കൊച്ചിയിലെ സായാഹ്നം: സാഗരറാണി ക്രൂയിസ് ഷിപ്പിൽ

Total
0
Shares

വിവരണം – അനൂപ നാരായണൻ.

കുറെ കാലമായി സാഗരറാണിയിലെ അസ്തമയ ക്രൂയിസ് യാത്രയെ കുറിച്ചറിഞ്ഞിട്ടു. അന്നേ കരുതി പോണമെന്നു. ഇന്ന് അങ്ങു തീരുമാനിച്ചു പോയേക്കാം. സാഗരറാണിയുടെ സൈറ്റിൽ കൊടുത്തിരിക്കുന്ന നമ്പറിൽ വിളിച്ചു 2 ടിക്കറ്റ് ബുക്ക്‌ ചെയ്തു. 5 മണിക്ക് മുന്നേ റിപ്പോർട്ട്‌ ചെയ്യണമെന്ന് പറഞ്ഞത്കൊണ്ട് ഞങ്ങൾ 4. 30 മണിക്ക് തന്നെ എത്തി.

ഹൈകോർട്ട് ജെട്ടിയ്ക്ക് അടുത്താണ് സാഗരറാണി പാർക്ക്‌ ചെയ്തിരിക്കുന്നത്. ഒരാൾക്ക് 350 രൂപയാണ് ചാർജ്. 2 മണിക്കൂറാണ് യാത്ര 5.30 മുതൽ 7.30 വരെ. ഉൾകടലിലേക്കു സഞ്ചാരികളെയും കൊണ്ട് പോകാൻ അനുമതിയുള്ള ഒരേഒരു ക്രൂയ്‌സ്ആണ് സാഗരറാണി. ക്രൂയിസ്എന്നൊക്കെ കേൾക്കുമ്പോൾ ഇംഗ്ലീഷ് സിനിമയിൽ കണ്ട പ്രതീക്ഷയൊന്നും വെച്ച് ചെന്നേക്കരുത്. ഇതു പാവങ്ങളുടെ ക്രൂയിസ് അല്ലേൽ വലുപ്പമുള്ള ബോട്ട്.

എത്തിയപ്പോൾ തന്നെ ടിക്കറ്റ് തന്നു കയറി ഇരുന്നോളാൻ പറഞ്ഞു. മുകളിൽ 70ഓളം കസേരകൾ ഇട്ടിട്ടുണ്ട്. നേരത്തെ എത്തിയത് കൊണ്ടു സൈഡിൽ തന്നെ സീറ്റ്‌ കിട്ടി. നല്ല കാറ്റ് ഉണ്ടായിരുന്നു. ഒരു 5 മണി ആയപ്പോൾ ഒരു ചേട്ടൻ വന്നു,രണ്ടു സൈഡിലുമുള്ള സ്‌പീക്കർസ് ഇന്റെ കവർ മാറ്റി. പിന്നെ നൊസ്റ്റാൾജിയ ഫീൽ തരുന്ന പഴയ മലയാളം മെലഡി ഗാനങ്ങൾ ഒഴുകാൻ തുടങ്ങി. 5.30 മണിക്ക് മാത്രമേ ക്രൂയിസ് യാത്ര തുടങ്ങു. അതുവരെ നല്ല മെലഡി പാട്ടും കേട്ടിരിക്കാം.

പറഞ്ഞ സമയത്തു തന്നെ യാത്ര തുടങ്ങി. ആദ്യം ജലപാതയിലും പിന്നെ അറബിക് കടലിലേക്കു കപ്പൽച്ചാലിലൂടെയും ആയിരുന്നു യാത്ര. വൈപ്പിനും ബോൾഗാട്ടി പാലസും വെല്ലിങ്ടqൺ ഐലൻഡും മട്ടാഞ്ചേരിയും ഫോർട്ട്‌ കൊച്ചിയും ഒക്കെ പിന്നിട്ടു യാത്ര തുടർന്നു. തിരകളെ വെട്ടിമാറ്റി അസ്തമയസൂര്യനെ ലക്ഷ്യമാക്കി ക്രൂയിസ് നീങ്ങുമ്പോൾ,പശ്ചാത്തലത്തിൽ “ലൈലാകമേ..” എന്ന ഗാനം വിപിനെന്ന ഗായകൻ മനോഹരമായി ആലപിക്കുണ്ടായിരുന്നു.

പെട്ടന്നാണ് ആ മനോഹരകാഴ്ച മനസ്സ് കുളിർപ്പിച്ചത്. ക്രൂയിസിന് ചുറ്റും ഭംഗിയുള്ള ഒരുപാട് പക്ഷികൾ പറന്ന് നടക്കുന്നു. അത് സീഗേൾ ആണെന് ആരൊക്കെയോ പറയുന്നത് കേട്ടു. അതേ സമയം ഒരുപാട് മൽസ്യങ്ങൾ ജല്പരപ്പിലൂടെ തുള്ളികളിക്കുന്നത് കാണാമായിരുന്നു. പാറിപ്പറന്നു പക്ഷികളും, തുള്ളിച്ചാടി മത്സ്യങ്ങളും അവരുടെ സായാഹ്നം ആഘോഷിക്കുന്നത് പോലെ തോന്നി. വർണാതീതമായിരുന്നു ആ ഒരു കാഴ്ച!! തിരകളെ വെട്ടിമാറ്റി ക്രൂയിസ് മുൻപോട്ടു പോയികൊണ്ടേയിരുന്നു. അപ്പോളേക്കും സൂര്യൻ വിടവാങ്ങി കഴിഞ്ഞിരുന്നു.

ഒരു ചായ കിട്ടിയിരുന്നെകിൽ കലക്കിയേനെ എന്നു ചിന്തിച്ചപ്പോഴേക്കും ഞങ്ങൾക്കു ചായയും പലഹാരങ്ങളും കൊണ്ട് ക്രൂയിസിലെ ചേട്ടന്മാർ വന്നു. അത് പാക്കേജിൽ ഉള്ളതാണത്രേ. അതുപോലെ വെള്ളം ഒന്നും നമ്മൾ കരുതണ്ട കാര്യമില്ല. എത്രവേണമെങ്കിലും വെറുതെ കിട്ടും. പെട്ടന്നു മൈക്കിലൂടെ ചേട്ടൻ വിളിച്ചു പറഞ്ഞു. എല്ലാവരും എഴുന്നേറ്റു മുൻപോട്ടു വരാൻ. ആഘോഷം തുടങ്ങട്ടെ എന്നു. പിന്നെ ഡപ്പാംകൂത്തു പാട്ടുകളായിരുന്നു. സഞ്ചാരികളിൽ കുറെപേർ ഡാൻസ് കളിച്ചു തുടങ്ങി.

അതുവരെ നൊസ്റ്റാൾജിയ ആയിരുന്നെങ്കിൽ പെട്ടെന്ന് എല്ലാവര്ക്കും ആഘോഷത്തിന്റെ മൂഡായി. പിന്നീട് യാത്രക്കാരിൽ താല്പര്യമുളവർക്ക് പാടാൻ അവസരം കൊടുത്തു. സമയം ജെറ്റ് വേഗതയിലാണോ പോകുന്നതെന്ന് തോന്നിപോയി. ക്രൂയിസ് അപ്പോഴേക്കും മടക്കയാത്ര തുടങ്ങി കഴിഞ്ഞായിരുന്നു.

ഇരുൾ മൂടികഴിഞ്ഞപ്പോൾ കൊച്ചി കൂടുതൽ സുന്ദരി ആയോ എന്നൊരു സംശയം. തണുത്തകാറ്റും പ്രണയാതുരമായ ഗാനങ്ങളും ഏതു മനുഷ്യനിലും പ്രണയമുണർത്തും. തീരം കണ്ടു തുടങ്ങിപ്പോഴാണ് സമയം നോക്കിയത്. കൃത്യം 7.30.രണ്ടുമണിക്കൂർ പോയത് അറിഞ്ഞേയില്ലന്നുള്ളത് അതിശയോക്തിയല്ല. ഒരുകാര്യം ഉറപ്പാണ്. ആസ്വദിക്കാൻ ഉള്ള മനസുണ്ടങ്കിൽ ഈ അസ്തമയ ക്രൂയിസ്‌യാത്ര അവിസ്മരണീയമായിരിക്കും തീർച്ച!!!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post