‘ബീഫ് ബിരിയാണി’യ്ക്ക് പേരുകേട്ട കോഴിക്കോട്ടെ റഹ്മത്ത് ഹോട്ടലിൻ്റെ വിശേഷങ്ങളിലേക്ക്…

Total
1
Shares

കോഴിക്കോട് എന്ന സാംസ്കാരിക നഗരം, വിഭിന്നമായ ഭക്ഷണത്തിന്റെയും പുതുമയേറിയ രുചികളുടെയും കൂട്ടായ്മയുടെയാണ്. ആഥിത്യമര്യാദയിലും സാമൂഹികമര്യാദയിലും ഇഴുകിചേര്‍ന്നതാണ് കോഴിക്കോട്. കേരളത്തിലെ ഏറ്റവും നല്ലതും വ്യത്യസ്തവുമായ ഭക്ഷണം ലഭിക്കുന്നത് കോഴിക്കോട് തന്നെയാണെന്നതിൽ എതിരഭിപ്രായങ്ങൾ ഉണ്ടാകുവാനിടയില്ല. സർബത്തും അലുവയും മുതൽ ബിരിയാണി വരെ നീളുന്നു ആ രുചിപ്പെരുമ. കോഴിക്കോട് എത്തുന്നവർക്ക് ഏതു ഹോട്ടലിൽ കയറണം എന്തൊക്കെ കഴിക്കണം എന്ന കാര്യത്തിൽ ഭയങ്കര കൺഫ്യൂഷനായിരിക്കും. അത്തരക്കാർക്ക് ബീഫ് ബിരിയാണി കഴിക്കണം എന്നാണെങ്കിൽ നേരെ റഹ്മത്ത് ഹോട്ടലിലേക്ക് പോയാൽ മതി. അതെ, കോഴിക്കോട്ടെ ബിരിയാണികളിൽ ഏറ്റവും പ്രശസ്തമായത് റഹ്മത്തിലെ ബീഫ് ബിരിയാണി തന്നെയാണ്. മലബാറിന്റെ രുചിക്കൂട്ടുകളുടെ കേന്ദ്രമെന്ന് വേണമെങ്കിൽ റഹ്മത്തിനെ വിളിക്കാം.

തിരൂർ ആലത്തിയൂർ സ്വദേശിയായിരുന്ന കുഞ്ഞഹമ്മദ് ഹാജി ഏകദേശം അറുപതോളം വർഷങ്ങൾക്ക് മുൻപ് കോഴിക്കോട് ബീച്ചിനടുത്ത് ആരംഭിച്ച ഹോട്ടലാണ് പിൽക്കാലത്ത് മാനാഞ്ചിറ മൈതാനത്തിനും മാതൃഭൂമി സഹകരണ സംഘത്തിനും ലൂമിനാസ് ഡ്രസ്സസ്സിനും അടുത്തായി അരവിന്ദ് ഘോഷ് റോഡില്‍ ആയി, രണ്ടാം ഗെയ്റ്റിന് സമീപത്തെ ബിരിയാണിക്ക് പ്രശസ്തമായ റഹ്മത്ത് ഹോട്ടലായി മാറിയത്. ഉസ്താദ് ഹോട്ടൽ എന്ന സിനിമയിലെ തിലകന്റെ കഥാപാത്രം ഇദ്ദേഹത്തെ കണ്ട് എഴുതിയതാണെന്നു വേണമെങ്കിൽ പറയാം. ഇന്നത്തെ റഹ്മത്ത് ഹോട്ടൽ തുടങ്ങിയിട്ട് 52 വർഷം കഴിഞ്ഞു. ഇത്രയും കാലത്തിനിടയിൽ ഹോട്ടലിൽ മോടിപിടിപ്പിക്കലും പുതുക്കിപ്പണിയലുമൊക്കെ ഉണ്ടായിട്ടുണ്ട്.

ബീഫ് ബിരിയാണി ഉണ്ടാക്കുന്നതിൽ സ്പെഷ്യലിസ്റ്റ് ആയിരുന്ന കുഞ്ഞഹമ്മദ് ഹാജിയുടെ ഹോട്ടലിലെ താരവും അതേ ബീഫ് ബിരിയാണി തന്നെയായി മാറി. കോഴിക്കോടെന്നല്ല, കേരളത്തിലെ തന്നെ ഏറ്റവും നല്ല ബീഫ് ബിരിയാണി ലഭിക്കുന്ന സ്ഥലം എന്നതിനു ഉത്തരവും റഹ്മത്ത് തന്നെയാണ്. ഉസ്താദ് ഹോട്ടലിലെ തിലകൻ പറയുന്നതു പോലെ ബിരിയാണി കഴിക്കുന്നതിനേക്കാൾ കഴിപ്പിക്കുന്നതിലാണ് കുഞ്ഞഹമ്മദ് ഹാജി സന്തോഷം കണ്ടെത്തിയിരുന്നത്. വെറുതെ കഴിച്ചാൽ മാത്രം പോരാ, കഴിക്കുന്നവരുടെ മനസ്സും നിറയണമെന്ന് അദ്ദേഹത്തിന് നിർബന്ധമായിരുന്നു.

ഹോട്ടൽ തുടങ്ങി അധികനാൾ ആകുന്നതിനും മുന്നേ റഹ്മത്തിലെ ബീഫ് ബിരിയാണിയുടെ രുചിയും പെരുമയുമെല്ലാം നാടൊട്ടുക്കും പരന്നു. പ്രശസ്തരായ സിനിമാതാരങ്ങളും രാഷ്ട്രീയ നേതാക്കളുമൊക്കെ റഹ്മത്തിലെ ബിരിയാണിയുടെ ആരാധകരായി മാറി. ബിവറേജസ് കോർപറേഷൻ ഔട്ട്ലറ്റുകളെ അനുസ്മരിപ്പിക്കുന്ന വിധത്തിലുള്ള ക്യൂ റഹ്മത്തിനു മുന്നിൽ എന്നും കാണാവുന്നതാണ്. സ്വദേശികളും മറ്റു സ്ഥലങ്ങളിൽ നിന്നും കോഴിക്കോട് വരുന്ന സഞ്ചാരികളുമെല്ലാം അക്കൂട്ടത്തിൽപ്പെടും. റഹ്മത്തിലെ ബിരിയാണി രുചിക്കാൻ വേണ്ടി മാത്രം മറ്റു ജില്ലകളിൽ നിന്നും കോഴിക്കോട്ടേക്ക് ആളുകൾ വരുന്നുണ്ടെന്നത് മറ്റൊരു സത്യം. റഹ്മത്തിൽ നിന്നും ബിരിയാണി കഴിച്ചു കഴിഞ്ഞാൽ ഒരു ചൂടൻ സുലൈമാനി കൂടി കുടിച്ചിട്ടേ ആളുകൾ പോകാറുള്ളൂ. അതാണ് അതിന്റെയൊരു രീതി. ബീഫ് ബിരിയാണിയാണ് ഇവിടുത്തെ പ്രധാന വിഭവം എങ്കിലും മറ്റെല്ലാ വിഭവങ്ങളും ലഭ്യമാണ്. ഇത്രയും പേരും പ്രശസ്തിയുമൊക്കെ കൈവരിച്ചിട്ടും ഇന്നും മിതമായ നിരക്ക് മാത്രമാണ് ഉപഭോക്താക്കളിൽ നിന്നും ഈടാക്കുന്നത് എന്നത് ഈ ഹോട്ടലിനെ പ്രിയപ്പെട്ടതാക്കുന്നു.

1961 മുതല്‍ 2008 വരെ കുഞ്ഞഹമ്മദ് നേരിട്ടാണ് ഹോട്ടല്‍ നടത്തിയിരുന്നത്. പിന്നീട് മകന്‍ മുഹമ്മദ് സുഹൈല്‍ സ്ഥാപനം ഏറ്റെടുക്കുകയായിരുന്നു. 2017 ജൂൺ മാസത്തിൽ കുഞ്ഞഹമ്മദ് ഹാജി റഹ്മത്തിനെയും കോഴിക്കോടിനെയുമൊക്കെ വിട്ടു ഭൂമിയിൽ നിന്നും വിടപറഞ്ഞു. ഇന്ന് അറുപതോളം ജീവനക്കാര്‍ ജോലി ചെയ്യുന്ന വലിയ തിരക്കുള്ള ഹോട്ടലാക്കി റഹ്മത്തിനെ മാറ്റിയത് കുഞ്ഞഹമ്മദ് ഹാജിയുടെ കൈപ്പുണ്യവും കഷ്ടപ്പാടുമായിരുന്നു.

കുഞ്ഞഹമ്മദ് ഹാജി.

ഹോട്ടലിൽ ദിനംപ്രതി തിരക്ക് വർദ്ധിച്ചതോടെ മറ്റൊരു ബ്രാഞ്ച് കൂടി കോഴിക്കോട് തുടങ്ങുവാൻ റഹ്മത്തുകാർ തീരുമാനിച്ചു. കോഴിക്കോട് പുതിയ സ്റ്റാന്റ് കോർപ്പറേഷൻ സ്റ്റേഡിയത്തിന് അടുത്താണ് 2018 ൽ പുതിയ ഹോട്ടൽ ആരംഭിച്ചത്. നാല് നിലകളിലായുള്ള ഈ ഹോട്ടലിൽ ഒരേ സമയം 400 പേർക്ക് ഭക്ഷണം കഴിക്കുവാനുള്ള സൗകര്യമുണ്ട്. ഗ്രൗഡ് ഫ്ളോറിൽ സാധാ ഫുഡും, ഫസ്റ്റ് ഫ്ളോറിൽ സ്പെഷ്യൽ ഫുഡും ആണ് . രണ്ടാം നില പൂർണമായും കുടുംബങ്ങൾക്കായി മാറ്റിവച്ചിരുന്നു. മൂന്നാം നിലയാകട്ടെ ഡീലക്സ് ഫ്ലോർ ആണ്. രണ്ടാം ഗെയ്റ്റിന് സമീപത്തെ പഴയ ഹോട്ടൽ നിലനിർത്തിക്കൊണ്ടു തന്നെയാണ് പുതിയ ഹോട്ടൽ ആരംഭിച്ചതും.

പേരുകേട്ട നിരവധി ഹോട്ടലുകൾ കോഴിക്കോട് നഗരത്തിലുണ്ടെങ്കിലും റഹ്മത്തിന്റെയും അവിടത്തെ ബീഫ് ബിരിയാണിയുടെയും തട്ട് എന്നും താണു തന്നെയിരിക്കും. ഇനി അടുത്ത തവണ കോഴിക്കോട് പോകുമ്പോൾ നിങ്ങൾ റഹ്മത്തിലെ ബീഫ് ബിരിയാണിയുടെയും ചൂട് സുലൈമാനിയുടെയും രുചി ഒന്നറിയുവാൻ ശ്രമിക്കുക.

വിവരങ്ങൾക്ക് കടപ്പാട് – വിവിധ ഓൺലൈൻ മാധ്യമങ്ങൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post