KSRTC എക്സ്പ്രസ്സിനു മുന്നിൽ തടസ്സം നിന്ന് പ്രൈവറ്റ് ബസ്; ഡ്രൈവറുടെ കുറിപ്പ്

Total
0
Shares

കെഎസ്ആർടിസിയുടെ ചങ്ങനാശ്ശേരി – വേളാങ്കണ്ണി സൂപ്പർ എക്സ്പ്രസ്സ് ബസ്സിനു മുന്നിൽ തടസ്സം സൃഷ്ടിച്ച് പ്രൈവറ്റ് ഓർഡിനറി ബസ്. പ്രസ്തുത സംഭവത്തെക്കുറിച്ച് വേളാങ്കണ്ണി എക്സ്പ്രസിലെ ഡ്രൈവറും സോഷ്യൽ മീഡിയയിൽ പ്രസിദ്ധനായ സന്തോഷ് കുട്ടൻ ഫേസ്‌ബുക്കിൽ പോസ്റ്റ് ചെയ്ത കുറിപ്പ് താഴെ കൊടുക്കുന്നു.

“ഇന്നലെ ഈ ബസ് ഇതിന്റെ മുതലാളി ആണോ ഓടിച്ചത്? അതോ ഡ്രൈവർ സാറാണോ? ബഹുമാനപ്പെട്ട കോട്ടയം ജില്ലാ കളക്ടർ ബഹുമാനപ്പെട്ട ട്രാഫിക് പോലീസ് മേലധികാരികൾ അറിയുവാൻ, കോട്ടയം മുതൽ ഏറ്റുമാനൂർ വരെ വളരെയധികം തിരക്കുള്ള റോഡാണ്. അവിടെ ഏറ്റവും കൂടുതൽ ബുദ്ധിമുട്ടുണ്ടാക്കുന്ന ഒരു സംഭവം പലപ്പോഴായി എനിക്ക് ഉണ്ടായിട്ടുണ്ടെങ്കിലും ഒരു കാരണവുമില്ലാതെ എന്നെ അസഭ്യം പറയുന്ന രീതിയിൽ വരെ. കാര്യങ്ങൾ എത്തിയതുകൊണ്ടും, വളരെ ക്രൂവൽ ആയ ഒരു ഡ്രൈവിംഗ് ശൈലി എനിക്ക് അനുഭവപ്പെട്ടത് കൊണ്ടും ഞാൻ ഈ കാര്യം അധികാരികളുടെ ശ്രദ്ധയിലേക്ക് കൊണ്ടുവരുന്നു. ഞാൻ അത്ര നല്ല ഡ്രൈവിംഗ് ഒന്നുമല്ല, പക്ഷേ മനപ്പൂർവ്വം ഞാൻ ആരെയും ഉപദ്രവിക്കാറില്ല.

ഇനി കാര്യത്തിലേക്ക് വരാം. ഇന്നലെ (06-09-2019) ചിത്രത്തിൽ കൊടുത്തിരിക്കുന്ന ബസ്സിന്റെ ഡ്രൈവർ ആണെങ്കിലും മുതലാളി ആണെങ്കിലും സംക്രാന്തി കവലയിൽ നടന്ന സംഭവം ഒന്ന് ചോദിച്ചു മനസ്സിലാക്കുക. വാഹനം ഒതുക്കി നിർത്തി യാത്രക്കാരെ കയറ്റുക, അത് കെഎസ്ആർടിസി ആണെങ്കിലും പ്രൈവറ്റ് ബസ് ആണെങ്കിലും അതിൽ ഡ്രൈവർ പാലിക്കേണ്ട പ്രധാന മര്യാദകളിൽ ഒന്നാണ്. പിന്നെ, തൻറെ വാഹനത്തെ ഏതെങ്കിലും വാഹനം ഓവർടേക്ക് ചെയ്യാൻ ശ്രമിക്കുമ്പോൾ അവന് ബുദ്ധിമുട്ടുണ്ടാകുന്ന രീതിയിൽ പ്രവർത്തിക്കുകയും അവരുടെ ഗ്ലാസ് പൊട്ടാൻ പാകത്തിൽ അതിൽ സ്വന്തം വണ്ടിയുടെ ബാക്ക് സൈഡ് കൊണ്ട് പണി തരുകയും ചെയ്യുന്നത് അത്ര നല്ല പ്രവർത്തി അല്ല എന്ന് സഹോദരൻ മനസ്സിലാക്കുന്നത് നല്ലതായിരിക്കും.

പിന്നെ ഇത്രയും സഹിച്ചിട്ടും മിണ്ടാതെ ഡ്രൈവിംഗ് സീറ്റിൽ ഇരുന്ന എന്നെ താങ്കൾ വെളിയിലേക്ക് വിളിച്ച് പറഞ്ഞ അസഭ്യം എന്താണെന്ന് വൃത്തിയായി എനിക്കറിയാം. എന്തൊക്കെയായാലും തന്നെ ഡ്രൈവിംഗ് പഠിപ്പിച്ച ആശാന്മാർ അല്ല എന്നെ ഡ്രൈവിംഗ് പഠിപ്പിച്ചത് എന്ന് മനസ്സിലാക്കുക. അതൊക്കെ പോട്ടെ വളരെ ധൃതിയിൽ അപകടകരമായ രീതിയിൽ അങ്ങനെ പോയിട്ടും സംക്രാന്തി കഴിഞ്ഞ് മെഡിക്കൽ കോളേജിലേക്ക് തിരിയുന്ന വഴി വരെ എൻറെ മുന്നിൽ വളരെ വേഗത കുറച്ച് എനിക്ക് സൈഡ് തരാതെ പോയതും ശരിയായില്ല. കാരണം ഇതൊരു സൂപ്പർ എക്സ്പ്രസ് സർവീസ് ആണ്. താങ്കൾ പൊട്ടൻ ഒന്നുമല്ല, വണ്ടി കണ്ടാൽ മനസ്സിലാകും. എന്നിട്ടും താങ്കൾ അങ്ങനെ ചെയ്തിട്ടുണ്ടെങ്കിൽ അത് മനപ്പൂർവമാണ്.

അതുകൊണ്ട് ഇനി മുതൽ നമുക്ക് ഒരു കാര്യം ചെയ്യാം. കെഎസ്ആർടിസി ആണെങ്കിലും പ്രൈവറ്റ് ബസ് ആണെങ്കിലും ബസ് വേറെ ഉണ്ടെങ്കിൽ അവിടെ മാക്സിമം ചേർത്തു നിർത്തി മറ്റുള്ളവർക്ക് ബുദ്ധിമുട്ടുക്കാത്ത രീതിയിൽ ആളെ കയറ്റി ഇറക്കി നമുക്ക് മുന്നോട്ടു പോകാം. അതല്ലേ അതിൻറെ ശരി?

കെഎസ്ആർടിസി ആണെങ്കിലും പ്രൈവറ്റ് ബസ് ആണെങ്കിലും ബസ്റ്റോപ്പിൽ ബസ് നിർത്തുന്നതിനായി അനുവദിച്ചിട്ടുള്ള സ്ഥലത്തേക്ക് പൂർണമായും ബസ് കയറ്റി നിർത്തി ആളെ ഇറക്കുകയും കയറ്റുകയും ചെയ്യണമെന്നും മറ്റുള്ള വഴിയാത്രക്കാർക്ക് യാതൊരുവിധ ബുദ്ധിമുട്ടും ഉണ്ടാകാത്ത രീതിയിൽ തന്നെ വേണം ഇത് ചെയ്യാൻ എന്നും ഏതൊരു ഡ്രൈവർക്കും അറിയാമെന്നിരിക്കെ ഇത് ചെയ്യാതിരിക്കുന്നത് ക്രിമിനൽ കുറ്റം തന്നെയാണ്. യാതൊരു സംശയവുമില്ല. ആയതിനാൽ ബഹുമാനപ്പെട്ട ട്രാഫിക് പോലീസ് അധികാരികളുടെ ഭാഗത്തു നിന്നും ഇക്കാര്യം എല്ലാവരുടെയും ശ്രദ്ധയിൽ കൊണ്ടുവരണമെന്നും അതിനുവേണ്ട നടപടിയെടുക്കണമെന്നും എന്ന് വിനീതമായി അഭ്യർത്ഥിക്കുന്നു, അപേക്ഷിക്കുന്നു.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post