പന്നിയിറച്ചിയിലെ ഒന്നാമൻ; ഓലത്താന്നിയിലെ ചന്ദ്രൻ ചേട്ടൻ്റെ കട

Total
6
Shares

വിവരണം – Praveen Shanmukom, ARK – അനന്തപുരിയിലെ രുചി കൂട്ടായ്മ.

ഇത് ഓലത്താന്നിയിലെ ചന്ദ്രൻ ചേട്ടന്റെ കട. പന്നി ഇറച്ചി എന്ന് വച്ചാൽ എന്റെ പൊന്നോ, തകർത്തു വാരി കളഞ്ഞില്ലേ..പൊളിച്ചടുക്കി കളഞ്ഞു. ഓരോ കഷ്ണവും പൊളിച്ചു പണ്ടാരമടുക്കി. പന്നിയുടെ മാംസവും ആ അടുപ്പിലെ പാചകത്തിന്റെയും കൈപ്പുണ്യത്തിന്റെയും രുചി വന്നു നിറയുമ്പോൾ എന്തോന്നു ആമ്പിയൻസ്. നമ്മളെ ആ രുചി കൊണ്ട് പോകുവല്ലേ. പിന്നേയും ആമ്പിയൻസ് ഉണ്ടോ എന്ന് ചോദിച്ചാൽ എന്നെ സംബന്ധിച്ചു നല്ല ഒന്നാന്തരം നാട്ടുമ്പുറം ആമ്പിയൻസ് ആണ് . ബെഞ്ചും ഡെസ്കും , ഒഴുകി എത്തുന്ന പാട്ടും. മുന്നിൽ ഇലയിൽ നല്ല ആഹാരവും ചുറ്റും ഒരു ഗ്രാമത്തിന്റെ അന്തരീക്ഷവും.

ഹോളോ ബ്രിക്സിൽ പണിത ഒരു കെട്ടിടം. പുറത്ത് മൂടിയ ബക്കറ്റിൽ നിന്നും വെള്ളമെടുത്തു കൈ കഴുകി അകത്തു കയറി 3 ബെഞ്ചും ഡെസ്ക്കും. മുമ്മൂന്നു പേർ വച്ച് 9 പേർക്ക് ഇരിക്കാം. നേരെ ഒരു ബെഞ്ചിൽ ചെന്ന് സ്ഥാനം ഉറപ്പിച്ചു. പറഞ്ഞത് അനുസരിച്ചു ഇലയിൽ ആദ്യം വെള്ള മരിച്ചീനി എത്തി. പുറകേ ഒരു പന്നി തോരനും .

പന്നി തോരന്റെ രുചിയുടെ വിശേഷം പങ്കു വച്ചുവല്ലോ. പന്നി തോരനോടൊപ്പം എത്തിയ അടുത്ത അതിഥി ബീഫ് തോരനാണ്. ചേട്ടൻ തോരൻ എന്നാണ് പറയുന്നെതെങ്കിലും ഒരു റോസ്റ്റ്‌ പോലെയാണ് അനുഭവപ്പെടുന്നത്. ബീഫ് റോസ്റ്റും ഇവിടെ വന്നാൽ കഴിക്കാതെ വിടരുത്. അതിന്റെ രുചിയും നമ്മളെ കീഴടക്കും ഉറപ്പാണ് . കൂടെ തന്ന സവാളയും മുളകും അടങ്ങിയ സലാഡും പൊളിച്ചു. വയറു നിറച്ചു തട്ടി പരമാനന്ദത്തോടെ ഇറങ്ങി. വില വിവരം: മരിച്ചീനി – ₹ 20, ബീഫ് – ₹ 70, പന്നി – ₹ 80.

അതിജീവനത്തിന്റെ പാതയിലൂടെ കടന്നു വന്ന ഒരു മനുഷ്യൻ : ചേട്ടൻ ഒരു ഭക്ഷണയിടം ആദ്യം ആയി തുടങ്ങിയത് 19 വർഷം മുൻപാണ്. 2000 ൽ പാതിരശ്ശേരിയിൽ ആറ്റിൻകരയിലാണ്. അവിടെ ഒരു 4 വർഷം കട നടത്തി. 2004 ൽ ഇവിടെ ഓലത്താന്നിയിൽ ഇവിടെ കട ഇരിക്കുന്ന സ്ഥലത്ത് വന്നു . 2 വർഷം കഴിഞ്ഞപ്പോൾ കട പൊളിച്ചു പണിയണം (അതാണ് ഇപ്പോൾ ഹോളോ ബ്രിക്സ് ആയത്) എന്ന് പറഞ്ഞപ്പോൾ മാറി കൊടുത്തു. പിന്നെ കുറച്ചു മാറി വളവിന്റെ അവിടെയായി 3 വർഷം നടത്തി.

പിന്നെ ഓലത്താന്നിയിൽ കുരുശടിയുടെ അടുത്തായി പുലരിയിൽ പോയി 3 വർഷം അവിടെയായിരിന്നു. അവിടെ ഉണ്ടായിരുന്ന സമയം ഭാര്യയ്ക്കും മോൾക്കുമൊക്കെ സുഖമില്ലാതെ ആയപ്പോൾ കടയിൽ അധികം ശ്രെദ്ധിക്കാൻ പറ്റാതെ അത് നിർത്തേണ്ടി വന്നു. ആ സമയം 4 വർഷം കൊത്ത പണിക്കു കയ്യാളായി പോയി അതിനു ശേഷമാണു ഇവിടെ ഇപ്പോൾ നിൽക്കുന്ന സ്ഥലത്തു വീണ്ടും പണിത ഹോളോ ബ്രിക്സ് കെട്ടിടത്തിൽ തുടങ്ങിയത്. ഇവിടെ ഇപ്പോൾ 3 കൊല്ലമായി. കട്ടയ്ക്കു ചേട്ടന്റെ ഭാര്യ രതി ചേച്ചിയും കൂടെയുണ്ട്.

രാവിലെ 6 മണി മുതൽ വൈകുന്നേരം 5 മണി വരെയാണ് സമയം. രാവിലെ ദോശ, മുട്ട കറി, ഓംലെറ്റ്, ചമ്മന്തി, 10 മണി തൊട്ടു മരിച്ചീനിയും ഇറച്ചിയും , ചില ദിവസം ചപ്പാത്തിയും കാണും വരുന്ന ആൾക്കാരെ ഞാറായഴ്ചയുടെ സമയത്തിന്റെ കാര്യത്തിൽ തെറ്റിദ്ധരിപ്പിക്കുന്ന ഒരു ബാനർ അവിടെയുണ്ട് . അതിൽ 3 മണി വരെ എന്നുള്ളത് തെറ്റാണെന്നു ചേട്ടൻ പറഞ്ഞു . എല്ലാ ദിവസവും ഉള്ളത് പോലെ ഞാറായഴ്ചയും, വർഷങ്ങളായി 5 മണി വരെയാണ് സമയം .

ഞാറായഴ്ചയുടെ സമയത്തിന്റെ കാര്യം എടുത്തു പറയാൻ കാര്യം ഞാറായഴ്ച മാത്രമേ നിലവിൽ പന്നി ഇറച്ചി ഉള്ളൂ. പക്ഷേ പുതു വർഷം മുതൽ സീൻ മാറുകയാണ് സുഹൃത്തുക്കളെ. പുതുവർഷം മുതൽ ബുധനും ഞായറും പന്നി ഇറച്ചി കാണും. തിങ്കൾ മുതൽ ശനി വരെ കോഴി ഇറച്ചിയും ഇവിടെ ആഗതമാവുകയാണ്‌. കോഴി ഇറച്ചി ഇപ്പോഴേ തുടങ്ങി കഴിഞ്ഞു. പുതു വർഷം മുതൽ കോഴി സ്ഥിരമായി കാണും. ബീഫ് പതിവ് പോലെ എല്ലാ ദിവസവും കാണും.

80 രൂപ ഓട്ടോയ്ക്കുള്ള ഓട്ടം ഓടി ഇവിടുന്നു പാഴ്‌സൽ വാങ്ങിക്കാൻ വന്ന ഒരാളോടും, അത് പോലെ ഇവിടത്തെ ആഹാരം കഴിക്കാൻ ഒന്നും രണ്ടും മണിക്കൂർ യാത്ര ചെയ്തു ഇവിടെ എത്തിയ 3 പേരോടും സംസാരിച്ചു. സ്ഥിരം കസ്റ്റമേഴ്സ് ആണ് അവർ . ഒരിക്കൽ രുചി അറിഞ്ഞാൽ ജീവിത കാലം മുഴുവൻ നമ്മൾ മറക്കില്ല.

ലൊക്കേഷൻ: നെയ്യാറ്റിൻകരയിൽ നിന്ന് പൂവാർ റൂട്ട് – ഓലത്താന്നി ജംഗ്ഷൻ – അവിടെ ചെന്ന് ഇരുവൈക്കോണം പോകുന്ന റോഡ് ഏതെന്ന് ചോദിക്കുക. ഓലത്താന്നി ജംഷ്നിൽ നിന്ന് വലത്തോട്ട് പോയിട്ട് ഒരു നൂറ് മീറ്റർ ചെല്ലുമ്പോൾ ഇടത്തോട്ട് ഒരു റോഡ് തിരിയും. അവിടെ ബോർഡ് വച്ചിട്ടുണ്ട് ഇരുവൈ ഭഗവതി ക്ഷേത്രം എന്ന്. ആ റോഡ് നേരെ താഴെ ചെന്ന് ഇറക്കം ഇറങ്ങി വരുമ്പോൾ അടുത്ത ഒരു ജംഗ്ഷൻ.

അവിടെ ഒരു ജംഗ്ഷൻ വരും – ഒരു വഴി മഹാദേവ ക്ഷേത്രത്തിൽ പോകുന്നതും അല്ലാതെ വേറെ ഒരു വഴിയും. ഈ ജംഗ്ഷനും കടന്ന് വീണ്ടും മുന്നോട്ട് പോകുക. അടുത്തതായി വീണ്ടും ഒരു ജംഗ്ഷൻ വരും. ഒരു തോടു കൂടി കഴിഞ്ഞാണ് ഈ ജംഗ്ഷൻ. ഇതാണ് ഇരുവൈക്കോണം ജംഗ്ഷൻ. ഇവിടുന്ന് രണ്ട് റോഡ് തിരിയും. അവിടുന്ന് ജസ്റ്റ് ഇടത്തോട്ട് തിരിഞ്ഞാൽ ചന്ദ്രൻ ചേട്ടന്റെ കട. വലത്തോട്ട് തിരിഞ്ഞാൽ ഇരുവൈ ഭഗവതി ക്ഷേത്രം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post