യാത്ര പോകുന്നവരെ പരിഹസിക്കുന്നവരോട് ഞങ്ങൾക്ക് ചിലത് പറയാനുണ്ട് – വൈറലായ കുറിപ്പ്…

Total
11
Shares

എഴുത്ത് – റസാഖ് അത്താണി.

ഇതൊരു യാത്രാകുറിപ്പല്ല മറിച്ചു ഒരോ യാത്രികനും അഭിമുകീകരിക്കുന്ന പ്രശ്നമാണ്. ഒരു ശരാശരി യാത്രികൻ സ്ഥിരമായി നാട്ടുകാരിൽ നിന്നും ബന്ധുക്കളിൽനിന്നും അഭിമുകീകരിക്കുന്ന ചില ചോദ്യങ്ങളുണ്ട്. “ഊരുതെണ്ടി എപ്പഴാ വന്നത്? നിനക്കിത്ര ഊരുതെണ്ടാൻ എവിടന്നാണ്‌ ഇത്രക്കും കാശ്? വീട്ടുകാര് കയറൂരി വിട്ടിരിക്കാണോ?” അങ്ങിനെ തുടങ്ങുന്നു ചോദ്യങ്ങളുടെ നീണ്ട പട്ടിക.

ഇവരോടൊക്കെയായി ഒന്നുപറയട്ടെ – യാത്രയെ സ്‌നേഹിക്കുന്ന, യാത്രയെ ലഹരിയാക്കിയിട്ടുള്ള ഒരു യാത്രികനും ആയിരങ്ങൾ വാരിയെറിഞ്ഞല്ല യാത്ര പോവുന്നത്. മറിച്ച് ട്രയിനിൽ ജെനറൽ കമ്പാർട്ട്മെന്റുകളിൽ കുത്തിത്തിരുകി കയറിയും ചിലർ ലോറികളിൽ ലിഫ്റ്റടിച്ചും ചിലവ് ചുരുക്കിയ യാത്രകളാണ് പോവുന്നത്. ഒരുപക്ഷെ ഈ വിമർശിക്കുന്ന നിങ്ങൾ ഓണത്തിനും വിഷുവിനും രണ്ടു പെരുന്നാളിനും ഒക്കെ പോവുന്ന കാശുപോലും വരില്ല ഞങ്ങൾക്ക് ഒരുവർഷം യാത്രചെയ്യുവാൻ.

പലയാത്രകളിലും പച്ചവെളളംകൊണ്ട് വിശപ്പടക്കിയ സാഹചര്യങ്ങളുണ്ടായിട്ടുണ്ട്. ഒരു ശീതീകരിച്ച റൂമിലോ ലോഡ്ജിലോ ഞങ്ങളിൽ പലരും അന്തിയുറങ്ങാറില്ല. പെട്രോൾ പമ്പുകളിലും, റെയിൽവേ സ്റ്റേഷനിലും, കടത്തിണ്ണകളിലും അന്തിയുറങ്ങിയ സാഹചര്യങ്ങളായിരുന്നു മിക്കയാത്രയിലും. ശീതീകരിച്ച റൂമിനെക്കാൾ ഞങ്ങൾക്ക് ആനന്ദമേകുക കടത്തിണ്ണകളും റെയിൽവേ സ്റ്റേഷനുകളുമാണ് എന്നതാണ് സത്യം. അവിടെ ഇരുന്ന് ഒരുപാട് സ്വപ്‌നങ്ങൾ പങ്കുവെച്ചവരും സങ്കടങ്ങളുടെ ഭാരം ഇറക്കിവെച്ചവരും ഒരുപാടുണ്ട്. അതൊക്കെ ആ യാത്രയുടെ മരിക്കാത്ത ഓർമകളാണ്.

ഉറക്കമെണീറ്റാൽ രാവിലത്തെ ഭക്ഷണം മനപ്പൂർവം കഴിക്കാതെ ഉച്ചക്ക് കഴിക്കുന്നവരാണ് ഞങ്ങളിൽ പലരും. പുലർച്ചെ ഫുഡ്‌ കഴിച്ചാൽ മനപ്പൂർവം ഉച്ചഭക്ഷണം വേണ്ടെന്നുവെച്ച യാത്രകളും ഉണ്ടായിട്ടുണ്ട്. ഇതൊക്കെ പറയുമ്പോൾ നിങ്ങള്ക്ക് തോന്നാം ഇത്ര കഷ്ട്ടപ്പെട്ട് യാത്ര പോവണോ എന്ന്. ഈ യാത്രകളിലാണ് നാടിനെ അറിയാൻ കഴിയുക. ആ നാടിന്റെ സംസ്ക്കാരത്തെ അനുഭവിച്ചറിയണമെങ്കിൽ ഇതുപോലെയുള്ള യാത്രകളാണ് വേണ്ടത്.

പറഞ്ഞു വന്നത് എന്താണെന്നുവച്ചാൽ ഞങ്ങളുടെ പലയാത്രകളും ലോ ബഡ്‌ജറ്റിലുള്ളതാണ്. നിങ്ങൾ കരുതുന്നപോലെ ആയിരങ്ങളുടെ നോട്ടിന്റെ ബലത്തിലുള്ള യാത്രകളല്ല. അതുപോലുള്ള യാത്രകൾക്ക് യാത്രാസ്നേഹികളായി പല യാത്രാ കൂട്ടായ്മകളും ഇന്ന് നിലവിലുണ്ട്.

നിങ്ങൾക്കറിയുമോ കർണാടകയിലെ ഷിമോഗ ജില്ലയിലെ അഗുംബെ എന്ന ഗ്രാമം? ദക്ഷിണേന്ത്യയിലെ ചിറാപുഞ്ചിയെന്നും അറിയപ്പെടുന്ന ആ ഗ്രാമത്തിലേക്ക് 1200 രൂപ ഒരാൾക്കെന്ന ചിലവിൽ രണ്ട് ദിവസം പോയികാണുകയും രണ്ട്‌ ദിവസവും 3 നേരം ഭക്ഷണവും 3 ട്രെക്കിങ്ങും എല്ലാം ചെയ്തിട്ടും 1200 രൂപയിലൊതുക്കിയ യാത്രകൾ വരെ ഉണ്ടായിട്ടുണ്ട്. അത് ഒരുക്കിയത് ‘ബാക്ക്പാകേർസ് കേരള’ എന്ന യാത്രികരുടെ ഗ്രൂപ്പാണ്.

ഈ ബഡ്ജറ്റിൽ ആഗുംബെയിലേക്കൊരു യാത്ര നിങ്ങള്ക്ക് സ്വപ്നം കാണാൻ കഴിയുമോ? നിങ്ങളാണെങ്കിൽ ഒരാൾക്ക്‌ 4000 ന് മുകളിൽ ചിലവുവന്നിരിക്കുമെന്ന കാര്യത്തിൽ ഒരു സംശയവും വേണ്ട. മൂന്നാറും വട്ടവടയും 2 ദിവസം വെറും 400 രൂപക്ക് പോയി ആസ്വദിച്ചു വന്ന ചരിത്രമുണ്ട് (ഐറിഷ് ഹോളിഡേയ്‌സ് – ട്രാവൽ ഗ്രൂപ്പ് ഇവന്റ്). നിങ്ങൾക്ക് പറ്റുമോ മൂന്നാറും വട്ടവടയും കേവലം 400 രൂപകൊണ്ട് പോയി വരാൻ? ഒരു പണിയുമില്ലാത്തവരാണ് ഊരുതെണ്ടുന്നതെന്ന പൊതുധാരണയുണ്ട് സമൂഹത്തിന്. അത് തെറ്റാണെന്നാണ് എനിക്ക് പറയാനുള്ളത്. എല്ലാ ജോലിത്തിരക്കുകളും കഴിഞ്ഞ് വീണുകിട്ടുന്ന ദിനങ്ങളിലാണ് ഞങ്ങളിൽ പലരുടേയും യാത്രകൾ തുടക്കമാവുന്നത്.

ഇനിയും വിമർശിക്കാൻ വരുന്നവരോട് ഒന്നേ പറയാനൊള്ളൂ. ഇതുപോലൊരു യാത്രക്ക് ഒരിക്കലെങ്കിലും നിങ്ങൾ ശ്രമിക്കണം. തീർച്ചയായും ഈ യാത്രയുടെ രസം നിങ്ങൾക്ക് അനുഭവിച്ചറിയാൻ കഴിഞ്ഞാൽ പ്രകൃതിയെ നിങ്ങൾ മനസിലാക്കിത്തുടങ്ങും. പ്രകൃതിയെ അളവറ്റു പ്രണയിക്കും, യാത്രയെ പ്രണയിക്കും, നിങ്ങളും ഇതുപോലൊരു യാത്രികനാവും… അപ്പോൾ നിങ്ങളുടെ നേരെയും ചിലപ്പോൾ ആ ചോദ്യങ്ങളുയരും – “ഊരുതെണ്ടി എപ്പോൾ വന്നു? നിനക്കൊക്കെ ഊരുതെണ്ടാൻ എവിടെ നിന്നാണ് ഇത്ര കാശ്?……”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post