കേരളത്തിലെ ഏറ്റവും പ്രായം കുറഞ്ഞ ഒരു കെഎസ്ആർടിസി ഫാൻ; ഇത് സഹ്യൻ്റെ കഥ…

Total
1
Shares

പണ്ടു കാലത്തൊക്കെ ആളുകൾക്ക് ആരാധന തോന്നിയിട്ടുള്ളത് (ദൈവങ്ങളെ കൂടാതെ) സിനിമാ താരങ്ങളോടും, സ്പോർട്സ് താരങ്ങളോടും, രാഷ്ട്രീയ നേതാക്കളോടുമൊക്കെയായിരുന്നു. എന്നാൽ ഇക്കാലത്ത് എന്തിനും ഏതിനും വരെ ആരാധകരാണുള്ളത്. അതിനു ഏറ്റവും വലിയ ഉദാഹരണമാണ് കെഎസ്ആർടിസിയെ ജീവനോളം സ്നേഹിക്കുന്ന, ആരാധിക്കുന്ന ആളുകൾ നമ്മുടെ സമൂഹത്തിൽ ധാരാളമുണ്ടെന്നുള്ളത്. അതെ, ഏതൊരു വ്യക്തിയേക്കാളും ആരാധിക്കപ്പെടേണ്ടതു തന്നെയാണ് നമ്മുടെ കെഎസ്ആർടിസിയും. കാരണം കെഎസ്ആർടിസി വെറുമൊരു യാത്രാമാർഗ്ഗം മാത്രമല്ല നമുക്ക്. അത്യാവശ്യ ഘട്ടങ്ങളിൽ രക്ഷകനായും പഴയ നൊസ്റ്റാൾജിക് ഓർമ്മകളിൽ നായകനും വില്ലനുമൊക്കെയാണ് കെഎസ്ആർടിസി മലയാളികളുടെ മനസ്സിൽ പ്രധാനപ്പെട്ട ഒരു സ്ഥാനം നേടിക്കഴിഞ്ഞിരിക്കുന്നു എന്നുവേണം പറയുവാൻ.

ആൺ – പെൺ വ്യത്യാസമില്ലാതെ പ്രായഭേദങ്ങളില്ലാതെ ധാരാളമാളുകളുണ്ട് ഇന്ന് കെഎസ്ആർടിസി പ്രേമികളായിട്ട്. ഇവരെല്ലാം ഒത്തുചേർന്നതും പരിചയപ്പെട്ടതുമെല്ലാം കെഎസ്ആർടിസി ബ്ലോഗ് പോലുള്ള സോഷ്യൽ മീഡിയ ഗ്രൂപ്പുകൾ മുഖേനയാണ്. എന്നാൽ ഇനി പറയുവാൻ പോകുന്നത് ഈ പറഞ്ഞവരെക്കാളും അൽപ്പം വ്യത്യസ്തനായ ഒരു ആനവണ്ടി പ്രേമിയെക്കുറിച്ചാണ്. അതെ, കേരളത്തിലെ ഏറ്റവും പ്രായം കുറഞ്ഞ ആനവണ്ടി പ്രേമി.. തൃശ്ശൂർ ഇരിങ്ങാലക്കുട സ്വദേശിയും മാധ്യമ പ്രവർത്തകനുമായ യദു നാരായണന്റെയും ചിഞ്ചുവിന്റേയും മകൻ ‘സഹ്യൻ’ ആണ് ആ കൊച്ചു താരം.

യാത്രകളോടും ആനവണ്ടിയോടുമൊക്കെ ഇഷ്ടമുള്ള അച്ഛനമ്മമാരുടെ സ്വഭാവം മകനിലേക്കും പകർന്നു കിട്ടിയതിൽ ഒട്ടും അത്ഭുതപ്പെടാനില്ല. ജനിച്ചു കഴിഞ്ഞു വെറും ആറുമാസം പ്രായമുള്ളപ്പോഴാണ് സഹ്യൻ അവൻ്റെ ജീവിതത്തിലെ ആനവണ്ടി യാത്രകൾ ആരംഭിക്കുന്നത്. അന്ന് പോയതോ? കേരളത്തിലെ ഏറ്റവും ദുർഘടം പിടിച്ച കെഎസ്ആർടിസി റൂട്ടുകളിൽ ഒന്നായ പത്തനംതിട്ട – ഗവി – കുമളിയിലേക്കും. സഹ്യൻ്റെ യാത്രയുടെ തുടക്കം മാസ്സായിരിക്കണം എന്ന് മാതാപിതാക്കളായ യദുവിനും ചിഞ്ചുവിനും നിർബന്ധമുണ്ടായിരുന്നു. അങ്ങനെ ഏറെക്കാലമായി അവർ മനസിൽ താഴിട്ടു പൂട്ടിവച്ച മോഹത്തിനു ചിറകു മുളച്ചു. യാത്ര ഗവിയിലേക്കു തന്നെ, അതും നമ്മടെ സ്വന്തം ആനവണ്ടിയിൽ. പോരേ പൂരം.

ഉറങ്ങിയും ഉണർന്നും കാഴ്ചകൾ കണ്ടും ‘ബ്രൂം…ബ്രൂം…” വണ്ടി ഓടിച്ചും അപ്പേടേം അമ്മേടേം കൈയ്യിലേക്ക് ചാടിയുമൊക്കെ കുഞ്ഞു സഹ്യൻ അവൻ്റേതായ രീതിയിൽ യാത്ര ആസ്വദിച്ചു. അങ്ങനെ സ്വപ്ന സമാനമായ, സഹ്യൻ്റെ ആദ്യ കാനനയാത്ര അഡാറ് ഐറ്റം തന്നെയായിരുന്നു. ഒറ്റ വാക്കിൽ പറഞ്ഞാൽ കെഎസ്ആർടിസിയിൽ ഒരു കിടിലൻ ഓഫ് റോഡ് ട്രിപ്പ്. ആദ്യ യാത്ര തന്നെ യാതൊരു പിണക്കവും ബുദ്ധിമുട്ടുകളും കൂടാതെ സഹ്യൻ ആസ്വദിച്ചാണ് കണ്ടപ്പോൾ അച്ഛനും അമ്മയും ഉറപ്പിച്ചു; ഇവൻ ഒരു ഒന്നൊന്നര ആനവണ്ടി പ്രേമി തന്നെ. ഇതിനു ശേഷവും ധാരാളം ആനവണ്ടി യാത്രകൾ സഹ്യൻ തൻ്റെ മാതാപിതാക്കളോടൊപ്പം വിജയകരമായി നടത്തുകയുണ്ടായി.

അങ്ങനെയിരിക്കെയാണ് ആനവണ്ടി ബ്ലോഗിന്റെ 2018 ലെ മീറ്റ് കുമളിയിൽ വെച്ചു നടക്കുന്നത്. മീറ്റിൽ പങ്കെടുക്കുവാൻ കുഞ്ഞു സഹ്യനും അവൻ്റെ അച്ഛനമ്മമാരോടൊപ്പം എത്തി. ഏതാണ്ട് 85 ഓളം ആളുകൾ പങ്കെടുത്ത മീറ്റിൽ എല്ലാവരുടെയും ശ്രദ്ധാകേന്ദ്രമായത് നമ്മുടെ കുഞ്ഞു സഹ്യൻ തന്നെയായിരുന്നു. എല്ലാവരുടെയും അടുത്തു പോകുവാൻ സഹ്യന് തെല്ലും മടിയുണ്ടായിരുന്നില്ല. തിരുവല്ല ഡിപ്പോയിലെ (ഇന്ന് ചങ്ങനാശ്ശേരി ഡിപ്പോയിൽ) ഡ്രൈവര്‍ സന്തോഷ്‌ കുട്ടന്‍ സഹ്യനെ മടിയിലിരുത്തി കെഎസ്ആർടിസി ബസ്സിന്റെ സ്റ്റീയറിംഗ് വീലിൽ പിടിപ്പിച്ചു. ഏതാണ്ട് വിദ്യാരംഭം പോലെ തന്നെ. എല്ലാം കഴിഞ്ഞപ്പോഴും സഹ്യനാകട്ടെ അശോക് ലെയ്‌ലാൻഡിൻ്റെ സ്റ്റീയറിംഗ് വീലിൽ നിന്നു പിടി വിടുന്നുമില്ല. ഇതു കണ്ടപ്പോൾ എല്ലാവരും ഒന്നടങ്കം പറഞ്ഞു “ഇവൻ ആള് ഒരു പുലി തന്നെയാണ്..”

കുമളി മീറ്റിലെ വീഡിയോകളും ചിത്രങ്ങളും വിവരണങ്ങളുമെല്ലാം സോഷ്യൽ മീഡിയയിൽ വൈറലായതോടെ കൂട്ടത്തിൽ സഹ്യനും പുറംലോകത്തിനു പരിചിതനായി. ‘ഏറ്റവും പ്രായം കുറഞ്ഞ ആനവണ്ടിപ്രേമി’ എന്നായിരുന്നു എല്ലാവരും സഹ്യനെ വിശേഷിപ്പിച്ചതും. അങ്ങനെ ഒരു വർഷത്തോളം കടന്നുപോയി. സഹ്യന് ഏതാണ്ട് ഒന്നര വയസ്സോളമായി. അപ്പോഴാണ് 2019 ലെ ആനവണ്ടി മീറ്റ് കണ്ണൂരിൽ വെച്ചു നടക്കുന്നത്. അതിലും സഹ്യനും അച്ഛൻ യദുവും അമ്മ ചിഞ്ചുവും കൂടി പങ്കെടുക്കുകയുണ്ടായി. മീറ്റിനിടയിൽ വെച്ച് ആനവണ്ടി പ്രേമികളുടെ വക ചെറിയൊരു സമ്മാനം സഹ്യന് കൈമാറി; ഒരു കെഎസ്ആർടിസി സൂപ്പർ എക്സ്പ്രസ്സിന്റെ കളിപ്പാട്ട മോഡൽ. കെഎസ്ആർടിസി ആനവണ്ടി ഫാൻ കോഴിക്കോട് ഘടകം ശ്രീ സ്വരൂപ്, അനീഷ് പൂക്കോത്ത് എന്നിവർ ചേർന്ന് അത് സഹ്യനു കൈമാറുകയും ചെയ്തു.

സഹ്യന്റെ ആനവണ്ടിപ്രേമവും യാത്രകളുമൊക്കെ ഇന്നും തുടർന്നു കൊണ്ടേയിരിക്കുന്നു. താൻ പ്രശസ്തനായതിൻറെ തലക്കനമൊന്നുമില്ലാതെ കെഎസ്ആർടിസി ബസ്സിന്റെ മുന്നിലെ സീറ്റിൽ അമ്മയുടെ മടിയിലിരുന്നുകൊണ്ട്, ഡ്രൈവർ മാമൻ സ്റ്റീയറിംഗ് തിരിക്കുന്നതും ഗിയർ ഇടുന്നതുമൊക്കെ കണ്ടുകൊണ്ട് സഹ്യൻ എന്ന കുഞ്ഞു കെഎസ്ആർടിസി പ്രേമി തൻ്റെ ബാല്യം ആസ്വദിക്കുകയാണ്. സഹ്യനെപ്പോലുള്ള കുഞ്ഞു ആനവണ്ടിപ്രേമികൾ ചിലപ്പോൾ ഇനിയും ഉണ്ടാകും. നമ്മുടെ കെഎസ്ആർടിസിയെ ഉയർത്തുവാൻ, ഉന്നതിയിലെത്തിക്കുവാൻ പുതിയ തലമുറയ്ക്കു കൂടി കഴിയട്ടെ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post