ഇന്ത്യയിലെ ആദ്യത്തെ റോൾസ്റോയ്‌സ് ടാക്സിയുമായി ബോബി ചെമ്മണ്ണൂർ

Total
0
Shares

ആഡംബരത്തിൻ്റെ പ്രതീകങ്ങളിലൊന്നാണ് റോൾസ്റോയ്‌സ് കാറുകൾ. കോടികൾ വിലമതിക്കുന്ന റോൾസ്റോയ്‌സ് സാധാരണക്കാർക്ക് സ്വപ്നം മാത്രം കാണുവാൻ പറ്റുന്ന ഒരു ലക്ഷ്വറിയാണ്. റോൾസ്-റോയ്സിന്റെ കാറുകളിൽ ഏതെങ്കിലും ഒന്നിൽ ഒരു രാജാവിനെ പോലെ ഒരു കുറച്ചു സമയമെങ്കിലും സഞ്ചരിക്കുന്നത് സ്വപ്നം കാണാത്ത വാഹനപ്രേമികൾ വളരെ ചുരുക്കമായിരിക്കും. പൊതുവെ ലക്ഷക്കണക്കിന് രൂപയാണ് റോൾസ്‌റോയ്‌സ് കാറുകൾ വാടകയ്ക്ക് എടുക്കുവാനായി മുടക്കേണ്ടി വരിക.

എന്നാൽ ഇതേ റോൾസ്റോയ്‌സ് കാറിൽ 25,000 രൂപ മുടക്കി സഞ്ചരിക്കുവാൻ ഒരു അവസരം വന്നാലോ? സംഭവം സത്യമാണ്, അതും നമ്മുടെ കേരളത്തിൽ. പ്രമുഖ ജ്വല്ലറി ബിസിനസ്സുകാരനായ ബോബി ചെമ്മണ്ണൂരാണ് ഇത്തരമൊരു വ്യത്യസ്ത ആശയവുമായി രംഗത്തെത്തിയിട്ടുള്ളത്. ഇതിനായി 14 കോടിയോളം രൂപ വില വരുന്ന റോള്‍സ് റോയ്സ് ഫാന്റം EWB മോഡല്‍ കാർ ടാക്സി പെർമിറ്റ് എടുത്താണ് അദ്ദേഹം തയ്യാറാക്കിയിരിക്കുന്നത്.

ഒരു ദിവസത്തെ വാടകയ്ക്ക് ഏറ്റവും കുറഞ്ഞത് നാല ലക്ഷം രൂപയോളം ചെലവ് വരുന്ന വാഹനത്തിന് 25,000 രൂപയ്ക്ക് മൂന്ന് ദിവസത്തെ ആഢംബര യാത്രയും മൂന്നാർ ഓക്സിജൻ റിസോർട്ടിൽ താമസവുമാണ് അദ്ദേഹം വാഗ്ദാനം ചെയ്യുന്നത്. അതെ സമയം, ബോബി ഓക്‌സിജൻ റിസോർട്സിന്റെ ടൈംഷെയർ മെമ്പർഷിപ് എടുക്കുന്നവർക്ക് റോൾസ് റോയ്‌സ് ടാക്സി ടൂർ സൗജന്യമാണത്രെ!

റോൾസ്‌റോയ്‌സ് കാർ കണ്ടിട്ടോ, അതിൽ കയറിയിട്ടോ ഇല്ലാത്ത സാധാരണക്കാരായ ടൂറിസ്റ്റുകൾക്കു വേണ്ടിയാണ് ഇത്തരമൊരു വ്യത്യസ്തമായ പദ്ധതി കൊണ്ടുവന്നിരിക്കുന്നതെന്നാണ് ബോബി ചെമ്മണ്ണൂർ പറയുന്നത്. വാഹനത്തിന്റെ അകത്തും പുറത്തും നിരവധി മാറ്റങ്ങൾ വരുത്തിയിട്ടുണ്ട്. കൂടാതെ വാഹനം പൂർണ്ണമായും ഗോൾഡൻ നിറത്തിൽ പൊതിഞ്ഞിട്ടുണ്ട്. ഇന്ത്യയിലെ ആദ്യത്തെ ഗോൾഡൻ റോൾസ്‌റോയ്‌സ് ടാക്സി കൂടിയാണിത്.

6 മീറ്ററിലധികം നീളമുള്ള റോള്‍സ് റോയിസ് ഫാന്റം എക്സ്റ്റന്‍ഡഡ് വീല്‍ബേസിന് ഏകദേശം 12 കോടി രൂപയോളം ആണ് വില. 460 പി‌എസും പവറും 720 എൻ‌എം പീക്ക് ടോർക്കും ഉത്പാദിപ്പിക്കുന്ന 6.75 ലിറ്റർ V12 എൻജിനാണ് റോള്‍സ് റോയിസ് ഫാന്റം എക്സ്റ്റന്‍ഡഡ് വീല്‍ബേസിന്റെ ഹൃദയം. 0-100 കിലോമീറ്റർ വേഗത 6.1 സെക്കൻഡിനുള്ളിൽ മറികടക്കാൻ സാധിക്കുന്ന ഈ കാറിന് മണിക്കൂറിൽ 240 കിലോമീറ്റർ ആണ് പരമാവധി വേഗത.

ഒരു പ്രത്യേക പ്ലാറ്റ്ഫോമിലാണ് ഫാന്റം നിർമ്മിച്ചിരിക്കുന്നത്. വാഹനത്തിന്റെ ബോഡി, ഇന്റീരിയർ എന്നിവ പരമ്പരാഗത റോൾസ് റോയ്‌സ് ഡിസൈൻ സൂചകങ്ങൾ നിലനിർത്തുന്നു. ബോഡി കൂടുതലും അലുമിനിയത്തിലാണ് നിർമ്മിച്ചിരിക്കുന്നത്.

ബോഡി, പെയിന്റ്, മരപ്പണികൾ, തുകൽ ജോലികൾ എന്നിവയുൾപ്പെടെയുള്ള അന്തിമ അസംബ്ലി വെസ്റ്റ് സസെക്സിലെ ഗുഡ് വുഡിലുള്ള റോൾസ് റോയ്സ് പ്ലാന്റിൽ ഓരോ ഉപഭോക്താവിന്റെയും വ്യക്തിഗത ആവശ്യങ്ങൾക്ക് അനുസൃതമായി പൂർത്തിയാക്കുന്നു. ചരിത്രപരമായ ഗുഡ്‌വുഡ് മോട്ടോർ റേസിംഗ് സർക്യൂട്ടിന് സമീപമാണ് പ്ലാന്റ്.

വിവരങ്ങൾക്ക് കടപ്പാട് – Drivespark malayalam.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കോന്നി വനമേഖലയോട് അതിർത്തി പങ്കിടുന്ന ഒരു സുന്ദര ഗ്രാമം

വിവരണം – Sulfiker Hussain. കോന്നി വനമേഖലയോട് അതിർത്തി പങ്കിടുന്ന സുന്ദര ഗ്രാമം. ഗ്രാമത്തിലെ ആരുമറിയാത്ത സ്വപ്ന കാഴ്ചകൾ… പുന്നക്കുടിയും വണ്ടണികോട്ടയും പൂമലകോട്ടയും ചുറ്റി അടിവാരം തീര്‍ത്തിരിക്കുന്ന കൊല്ലം, പത്തനംതിട്ട ജില്ലകളുടെ അതിർത്തിയിലാണ് പാടം എന്ന കൊച്ചു ഗ്രാമം. പത്തനംതിട്ട ജില്ലയിലെ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

13 ലക്ഷത്തിന് രണ്ടുനില വീട്… സാധാരണക്കാർക്കായി ആ രഹസ്യം…

എഴുത്ത് – അഭിലാഷ് പി.എസ്. ഞാൻ എൻ്റെ വീടിൻ്റെ ഈ ഫോട്ടോ കഴിഞ്ഞയാഴ്ച പോസ്റ്റ് ചെയ്തതാണ്. 13 ലക്ഷം രൂപയ്ക്കാണ് ഈ വീട് ഈ കാണുന്ന രൂപത്തിൽ ആക്കിയത്. ഈ പോസ്റ്റ് കണ്ടപ്പോൾ പലരും കളിയാക്കി ചിലർ പുച്ഛിച്ചു ചിലർ അത്ഭുതപെട്ടു…
View Post

“എനിക്ക് ടീച്ചറാവണം. പക്ഷെ വനജ ടീച്ചറേ പോലൊരു ടീച്ചറാവണ്ട…”

എഴുത്ത് – സുബി. “എനിക്ക് ടീച്ചറാവണം. പക്ഷെ വനജ ടീച്ചറേ (പേര് സാങ്കല്പികം) പോലൊരു ടീച്ചറാവണ്ട.” 8 ആം ക്ലാസ്സ് കഴിഞ്ഞ് ഇത്രയൊക്കെ വർഷങ്ങളായിട്ടും വനജ ടീച്ചർ എന്ന പേര് മനസ്സിൽ ഇങ്ങനെ വരഞ്ഞു കൊണ്ടിരിക്കുന്നു. എന്തുകൊണ്ടാണെന്നറിയില്ല ടീച്ചർക്ക് എന്നെ ഇഷ്ടമേ…
View Post

സ്വകാര്യ ബസുകൾ ഇനി റോഡിലെ അപൂർവ കാഴ്ചയായി മാറുമോ?

കഴിഞ്ഞ വർഷത്തെ ലോക്ഡൗൺ കാലം മുതൽ വളരെ കഷ്ടത്തിലാണ് സ്വകാര്യ ബസ് ഉടമകളുടെയും ജീവനക്കാരുടെയും ജീവിതം. ആദ്യഘട്ട ലോക്‌ഡൗണിനു ശേഷം കളക്ഷൻ കുറവാണെങ്കിലും സർവ്വീസ് നടത്തി ഒന്ന് ഉയർന്നു വരുന്നതിനിടെയാണ് ഇടിത്തീ പോലെ നമ്മുടെ നാട്ടിൽ കോവിഡ് വീണ്ടും പടർന്നത്. വീണ്ടും…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post