പാത്തു: മൂന്ന് മക്കളുടെ അമ്മ, സ്വപ്നം : ഹിമാലയത്തിലെ എവറസ്റ്റ് കൊടുമുടി കയറുക.

Total
1
Shares

എഴുത്ത് – Bani Zadar.

മൂന്ന് വർഷം മുൻപ് ഭൂട്ടാനിലെ ടൈഗർ നെസ്റ്റ് എന്ന ബുദ്ധ വിഹാരത്തിലേക്കു പാത്തുവും മക്കളും ഞാനും കൂടെ ട്രെക്കിംഗ് ചെയ്യുമ്പോൾ ആയിരുന്നു പാത്തു ആദ്യമായി ഈ ഒരു ആഗ്രഹം എന്നോട് പറഞ്ഞത്. “ഒരു ദിവസം നമ്മൾക്ക് എവെറസ്റ്റ് കയറണം” എന്ന്. ആ ടൈഗർ നെസ്റ്റിൽ എത്താൻ ആറ് മണിക്കൂറിൽ അധികം മല കയറി തളർന്നു. ഇനി എങ്ങനെ താഴേക്കു തിരിച്ചു ഇറങ്ങും എന്ന് ആലോചിച്ചു ഇരിക്കുമ്പോൾ ആയിരുന്നു പാത്തു ഈ കാര്യം പറഞ്ഞത്.

ഞാൻ പറഞ്ഞു “അല്ല മോളേ, ഈ അഞ്ചാറു മണിക്കൂർ കൊണ്ട് തന്നെ മനുഷ്യന്റെ ഊപാട് ഇളകി. അപ്പോഴാണോ മാസങ്ങൾ നീണ്ടു നിൽക്കുന്ന എവെറസ്റ്റ്‌. എന്നെ കൊണ്ട് പറ്റൂല.”
പാത്തു മറുപടി പറഞ്ഞു, “എന്നാൽ പിന്നെ ഞാൻ ഒറ്റക്ക് തന്നെ പൊയ്ക്കൊള്ളാം” എന്ന്. അത് കേട്ടപ്പോൾ ഞാൻ മനസ്സിൽ ഓർത്തു, ചിലപ്പോൾ അതും ചെയ്യുമായിരിക്കും കാരണം നമ്മൾ പുരുഷ കേസരിയെക്കാളും എന്തു കൊണ്ടും ശക്തർ സ്ത്രീകൾ തന്നെയാണ്. അവർ ചിലപ്പോൾ കൊച്ചുങ്ങളെയും കയ്യിൽ എടുത്തു ഈ മലയൊക്കെ നടന്നു കയറും.

അന്ന് ഞാൻ അതൊരു തമാശ ആയിട്ടായിരുന്നു എടുത്തിരുന്നത്. എന്നാലും പാത്തു ആ സ്വപ്നം മനസ്സിൽ ഇട്ട് നടന്നു. ഇവിടെ മക്കളുടെ കൂടെ യുദ്ധം ചെയ്യുമ്പോഴും, അടുക്കളയിൽ കിടന്നു കഷ്‌ടപ്പെടുമ്പോഴും പാത്തു തന്റെ സ്വപ്നം നിറവേറ്റാൻ ഉള്ള കാര്യങ്ങളെ പറ്റി പഠിച്ചു കൊണ്ടിരിക്കുക ആയിരുന്നു. എവറസ്റ്റിന്റെ ബേസ് ക്യാമ്പിൽ എത്താൻ തന്നെ ഏതാണ്ട് രണ്ട് ആഴ്ചകളിൽ കൂടുതൽ എടുക്കും. അതും അവിടെ ഉള്ള കാലാവസ്ഥയും ആയി പൊരുത്തപ്പെട്ടിട്ടു വേണം ആ ട്രെക്കിങ് ചെയ്യാൻ.

അതിന്റെ ആദ്യ പടിയാണ് തന്റെ പിറന്നാൾ ദിനത്തിൽ തന്നെ ഈ യാത്ര പോകാൻ പാത്തു തീരുമാനിച്ചത്. ഹിമാചൽ പ്രദേശിലെ വാഹന സ്വകര്യം ഒന്നും ഇല്ലാത്ത, നടന്നു പോകാൻ മാത്രം പറ്റുന്ന ഗ്രഹൺ പോലുള്ള കൊച്ചു ഗ്രാമത്തിലൂടെ നടന്നു യാത്ര ചെയ്യുക. അവിടെ ഇപ്പോൾ ഉള്ള സമ്മറിലെ കാലാവസ്ഥയും ആയി പൊരുത്തപ്പെട്ടു അഞ്ചാറു ദിവസം ട്രെക്കിങ് ചെയ്യാൻ ആണ് പാത്തു അവിടെ കാസോളിൽ എത്തിയിരിക്കുന്നത്. ഇതു പോലെ തന്നെ ഇനി ഈ കൊല്ലം അവസാനം ശൈത്യകാലത്തും ഒരു ട്രെക്കിങ് ചെയ്‌താൽ, അടുത്ത കൊല്ലത്തെ എവെറസ്റ്റ് ബേസ് ക്യാമ്പിങ്ങിൽ പോകാൻ പറ്റുമായിരിക്കും എന്നാണ് പാത്തുവിന്റെ ഒരു കണക്കു കൂട്ടൽ.

ഇതു വരെ എന്റെ കൂടെ കാറിൽ ആയിരുന്നു ഈ ദുനിയാവ് മുഴുവൻ പാത്തു കണ്ടിരുന്നത്. ഇത്‌ ഇപ്പോൾ വളരെ കഠിനമായ സോളോ ട്രിപ്പ് ആണ് പാത്തു ചെയുന്നത്. എയർപോർട്ടിൽ എത്തിയപ്പോൾ പൊതുവെ നടക്കാൻ മടിയൻ ആയ ഞാൻ പാത്തൂനോട് ചോദിച്ചു, “ഈ മാറാപ്പൊക്കെ ചുമന്നു ഇത്രയും ദിവസം നടന്നു അവിടെയൊക്കെ പോകുക എന്നത് നല്ല ബുദ്ധിമുട്ട് ഉള്ള കാര്യം അല്ലേ പാത്തു?”

ഇവിടെ പാത്തുവിന്റ ചിരിച്ചു കൊണ്ടുള്ള മറുപടി ആണ് എനിക്ക് ഇഷ്‌ടപെട്ടത്. “മൂന്ന് മക്കളെയും പെറ്റു പോറ്റി വളർത്തി, അതിന്റെ കൂടെ കുഴിമടിയനായ നിന്നെയും നോക്കുന്ന അത്രയും ബുദ്ധിമുട്ട് എന്തായാലും ഇതിന് ഉണ്ടാവില്ല.” മനസ്സിൽ ഓർത്തു ശോ…ചോയിക്കണ്ടായിരുന്നു. പാത്തു എന്നെ ഒന്നൂടെ തൊണ്ടിയിട്ട് പറഞ്ഞു, “അതേയ് ഏറെക്കുറെ എല്ലാ പെൺകുട്ടികളും എന്നെ പോലെ തന്നെയാണ്. അവർക്ക് മനസ്സിൽ ഇങ്ങനെ ഒരുപാട് ആഗ്രഹങ്ങളും സ്വപ്നങ്ങളും ഒക്കെ ഉണ്ട്. എല്ലാരും മറ്റുള്ളവർ എന്ത് വിചാരിക്കും എന്ന് ഓർത്തു പുറമെ കാണിക്കാതെയും പറയാതെയും ഇരിക്കുന്നത് ആണ്. അങ്ങനെ നമ്മൾ മറ്റുള്ളവരുടെ ഇഷ്‌ടങ്ങൾക്കു അനുസരിച്ചു ജീവിക്കാൻ നിന്നാൽ ജീവിത കാലം മുഴുവൻ ആ നീറായിൽ (അടുക്കള) ഇരിക്കേണ്ടി വരും.”

ഇതൊക്കെ കേട്ടപ്പോൾ ഞാൻ പാത്തൂനോട് പറഞ്ഞു, “എനിക്ക് ഇപ്പോൾ മാനത്തെ കൊട്ടാരം എന്ന സിനിമയിലെ ഇന്ദ്രൻസ് പറഞ്ഞ ഡയലോഗ് ആണ് ഓർമ്മ വരുന്നത്.” അവൾ പുരികം പൊക്കി വെച്ച് എന്നെ നോക്കിയപ്പോൾ ഞാൻ പറഞ്ഞു, “അതായത് അവനവനു മൂത്രം ഒഴിക്കണമെങ്കിൽ അവനവൻ തന്നെ പിടിക്കണം” എന്ന്. അത് കേട്ടപ്പാടെ കയ്യിൽ ഉള്ള ചെറിയ ബാഗ് കൊണ്ട് എനിക്ക് ഒരു അടിയും തന്നിട്ട്, കുട്ടിപട്ടാളത്തെ ചേർത്ത് പിടിച്ചു ഉമ്മ കൊടുത്തു എന്നിട്ട് എന്നെ ചൂണ്ടി കാണിച്ചു പറഞ്ഞു, “ഞാൻ വരുന്നത് വരെ നിങ്ങൾ ഈ കുഴിമടിയനെ നോക്കിക്കോളണം” എന്ന്. അതും പറഞ്ഞു പാത്തു എയർപോർട്ടിന്റെ അകത്തേക്ക് കയറി പോയി.

തിരിച്ചു കാറിൽ വീട്ടിലേക്ക് പോകുമ്പോൾ ഞാൻ മനസ്സിൽ ഓർത്തു, എന്തായാലും അടുക്കളയിൽ നിന്നും ഹിമാലയത്തിലേക്കുള്ള യാത്രക്ക് പാത്തു തുടക്കം കുറിച്ചിരിക്കുകയാണ്. എനിക്ക് ഇതിൽ നിന്നും ഒരു കാര്യം മനസിലായി.അതായത് രമണാ.. നമ്മൾ ഒരു കാര്യം ചെയ്യണം എന്ന് വിചാരിച്ചു അത് ചുമ്മാ മനസ്സിൽ ഇട്ടിട്ടും അതു മറ്റുള്ളവർ ചെയ്യുന്നത് യൂട്യൂബിലും സോഷ്യൽ മീഡിയയിലും നോക്കി ഇരുന്നിട്ടും ഒന്നും ഒരു കാര്യവും ഇല്ല. നമ്മൾക്ക് വേണോ… നമ്മൾ അങ്ങ് ഇറങ്ങി തിരിക്കുക, അത്ര തന്നെ.

ഇന്ന് പാത്തു ചെയ്യുന്നത് ഒരു പക്ഷേ ചെറിയ ഒരു കാര്യം ആയിരിക്കാം. പക്ഷേ നാളെ അത് ഞങ്ങളുടെ മക്കൾക്ക് പറഞ്ഞു കൊടുക്കാൻ ഉള്ള വലിയ ഒരു അറിവാണ്. ആണായാലും പെണ്ണ് ആയാലും സ്വപ്നങ്ങൾ എല്ലാവരുടെയും ഒരു പോലെ ആണെന്നുള്ള സത്യം. നിങ്ങൾ നിങ്ങളുടെ ആൺ മക്കളെ ഹിമാലയത്തിൽ ട്രിപ്പ് പോകാൻ അനുവാദം കൊടുക്കുമ്പോൾ, അതേ സ്വാതന്ത്ര്യം പെൺമക്കൾക്കും കൊടുക്കാൻ ശ്രമിക്കുക മാത്രമല്ല, അവളെ അതിന് പോകാൻ ഉള്ള തരത്തിൽ പ്രാപ്തയാക്കുക കൂടി ആണ് വേണ്ടത്. കാരണം സ്വപ്നങ്ങൾ എല്ലാവർക്കും ഒരു പോലെയാണ്. ബാക്കി സ്റ്റോറീസ് പാത്തൂന്റെ ഇൻസ്റ്റാഗ്രാമിൽ നേരിട്ട് കാണാം – https://bit.ly/2UJ3aOO .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post