പുളിശ്ശേരി മാമൻ്റെ കട – പുളിശ്ശേരിക്കട

Total
5
Shares

വിവരണം – ‎Praveen Shanmukom‎ to ARK – അനന്തപുരിയിലെ രുചി കൂട്ടായ്മ.

42 വർഷമായി ഭക്ഷണപ്രേമികൾക്കിടയിൽ അറഞ്ചം പുറഞ്ചം നിറഞ്ഞു വിലസുന്ന ഒരു കട. മാർച്ച് മാസത്തിലെ കോവിഡ് പ്രവാഹത്തിന് മുമ്പൊരു ദിനം; സൂര്യൻ മിന്നിച്ച് നില്ക്കുന്ന സമയം; ഊണിനായി ഹാജരായി. തുടുതുടുത്തൊരു കിളിരം ഇലയിൽ ചൂട് ചമ്പാവരി ചോറ് മുന്നിൽ എത്തി. അവിയൽ, കാരറ്റ് മെഴുക്ക് പുരട്ടി, കിച്ചടി, നാരങ്ങ അച്ചാർ, പിന്നെ നമ്മുടെ പരിപ്പും പപ്പടവും. പപ്പടം പൊടിച്ച് പരിപ്പിൽ ഒരു കൂട്ടിപിടിത്തം. അവിയലാകട്ടെ കിച്ചടിയാകട്ടെ തൊടു കറികളെല്ലാം ഒന്നിനൊന്നു മെച്ചം.

അതിനിടെ പൊരിച്ച മീൻ ഇങ്ങ് എത്തി. അതിന്റെ കിടപ്പ് കണ്ടപ്പോഴേ തോന്നി ആൾ നിസ്സാരക്കാരനല്ല എന്ന്. വായിൽ ഒന്ന് തൊട്ടു വയ്ക്കേണ്ട താമസം രുചിയുടെ പ്രപഞ്ചം ഇങ്ങ് എത്തി. ആ പൊരിയും ആ സവാളയും ആ രുചിയും ആ മൊരു മൊരുപ്പും. ഞാൻ അവിടയങ്ങ് ലോക്ക്ഡൗൺ ആയി.

അതിനിടയിൽ അടിപൊളി സാമ്പാർ എത്തി. മീൻ ചാർ എത്തി. അവസാനം ആ മാർവലെസ് പുളിശ്ശേരിയും. എല്ലാം കൊണ്ട് സംതൃപ്തനായി എഴുന്നേറ്റു. മാമന്റെ ഒരു ഫോട്ടോയെടുത്ത് വിളിയിലിറങ്ങി. നാക്കിന്റെ തുമ്പത്ത് അപ്പോഴും ഇപ്പോഴും ആ മീനിന്റെ രുചി.

42 വർഷങ്ങൾക്കും മുമ്പുള്ള ഒരു കാലഘട്ടം. ശ്രീ എം മണി അഥവാ ആരോമാ മണി, അദ്ദ്ദേഹത്തിന്റെ ഉടമസ്ഥതയിൽ സംഗീത, ഇമ്പാല തുടങ്ങിയ മൂന്ന് നാല് ഹോട്ടലുകൾ ഉണ്ടായിരുന്ന ഒരു കാലം. അതിന്റെയെല്ലാം മേൽനോട്ടം വഹിച്ച് ചുറു ചുറുക്കനായ ഒരു ചെറുപ്പക്കാരൻ. പേര് എൻ.ഗോപാലകൃഷ്ണൻ നായർ. ശ്രീ ആരോമാ മണി സിനിമയുടെ വെന്നി കൊടിയുടെ ആഴങ്ങളിലേക്ക് ഇറങ്ങിയപ്പോൾ ശ്രീ ഗോപാലകൃഷ്ണൻ നായർക്ക് അധിക ചുമതലയുടേയും അധ്വാനഭാരത്തിന്റേയും നാളുകളായി.

ഇതിനിടയിൽ സ്വന്തമായി സ്വതന്ത്രമായി ചെറിയൊരു ഭക്ഷണയിടം തുടങ്ങുന്നതിനുള്ള ആലോചനയിലായി അദ്ദേഹം. പുളിമൂടിൽ അപ്പോൾ ഉണ്ടായിരുന്ന ബാങ്കിലെ ജീവനക്കാരും അദ്ദേഹത്തെ അതിനായി പ്രേരിപ്പിച്ചു, പിന്തുണച്ചു. അങ്ങനെ അവിടെയുള്ള 20 ജീവനക്കാർക്കായി താൻ താമസിച്ചിരുന്ന തകരപറമ്പിലെ സ്വന്തം വീടിന്റെ മുൻവശം ഹോട്ടലാക്കി തുടങ്ങിയതാണ് ഈ സംരംഭം. അവിടത്തെ പുളിശ്ശേരിക്ക് പേരു വന്നു, ജനങ്ങൾ അതിനെ പുളിശ്ശേരിക്കട എന്ന് വിളിച്ചു. അങ്ങനെ അത് പേരുമായി.

വർഷങ്ങളായി, ഇപ്പോഴും ആ വീട് മുഴുവൻ ഹോട്ടലാണ്. മുൻവശം കണ്ടാൽ വളരെ കുറച്ചേ ഇരിക്കാൻ കഴികയുള്ളുവെന്നു തോന്നാം. അകത്തോട്ട് സ്ഥലം ഉണ്ട് . 18 പേർക്ക് ഇരിക്കാം.

ലോക്ക്ഡൗണിൽ മെയ് 4 മുതൽ തന്നെ പാഴ്സൽ സൗകര്യം ലഭ്യമാണ്. പണ്ടും ഇപ്പോഴും ഉച്ചയ്ക്ക് 12 മുതൽ 3 മണി വരെയാണ് സമയം. ഒരിടക്കാലത്ത് തുടങ്ങിയ പ്രാതൽ ഈയിടക്ക് ലോക്ക്ഡൗണിന് മുമ്പ് കുറച്ച് ദിവസങ്ങളിൽ രാവിലെ 7 മണി മുതൽ 9 മണി വരെ സമയങ്ങളിൽ പുനരാരംഭിച്ചിരുന്നു. അതിപ്പോൾ ഇല്ല. സാഹചര്യങ്ങൾ അനുകൂലമായി വരുമ്പോൾ വീണ്ടും തുടങ്ങും.

സർക്കാറിന്റെ നിയമത്തിനും അനുശാസനത്തിനും വിധേയമായി വരുന്നവരെ ഇരുത്തി കഴിപ്പിക്കേണ്ട സമയം ആഗതമാകുമ്പോൾ അതനസുരിച്ചുള്ള ഒരുക്കങ്ങൾ നടത്തുന്നത്തിന്റെ തയ്യാറെടുപ്പിലാണ് ഇപ്പോൾ പുളിശ്ശേരിക്കട. സ്ഥലം: തകരപറമ്പ് ഫ്ളൈഓവർ വഴി വരുമ്പോൾ IOB ഇന്ത്യൻ ഓവർസീസ് ബാങ്കിന് എതിർവശത്തായി..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post