കാടിൻ്റെ വന്യതയിൽ പറമ്പിക്കുളത്തെ ദ്വീപിൽ ഒരു രാത്രി ചെലവഴിക്കാം…

Total
0
Shares

വിവരണം – നീന പോൾ.

ഒരു പാട് കാലം സ്വപ്നം കണ്ട ഒരു ആഗ്രഹം സാക്ഷാത്കരിക്കാൻ വേണ്ടിയാണ് സുഹൃത്തിനെയും കൂട്ടി പറമ്പികുളത്തേക്ക് യാത്ര തിരിച്ചത്. കാടിന്റെ വന്യതയിൽ ഒരു രാത്രി ചിലവിടുക എന്നതായിരുന്നു ഞങ്ങളുടെ ലക്‌ഷ്യം. ബാംഗ്ലൂരിൽ നിന്നും പൊള്ളാച്ചി വഴി പറമ്പികുളത്തേക്കു ഒരു ശനിയാഴ്ച രാവിലെ യാത്ര തിരിച്ചു. ഏകദേശം 9 മണിക്കൂർ നേരം ആണ് റോഡ് മാർഗം എത്താൻ വേണ്ടി വരുന്ന ദൂരം. പറമ്പിക്കുളത്തെ ഗവണ്മെന്റ് അധികൃത താമസകേന്ദ്രങ്ങളിൽ ഒന്നായ ‘പെരുവാരി ഐലൻഡ്’ നെസ്റ്റിൽ ആണ് ഞങ്ങൾ ആ ഒരു രാത്രി താമസിക്കാൻ തീരുമാനിച്ചിരുന്നത്. കാറ്റാടികളും മരങ്ങളും തിങ്ങി നിറഞ്ഞ പൊള്ളാച്ചി വഴി യാത്ര ചെയ്തു ഞങ്ങൾ ഒടുവിൽ പറമ്പിക്കുളം ഫോറെസ്റ് റിസേർവിന്റെ റിസപ്ഷൻ ഡെസ്കിൽ എത്തി.

താമസം ബുക്ക് ചെയ്തു വരുന്നവർക്ക് സ്വന്തം വാഹനത്തിൽ ഒരു ഫോറെസ്റ് ഗൈഡിന്റെ അകമ്പടിയോടെ സഫാരിക്ക് പോകാൻ അനുമതിയുണ്ട്. അങ്ങനെ മുരുകേഷ് എന്ന ഗൈഡിനെയും കൂടി ഞങ്ങൾ സഫാരി ആരംഭിച്ചു. വേനലിന്റെ കടുത്തു ചൂട് കാരണം തേക്ക് കാടുകൾ ഏതാണ്ട് ഉണങ്ങി വരണ്ട അവസ്ഥയിൽ ആയിരുന്നു. യാത്രയിൽ മുഴുവൻ മാനുകളെയും, മ്ലാവുകളെയും ചിലപ്പോ ദൂരെ അകലെ മേയുന്ന കാട്ടുപോത്തിൻ കൂട്ടങ്ങളെയും കാണാൻ സാധിച്ചു. യാത്രയിൽ ഉടനീളം മുരുകേഷ് കടുവാകഥകൾ പറഞ്ഞു യാത്ര രസകരമാക്കി.

ഏകദേശം വൈകീട്ട് 5 മണിയോടെ പെരുവാരി ഐലൻഡ് നെസ്റ്റിലേക്കു പോകുവാനായി ഞങ്ങൾ ചങ്ങാടത്തിന്റെ അടുത്ത് എത്തി. രാത്രിയിൽ പാചകം ചെയ്യാൻ ഉള്ള കുറച്ചു സാധനങ്ങൾ ഞങ്ങൾ പറമ്പിക്കുളം ടൗണിൽ പോയി നേരത്തെ തന്നെ വാങ്ങി വെച്ചിരുന്നു. കാർ പാർക്ക് ചെയ്തു ആവശ്യത്തിനുള്ള സാധനങ്ങൾ എല്ലാം ചങ്ങാടത്തിൽ വെച്ച് ഞങ്ങൾ ഐലൻഡ് നെസ്റ്റിലോട്ടുള്ള 30 മിനിറ്റ് വരുന്ന യാത്ര ആരംഭിച്ചു.

അതിമനോഹരമായ ഈ യാത്ര ഞങ്ങളുടെ ഏറ്റവും നല്ല അനുഭവങ്ങളിൽ ഒന്നായി മാറുകയായിരുന്നു. ‘പെരുവാരി ഐലൻഡ്’ എന്ന കുഞ്ഞു ദ്വീപിനുള്ളിൽ കോൺക്രീറ്റ് പില്ലറുകളുടെ മുകളിലാണ് സന്ദർശകർക്ക് താമസിക്കാനുള്ള കുഞ്ഞു വീട് പണിതിരിക്കുന്നത്. മരത്തടികൾ വെച്ചാണ് കോട്ടേജുകൾ നിർമ്മിച്ചിരിക്കുന്നത്. ദ്വീപ് ആയതിനാൽ കാട്ടിൽ നിന്നുമുള്ള വല്യ മൃഗങ്ങൾ ഒന്നും തന്നെ ഇവിടെ എത്തുകയില്ല. ഗൈഡ് പറഞ്ഞത് അനുസരിച്ചു ഈ ദ്വീപിലെ അന്തേവാസി രണ്ടു രാജവെമ്പാലയും അവരുടെ കുടുംബവും ആണ്. പിന്നെ വല്ലപ്പോഴും നീന്തി എത്തുന്ന മുതലയും. ഇവരെ കൂടാതെ ഒട്ടനവധി പക്ഷികളെയും ഇവിടെ കാണാം. രാത്രി ആകുന്നതോടെ ചീവീടുകളുടെ ശബ്ദവും വല്ലപ്പോഴും കാട്ടിൽ നിന്നും ആനയുടെ ചിന്നംവിളിയും മാത്രമാണ് രാത്രിയുടെ നിശ്ശബ്ദതതയെ കീറി മുറിക്കാൻ എത്തുന്നത്. ഗൈഡും വഞ്ചിക്കാരനും ചേർന്ന് ഞങ്ങൾക്ക് സ്വാദിഷ്ടമായ ഒരു ഡിന്നർ ഒരുക്കി തന്നു വീണ്ടും കുറെയേറെ കഥകൾ പറഞ്ഞതിന് ശേഷം ഞങ്ങൾ രാത്രിയുടെ ശബ്ദങ്ങൾ കേട്ട് ആ വന്യതയിൽ ഉറക്കമാണ്ടു.

ഞങ്ങൾ സഞ്ചരിച്ച റൂട്ട് : ബാംഗ്ലൂർ – പൊള്ളാച്ചി -പറമ്പിക്കുളം, റോഡ് വഴി 9 മണിക്കൂർ യാത്ര. BSNL അല്ലാതെ വേറെ ഒരു നെറ്വർക്കും ഈ ഭാഗത്തു ലഭിക്കാൻ ബുദ്ധിമുട്ടാണ്. കൂടാതെ ദ്വീപിൽ ഇന്റർനെറ്റ് കിട്ടാൻ പ്രയാസമാണ്. താമസം റിസേർവ് ചെയ്യാൻ ഗവണ്മെന്റ് വെബ്സൈറ്റ് ഉപയോഗിക്കാം. ഏകദേശം Rs 8000 /- ആണ് ഒരു ദിവസം താമസിക്കാൻ ഉള്ള റേറ്റ്. പെരുവാരി ഐലൻഡ് നെസ്റ്റിൽ ഏകദേശം 5 പേർക്ക് താമസിക്കാം. സോളാർ പാനൽ വഴി ആണ് ഇവിടെ വൈധ്യുതി ലഭിക്കുന്നത്. സിലിങ് ഫാനും വാട്ടർ ഹീറ്ററും ഒഴികെ ബാക്കി എല്ലാ സൗകര്യങ്ങളും ഇവിടെ ലഭ്യമാണ്. Blog Link – https://bit.ly/2uoBi1Y .

NB : ദ്വീപിൽ നിന്നും നോക്കിയാൽ പെരുവാരി പള്ളം ഡാമിന്റെ കാഴ്ച്ചകൾ കാണാവുന്നതാണ്. മുളങ്കാടുകൾ നിറഞ്ഞു നിൽക്കുന്ന അതിമനോഹരമായ വന സൗന്ദര്യം നമുക്കിവിടെ അനുഭവപ്പെടും. ഇവിടെ നിന്നുള്ള അസ്തമയക്കാഴ്ച വളരെ മനോഹരമാണ്. കാടിന്റെയും പുഴയുടേയുമൊക്കെ സൗന്ദര്യം ആസ്വദിക്കുന്നതോടൊപ്പം ഇവിടത്തെ മറ്റൊരു പ്രധാന ആകർഷണം നല്ല രുചിയേറിയ നാടൻ ഭക്ഷണമാണ്. ഭക്ഷണം പാകം ചെയ്യുന്നതിനുള്ള എല്ലാ സൗകര്യങ്ങളും ദ്വീപിലുണ്ട്. സഞ്ചാരികൾക്ക് സ്വയം പാചകം ചെയ്യണമെങ്കിൽ അങ്ങനെയാകാം. അല്ലെങ്കിൽ ഇവിടത്തെ ജീവനക്കാർ ഭക്ഷണം പാകപ്പെടുത്തി തരും. ടൂർ പാക്കേജ് മുൻകൂട്ടി ബുക്ക് ചെയ്യാൻ parambikulam.org എന്ന വെബ്‌സൈറ്റ് സന്ദർശിക്കാവുന്നതാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post