സൈക്കിളിൽ കറങ്ങി യാത്രകളെ പ്രണയിക്കുന്നവർ

Total
0
Shares

വിവരണം – ജോഷ്‌ന ഷാരോൺ ജോൺസൻ.

പല തരത്തിലുള്ള യാത്രികരെ കാണാറുണ്ട് ഞാൻ. ഒരു രൂപ പോലും കയ്യിൽ വയ്ക്കാതെ ഹിച്ച് ഹൈക്കിങ് ചെയ്തു വരുന്നവർ, നടന്നു വരുന്നവർ, സൈക്കിൾ ചവിട്ടി വരുന്നവർ, ബസ്സിൽ വരുന്നവർ, ടാക്സിയിൽ വരുന്നവർ, ബൈക്ക് – കാർ ഓടിച്ചു വരുന്നവർ, വണ്ടി റെന്റിനെടുത്തു വരുന്നവർ, ഫ്ലൈറ്റിൽ വരുന്നവർ… എന്നാൽ അവരെന്നെ അത്ഭുതപ്പെടുത്തിക്കളഞ്ഞു.

നാലു ദിവസം മുൻപാണ് നിയാസും ഷാഫിയും വരുന്നത്. മാർക്കറ്റിലെ ചുറ്റലും കറക്കവും കഴിഞ്ഞു ഇനി വന്നില്ലെങ്കിൽ നിന്റെ ചിക്കൻ തീറ്റ ഞാൻ നിർത്തും എന്ന സുധിയുടെ ഭീഷണിയിൽ വഴങ്ങി ഞാൻ ഹോട്ടലിൽ മടങ്ങിയെത്തി. ആദ്യം കണ്ടപ്പോൾ തന്നെ മലയാളികളാണെന്ന് മനസിലായി. അതുകൊണ്ടു പതിവ് കത്തിവപ്പ് തുടങ്ങി.

എത്ര ദിവസമായി വീട്ടിൽ നിന്നിറങ്ങിയിട്ട്.. എന്ന ചോദ്യത്തിന് 50 ദിവസം എന്ന മറുപടി എന്നെയാദ്യം ഞെട്ടിച്ചു. സൈക്കിൾ ചവിട്ടി വന്നു എന്നത് എന്നെ പിന്നെയും ഞെട്ടിച്ചു. ഇതുപോലുള്ള യാത്രകൾ അഞ്ചു വർഷമായി ഒരുമിച്ചു ചെയ്യുന്നുവെന്ന അടുത്ത മറുപടി വീണ്ടും ഞെട്ടിച്ചു. ഉറക്കം പള്ളികളിലും പൊതു ഇടങ്ങളിലും. ഏറ്റവുമൊടുവിൽ ചെലവ് ചുരുക്കലിന്റെ ഭാഗമായി ഹോട്ടലിന്റെ മുകളിൽ കിടന്നോട്ടെ എന്നവർ ചോദിച്ചു. മുൻപ് ഞങ്ങൾ അതനുവദിച്ചിരുന്നു. എന്നാൽ ഇത്തവണ സെക്യൂരിറ്റി പ്രോബ്ലെംസ് കാരണം അത് ചെയ്യുവാൻ ഞങ്ങൾക്ക് സാധിച്ചില്ല.

രാവിലെ കർതുന്ഗ്ലക്ക് പോകേണ്ടതിനാൽ ഞങ്ങളുടെ ഒപ്പം വീട്ടിലേക്ക് വരാനും അവർ തയ്യാറായില്ല. ഒടുവിൽ താഴെ മാർക്കറ്റിനരികിലുള്ള റോഡിൽ കാവൽ നിൽക്കുന്ന മിലിട്ടറിക്കാരുടെ അടുത്ത് കാര്യം പറഞ്ഞു. നല്ല ഏലക്കാ ചായയും ഇഞ്ചി ചായയും ഇടനയപ്പവും ഉണ്ണിയപ്പോം കൊഴുക്കട്ടമൊക്കെ എല്ലാ ദിവസവും കൊടുത്തു ഞാനവരെ കൂട്ടുകാരാക്കിയിട്ടുണ്ട്. അതിന്റെ നന്ദിയിൽ അവർ സമ്മതിച്ചു. ആർമി ചേട്ടന്മാർ അടുത്തുള്ള ട്രാഫിക് പോലീസ് സ്റ്റേഷനിൽ അവരെ ഉറങ്ങാൻ സമ്മതിച്ചു. അവർ തന്നെ നിലം വൃത്തിയാക്കി കാർബോർഡ് വിരിച്ചു മാറ്റ് ഇട്ടു അവർക്കു എല്ലാം ചെയ്തു കൊടുത്തു.

രാവിലെ കർതുന്ഗ്ലക്ക് പോകേണ്ടതിനാൽ ഹോട്ടലിലെ ടോയ്ലറ്റ് കീ അവരെ ഏൽപ്പിച്ചു ഞാനും സുധിയും വീട്ടിലേക്കും പൊന്നു. എന്നാൽ പിറ്റേന്ന് മൂന്നുമണിക്ക് എത്തുമെന്ന് പറഞ്ഞവർ അഞ്ചു മണിയായിട്ടും എത്തിയില്ല. എനിക്കധിയായി. കാലാവസ്ഥ വളരെ മോശം.
അവസാനം അന്വേഷിച്ച് പോകാൻ സുധി ഇറങ്ങിയപ്പോഴേക്കും പതുക്കെ രണ്ടു പേരും കിതച്ചും പ്രാഞ്ചിയും എത്തി. കർതുന്ഗ്ല പോയി തിരിച്ചു വരും വഴിയിൽ മഞ്ഞിൽ പെട്ടുപോയ രണ്ടുപേരെയും ഒരു ലോറി ഡ്രൈവർ സഹായിച്ച് സൈക്കിളും കയറ്റി തിരിച്ചെത്തിച്ചു.

രാത്രി നിസ്കാരം കഴിഞ്ഞു, ബിരിയാണീം കട്ടൻചായയും കുടിച്ചു തലേന്ന് സഹായിച്ച ആർമിക്കാർക്കു എന്റെയൊപ്പം ചായേം വട്ടായപ്പോപ്പോം കൊടുത്തു, കെട്ടിപ്പിച്ചു ഉമ്മയും കൊടുത്തു, ഞങ്ങളോട് യാത്രയും പറഞ്ഞു പിള്ളേർ ബസ് പിടിക്കാൻ പോയി.

ഇവിടുത്തെ നായ്ക്കൾക്ക് അപരിചിതരെ കാണാൻ വയ്യ. രാത്രിയായതുകൊണ്ടു സേഫ് ആയി എത്തിയെന്നു അറിയാൻ ഞങ്ങൾ പോയി നോക്കി. ബസ് സ്റ്റാൻഡിൽ സൈക്കിൾ ചാരി വച്ച് ഒരു വശം ചരിഞ്ഞിരുന്ന ഉറങ്ങുന്നു. എഴുന്നേൽപ്പിച്ചു വീണ്ടും യാത്ര പറയാൻ നിൽക്കാതെ ഞങ്ങളും തിരികെ പോന്നു.

നിയാസിനും ഷാഫിക്കും സാമ്പത്തിക ബുദ്ധിമുട്ടുകളുണ്ട്. രണ്ടു പേർക്കും തിരികെ ചെല്ലുമ്പോൾ ജോലിയുമുണ്ടാകില്ല. എന്നാൽ ഇതൊന്നും യാത്രകളിൽനിന്നു അവരെ തിരികെ വിളിക്കുന്നില്ല. കാരണം യാത്രയെ പ്രണയിക്കുന്നവരാണവർ..

ലഡാക്കിൽ എന്താവശ്യങ്ങൾക്കും വിളിക്കാം: 8848392395, 8086932149.

1 comment
  1. ചേച്ചിയും സുധി ചേട്ടനും പോളി ആണ്… നിങ്ങളെ രണ്ടു പേരെയും കാണാൻ സാധിച്ചതിൽ ഒരുപാട് സന്തോഷം ഉണ്ട്.. അതിലുപരി നന്ദിയും.. നേരത്തിനു നേരത്തിനു ഫ്രീ ആയി ഭക്ഷണം തന്നതിനും, പട്ടാളക്കാർക്കിടയിൽ കിടന്നുറങ്ങാൻ ഒരു അവസരം ഒരുക്കി തന്നതിലും അങ്ങനെ അങ്ങനെ പറഞ്ഞാൽ തീരാത്ത അത്രയും.. Thankyou chechi,, thankyou sudhi chetta.. 😘😘😘

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post