“എൻ്റെ പെരുന്നാളിങ്ങനെയാ..” പ്രളയബാധിതർക്കായി കടയിലെ മുഴുവൻ വസ്ത്രങ്ങളും നൽകി നൗഷാദ്…

Total
0
Shares

പ്രളയദുരിതത്തിൽ അകപ്പെട്ട് ക്യാമ്പുകളിൽ കഴിയുന്നവർക്ക് കേരളത്തിന്റെ വിവിധ ഭാഗങ്ങളിൽ നിന്നും സഹായഹസ്തങ്ങൾ നീളുന്ന ഈ സാഹചര്യത്തിൽ നന്മയുടെ പര്യായമായി ഏവരുടെയും കണ്ണും മനസ്സും നിറയ്ക്കുകയാണ് എറണാകുളം വൈപ്പിൻ, മാലിപ്പുറം സ്വദേശിയും ബ്രോഡ്‌വെയിൽ ചെറുകിട കച്ചവടക്കാരനുമായ നൗഷാദ്.

സിനിമാതാരം കൂടിയായ രാജേഷ് ശർമ്മയും സുഹൃത്തുക്കളും കൂടി എറണാകുളം ബ്രോഡ് വെയിലെ കടകളിൽ ചാക്കുകളുമായി കയറി വയനാട്, നിലമ്പൂർ ദുരിതാശ്വാസ ക്യാമ്പുകളിലേക്കായി സഹായങ്ങൾ അഭ്യർത്ഥിക്കുകയായിരുന്നു. പലതരത്തിലുള്ള പ്രതികരണങ്ങളായിരുന്നു അവർ അഭിമുഖീകരിച്ചത്. ചില കടക്കാർ ഒന്നോ രണ്ടോ വസ്ത്രങ്ങളോ ചെരിപ്പുകളോ ഒക്കെ കൊടുത്തപ്പോൾ ചിലർ കച്ചവടം കുറവാണ് എന്നു പറഞ്ഞുകൊണ്ട് കൈമലർത്തി.

കടക്കാരേക്കാൾ അത്ഭുതപ്പെടുത്തിയത് വഴിയോരത്ത് തുണിത്തരങ്ങളും മറ്റും കച്ചവടം ചെയ്തിരുന്ന അന്യസംസ്ഥാനക്കാരായ ആളുകളായിരുന്നു. നഷ്ടക്കണക്കുകളൊന്നും പറയാതെ, അവരുടെ മുതലാളിമാരോട് അനുവാദം പോലും ചോദിക്കാതെ, സ്വന്തം റിസ്‌ക്കിൽ അവരാൽ കഴിയുന്നത് സംഭാവന ചെയ്യുകയുണ്ടായി. അങ്ങനെ സഹായങ്ങൾ ചോദിച്ചുകൊണ്ട് നടക്കുന്നതിനിടെയായിരുന്നു മാലിപ്പുറം സ്വദേശിയായ നൗഷാദ് വന്ന് വസ്ത്രങ്ങൾ തരാമെന്നു പറഞ്ഞുകൊണ്ട് അവരെ അയാളുടെ കടയിലേക്ക് ക്ഷണിക്കുന്നത്.

കടയിലെത്തിയ സംഘത്തെ ഞെട്ടിച്ചുകൊണ്ട് നൗഷാദിന്റെ ആദ്യത്തെ ചോദ്യം “പാന്റുകള് വേണോ”യെന്ന്. എന്തു തന്നാലും സ്വീകരിക്കുമെന്ന് മറുപടി കൊടുത്തപ്പോൾ ഒരു വലിയ ചാക്കുകെട്ട്‌ അതേപടി എടുത്ത്‌ മുന്നിലേക്കു വച്ച്‌ ദാ എടുത്തോയെന്ന് പറഞ്ഞു നൗഷാദ്. അടുത്തത്‌ കുട്ടികൾക്കുള്ള വസ്ത്രങ്ങൾ, അതിനടുത്തത്‌ കുഞ്ഞുകുട്ടികളുടെ ഉടുപ്പുകൾ, അംഗംങ്ങനെ.. ഇവയെല്ലാം ഓരോന്നായിട്ട്‌ പെറുക്കിവയ്ക്കുകയല്ല, വാരിയിടുകയായിരുന്നു.

നൗഷാദ് എന്ന സാധാരണക്കാരനായ ആ കച്ചവടക്കാരൻ, പെരുന്നാൾ പ്രമാണിച്ച് പുതുതായി സ്റ്റോക്ക് ഇറക്കിയ വസ്ത്രങ്ങളെല്ലാം ചാക്കുകളിലാക്കി അവർക്ക് കൊടുക്കുകയാണ് ചെയ്തത്. വസ്ത്രങ്ങളടങ്ങിയ ചാക്കുകൾ വീണ്ടും വീണ്ടും എടുത്തു കൊണ്ടുവന്നപ്പോൾ “മതി നിങ്ങൾക്കിത് വലിയ നഷ്ടം വരുത്തില്ലേ‌?” എന്നു ചോദിച്ചപ്പോൾ, “നമ്മൾ പോകുമ്പോൾ ഇതൊന്നും ഇവിടുന്ന് കൊണ്ടുപോവാൻ പറ്റൂല്ലല്ലോ? എനിക്ക് നാട്ടുകാരെ സഹായിക്കുന്നതാണ് എന്റെ ലാഭം. നാളെ പെരുന്നാളല്ലേ.. എന്റെ പെരുന്നാളിങ്ങനെയാ.” എന്നുപറഞ്ഞ് ചിരിച്ചൊരു മനുഷ്യൻ, അതാണ് നൗഷാദ്.

ഈ സംഭവങ്ങളെല്ലാം ആദ്യം മുതലേ രാജേഷ് ശർമ്മയും സുഹൃത്തുക്കളും ഫേസ്‌ബുക്കിൽ ലൈവ് വീഡിയോ ഇട്ടിരുന്നു. നൗഷാദ് ഇവരെ വിളിച്ചുകൊണ്ടു പോകുന്നതും, വസ്ത്രങ്ങളടങ്ങിയ ചാക്കുകൾ ഓരോന്നായി മുന്നിൽ വെയ്ക്കുന്നതും, അവരെല്ലാം ഇതുകണ്ട് അത്ഭുതസ്തബ്ധരായി പോകുന്നതുമെല്ലാം ആ വീഡിയോയിൽ നമുക്ക് കാണാവുന്നതാണ്. അവസാനം രാജേഷ് ശർമ്മ നൗഷാദിനെ കെട്ടിപ്പിടിച്ചുകൊണ്ട് വളരെ വികാരനിര്ഭരനായാണ് നന്ദി പറഞ്ഞത്.

വീഡിയോ സോഷ്യൽ മീഡിയയിൽ വൈറലായതോടെ കേരളത്തിലെ മുഖ്യധാരാ മാധ്യമങ്ങളും ഇത് വാർത്തയാക്കി. നിറഞ്ഞ കണ്ണുകളോടെയാണ് ആളുകൾ ഈ വീഡിയോ ദൃശ്യങ്ങൾ കണ്ടത്. കേരളം മുഴുവനും നൗഷാദിനു നന്ദി പറഞ്ഞു, ഇപ്പോഴും പറഞ്ഞുകൊണ്ടേയിരുന്നു. ഇതിനിടെ നടൻ രാജേഷ് ശർമ്മ നൗഷാദിന്റെ മൊബൈൽ നമ്പർ ഫേസ്‌ബുക്കിലൂടെ ഷെയർ ചെയ്യുകയും ചെയ്തു. ധാരാളമാളുകളാണ് നൗഷാദിനെ വിളിച്ചു നേരിട്ട് അഭിനന്ദനങ്ങൾ അറിയിച്ചുകൊണ്ടിരിക്കുന്നത്.

ക്യാമറയിൽ നോക്കാൻ പോകും മടിയുള്ള, വെറും സാധാരണക്കാരനായ ഒരു പാവം കച്ചവടക്കാരൻ. അയാൾക്ക്‌ ജീവിക്കാനുള്ളതു മുഴുവനാണു കൊടുത്തത്‌. മാലിപ്പുറത്തുകാരൻ നൗഷാദിക്കാ.. നിങ്ങൾ ഞങ്ങളുടെ ഹീറോയാണ്. ഹീറോ എന്നു മാത്രം പറഞ്ഞാൽ പോരാ, ദൈവം തന്നെയാണ്. മനുഷ്യത്വവും നന്മയും ഇന്നും മരവിച്ചിട്ടില്ലായെന്ന തിരിച്ചറിവാണ് നൗഷാദിനെപ്പോലുള്ളവർ നമുക്ക് കാണിച്ചു തരുന്നത്. ഇതുപോലെ ധാരാളം നൗഷാദുമാർ നമ്മുടെ സമൂഹത്തിലുണ്ട്. നമുക്കും അവരെപ്പോലെയാകാം, പ്രളയക്കെടുതിയിൽ ജീവിതം വഴിമുട്ടിയ നമ്മുടെ സഹോദരങ്ങളെ കൈപിടിച്ചുയർത്തുവാൻ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post