വട്ടം വെച്ച കാറിൻ്റെ പിന്നിൽ ബസ് ഇടിപ്പിച്ച് ഡ്രൈവർ; വീഡിയോ ദൃശ്യങ്ങൾ

Total
0
Shares

വാഹനവുമായി റോഡിലിറങ്ങുമ്പോൾ ഒരു ഡ്രൈവർക്ക് പലതരത്തിലുള്ള അനുഭവങ്ങൾ നേരിടേണ്ടി വരാറുണ്ട്. ബസ്, കാർ, ലോറി തുടങ്ങി വാഹനം ഏതുമായിക്കൊള്ളട്ടെ, ഇത്തരത്തിലുള്ള പല പ്രതിസന്ധികളും ക്ഷമയോടെ തരണം ചെയ്താണ് എല്ലാവരും ലക്ഷ്യസ്ഥാനത്ത് എത്തിച്ചേരുന്നത്. എന്നാൽ ചില സമയങ്ങളിൽ മോശം അനുഭവങ്ങൾ ഡ്രൈവർമാർക്ക് നേരിടേണ്ടി വരാറുണ്ട്. അത്തരം അനുഭവങ്ങളുണ്ടാകുമ്പോൾ ചിലരുടെ പ്രതികരണം എങ്ങനെയെന്ന് ആർക്കും പ്രവചിക്കുവാനുമാകില്ല.

പറഞ്ഞു വരുന്നത് കുറച്ചു മുൻപ് ഫേസ്‌ബുക്കിൽ ഷെയർ ചെയ്യപ്പെട്ട ഒരു വീഡിയോയെക്കുറിച്ചാണ്. നടുറോഡിൽ ഒരു പ്രൈവറ്റ് ബസ്സിനു വട്ടം വെച്ച് ഒരു കാർ നിൽക്കുന്നു. എന്തുകൊണ്ടാണ് കാറുകാരൻ ബസ്സിനു വട്ടം വെച്ചതെന്ന് വ്യക്തമല്ല. ചിലപ്പോൾ മുൻപ് പ്രസ്തുത ബസ് കാറുകാരന് എന്തെങ്കിലും ബുദ്ധിമുട്ട് ഉണ്ടാക്കിക്കാണും എന്ന് കാഴ്ചക്കാർക്ക് അനുമാനിക്കാം. അതിൻ്റെ പ്രതിഷേധമെന്നോണമായിരിക്കുന്നിരിക്കാം കാറുകാരൻ ബസ്സിനു തടസ്സം സൃഷ്ടിച്ചത്.

എന്നാൽ സംഭവത്തിലെ ട്വിസ്റ്റ് വരാനിരിക്കുകയായിരുന്നു. ക്ഷമകെട്ട ബസ് ഡ്രൈവർ കാറിനു പിന്നിൽ ചെറുതായി കൊണ്ടുപോയി ബസ് മുട്ടിച്ചു. ഇതോടെ ഇടിയുടെ ആഘാതത്തിൽ കാർ മുന്നോട്ടു വേഗത്തിൽ നീങ്ങുകയും, കാറിന്റെ പിൻഭാഗം തരക്കേടില്ലാത്ത രീതിയിൽ ചളുങ്ങുകയും ഉണ്ടായി. ഈ സമയമത്രയും ബസ്സിലെ മറ്റൊരു ജീവനക്കാരൻ (കണ്ടക്ടറോ, ഡോർചെക്കറോ ആകാം) സംഭവങ്ങൾ മൊബൈൽഫോണിൽ വീഡിയോ പകർത്തി.

കാറിനു പിന്നിൽ ബസ് പിടിച്ചതോടെ കുറച്ചു ദൂരം മുന്നോട്ടു പോയ കാർ പിന്നീട് പതിയെ നിർത്തി. ബസ്സും മുന്നോട്ടെടുത്തു. ഈ സമയം കാർ ഡ്രൈവർ സീറ്റിൽ നിന്നും ഇറങ്ങാതെ തന്നെ ബസ്സിന്റെ വീഡിയോയും പകർത്തി. പിന്നീട ബസ് ഈ കാറിനെ മറികടന്നു പോകുന്നതായാണ് ബസ് ജീവനക്കാരൻ എടുത്ത വീഡിയോയിലെ അവസാന ദൃശ്യങ്ങളിൽ കാണുന്നത്.

സംഭവം നടന്നത് കോഴിക്കോട് ജില്ലയിലെ പാവങ്ങാട് എന്ന സ്ഥലത്തു വെച്ചാണ്. കണ്ണൂർ – കോഴിക്കോട് റൂട്ടിലോടുന്ന ഫാത്തിമാസ് എന്ന ബസ്സും, KL 58 T 8598 എന്ന രജിസ്ട്രേഷനിലുള്ള മാരുതി ഡിസയർ കാറുമാണ് സംഭവത്തിലെ കഥാപാത്രങ്ങൾ. ബസ് ജീവനക്കാർ ഷെയർ ചെയ്ത കുറിപ്പ് ഇങ്ങനെയാണ് – “ബസിന്റെ മുന്നിൽ ഒരുപാട് നേരമായി തുടങ്ങിയ കാറുകാരന്റെ അഹങ്കാരമാണ് അനാവശ്യമായി ബ്ലോക്കിടലും കുത്തിചവിട്ടലും. എന്തെങ്കിലും പ്രശ്നമുണ്ടെങ്കിൽ സംസാരിച്ചു തീർക്കാൻ നോക്കുമ്പോ അതൊന്നും വേണ്ട അവന്. ബസ്സിനെ ബ്ലോക്കിട്ട് ട്രിപ്പ് പൊട്ടിക്കണം അത്ര മാത്രം.”

ഈ സംഭവത്തിൽ കാർ ഡ്രൈവറുടെ ഭാഗം കൂടി കേൾക്കാതെ ആരുടെ ഭാഗത്താണ് തെറ്റെന്ന് പറയുവാൻ പറ്റാത്ത അവസ്ഥയാണ് ഇപ്പോൾ. എന്തായാലും ഇത്തരത്തിലുള്ള റോഡ് തർക്കങ്ങളും, വട്ടം വെയ്ക്കലുകളും ഒഴിവാക്കി പരസ്പരം സംസാരിച്ചു വിഷയം തീർക്കണമായിരുന്നു. എന്നിട്ടും തീർന്നില്ലെങ്കിൽ പോലീസിനെ വിളിക്കണം. ഇതിപ്പോൾ കാറിന്റെ പിൻഭാഗം ചളുങ്ങുകയും ചെയ്തു, ബസ്സിന്റെ ട്രിപ്പ് സമയവും വൈകി. ഇനി ഈ കേസ് മിക്കവാറും പോലീസ് സ്റ്റേഷനിലും എത്തുമായിരിക്കും. നഷ്ടം ആർക്കാണ്? രണ്ടു പേർക്കും അതിന്റേതായ നഷ്ടം സംഭവിച്ചിട്ടുണ്ട്.

3 comments
  1. Private buses and ksrtcs are idiots.
    They wouldn’t care abt public,they only care abt their trip timings.
    It’s high time to control them,Please traffic police /police officials must take care of this matter seriously.

  2. ഒരു കാറുകാരനും(കള്ളിന്റെയോ മറ്റു ലഹരിയുടെയോ ആലസ്യത്തിലല്ലെങ്കിൽ) അനാവശ്യമായി ബസിനെ ബ്ലോക്ക് ചെയ്യില്ല. അനാവശ്യമായി ചെയ്തതാണെങ്കിൽ തെറ്റ് തന്നെ.

    അതേസമയം ബസുകാർ പുണ്യാളന്മാരൊന്നുമല്ല. ട്രിപ്പ്‌ വൈകും, ആളുകുറയും എന്നൊക്കെ എന്ത് ന്യായംപറഞ്ഞാലും മറ്റു വണ്ടിക്കാരുടെ ജീവന് പുല്ല് വിലപോലും കല്പിക്കാതെ റോഡിൽ കാണിക്കുന്ന സർക്കസ് ശുദ്ധ തെമ്മാടിത്തരം തന്നെയാണ്. അവന്മാർ ഹോൺ അടിച്ചാൽ ഓടയിൽ ചാടിയിട്ടായാലും അവർക്കു വഴികൊടുത്തോണം എന്ന മട്ടാണ്. നിയന്ത്രിക്കാൻ പോലീസുമില്ല, സർക്കാരുമില്ല. ബസ് പണിമുടക്ക് എന്നാ ഉമ്മാക്കി കാണിച്ചാൽ കാലുനക്കാൻ ചെല്ലും ഉദ്യോഗസ്ഥ – രാഷ്ട്രീയ വർഗം.

    ഒരുപാടു അനുഭവങ്ങൾ ഉള്ളതുകൊണ്ട് തന്നെയാണ് ഇത്രയും പറഞ്ഞത്

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post