നെല്ലിയാമ്പതിയിലെ കാറ്റിലും ഇനി ചോര മണക്കുമോ? സഞ്ചാരികൾ ജാഗ്രത !!

Total
0
Shares

എഴുത്ത് – ജിതിൻ ജോഷി.

മഴയിൽ കുതിർന്നു അടിമുടി സുന്ദരിയായി സഞ്ചാരികളെ സ്വാഗതം ചെയ്യുകയാണ് നെല്ലിയാമ്പതി. പാലക്കാട്‌ ജില്ലയിൽ പട്ടണത്തിൽ നിന്നും ഏതാണ്ട് 50 കിലോമീറ്ററുകളോളം നെന്മാറ ഭാഗത്തേക്ക് മാറി സ്ഥിതിചെയ്യുന്ന ഈ മലമുകളിലേക്ക് സഞ്ചാരികളുടെ പ്രവാഹമാണിപ്പോൾ..

കണ്ണിനും മനസിനും കുളിർമയേകുന്ന ഒരുപാട് കാഴ്ചകൾ ആണിവിടെ. എന്നാൽ ഈ മനോഹരമായ കാഴ്ചകൾ ആസ്വദിക്കുന്നതിനിടയിൽ സുരക്ഷ എന്നത് ഒരു വലിയ ചോദ്യചിഹ്നം ആവുന്നുണ്ട്..

റോഡിൽ നിന്നുതന്നെ തുടങ്ങാം. നെന്മാറയിൽ നിന്നും ആരംഭിക്കുന്ന നെന്മാറ – നെല്ലിയാമ്പതി റോഡിന്റെ സ്വഭാവം കാട്ടിലേക്ക് കടക്കുന്ന ചെക്ക് പോസ്റ്റ്‌ കഴിയുമ്പോൾ മാറിത്തുടങ്ങും. ഇടതൂർന്ന കാടിനിടയിലൂടെ വളഞ്ഞു പുളഞ്ഞു കിടക്കുന്ന ചുരം പാത. എന്നാൽ ഒരുപാട് അപകടം പതിയിരിക്കുന്ന വഴികളാണിവ. ഏതു നിമിഷവും മണ്ണിടിച്ചിലിനു സാധ്യതയുള്ള പ്രദേശം. കടപുഴകാൻ തയ്യാറായി നിൽക്കുന്ന വന്മരങ്ങൾ.. ഓർക്കുക, ഒരു മരം കടപുഴകി വീണാലോ മണ്ണിടിഞ്ഞാലോ തികച്ചും ഒറ്റപ്പെട്ടുപോവുന്ന പ്രദേശമാണ് നെല്ലിയാമ്പതി.

ഈ റോഡിലൂടെ പോവുമ്പോൾ അമിതവേഗത തീർത്തും അപകടമാണ്. മിക്കയിടത്തും വഴിക്കിരുവശവും കാഴ്ചകളെ മറച്ചുനിൽക്കുന്ന പുൽകാടുകൾ ഏതുനിമിഷവും വില്ലനായേക്കാം. അതുപോലെ തന്നെ ഫോട്ടോ എടുക്കാനായി വന്മരങ്ങൾ റോഡിലേക്ക് ചാഞ്ഞുനിൽക്കുന്ന സ്ഥലങ്ങളിൽ വാഹനം നിർത്തി ഇറങ്ങുക, വാഹനം വഴിയുടെ നടുവിൽ വിലങ്ങനെ ഇട്ട് ഫോട്ടോ എടുക്കുക, ചാഞ്ഞുനിൽക്കുന്ന മരക്കമ്പുകളിൽ തൂങ്ങിയാടുക തുടങ്ങി ഒരുപാട് അപകടകരമായ കാഴ്ചകൾ ഈ പാതകളിൽ കാണാൻ സാധിക്കും. വലിയ വാഹനങ്ങളടക്കം ധാരാളം കടന്നുവരുന്ന വഴിയാണിത്. ആയതിനാൽ ഡ്രൈവിങ്ങിൽ എപ്പോളും ശ്രദ്ധ പതിപ്പിക്കുക.

അതിമനോഹരമായ കാഴ്ചയാണ് സീതാർകുണ്ഡ് വ്യൂ പോയിന്റിൽ നിന്നും നമുക്ക് ലഭിക്കുക. ഞങ്ങൾ പോയപ്പോൾ അതിമനോഹരമായ കാലാവസ്ഥ ആയിരുന്നു. അതിനാൽ തന്നെ നല്ല തിരക്കും. കുടുംബമായിട്ടും അല്ലാതെയും ഒരുപാടാളുകൾ ഈ കാഴ്ചകൾ ആസ്വദിക്കാൻ എത്തുന്നു. പക്ഷേ ഇന്നിവിടെ കാണുന്ന പല കാഴ്ചകളും മനസ്സിൽ ഭീതിയുണർത്തുന്നു..

കുതിർന്ന മണ്ണുള്ള വിളുമ്പുകളാണ് വ്യൂപോയിന്റിൽ മിക്കവാറും ഇടങ്ങളിൽ. ചില പാറകൾ പോലും ഈ ബലമില്ലാത്ത മണ്ണിലാണ് പറ്റിച്ചേർന്നിരിക്കുന്നതെന്ന് നാം മനസിലാക്കണം. ഏതുനിമിഷവും ഇളകിപ്പോവാനിടയുള്ള പാറകളിൽ അതിസാഹസികമായി നിന്നും ഇരുന്നും ഫോട്ടോയെടുക്കുന്ന കുട്ടികൾ. കാലൊന്ന് തെന്നിയാൽ, ഇത്തിരി മണ്ണിളകിയാൽ പതിക്കുന്നത് ആഴങ്ങളിലെ പാറകളുടെ പുറത്തേക്കാവും..

ആരെ കാണിക്കാനാണ് ഈ അതിസാഹസികത? കേവലം കുറച്ചു ലൈക്‌ കിട്ടാനിടയുള്ള ഫോട്ടോയ്ക്കുവേണ്ടിയോ..? യാത്രകൾ പുറപ്പെടുമ്പോൾ ഓർക്കുക, പ്രതീക്ഷയോടെ ഒരു കുടുംബം നിങ്ങളെ കാത്തിരിക്കുന്നുണ്ട്..

സഞ്ചാരികളെ നിയന്ത്രിക്കാൻ പോലീസുകാരോ മറ്റു സുരക്ഷാഉദ്യോഗസ്ഥരോ ഇല്ലാത്ത ഇടമാണ് നെല്ലിയാമ്പതി. ഇവിടെ സീതാർകുണ്ടിലും ലഹരിയുടെ പുകച്ചുരുളുകൾ യഥേഷ്ടം പാറിക്കളിക്കുന്നു. കാഴ്ചകൾ കണ്ടു നടക്കുന്നിടയിലാണ് ആ കാഴ്ചയിൽ കണ്ണുടക്കിയത്. ഒരുകൂട്ടം കുട്ടികൾ കൊക്കയിലേക്ക് തള്ളി നിൽക്കുന്ന ഒരു പാറയിൽ താഴേക്ക് കാലുകൾ ഇട്ട് ആസ്വദിച്ചു പുകവലിക്കുന്നു. തൊട്ടടുത്തായി ഒരു വാനരപ്പടയുമുണ്ട്. ഒന്ന് പിഴച്ചാൽ നെല്ലിയാമ്പതി എന്ന സ്വർഗ്ഗത്തിലെ മാലാഖാമാരാകാം അവർക്ക്..

എന്തൊരു ധൈര്യം…പക്ഷേ ഈ കാട്ടിക്കൂട്ടലുകൾ ഒരുപക്ഷെ കണ്ണുനീരിലേക്കാവും കൊണ്ടുചെന്നെത്തിക്കുക..പ്രകൃതിയെ ആസ്വദിക്കൂ. അതുപക്ഷേ ജീവൻ പണയം വച്ചുകൊണ്ടാവരുത്.

ഇത്രയധികം സഞ്ചാരികൾ കുടുംബത്തോടൊപ്പം (ചെറിയ കുട്ടികൾ ഉൾപ്പെടെ) വരുന്ന സ്ഥലം ആയിട്ടുകൂടി ഒരു സെക്യൂരിറ്റിയേ ഇവിടെ നിയമിച്ചിട്ടില്ല.. പക്ഷേ പാർക്കിങ്ങിൽ പൈസ മേടിക്കാൻ ഒരാളെ നിർത്തിയിട്ടുണ്ട്..

ഇങ്ങനെ ദിവസം പിരിക്കുന്ന പാർക്കിങ് ഫീസിന്റെ ചെറിയൊരു അംശം മാത്രം മതി അപകടം പതിയിരിക്കുന്ന ഇടങ്ങളിൽ ഒരു കമ്പിവേലി കെട്ടാൻ. അല്ലെങ്കിൽ സഞ്ചാരികളെ നിയന്ത്രിക്കാൻ ഒരു ഗാർഡിനെ നിയമിക്കാൻ. ഇപ്പോൾ വല്ലപ്പോഴും ഒന്ന് വന്നുപോകുന്ന പോലീസുകാർ മാത്രമാണ് ഒരു ആശ്വാസം..

ഒരു അപകടം ഉണ്ടായാൽ മാത്രമേ നാം ഉണരൂ. അപ്പോൾ മാത്രമേ ഹാഷ് ടാഗുകൾ ഉയർന്നുവരൂ. എന്നാൽ എങ്ങനെ ആ അപകടം ഉണ്ടാവാതെ നോക്കാം എന്ന് ആരും ചിന്തിക്കുന്നില്ല..ഈ സുന്ദരഭൂമിയിൽ വീശുന്ന കാറ്റിൽ രക്തത്തിന്റെ മനംമടുപ്പിക്കുന്ന ഗന്ധം കലരാതെറ്റിക്കട്ടെ.. ശുഭയാത്ര..സുരക്ഷിതയാത്ര..

1 comment
  1. 100 % Correct, 20 years before our Friend fell down from this point and died. even body found after 2-3 days
    please very careful with Seethar kundu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post