്ല. ഒപ്പം നിങ്ങളുടെ കരുത്ത്‌ തരണം – വയനാട്ടിലെ പ്രളയം കയറിയ മുക്കും മൂലയും വൃത്തിയാക്കാൻ.

നിങ്ങളുടെ സംഭാവനകൾ സി.എം.ഡി.ആർ.എഫ്‌. ലേക്ക്‌ നൽകണം, വയനാടിനെ പുനർ നിർമ്മിക്കാൻ. ഒപ്പം വയനാട്ടിലെ പാവങ്ങൾക്ക്‌ തൊഴിൽ ഉറപ്പാക്കാൻ കഴിയുന്ന സഹായങ്ങൾ ചെയ്ത്‌ കൊടുക്കണം.

കഴിഞ്ഞ കൊല്ലം പ്രളയമെടുത്ത എണ്ണൂറു വീടുകൾ സർക്കാർ പുനർ നിർമ്മിച്ചു. അവർക്ക്‌ ഗൃഹോപകരണങ്ങൾ നൽകണം. ഈ വർഷം വീട്‌ നഷ്ടായവർക്കും സർക്കാർ വീട്‌ നൽകും. അവർക്കും ഗൃഹോപകരണങ്ങൾ കരുതി വെക്കണം.

പതിനായിരം ഏക്കറിലെ കൃഷി നശിച്ചിട്ടുണ്ട്‌. ഒട്ടനവധി കന്നുകാലികൾ നഷ്ടപ്പെട്ടിട്ടുണ്ട്‌. റോഡുകളും പാലങ്ങളും കുടിവെള്ള പൈപ്പുകളും ഇലക്ട്രിക്‌ ലൈനുകളും തകർന്ന് പോയിട്ടുണ്ട്‌. സ്കൂളുകൾക്കും ആശുപത്രികൾക്കും പൊതു ഇടങ്ങൾക്കും കേടുപാടുകൾ വന്നിട്ടുണ്ട്‌. നമ്മളല്ലാതെ വേറാരാ ഇതൊക്കെ ഏറ്റെടുക്കാനുള്ളത്‌. വയനാടിന്റെ കണ്ണീരൊപ്പാൻ കൂടെ നിൽക്കണം.

അരിയും തുണിയും ബിസ്ക്കറ്റും ബ്രെഡും കമ്പിളിയും അങ്ങനെ പലതും നിങ്ങളുടെ സ്നേഹമായി കഴിഞ്ഞ നാളുകളിൽ ചുരം കയറുന്നുണ്ട്‌. അതൊക്കെ ഞങ്ങൾ നന്ദിയോടെ ഓർക്കും. അവിടെ നിർത്തരുത്‌, ഈ നാട്‌ അകപ്പെട്ട ദുരന്തം ചെറുതല്ല. അതിന്റെ വരും നാളുകളിലെ ആഘാതങ്ങളും ചെറുതായിരിക്കില്ല. ഒപ്പമുണ്ടാവണം എല്ലാവരും.

കൈക്കുമ്പിളിൽ സഹായവും ഹൃദയത്തിൽ സ്നേഹവുമായി ഞങ്ങൾക്കൊപ്പം ഉണ്ടാവണം. വയനാടിന്റെ കണ്ണീർ തോർന്നിട്ടില്ല. ഞങ്ങൾ കാത്തിരിക്കുന്നുണ്ട്‌, നിങ്ങളുടെ കൈകളിലെ സഹായത്തിന്റെയും സ്നേഹത്തിന്റെയും പട്ടുതൂവാലകളെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post