കെഎസ്ആർടിസിയിലെ ‘റോക്കറ്റ്’ ശ്രേണിയിലേക്ക് പുതിയൊരു താരം കൂടി…

Total
1
Shares

ഒരു മിസൈലോ, ബഹിരാകാശവാഹനമോ, വിമാനമോ അല്ലെങ്കിൽ മറ്റു വാഹനങ്ങളോ അതിന്റെ സഞ്ചാരത്തിനാവശ്യമായ ശക്തി ഒരു റോക്കറ്റ് എഞ്ചിനിൽ നിന്നും സ്വീകരിച്ചാണ് സഞ്ചരിക്കുന്നതെങ്കിൽ അതിനെ ഒരു റോക്കറ്റ് എന്നു വിളിക്കും. എന്നാൽ കെഎസ്ആർടിസിയിൽ റോക്കറ്റ് എന്നു വിളിക്കുന്നത് ഓട്ടത്തിൽ വേഗതയുള്ള, കൃത്യസമയത്ത് എല്ലായിടത്തും എത്തുന്ന (ചിലപ്പോൾ സമയത്തിനും മുൻപേ) ബസ്സുകളെയാണ്.

ഇത്തരത്തിൽ വിളിപ്പേരുകൾ ബസ്സുകൾക്ക് നൽകുന്നത് കെഎസ്ആർടിസി ബസ് പ്രേമികളാണ്. കൊട്ടാരക്കര – കോയമ്പത്തൂർ റൂട്ടിൽ സർവ്വീസ് നടത്തുന്ന സൂപ്പർഫാസ്റ്റ് ബസ്സുകളായിരുന്നു ആദ്യമായി റോക്കറ്റ് എന്ന വിളിപ്പേര് കരസ്ഥമാക്കിയത്. പേരു പോലെ തന്നെ വേഗതയിൽ (സ്പീഡ് ഗവർണർ ഉണ്ട്) ഒരു റോക്കറ്റ് തന്നെയായിരുന്നു ഈ ബസ്സുകൾ.

അപകടങ്ങൾ കൂടാതെ വേഗത്തിൽ സഞ്ചരിക്കുകയും, ഓരോ സ്റ്റോപ്പുകളിലും ശരിക്കുള്ള സമയത്തിനും മുന്നേ എത്തിക്കുകയും ചെയ്യുന്നതിനാലാണ് ഈ സർവീസുകൾ ജനപ്രിയമായതും, റോക്കറ്റ് എന്ന വിളിപ്പേര് വീണതും. കൊട്ടാരക്കരയിൽ നിന്നും 7.45 am, 3.15 pm, 5.15 pm, 9.30 pm എന്നീ സമയങ്ങളിലാണ് കോയമ്പത്തൂരിലേക്ക് സൂപ്പർഫാസ്റ്റ് ബസ്സുകൾ പുറപ്പെടുന്നത്. ഇവ യഥാക്രമത്തിൽ 4.40 pm, 11.45 pm, 1.45 am, 6.00 am എന്നീ സമയങ്ങളിൽ കോയമ്പത്തൂരിൽ എത്തിച്ചേരുകയും ചെയ്യും.

കൊട്ടാരക്കര റോക്കറ്റുകൾ സോഷ്യൽ മീഡിയ അടക്കി വാഴുന്നതിനിടെയാണ് അടുത്ത റോക്കറ്റിന്റെ വരവ്. ഇത്തവണ റോക്കറ്റ് എന്ന വിളിപ്പേര് ലഭിച്ചത് മാവേലിക്കര ഡിപ്പോയുടെ സീതാമൗണ്ട് സൂപ്പർഫാസ്റ്റിന് ആയിരുന്നു. വേഗതയിലും, കൃത്യനിഷ്ഠയിലും മുമ്പൻ തന്നെയായിരുന്നു മാവേലിക്കര – സീതാമൗണ്ട് സൂപ്പർഫാസ്റ്റും. രാവിലെ 7.15 നു മാവേലിക്കരയിൽ നിന്നും പുറപ്പെടുന്ന ബസ് വൈകീട്ട് 7.35 നു സീതാമൗണ്ട് എന്ന സ്ഥലത്ത് എത്തിച്ചേരും.

സീതാമൗണ്ട് സൂപ്പർഫാസ്റ്റ് കൂടി ഇത്തരത്തിൽ പ്രശസ്തമായതോടെ കൊട്ടാരക്കര ഫാൻസും മാവേലിക്കര ഫാൻസും ഇടയ്ക്ക് അങ്ങോട്ടുമിങ്ങോട്ടും ട്രോളുകൾ ഇറക്കി തങ്ങളുടെ ആധിപത്യം സ്ഥാപിക്കുവാൻ ശ്രമിച്ചിരുന്നു. പക്ഷേ യാത്രക്കാരും, പൊതുവായുള്ള കെഎസ്ആർടിസി ഫാൻസും രണ്ടു ഡിപ്പോകളിലെയും സർവീസുകളെ ഒരേപോലെ പ്രൊമോഷൻ കൊടുക്കുവാനാണ് ശ്രമിച്ചത്. ഇതോടെ ആ മത്സരം അങ്ങ് വഴിമാറി. രണ്ടു കൂട്ടരും തങ്ങളുടെ ബസ്സുകൾ നന്നായി സ്റ്റിക്കർ വർക്കുകൾ ചെയ്തും അലങ്കരിച്ചുമെല്ലാം മാക്സിമം പ്രൊമോഷൻ നൽകിപ്പോന്നു.

അങ്ങനെയിരിക്കെയാണ് അടുത്ത റോക്കറ്റ് താരോദയം ഉണ്ടാകുന്നത്. നെടുങ്കണ്ടം ഡിപ്പോയുടെ വാണിയപ്പാറ സൂപ്പർഫാസ്റ്റ്! അധികമാരും ശ്രദ്ധിക്കപ്പെടാതെ കിടന്നിരുന്ന നെടുങ്കണ്ടം ഡിപ്പോയുടെ ഇപ്പോഴത്തെ അഭിമാന സർവ്വീസ് ആണ് വാണിയപ്പാറ സൂപ്പർഫാസ്റ്റ്. ഈ സർവ്വീസിന്റെ കൃത്യതയും, വേഗതയുമെല്ലാം സോഷ്യൽ മീഡിയയിൽ ചർച്ചയായതോടെയാണ് റോക്കറ്റ് ശ്രേണിയിലേക്ക് കടന്നുചെല്ലാൻ ഇതിനു വഴിയൊരുങ്ങിയതും.

നെടുങ്കണ്ടം കേന്ദ്രീകരിച്ചുള്ള കെഎസ്ആർടിസി പ്രേമികളും, ഒപ്പംതന്നെ ബസ് ജീവനക്കാരുമെല്ലാം സഹകരിച്ചുകൊണ്ട് നല്ലൊരു കൂട്ടായ്മ വളർത്തിയെടുക്കുവാൻ സാധിച്ചു. ഇവരുടെ പരിശ്രമത്താൽ വാണിയപ്പാറ സൂപ്പർഫാസ്റ്റ് നല്ല രീതിയിൽ സ്റ്റിക്കർ വർക്കുകൾ നൽകി അലങ്കരിക്കുവാനും, സർവ്വീസിന് ഫേസ്‌ബുക്ക് വഴി പരമാവധി പ്രൊമോഷനുകൾ നൽകുവാനും സാധിച്ചു. നെടുങ്കണ്ടത്തു നിന്നും വൈകുന്നേരം 3.30 നു പുറപ്പെടുന്ന ഈ സൂപ്പർഫാസ്റ്റ് ബസ് പൂപ്പാറ, അടിമാലി, കോതമംഗലം, ആലുവ, തൃശ്ശൂർ, കോഴിക്കോട്, കണ്ണൂർ, ഇരിട്ടി വഴി പിറ്റേന്നു വെളുപ്പിന് 5.50 നു വാണിയപ്പാറയിൽ എത്തിച്ചേരും.

എന്തായാലും കെഎസ്ആർടിസിയിൽ നല്ല രീതിയിൽ സർവ്വീസ് നടത്തുന്ന ബസ്സുകളെ ജനങ്ങൾ കൈനീട്ടി സ്വീകരിക്കും എന്നതിനു തെളിവാണ് റോക്കറ്റ് ശ്രേണിയിൽ ഉൾപ്പെട്ട ഈ മൂന്നു സർവ്വീസുകൾ. ഇനിയും ഭാവിയിൽ മറ്റു സർവ്വീസുകൾ റോക്കറ്റ് ശ്രേണിയിലേക്ക് കടന്നു വന്നേക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post