ലഡാക്ക് യാത്രയിൽ റെന്റ് ബൈക്ക് എടുക്കുമ്പോൾ ചതിയിൽപ്പെടാതിരിക്കാൻ…

Total
411
Shares

വിവരണം: ജംഷീർ കണ്ണൂർ.

ഏതൊരു സഞ്ചാരിക്കും തന്റെ യാത്രാ ജീവിതത്തിൽ ഉണ്ടാക്കുന്ന ഏറ്റവും വലിയ സ്വപ്നമാണ് ലഡാക്ക് യാത്ര എന്നത്. ഒരു ലഡാക്ക് യാത്രക്ക് ഒരുങ്ങുന്ന ഒട്ടുമിക്ക സഞ്ചാരികളും അന്വേഷിക്കുന്ന ഒരു വിഷയമാണ് യാത്ര ചെയ്യാൻ റെന്റ് ബൈക്ക് എടുക്കുന്നതിനെ പറ്റി. റെന്റ് ബൈക്ക് സംവിധാനത്തെ കുറിച്ച് അന്വേഷിക്കുന്നവരിൽ കൂടുതലും സ്വന്തമായി ബൈക്കില്ലാത്തവർ ആണ്. അല്ലെങ്കിൽ ലഡാക്കിലേക്ക് യാത്ര ചെയ്യാൻ എൻഫീൽഡ് പോലുള്ള വണ്ടി തന്നെ വേണം എന്ന് തെറ്റിദ്ധരിച്ചവർ.

പിന്നെ പ്രവാസികൾ. അവർക്ക് വർഷത്തിൽ കിട്ടുന്ന ഒരു മാസം ലീവ്. ആ കുറഞ്ഞ ദിവസം കൊണ്ട് നാട്ടിൽ നിന്ന് വണ്ടി ഓടിച്ച് പോകുന്ന റിസ്ക്ക് ഒഴിവാക്കാൻ ഡൽഹിയിൽ നിന്ന് റെന്റ് ബൈക്ക് എടുത്ത് യാത്ര ചെയ്യാം എന്ന ആശയത്തിൽ എത്തുന്നു. എന്നാൽ റെന്റ് ബൈക്ക് എന്ന സംവിധാനത്തിൽ ഒളിഞ്ഞും, തെളിഞ്ഞും ഇരിക്കുന്ന ചതിക്കുഴികൾ ആണ് ഈ എഴുത്തിൽ ഞാൻ കുറിക്കുന്നത്‌.

ആദ്യമെ പറയാം ഞാൻ ലഡാക്കിലേക്ക് പോയത് എന്റെ സ്വന്തം ബൈക്ക് എടുത്താണ്. എന്നാൽ എന്റെ ലഡാക്ക് യാത്രയുടെ ഇടക്ക് റെന്റ് ബൈക്ക് എടുത്ത് വന്ന ഒരു പാട് കൂട്ടുകാരെ എനിക്ക് പരിചയപ്പെടാൻ സാധിച്ചു. അവരുടെ അനുഭവങ്ങൾ കോർത്തിണക്കിയാണ് ഈ കുറിപ്പ് ഞാൻ തയ്യാറാക്കിയത്. കാര്യത്തിലേക്ക് കടക്കുകയാണ്.

റെന്റ് ബൈക്ക് കൊണ്ട് ഒരു സഞ്ചാരി നേരിടുന്ന പ്രശ്നങ്ങൾ എന്തൊക്കെ.?

1. വണ്ടി കണ്ടിഷൻ ആയിരിക്കില്ല. ചിലപ്പോൾ നിരവധി പേർ ഉപയോഗിച്ച വണ്ടി ആയിരിക്കും നമുക്ക് കിട്ടുക. വാഹനം എടുത്ത് ഓടി ഒരു നിശ്ചിത ദൂരം എത്തി കഴിഞ്ഞാൽ വണ്ടിക്ക് പണി കിട്ടി തുടങ്ങും. ഞാൻ പരിചയപ്പെട്ട ഒരു കൂട്ടുകാരൻ എടുത്ത വണ്ടിയുടെ പിസ്റ്റൺ തകരാറിലായി അവസാനം ട്രിപ്പ് മുടങ്ങി.അതൊക്കെ ശരിയാക്കി ട്രിപ്പ് പൂർത്തിയാക്കി വണ്ടി തിരികെ ഏൽപ്പിക്കുന്ന സമയം പിസ്റ്റൺ മാറ്റി വലിയ തുക അവൻ ചിലവാക്കിയ കാര്യം റെന്റ് ടീമിനെ അറിയിച്ചു.

എന്നാൽ ചിലവാക്കിയ തുക അവന് അവർ കൊടുത്തില്ല. അത് നിങ്ങളുടെ കയ്യിൽ നിന്നും പറ്റിയതല്ലെ എന്ന് പറഞ്ഞ് അവർ കയ്യൊഴിഞ്ഞു.വാടകയ്ക്ക് പുറമെ 8000 രൂപയോളം അവന് ചിലവായി. അതുപോലെ ട്രിപ്പ് കഴിഞ്ഞ് തിരിച്ച് വണ്ടി ഏൽപ്പിക്കുന്ന സമയം അവർ വണ്ടി ചെക്ക് ചെയ്യും ആ സമയത്ത് വണ്ടിക്ക് സ്ക്രാച്ച് പറ്റി, ബാറ്ററി തകരാർ ആയി എന്നൊക്കെ പറഞ്ഞ് പണം നഷ്ട്ടപ്പെട്ടവർ പിന്നെയും ഉണ്ട്.

2. ബൈക്ക് റെന്റൽ ലോബികളുടെ ഭാഗത്ത് നിന്നുള്ള പ്രശ്നം. ഇതിന് കാരണക്കാർ ഹിമാജൽ പ്രദേശിലെ മണാലിയിലെ റെന്റൽ ലോബികളും, അതുപോലെ ജമ്മു കശ്മീരിലെ ലഡാക്കിലെ റെന്റൽ ലോബികളും ആണ്. ഈ രണ്ട് വിഭാഗവും ഗ്രൂപ്പുകളായി തിരിഞ്ഞ് അസോസിയേഷൻ വരെ ഉണ്ടാക്കിയിട്ടുണ്ട്. അതായത് നിങ്ങൾ ഡൽഹിയിൽ നിന്നോ മണാലിയിൽ നിന്നൊ വണ്ടി എടുത്ത് ലഡാക്കിൽ എത്തി കഴിഞ്ഞാൽ ലഡാക്കിൽ ബൈക്ക് റെന്റിന് കൊടുക്കുന്നവർ നിങ്ങളുടെ വണ്ടി തടയും. പിന്നെ അവിടെ സഞ്ചരിക്കാൻ അവരുടെ വണ്ടി എടുക്കേണ്ടി വരും.

സ്വന്തം വണ്ടിയുമായി പോയ ഞങ്ങളെ വരെ ലഡാക്കിൽ വെച്ച് റെന്റൽ ലോബി തടഞ്ഞു പിന്നെ വിശദമായ അവരുടെ ഇന്റെർവ്യു. ആരുടെ വണ്ടിയാണ്. ഈ വണ്ടിയുടെ ഉടമസ്ഥൻ ഈ വണ്ടിയിൽ ഉണ്ടോ എന്നൊക്കെ. ഞങ്ങൾ കേരളത്തിൽ നിന്ന് വണ്ടിയുമായി പോയത് കൊണ്ട് ഞങ്ങളെ വിട്ടു. എന്നാൽ ഞങ്ങളുടെ കൂടെ രണ്ട് സുഹുർത്തുക്കൾ ഉണ്ടായിരുന്നു. വരുൺ, തേജസ്, അവരെ വഴിയിൽ വെച്ച് പരിചയപ്പെട്ടതാണ്. അവർ ഡൽഹിയിൽ നിന്ന് വാടകയ്ക്ക് എടുത്ത വണ്ടിയുമായാണ് ലഡാക്ക് എത്തിയത്.

അവർക്ക് ആ വണ്ടിയുമായി ലഡാക്ക് കറങ്ങാൻ പറ്റിയില്ല. ഡൽഹിയിൽ നിന്ന് എടുത്ത് വന്ന ബൈക്ക് അവർ താമസിച്ച ഹോട്ടലിൽ പാർക്ക്’ ചൈതതിന് ശേഷം ലഡാക്കിലെ സ്ഥലങ്ങൾ കാണാൻ വേണ്ടി ലഡാക്കിലെ റെന്റൽ ബൈക്ക് വാടകയ്ക്ക് എടുക്കേണ്ടി വന്നു. അതിന് എക്ട്രാ പൈസ ചിലവായി. ഇതേ അവസ്ഥ തന്നെയാണ് മണാലി എത്തിയാലും ഉണ്ടാകുന്നത്.ഇതൊക്കെയാണ് റെന്റൽ ബൈക്ക് ഉപയോഗിക്കുമ്പോൾ ഉള്ള പ്രധാന പ്രശ്നങ്ങൾ.

ഇനി റെന്റൽ ബൈക്ക് എടുത്തു പോകുന്നവർ ശ്രദ്ധിക്കേണ്ട ചില കാര്യങ്ങൾ ഇവിടെ സൂചിപ്പിക്കുകയാണ്.

1) വാടകയ്ക്ക് വണ്ടി എടുക്കുന്ന സമയത്ത് അവർ നമ്മളെ കൊണ്ട് ഒരു എഗ്രിമെന്റിൽ ഒപ്പ് വെപ്പിക്കും. അതിൽ ഒപ്പ് ഇടുന്നതിന് മുമ്പ് എന്തൊക്കെയാണ് ആ എഗ്രിമെറ്റിൽ അവർ എഴുതി ചേർത്തിട്ടുള്ളത് എന്ന് ഒരു അവർത്തി വായിച്ച് മനസ്സിലാക്കണം.

2) നമ്മൾ എടുക്കുന്ന വണ്ടിയുടെ എൻഞ്ചിൻ പ്രവർത്തനക്ഷമമാണോ എന്ന് പരിശോധിക്കണം.എഞ്ചിനിൽ നിന്ന് വേറെ എന്തെങ്കിലും ശബ്ദമോ മറ്റോ വരുന്നില്ല എന്ന് ഉറപ്പ് വരുത്തുക.

3) വാഹനത്തിന്റെ, ചെയിൻ, മറ്റ് കേബിളുകൾ, സോകറ്റുകൾ എന്നിവയുടെ പ്രവർത്തനക്ഷമത കൂടി ചെക്ക് ചെയ്യുക.കാരണം ഇതൊക്കെ ശ്രദ്ധിക്കാതെ ആണ് വണ്ടി എടുത്ത് യാത്ര തുടങ്ങിയത് എങ്കിൽ വഴിയിൽ വെച്ച് തീർച്ചയായും നിങ്ങളുടെ വണ്ടിക്ക് പണി കിട്ടും. അത്തരം ഒരു അവസ്ഥ ഉണ്ടായാൽ വഴിയിലെ വർക്ക്ഷോപ്പിൽ കയറ്റി പുതിയ പാർട്ട്സ് ഇട്ട് യാത്ര തുടരേണ്ടി വരും. അപ്പോൾ നിങ്ങൾ ചിലവാക്കുന്ന പണം നിങ്ങൾക്ക് തിരികെ കിട്ടില്ല.

4) എൻജിൻ ഓയിൽ മാറ്റിയിട്ടുണ്ടോ, അതുപോലെ അതിന്റെ ലെവലും ചെക്ക് ചെയ്യണം. എൻജിൻ ഓയിൽ മാറ്റാത്ത വണ്ടി ആണ് നിങ്ങൾ എടുത്തത് എങ്കിൽ അവസാനം ഓയലിന്റെ കുറവ് കൊണ്ട് പിസ്റ്റൺ സ്റ്റക്ക് ആയി വണ്ടി വഴിയിൽ കിടക്കും.പിന്നെ പിസ്റ്റൺ പുതിയത് മാറ്റി ഇടേണ്ടി വരും അതിനൊക്കെ ചിലവാകുന്ന തുക നിങ്ങളുടെ പോക്കറ്റിൽ നിന്നും പോകും.

5) നിങ്ങൾ വാടകയ്ക്ക് എടുക്കാൻ ഉദ്ദേശിക്കുന്ന വാഹനം നിങ്ങൾക്ക് മുമ്പ് നിരവധി ആളുകൾ ഉപയോഗിച്ച വാഹനം ആകാം. അപ്പോൾ സ്വഭാവികമായിട്ടും സ്ക്രാച്ച്, ചളുക്ക്‌, ഒക്കെ ഉണ്ടാകാം. വാഹനം നിങ്ങൾ കണ്ടു എന്നിട്ട് അത് ഓടിച്ച് നോക്കി വണ്ടിക്ക് കുഴപ്പമൊന്നുമില്ല എന്ന് ഉറപ്പ് വരുത്തി ഈ വണ്ടി തന്നെ മതി എന്ന് തീരുമാനിച്ച് ഓടിച്ച് പോകാതെ വണ്ടിക്ക് ഉണ്ടായിരിക്കുന്ന സ്ക്രാച്ചും, ചളുക്കും നിങ്ങൾക്ക് വണ്ടി തരുന്ന ടീമിന്റെ ശ്രദ്ധയിൽപ്പെടുത്തുക. വേണമെങ്കിൽ ഫോണിൽ ഫോട്ടോ എടുത്ത് വെച്ചാലും പ്രശ്നമില്ല.

ഇതൊന്നും ശ്രദ്ധിച്ചില്ലാ എങ്കിൽ നിങ്ങൾ വണ്ടി തിരികെ കൊടുക്കുന്ന സമയത്ത് ആ വണ്ടിക്ക് ഓൾ റെഡി ഉള്ള പരിക്കുകൾക്ക് നിങ്ങൾ പണം നൽകേണ്ടി വരും. ഒരുപാട് സുഹുർത്തുക്കൾ ഇത്തരം ചൂഷണങ്ങൾക്ക് ഇരയായിട്ടുണ്ട്.

6) ഗവൺമെന്റ് അംഗീകൃതമായ റെന്റൽ ഷോപ്പ് ഉണ്ട് എന്ന് അറിയാൻ കഴിഞ്ഞു. പക്ഷേ അതിനെ കുറിച്ച് കൂടുതൽ ഒന്നും എനിക്കറിയില്ല. വാടകയ്ക്ക് ബൈക്ക് എടുക്കുന്നവർ ഇത്തരം സ്ഥാപനങ്ങളിൽ നിന്ന് എടുത്താൽ നിയമസാധുത ഉണ്ട് എന്ന് അറിയാൻ കഴിഞ്ഞു.ഇത്തരം സ്ഥലത്ത് നിന്ന് ബൈക്ക് വാടകയ്ക്ക് എടുത്തവർ തങ്ങളുടെ അറിവ് ഇതിന്റെ അടിയിൽ കമന്റായി ഇട്ടാൽ ഒരുപാട് സഞ്ചാരികൾക്ക് അത് ഗുണം ചെയ്യും.

7) നിങ്ങൾ റെന്റിന് വാഹനം എടുക്കുമ്പോൾ ആ സ്ഥാപനത്തിൽ നിന്നും നിങ്ങൾക്ക് വാഹനത്തിന് വേണ്ട ട്ടൂൾസ് ഒക്കെ ചിലപ്പോൾ തരും. അങ്ങനെ തരുന്നുണ്ട് എങ്കിൽ എന്തൊക്കെയാണ് അവർ നമുക്ക് തരുന്നത് എന്ന് അവരുടെ കയ്യിൽ നിന്ന് ഒരു തെളിവ് എന്ന രീതിയിൽ എഴുതി വാങ്ങുക. ട്രിപ്പ് കഴിഞ്ഞ് വണ്ടി തിരികെ കൊടുക്കുന്ന സമയം അവർ ഏൽപിച്ച സാധനങ്ങൾ ഒന്നും നഷ്ട്ടപ്പെടാതെ തിരികെ ഏൽപ്പിക്കുക. നമ്മുടെ കയ്യിൽ നിന്ന് നഷ്ട്ടപ്പെട്ടാൽ അവർ പറയുന്ന തുക നമ്മൾ നൽകേണ്ടി വരും.

ഇനി ഞാൻ അതൊന്നും കൊടുക്കാൻ പോകുന്നില്ല എന്ന് പറഞ്ഞ് നിങ്ങൾക്ക് ഊരി പോരാം എന്ന് നിങ്ങൾ വിചാരിക്കുന്നുണ്ടാവാം. എന്നാൽ അത്ര എളുപ്പം നിങ്ങൾക്ക് അവരുടെ കയ്യിൽ നിന്ന് രക്ഷപ്പെടാൻ പറ്റില്ല.കാരണം വണ്ടി എടുക്കുമ്പോൾ നമ്മൾ ഒപ്പിട്ട എഗ്രിമെന്റ് പേപ്പറും, ഐഡി കാർഡ് കോപ്പിയും അതുപോലെ വാഹനത്തിന്റെ വാടകയ്ക്ക് പുറമെ അഡ്വാൻസായി ഒരു തുകയും അവരെ ഏൽപ്പിച്ചിട്ടാണ് നമ്മൾ വണ്ടി എടുത്ത് പോകുന്നത്. അപ്പോൾ അവർക്ക് നമ്മളെ നിശ്പ്രായാസം കുടിക്കിലാക്കാൻ പറ്റും. അല്ലങ്കിൽ തന്നെ അവിടുള്ള ആളുകളിൽ പലരും ഒരു ദയയും കാണിക്കാത്തവരാണ്.

അപ്പോൾ ഈ ഇൻഫർമേഷൻ നിങ്ങൾക്ക് ഇഷ്ട്ടമായി എന്നു കരുതുന്നു. ഇഷ്ട്ടപ്പെട്ടാൽ, ഇതു പോലെ ലഡാക്ക് യാത്രക്ക് ഒരുങ്ങുന്ന സഞ്ചാരികൾക്ക് ഉപകാരപ്പെടും എന്ന് തോന്നിയാൽ ഈ വിവരണം ഷെയർ ചെയ്യുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post