യാത്രക്കാരന് നോമ്പുതുറക്കാൻ പ്രത്യേകം ഭക്ഷണം നൽകി എയർ ഇന്ത്യ; കൈയ്യടിയോടെ സോഷ്യൽ മീഡിയ…

Total
0
Shares

നമ്മുടെ നാട്ടിലെ ഓരോരുത്തരുടെയും സംസ്‌കാരങ്ങളും വിശ്വാസങ്ങളും വ്യത്യസ്തമായിരിക്കും. അവയെ എല്ലാം മറ്റുള്ളവർ ബഹുമാനത്തോടെ നോക്കിക്കാണുന്നത് കൊണ്ടാണ് ഇന്നും നമ്മുടെ രാജ്യം ഒരു മതേതര രാജ്യമായി നിലകൊള്ളുന്നത്. ഇത് ഇപ്പോൾ പറയുവാൻ ഉണ്ടായ സാഹചര്യം കഴിഞ്ഞ ദിവസം എയർ ഇന്ത്യ വിമാനത്തിൽ നടന്ന ഒരു സംഭവമാണ്. പൊതുവെ എയർ ഇന്ത്യ എന്നു കേട്ടാൽ ഇവിടെ മിക്കയാളുകളും വിചാരിക്കും യാത്രയ്ക്കിടയിൽ എന്തോ മോശമായി സംഭവിച്ചിട്ടുണ്ട് എന്ന്. എന്നാൽ അതൊന്നുമല്ല കാര്യം. നമ്മൾ യാത്രക്കാരുടെ മോശം അനുഭവങ്ങളിലൂടെ കേട്ടറിഞ്ഞ എയർ ഇന്ത്യയുടെ മറ്റൊരു മുഖം, നന്മയുടെ മുഖം വെളിപ്പെടുത്തുകയാണ് ഈ സംഭവത്തിലൂടെ.

ഗോരഖ്പൂരിൽ നിന്നും ഡൽഹിയിലേക്ക് പറക്കുകയായിരുന്നു എയർ ഇന്ത്യയുടെ വിമാനം. സമയം വൈകുന്നേരമായിരുന്നു. യാത്രക്കാരെല്ലാം വായനയിലും ഉറക്കത്തിലും മുഴുകിയിരുന്ന സമയം. യാത്രക്കാരിലൊരാളും മുൻ ബിബിസി ജീവനക്കാരനുമായ റിഫത്ത് ജാവൈദ് റംസാൻ നോമ്പിലായിരുന്നു. നോമ്പ് തുറയ്ക്ക് മുൻപ് വിമാനം ഡൽഹിയിൽ എത്തില്ല എന്നുറപ്പാണ്. ആയതിനാൽ വിമാനത്തിനകത്തു വെച്ചുതന്നെ നോമ്പ് തുറക്കേണ്ടി വരുമെന്ന് അദ്ദേഹം തീരുമാനിച്ചു. നോമ്പ് തുറക്കുന്നതിനായി ഭക്ഷണമൊന്നും കൈയിൽ ഇല്ലതാനും.

ഒടുവിൽ വെള്ളം കുടിച്ചു നോമ്പ് തുറക്കാമെന്നു കരുതി അദ്ദേഹം സീറ്റിൽ നിന്നും എഴുന്നേറ്റു എയർഹോസ്റ്റസുമാരിൽ ഒരാളായ മഞ്ജുളയുടെ അടുത്ത് ചെന്ന് ഒരു കുപ്പി വെള്ളം ആവശ്യപ്പെട്ടു. എയർഹോസ്റ്റസ് ഒരു ചെറിയ കുപ്പി വെള്ളം നൽകുകയും ചെയ്തു. എന്നാൽ തനിയ്ക്ക് ഒരു കുപ്പി വെള്ളം കൂടി തരണമെന്നും നോമ്പ് തുറക്കുവാൻ ആണെന്നും റിഫത്ത് എയർഹോസ്റ്റസായ മഞ്ജുളയോട് പറഞ്ഞു. സീറ്റ് ബെൽറ്റ് വാണിങ് സൈൻ ഉണ്ടായിരുന്ന സമയമായതിനാൽ “സർ സീറ്റിലേക്ക് ചെല്ലൂ” എന്നു പറഞ്ഞുകൊണ്ട് എയർഹോസ്റ്റസ് റിഫത്തിനെ തിരികെ അയച്ചു.

സീറ്റിൽ തിരികെ വന്നിരുന്ന റിഫത്തിനെ അമ്പരപ്പിച്ചുകൊണ്ട് എയർഹോസ്റ്റസ് മഞ്ജുള ഒരു ട്രേയിൽ ഒരു കുപ്പി വെള്ളവും രണ്ടു സാൻഡ് വിച്ചുകളുമായി എത്തി. “സർ, ഇത് കഴിച്ചുകൊണ്ട് താങ്കൾ നോമ്പ് തുറന്നു കൊള്ളുക. ഇനിയും ആവശ്യമുണ്ടെങ്കിൽ ചോദിക്കുവാൻ മടിക്കരുത്” എന്നു പറഞ്ഞുകൊണ്ട് പുഞ്ചിരിയോടെ അവർ പോയി. സന്തോഷത്തോടെ അദ്ദേഹം അതു കഴിച്ചുകൊണ്ട് നോമ്പ് തുറന്നു. അധികം വൈകാതെ വിമാനം ഡൽഹിയിൽ ലാൻഡ് ചെയ്യുകയും എയർഹോസ്റ്റസിനോട് പ്രത്യേകം നന്ദി പറഞ്ഞുകൊണ്ട് റിഫത്ത് വിമാനത്തിൽ നിന്നിറങ്ങുകയും ചെയ്തു.

യാത്രയ്ക്കുശേഷം വീട്ടിലെത്തിയ റിഫത്ത് ഈ സംഭവം ട്വിറ്ററിലൂടെ പങ്കുവെച്ചു. “ഇതാണ് എൻ്റെ ഇന്ത്യ” എന്നു പറഞ്ഞുകൊണ്ടാണ് വിമാനത്തിൽ നടന്ന സംഭവങ്ങൾ അദ്ദേഹം ട്വീറ്റ് ചെയ്തത്. ഈ സംഭവം ട്വിറ്ററിൽ ധാരാളമാളുകൾ കാണുകയും കമന്റ്റ് ചെയ്യുകയുമുണ്ടായി. അങ്ങനെ ഇത് വൈറലായി മാറുകയും നാഷണൽ മീഡിയകളിൽ വാർത്തയാകുകയും ചെയ്തു.

മിക്കപ്പോഴും മോശം അനുഭവങ്ങൾ നിറഞ്ഞ വാർത്തകളിലാണ് എയർ ഇന്ത്യ കടന്നുവരാറുള്ളത്. എന്നാൽ ഈ പുണ്യമാസത്തിൽ ഏവരുടെയും മനസ്സു നിറയ്ക്കുന്ന ഈ സംഭവം നടന്നത് എന്നും നമ്മളെല്ലാം കുറ്റപ്പെടുത്തിയ എയർ ഇന്ത്യയിൽ നിന്നുമാണെന്നത് തെല്ലൊരു ആശ്വാസം നൽകുന്ന കാര്യമാണ്. എയർ ഇന്ത്യക്കും, അതിലെ നല്ലവരായ ജീവനക്കാർക്കും എല്ലാവിധ ആശംസകളും നേരുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post