ബൈക്കുകാരനെ ഇപ്പോൾ ഇടിച്ചിട്ടേനെ; തൃശ്ശൂർ – പാലക്കാട് റൂട്ടിൽ ബസ്സുകൾ കാലനാകുന്നു

Total
0
Shares

കേരളത്തിൽ ഏറ്റവുമധികം വാഹനങ്ങൾ കടന്നു പോകുന്ന ഒരു റൂട്ടാണ് തൃശ്ശൂർ – പാലക്കാട് റൂട്ട്. വടക്കഞ്ചേരി മുതൽ അങ്ങോട്ട് നല്ല കിടിലൻ ഹൈവേയാണെങ്കിലും കുതിരാൻ ഭാഗത്താണ് ഡ്രൈവർമാർക്കും യാത്രക്കാർക്കുമൊക്കെ പണികിട്ടുന്നത്. തുരങ്കം ഇന്നു തുറക്കും, നാളെ തുറക്കും എന്നൊക്കെ പറയുന്നുണ്ടെങ്കിലും ആർക്കും പ്രത്യേകിച്ച് പ്രതീക്ഷകൾ ഒന്നുംതന്നെ ഇല്ല.

കുതിരാനിൽ ബ്ലോക്ക് മുറുകുമ്പോൾ ഏറെ ഭയപ്പെടേണ്ടത് ഇരുചക്രവാഹനങ്ങളും, കാറുകാരുമാണ്. കാരണം ഇതുവഴി സർവ്വീസ് നടത്തുന്ന ബസ്സുകൾ ബ്ലോക്കിൽ നിന്നും രക്ഷപ്പെടാനായി റോംഗ് സൈഡിലൂടെ കുത്തിക്കയറി വരും. വരും എന്ന് പറഞ്ഞാൽ പോരാ, വന്നിരിക്കും. ബസ്സുകാരുടെ സമയം പോകും എന്ന ന്യായമാണ് അവർ പറയുന്നതെങ്കിലും ഇത്തരം പ്രവണതകൾ ഒട്ടും ന്യായീകരിക്കപ്പെടാവുന്നതല്ല.

കഴിഞ്ഞ ദിവസം ഹൈദരാബാദിൽ നിന്നും ബെംഗളൂരു, കോയമ്പത്തൂർ, പാലക്കാട് വഴി കൊല്ലത്തേക്ക് ട്രിപ്പ് നടത്തി വരികയായിരുന്ന ബൈക്ക് റൈഡറുടെ നേർക്ക് കുതിരാൻ ഭാഗത്തു വെച്ച് ഒരു സ്വകാര്യബസ് പാഞ്ഞു വന്നു. ബൈക്കിനു പിന്നിലുണ്ടായിരുന്ന സഹയാത്രികൻ ദൃശ്യങ്ങൾ ക്യാമറയിൽ പകർത്തുന്നതിനിടെയാണ് ബസ് കുത്തിക്കയറി അമിത വേഗത്തിൽ വന്നത്. ഈ ദൃശ്യങ്ങൾ വ്യക്തമായി ഇവരുടെ ക്യാമറയിൽ പതിയുകയും ചെയ്തു.

ആ ദൃശ്യങ്ങൾ ഫേസ്‌ബുക്കിൽ ഷെയർ ചെയ്തിട്ടുണ്ട്. “ഈ വണ്ടി ഏതാണെന്നു അറിയാവുന്നവർ, ഇതിന്റ ഡ്രൈവറോട് ആ കൊടും വളവിൽ ഞങ്ങളെ കൊല്ലാതെ വിട്ടതിനു ഒരു നന്ദി പറയണം. ഹൈദരാബാദ് മുതൽ കൊല്ലം വരെ drive ചെയ്ത് വന്നതിൽ ആകെ പേടിച്ച ഒരേ ഒരു സന്ദർഭം.” എന്നായിരുന്നു പേടിപ്പിക്കുന്ന ഈ വീഡിയോ ദൃശ്യത്തോടൊപ്പം അവർ കുറിച്ചത്. ആ ദൃശ്യങ്ങൾ താഴെ കൊടുക്കുന്നു.

തൃശ്ശൂർ – പാലക്കാട് റൂട്ടിലോടുന്ന KL 47 B 2710 എന്ന രജിസ്‌ട്രേഷൻ നമ്പറിലുള്ള, ZION എന്നു പേരുള്ള സ്വകാര്യ ലിമിറ്റഡ് സ്റ്റോപ്പ് ബസ് ആയിരുന്നു അമിതവേഗത്തിൽ ആളെക്കൊല്ലുവാനെന്നപോലെ പാഞ്ഞത്. ബൈക്ക് യാത്രികർ ഇടത്തേക്ക് പരമാവധി വെട്ടിച്ചൊതുക്കിയതിനാൽ ജീവൻ തിരികെ ലഭിച്ചു. ഇവർ ചെയ്യുന്ന ഈ പ്രവൃത്തിയ്‌ക്കെതിരെ ആരെങ്കിലും ചോദ്യം ചെയ്‌താൽ പിന്നെ ഒച്ചപ്പാടായി, ഗുണ്ടായിസമായി, അവരുടെ സ്ഥിര യാത്രക്കാരെല്ലാം ബസ്സുകാരോടൊപ്പം നിൽക്കുകയും ചെയ്യും. അവസാനം വാദി പ്രതിയാകുന്ന അവസ്ഥ വരും. ഇക്കാരണത്താൽ ബസ്സുകാരുടെ (പ്രൈവറ്റ് ആയാലും കെഎസ്ആർടിസി ആയാലും) നേർക്ക് പിടിച്ചിട്ട് ആരും ശബ്ദമുയർത്താറില്ല. അവനാണെങ്കിൽ ആളുകളുടെ ഈ ഭയം മുതലെടുക്കുകയും ചെയ്യും.

“ബ്ലോക്ക് അല്ലെ. സമയം വൈകി ഓടുന്നത് കൊണ്ടല്ലേ. അപ്പൊ ചിലപ്പോൾ ഇതുപോലെ വന്നെന്ന് ഇരിക്കും. പാവപെട്ട ബസ്സ് ജീവനക്കാർക്കും ജീവിക്കണ്ടേ” തുടങ്ങിയ ന്യായീകരണവുമായി ബസ് ജീവനക്കാരും ബസ് ആരാധകരുമെല്ലാം കമന്റ് ബോക്സിൽ നിറയാറുണ്ടെങ്കിലും അവരോടെല്ലാം ഒരു ചോദ്യം. നാളെ നിങ്ങൾക്കോ നിങ്ങളുടെ കുടുംബത്തിനോ ഇത്തരത്തിൽ ഒരു അപകടമുണ്ടായാൽ നിങ്ങൾ ഇങ്ങനെ തന്നെ ന്യായീകരിക്കുമോ? ഇല്ല.. അത്രേയുള്ളൂ. ബ്ലോക്കിൽ സമയം പോകുന്നതുകൊണ്ട് ട്രിപ്പ് മുടങ്ങുന്നതും കളക്ഷൻ കുറയുന്നതുമെല്ലാം ശരിതന്നെയാണ്. പക്ഷേ, ഇതിനേക്കാളൊക്കെ വലുതല്ലേ എതിരെ വരുന്ന മനുഷ്യ ജീവനുകൾ?

ബസ്സുകാർക്ക് മത്സരയോട്ടത്തിനു അവസരമൊരുക്കാതെ എത്രയും വേഗം കുതിരാനിലെ തുരങ്കം യാത്രാസജ്ജമാക്കുക എന്നതു മാത്രമാണ് ഇനിയുള്ള ഏക പോംവഴി. അതുവരെ ചിലപ്പോൾ ഇങ്ങനെയൊക്കെത്തന്നെ തുടരും. യാത്രക്കാർ സ്വന്തം ജീവൻ ശ്രദ്ധിക്കുക…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post