റാസൽ ഖൈമയിൽ നിന്നും ജബൽ ജൈസിലേക്ക് ഒരു ട്രിപ്പ്

Total
15
Shares

വിവരണം – പ്രശാന്ത് പറവൂർ.

യു.എ.ഇ.യിൽ എത്തിയതിനു ശേഷമുള്ള ആദ്യത്തെ പകൽ പിറന്നു. ചേച്ചിയുടെ വീട്ടിലായിരുന്നു എൻ്റെ താമസം. തലേന്ന് വൈകി കിടന്നതിനാൽ രാവിലെ വളരെ വൈകിയായിരുന്നു എഴുന്നേറ്റത്. ലീവ് കിട്ടാതിരുന്നതിനാൽ ചേട്ടൻ രാവിലെത്തന്നെ ജോലിയ്ക്ക് പോയിരുന്നു. ഞാനാണെങ്കിൽ ഉറങ്ങിയും, പിന്നെ ചേച്ചിയുടെ മകളുമായി കളിച്ചുമൊക്കെ പകൽസമയം തള്ളിനീക്കി. വൈകുന്നേരം പതിവിലും നേരത്തെ ചേട്ടൻ വീട്ടിലെത്തി. ഫാമിലിയായി ഒരു കറക്കം… അതായിരുന്നു ആദ്യത്തെ പ്ലാൻ.

ചേട്ടൻ വന്ന് കുറച്ചു സമയത്തിനു ശേഷം ചേട്ടന്റെ സുഹൃത്തും ഗുജറാത്ത് സ്വദേശിയുമായ രമേഷ് ഭായി കാറുമായി എത്തിച്ചേരുകയും ഞങ്ങൾ ആ കാറിൽക്കയറി കറക്കം ആരംഭിക്കുകയും ചെയ്തു. ഞങ്ങളുടെ ഒപ്പം ചേട്ടന്റെ സുഹൃത്തിന്റെ മകൻ ഹരിയും പങ്കുചേർന്നു. റാസൽഖൈമ ടൗണിൽ നിന്നും ജബൽജൈസ് എന്ന സ്ഥലത്തേക്ക് ആയിരുന്നു ഞങ്ങളുടെ യാത്ര.

യു.എ.ഇ.യിലെ ഏറ്റവും ഉയരം കൂടിയ മേഖലയാണ് റാസൽഖൈമ എമിറേറ്റിൽ സ്ഥിതി ചെയ്യുന്ന ജബൽജൈസ്. ഞങ്ങൾ താമസസ്ഥലത്തു നിന്നും യാത്ര തുടങ്ങിയപ്പോൾത്തന്നെ അങ്ങകലെ ജബൽജൈസ് മലനിരകൾ തലയുയർത്തി നിൽക്കുന്നത് കാണാമായിരുന്നു. രമേഷ് ആണെങ്കിൽ തന്റെ പഴയ കാർ പറപ്പിച്ചുകൊണ്ടിരുന്നു. പോകുന്ന വഴിയിൽ വ്യത്യസ്തങ്ങളായ കെട്ടിടങ്ങളും, വരണ്ട പ്രദേശങ്ങളും, പലതരത്തിലുള്ള ആളുകളെയും ഒക്കെ കണ്ടിരുന്നു.

ജബൽജൈസിലേക്ക് കയറിപ്പോകുന്നതിനു മുൻപായി മനോഹരമായ ഒരു തടാകം സ്ഥിതി ചെയ്യുന്നുണ്ട്. അവിടം ടൂറിസ്റ്റുകളുടെ ഒരു ഇടത്താവളം കൂടിയാണ്. ഞങ്ങൾ മെയിൻ റോഡിൽ നിന്നും അവിടേക്ക് വണ്ടി തിരിച്ചു. തടാകത്തിനടുത്തായി ധാരാളമാളുകൾ വാഹനങ്ങളിൽ വന്ന് പാട്ടു വെച്ചും, ഗ്രിൽഡ് ചിക്കൻ ഉണ്ടാക്കിയുമൊക്കെ ആസ്വദിക്കുന്നുണ്ട്. കൂടുതലും അറബി വംശജർ തന്നെയായിരുന്നു അക്കൂട്ടരിൽ.

ഒരിടത്ത് വണ്ടി പാർക്ക് ചെയ്ത് ഞങ്ങൾ തടാകത്തിനടുത്തേക്ക് നടന്നു. വരണ്ട പ്രദേശത്തിനു നടുവിൽ നീലനിറത്തിൽ കിടക്കുന്ന തടാകം കാഴ്ച്ചയിൽ വളരെ മനോഹരം തന്നെയായിരുന്നു. ഏതാണ്ട് ലഡാക്കിലൊക്കെ പോയ ഒരു പ്രതീതി. ഇങ്ങനെ ഉപമിക്കാൻ ലഡാക്കിൽ നേരിട്ട് പോയിട്ടില്ലെങ്കിലും ഫോട്ടോയിലൂടെയും വീഡിയോയിലൂടെയുമൊക്കെ കണ്ടിട്ടുണ്ട്. തടാകത്തിനു ചുറ്റും വേലി കെട്ടിയിരുന്നതിനാൽ അതിലിറങ്ങുവാനൊന്നും നമുക്ക് സാധിക്കുമായിരുന്നില്ല. ഒരുകണക്കിന് അത് നന്നായി. അല്ലെങ്കിൽ ആളുകളെല്ലാം കണ്ട് കൊതിമൂത്ത് അതിനകത്തേക്ക് ചാടിയേനെ.

തടാകക്കരയിൽ നിന്നുകൊണ്ട് ഫോട്ടോകളും വീഡിയോയുമൊക്കെ എടുത്തതിനു ശേഷം ഞങ്ങൾ ജബൽജൈസിലേക്കുള്ള യാത്ര വീണ്ടും തുടർന്നു. ഏതാനും മീറ്ററുകൾ പോയതേയുള്ളൂ, അവിടെയതാ പോലീസ് വണ്ടി തടയുന്നു. രമേശ് ഭായി കാര്യം തിരക്കിയപ്പോഴാണ് ഞെട്ടിക്കുന്ന ആ കാര്യം അറിയുന്നത്. ജബൽജൈസിലേക്ക് ആരെയും കടത്തിവിടുന്നില്ല. അവിടെ കനത്ത മഞ്ഞുവീഴ്ചയാണത്രേ. യു.എ.ഇ.യിലും മഞ്ഞുവീഴുമോ എന്ന് അമ്പരക്കേണ്ട, കാര്യം ജബൽജൈസ് വേറെ ലെവലാണ്.

അങ്ങനെ ജബൽജൈസിലേക്കുള്ള യാത്ര പാതിവഴിയിൽ അവസാനിപ്പിച്ച് നിരാശയോടെ ഞങ്ങൾ അവിടെ നിന്നും മടങ്ങി. സമയം ഇനിയുമുണ്ട് ഇരുട്ട് വീഴാൻ. അങ്ങനെ വരുന്ന വഴിയാണ് രമേശ് ഭായിയുടെ ഒരു അമ്മാവൻ അവിടെയടുത്തുള്ള ഒരു മലയടിവാരത്തിൽ വിജനമായ സ്ഥലത്ത് താമസിക്കുന്നുണ്ടെന്നും, അവിടേക്ക് പോകാമെന്നും പറയുന്നത്. പിന്നെ ഞങ്ങളൊന്നും ആലോചിച്ചില്ല, നേരെ രമേഷ്ഭായിയുടെ അമ്മാവന്റെ അടുത്തേക്ക് യാത്രയായി.

അവിടേക്ക് യാത്ര തിരിക്കുമ്പോൾ ഞങ്ങൾ ഒരിക്കൽപ്പോലും വിചാരിച്ചില്ല, ജീവിതത്തിൽ ഒരിക്കലും മറക്കാത്ത ചില അനുഭവങ്ങളുടെയിടയിലേക്കാണ് തങ്ങളുടെ യാത്രയെന്ന്. ആ വിശേഷങ്ങളും കാഴ്ചകളുമൊക്കെ ഇനി അടുത്ത ഭാഗത്തിൽ… (തുടരും…)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post