‘പ്രസിദ്ധ’മായ പാലിയേക്കര ടോൾ ബൂത്ത് ബലമായി തുറന്ന് യുവതി…

Total
0
Shares

കേരളത്തിലെ പേരുകേട്ട (കുപ്രസിദ്ധമായ എന്നു വേണമെങ്കിലും പറയാം) ഒരു ടോൾ പ്ലാസയാണ് തൃശ്ശൂരിലെ പാലിയേക്കരയിലേത്. തുടക്കം മുതലേയുള്ള പ്രശ്നങ്ങൾ ഇന്നും പാലിയേക്കര ടോൾ പ്ലാസയെ വിട്ടൊഴിയുന്നില്ല. യാത്രക്കാർക്കു നേരെ ജീവനക്കാരുടെ ഗുണ്ടായിസവും അതിക്രമവും നാൾക്കുനാൾ വർധിച്ചു വരികയാണ്.

പ്രമുഖർ ഉൾപ്പെടെ ധാരാളമാളുകൾ ടോൾ ബൂത്ത് ജീവനക്കാരുടെ അഹങ്കാരത്തിനെതിരെ ഇവിടെ പ്രതികരിച്ചിട്ടുണ്ട്. ചിലതൊക്കെ വാർത്തകളിൽ ഇടം നേടിയിട്ടുമുണ്ട്. ചിലരുടെയൊക്കെ പ്രതിഷേധങ്ങൾക്ക് മുന്നിൽ ടോൾ ബൂത്ത് ഗുണ്ടകൾ തല കുനിച്ചിട്ടുമുണ്ട്. എങ്കിലും പിന്നെയും എല്ലാം ഇവിടെ ആവർത്തനം തന്നെയാണ്.

കഴിഞ്ഞ ദിവസം (ജനുവരി 23) വൈകുന്നേരം പാലിയേക്കര ടോൾ പ്ലാസയിൽ കാത്തുകിടക്കേണ്ടി വന്ന കാർ യാത്രികയായ യുവതി ആ ദേഷ്യം തീർത്തത് ടോൾ ബൂത്തിലെ ബാരിയർ ബലമായി തുറന്ന് വാഹനങ്ങളെയെല്ലാം കടത്തി വിട്ടുകൊണ്ടായിരുന്നു. തിരുവനന്തപുരം സ്വദേശിയായ യുവതി വീട്ടിലേക്ക് മടങ്ങും വഴിയായിരുന്നു സംഭവം.

ആറു വാഹനങ്ങളിൽക്കൂടുതൽ കാത്തു കിടക്കേണ്ടി വന്നിട്ടും ടോൾ ബൂത്ത് ജീവനക്കാർ തുറന്നു വിടാത്തത് ചോദ്യം ചെയ്ത യുവതി ബലമായിത്തന്നെ വാഹനങ്ങൾക്ക് തടസ്സം നിന്നിരുന്ന സ്റ്റോപ്പ് ബാരിയർ ഉയർത്തി വാഹനങ്ങളെയെല്ലാം കടത്തി വിടുകയായിരുന്നു. ഇതുമൂലം ഏതാണ്ട് ഇരുപതു മിനിറ്റോളം ഇതുവഴി വാഹനങ്ങൾക്ക് ടോൾ കൊടുക്കാതെ പോകുവാൻ സാധിച്ചു.

യുവതിയുടെ പ്രവൃത്തി ചോദ്യം ചെയ്യാനെത്തിയ ടോൾ ബൂത്ത് ജീവനക്കാരോട് അതേ നാണയത്തിൽത്തന്നെ യുവതി ക്ഷോഭിക്കുകയും ചെയ്തു. ഇതിനിടെ ടോൾ ബൂത്ത് ജീവനക്കാരിലൊരാൾ യുവതിയുടെ ചിത്രം മൊബൈൽഫോൺ ക്യാമറയിൽ എടുക്കുവാൻ ശ്രമിച്ചു. ഇതുകണ്ട യുവതി അയാളുടെ കൈയിൽ നിന്നും ഫോൺ തട്ടിയെറിയുകയും, അത് താഴെ വീഴുകയും ഉണ്ടായി. ഇതോടെ കൈയേറ്റം ചെയ്യാൻ ടോൾ ബൂത്ത് ഗുണ്ടകൾ ശ്രമം നടത്തിയെങ്കിലും, ധൈര്യത്തോടെയുള്ള യുവതിയുടെ ചെറുത്തുനിൽപ്പ് അവരെയെല്ലാം നിഷ്ക്രിയരാക്കി മാറ്റി.

പിന്നീട് ടോൾ പ്ലാസ അധികൃതർ അറിയിച്ചതിനെത്തുടർന്ന് പുതുക്കാട് പോലീസ് സ്ഥലത്തെത്തി. യുവതിക്കെതിരെ കമ്പനി അധികൃതർ പരാതി പറഞ്ഞെങ്കിലും പോലീസ് കേസ്സെടുക്കുവാൻ കൂട്ടാക്കിയില്ല. യുവതിയോട് സംഭവത്തിൽ പരാതിയുണ്ടോയെന്നു പോലീസ് തിരക്കിയപ്പോൾ പരാതിയില്ലെന്നായിരുന്നു അവരുടെ മറുപടി. തുടർന്ന് പോലീസ് ഇരുകൂട്ടരുടെയും ഇടയിൽ മധ്യസ്ഥരായി നിന്നുകൊണ്ട് സംഭവം പരിഹരിക്കുകയായിരുന്നു.

വീഡിയോ – പുതുക്കാട് ടൈംസ്.

ഈ നടന്ന സംഭവവികാസങ്ങളെല്ലാം ടോൾപ്ലാസയിലെ സിസിടിവി ക്യാമറയിൽ പതിഞ്ഞിരുന്നു. ഈ ദൃശ്യങ്ങൾ പുതുക്കാട് ടൈംസ് തുടങ്ങിയ ചില വാർത്താ മാധ്യമങ്ങൾക്ക് ലഭിക്കുകയും, അവർ വഴി പുറംലോകം അറിയുകയുമായിരുന്നു.

2012 ഫെബ്രുവരിയിലാണ് ഗുരുവായൂർ ഇൻഫ്രാസ്ട്രക്ചർ പ്രൈവറ്റ് ലിമിറ്റഡ് കമ്പനി പാലിയേക്കര ടോൾ പിരിവ് ആരംഭിച്ചത്. സാധാരണ നിലയിൽ പിരിച്ച് പിരിച്ച് കുറയുകയാണ് പതിവ്. എന്നാൽ ഇവിടെ 70 ൽ നിന്ന് 75 ലും, 105 ൽ നിന്ന് 110 ലും എത്തി നിൽക്കുന്നു ടോൾ നിരക്കുകൾ.

കേരളത്തിൽ ഗുണ്ടായിസത്തിനും പകൽക്കൊള്ളയ്ക്കും ഏറ്റവും പേരുകേട്ട ടോൾ ബൂത്താണ് തൃശ്ശൂരിലെ പാലിയേക്കര ടോൾ. ഭീമമായ ടോൾ തുക നൽകുന്നതിനോടൊപ്പം ഇതുവഴി പോകുന്നവർക്ക് ബ്ലോക്കിൽപ്പെട്ടു സമയം കളയുകയും വേണം. വാഹനങ്ങളുടെ നിര കിലോമീറ്ററുകൾ നീണ്ടാലും തുറന്നു വിടുവാൻ ടോളുകാർ തയ്യാറാകാറില്ല. ഇതു ചോദ്യം ചെയ്താലോ ടോൾ ബൂത്ത് ജീവനക്കാരുടെയും മാനേജരുടേയുമൊക്കെ ഭീഷണിയും ഗുണ്ടായിസവും ഒക്കെ നേരിടുകയും വേണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post