“ഈ കെഎസ്ആർടിസി കാന്റീൻ അടിപൊളി” – യാത്രക്കാരൻ്റെ അനുഭവക്കുറിപ്പ്

Total
39
Shares

പൊതുവെ കെഎസ്ആർടിസി ഡിപ്പോകളിലെ കാന്റീനുകൾ മോശം പേരുകേട്ടവയാണ്. എന്നാൽ തൻ്റെ പ്രതീക്ഷകളെ ആകപ്പാടെ പൊളിച്ചെഴുതിയ പെരുമ്പാവൂർ കെഎസ്ആർടിസി കാന്റീനിന്റെ വിശേഷങ്ങൾ പങ്കുവെയ്ക്കുകയാണ് വണ്ടൂർ സ്വദേശിയായ നന്ദു. അദ്ദേഹത്തിൻ്റെ ഫേസ്‌ബുക്ക് പോസ്റ്റ് താഴെ കൊടുക്കുന്നു.

“കഴിഞ്ഞ ദിവസം കോട്ടയത്തു നിന്നും നാട്ടിലേക്ക് മടങ്ങും വഴി KSRTC യിൽ ആയിരുന്നു യാത്ര. പെരുമ്പാവൂരിൽ ഉച്ചക്ക് ഏകദേശം ഒരു മണിയോടെ എത്തി. ഉച്ചഭക്ഷണത്തിനായി ഡ്രൈവർ ചേട്ടൻ KSRTC ക്യാന്റീന്റെ മുൻപിൽ വണ്ടി നിറുത്തി. മറ്റു പല ബസ്സുകളും ഫുഡ് കഴിക്കാനായി അവിടെ നിറുത്തിയിട്ടുണ്ട്. ഞാനും വണ്ടിയിൽ നിന്നിറങ്ങി ക്യാന്റീനിലേക്കു നടന്നു.

അടിമുടി ഒരു കിടിലൻ സ്ഥാപനം. പുറംഭാഗം നിലവാരമുള്ള രീതിയിൽ ഡിസൈൻ ചെയ്തിരിക്കുന്നു. ഉള്ളിലേക്ക് കടന്നു ചെന്നപ്പോൾ വൃത്തിയുള്ളൊരാന്തരീക്ഷം. സാധാരണ സർക്കാർ ബസുകളിലെ യാത്രകളിൽ പലപ്പോഴും വൃത്തിഹീനമായ ക്യാന്റീനുകളാണ് കണ്ടിട്ടുള്ളത്. ഇവിടെ അത് തീർത്തും പൊളിച്ചെഴുതപ്പെട്ടിരിക്കുന്നു. ഈച്ചയും കൊതുകുമില്ലാത്ത തീൻ മേശകളിൽ ഭക്ഷണം കൊണ്ടുവന്നു നൽകുന്നു.

ഞാൻ ചോറിനു ഓർഡർ ചെയ്തു. സാമ്പാറും, മീൻകറിയും, ഉപ്പേരിയും, പപ്പടവും, മീൻ വറുത്തതുമൊക്കെയായി കിടുക്കൻ ഒരൂണ്. നല്ല മാന്യമായ പരിചരണമായിരുന്നു ജീവനക്കാരുടേത്. കഴിച്ചു കഴിഞ്ഞപ്പോൾ വലിയ ഒരു ബില്ലാണ് പ്രതീക്ഷിച്ചത്‌. എന്നാൽ നൂറു രൂപക്കായിരുന്നു രുചികരമായ ആ ഭക്ഷണം എനിക്ക് ലഭിച്ചത്. അതും ഒരു സാധാരണ യാത്രക്കാരനായ എനിക്ക് വളരെ ആശ്വാസമായി തോന്നി.

അടിമുടി മാറ്റം ആവശ്യമായ KSRTC യിൽ ഇത്തരം ഭോജന ശാലകളുടെ ആവശ്യകത വളരെ പ്രസക്തമാണ്. നിലവാരമുള്ള ഇത്തരം സ്ഥാപനങ്ങൾ KSRTC ക്കു മുതൽക്കൂട്ടാകും. അനുഭവങ്ങളാണ് നമുക്കോരോ യാത്രകളും. ഈ കോട്ടയം യാത്രയും രുചികരമായ മറ്റൊരു ഓർമ്മയ്ക്ക് കാരണമായി. നന്ദി പെരുമ്പാവൂർ KSRTC ഉദ്യോഗസ്ഥർക്കും, കാന്റീൻ സ്റ്റാഫിനും.”

കെഎസ്ആർടിസിയെ വിശ്വസിച്ചാണ് ആളുകൾ ബസ്സുകളിൽ കയറുന്നത്. അപ്പോൾ യാത്രയ്ക്കിടെ അവർക്ക് മികച്ച ഭക്ഷണം ഉറപ്പു വരുത്തേണ്ടതും കെഎസ്ആർടിസി തന്നെയാണ്. കേരളത്തിലെ എല്ലാ കെഎസ്ആർടിസി ഡിപ്പോയിലെ ഇതുപോലുള്ള മികച്ച കാന്റീനുകൾ കൊണ്ടുവരാൻ കെഎസ്ആർടിസി മാനേജ്‌മെന്റ് മുൻകൈ എടുക്കണം.

ഇതുപോലെ നല്ല വൃത്തിയുള്ളതും ഗുണമേന്മയുള്ള ഭക്ഷണം ലഭിക്കുന്നതുമായ ക്യാന്റീനുകൾ എല്ലാ മെയിൻ ഡിപ്പോകളിലും തുറന്നാൽ അത് ജീവനക്കാർക്കും യാത്രക്കാർക്കും ഒരേപോലെ വലിയ ആശ്വാസം ആകും. കാന്റീനുകളുടെ നടത്തിപ്പ് കുടുംബശ്രീ പ്രവർത്തകരെയോ മറ്റോ ഏല്പിച്ചാലും മതി. അവർ അത് മര്യാദയ്ക്ക് നോക്കിനടത്തിക്കോളും. ഇടയ്ക്ക് കെഎസ്ആർടിസിയുടെ നേതൃത്വത്തിലുള്ള ക്വാളിറ്റി പരിശോധനകളും വേണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post