സൗദി മരുഭൂമിയിലെ നിഗൂഢതകൾ നിറഞ്ഞ മലഞ്ചെരിവുകൾ

Total
0
Shares

എഴുത്ത് – അബു വി.കെ.

ദിനേനെ കൺമുന്നിലെത്തുന്നത് മഞ്ഞണിഞ്ഞ സാരാവത്ത് മലഞ്ചെരിവുകളുടെ കാഴ്ചകളായിരുന്നു. ചുമ്മാ ഒരു ആകാംഷ നിഗൂഢതകൾ നിറഞ്ഞ മലഞ്ചെരിവുകളിലെ താഴ്വരങ്ങളിൽ ഒളിപ്പിച്ചു വെച്ച രഹസ്യങ്ങളുടെ ചുരുളോന്നഴിച്ചാലോ എന്ന്.. പിന്നീട് ഒട്ടും താമസിച്ചില്ല, ഓരോ മലഞ്ചെരിവുകളും തേടി ഒരോ ദിവസവും യാത്ര തിരിക്കും.

അതി വിജനമല്ലാത്ത മരുഭൂമിയിലൂടെ സഞ്ചരിക്കുന്ന എനിക്ക് മരുഭൂമി എന്ന് കേൾക്കുമ്പോൾ തന്നെ എല്ലാവരേയും പോലെ മനസ്സിലേക്ക് ഇരച്ചു കയറുന്നത് ചുട്ടു പഴുത്ത മണൽ തരികൾ നിറഞ് കണ്ണെത്താ ദൂരം പറന്ന് കിടക്കുന്ന വിജനതയുടെ ഒരു ലോകം തന്നെയാ !!.

അടിച്ചു വീശുന്ന ഓരോ മണൽക്കാറ്റിലും രൂപപ്പെടുന്ന മണൽ കൂനകളുടെ മനോഹാരിത അതെത്രമാത്രം . മരുഭൂമിയെ വർണ്ണിക്കുകയല്ല. മറിച്ച്‌ കഥകളിലും വായനയിലൂടെയുമെല്ലാം അടുത്തറിഞ്ഞ മരുഭൂമിയിലൂടെ ഒട്ടകപ്പുറത്ത് പോകുന്ന കച്ചവടക്കാരെയും മറ്റു യാത്രികരെയും കൊള്ളയടിക്കുന്ന കൊള്ളക്കാരുടെ കഥ പറഞ്ഞു തന്ന തിരുട്ടുഭൂമിയായിരിക്കും. ലൈലാ മജ്നുവിന്റെ കഥ പറഞ്ഞു തന്ന പ്രണയ ഭൂമിയാകും. ബെന്യാമിന്‍ പറഞ്ഞു തന്ന കഥയിലെ നജീബിന്റെ കണ്ണീര്‍ തുള്ളികള്‍ വീണ കദനഭൂമി ആയിരിക്കണം.. തീർന്നില്ല, ഉമർ മുക്താർ എന്ന വീര പട നായകൻറെ ഒട്ടകങ്ങൾ തേരോട്ടം നടത്തിയ രണഭൂമിയാകാം ….അങ്ങിനെ നിരവധി കഥകളെല്ലാം കേട്ടിട്ടുണ്ട്.

ഈ മരുഭൂമിയെക്കുറിച്ചുള്ള കഥകളെല്ലാം അറിയാൻ തുടങ്ങിയ നാൾ മുതൽ ആഗ്രഹിക്കുകയാണ് വിജനമായ മരുഭൂമിയിലൂടെ ഒരു യാത്രയ്ക്ക് ഒരുങ്ങണമെന്നത് . അത് ഇന്നും ഒരു സ്വപ്നമായി അവശേഷിക്കുകയാണ്. അതിനിടയിലേക്കാണ് വിജനമായ മരുഭൂമിലെ മലഞ്ചെരിവുകളുടെ കാഴ്ചകൾ കാണാൻ തുടങ്ങുന്നത്.. .കാലം മാറി. കഥകളും പിടിച്ചു പറിയും യുദ്ധവുവുമെല്ലാ മാറി നിന്നു. ഒട്ടകപ്പുറത്ത് വരി വരിയായ് നീങ്ങിയിരുന്ന കാഫിലക്കൂട്ടങ്ങള്‍ ഇപ്പോള്‍ മരുക്കഥകളിൽ മാത്രമേ അവശേഷിക്കുന്നൊള്ളൂ.

ഒത്തിരി ഒത്തിരി കഥകളും ചരിത്രങ്ങളും പറയാനുണ്ട് വിജനമായ മരുഭൂമികൾക്ക്. ഇത്രയൊക്കെ ചരിത്രങ്ങളും കഥകളും ഉൾക്കൊണ്ട ആര്‍ദ്രമായ ഈ മണല്‍തരികളെ എഴുതി ചേര്‍ക്കാൻ എനിക്കു ഒരിക്കലും കഴിയുകയില്ല. എന്നാൽ ഈ മരുഭൂമിക്കിടയിൽ ഒളിഞ്ഞു കിടക്കുന്ന ചെറിയ ചെറിയ മലയിടുക്കുകളുടെ കഥകളധികം കേട്ടിട്ടുണ്ടോ നിങ്ങൾ ….? കുറവായിരിക്കും ല്ലേ… ഞാൻ അധികമൊന്നും കേട്ടിട്ടില്ല. പക്ഷെ.. കുറച്ചൊക്കെ നേരിട്ട് കണ്ട് അനുഭവിച്ചറിഞ്ഞിട്ടുണ്ട് താനും.

വിജനമല്ലാത്ത മരുഭൂമികൾക്കിടയിൽ നിഗൂഢതകൾ നിറഞ്ഞ കുറേയധികം മലഞ്ചെരിവുകളുണ്ട് . അവയിൽ ഉൾപ്പെട്ട ഒന്നാണ് സൗദി അറേബ്യയിലെ മക്കാ പ്രവിശ്യയിൽപ്പെട്ട ദഹിയാ, ഹഖൽ എന്നീ സ്ഥലങ്ങൾ. ഒമേഗയിൽ നിന്ന് ഹഖൽ പോകുന്ന വഴി കഷ്ട്ടി 10 കിലോമീറ്റർ പിന്നിട്ടാൽ ദഹിയാ,യിലേക്ക് പ്രവേശിക്കാം അവിടുന്ന് തുടങ്ങുകയാണ് മലനിരകളുടെ സംഗമം. ദഹിയായിലൂടെ ഇനി 30 കിലോമീറ്റർ വളഞ്ഞു പുളഞ്ഞു പോകുന്ന കൊടിയ വളവുകളുള്ള ചെറിയൊരു ചുരം ഉണ്ട് .അൽ ഷഫി മൗണ്ട് പാസ്സ് വഴി കയറാൻ തുടങ്ങുന്ന ചുരം.. അവിടുന്നങ്ങോട്ട് കാഴ്ചകളുടെ പൊൻവസന്തം കണ്ടുതുടങ്ങും .

സാരാവത്ത് മലനിരകളിൽ മഞ് പുതഞ്ഞ്‌ നിൽക്കുന്ന മനോഹരമായ കാഴ്ച കണ്ടിട്ടുണ്ടോ ?? ഇല്ലെങ്കിൽ ഇതുവഴി പ്രഭാതത്തിലുള്ള ഒരു യാത്ര നടത്തുക ആ യാത്രയിൽ കോടമഞ് പുതഞ് നിൽക്കുന്നത് കാണാൻ കഴിയും . എന്നാൽ എല്ലാ ദിവസങ്ങളിലും കോടമഞ്ഞിറങ്ങാറില്ല ഇവിടം. മഴ ലഭിക്കുന്ന ദിവസങ്ങളിലും മറ്റു പ്രത്യേക ദിവസങ്ങളിലും കോട കടന്ന് വരാറുണ്ട് താനും.

സാരാവത്ത് മലനിരകളിൽപ്പെട്ട ഉരുളൻ കല്ലുകൾ നിറഞ്ഞ ചെങ്കുത്തായതും എന്നാൽ ചെറുതും വലതുമായ ഇടതൂർന്ന പർവ്വതങ്ങളൾക്ക് മുകളിലൂടെ വളഞ്ഞു പുളഞ്ഞു പോകുന്ന കൊടിയ വളവുകളുള്ള ചുരം കയറി ഇറങ്ങിയാൽ ഹഖൽ എന്ന സ്ഥലത്തെത്തും.

ഒമേഗയിൽ നിന്നും ഏകദേശം 50 കിലോമീറ്റർ ദൂരം കാണും ഹഖൽ എന്ന കൊച്ചു ഗ്രാമത്തിലെത്താൻ അൽ ഷഫി പാസ്സ് വഴി കയറുമ്പോൾ കാണുന്ന കോടമഞ്ഞും ചുരത്തിന്റെ ഭംഗിയുമൊക്കെ ആസ്വൊദിച്ചു കഴിയുമ്പോൾ ഹഖൽ എന്ന ആ കൊച്ചു ഗ്രാമത്തിലെത്തിയിരിക്കും ഇതാണ് ഈ റൂട്ടിലെ അവസാനത്തെ ഓണം കേറാമൂല.

ഇനി അവിടുന്നങ്ങോട്ട് രണ്ടു വഴികൾ മാത്രമേ ഉള്ളൂ. അതും പാതി പൊട്ടിപൊളിഞ്ഞ റൂട്ടിലൂടെ അതയാത് റബൂ അല്യാൻ പോകുന്ന വഴിയിയാണ്. ഇതുവഴി യാത്ര ചെയ്യുമ്പോൾ മറ്റൊരു ചുരവും കൂടി കയറി ഇറങ്ങി 48 കിലോമീറ്റർ പിന്നിട്ടാൽ തിരഹ് (അൽ തകീഫ്) എന്ന പട്ടണത്തിലേക്ക് പ്രവേശിക്കാം . അവിടുന്ന് ഗഹയിലേക്കും മൈസാനിലേക്കും, പ്രവേശിക്കാം. തകീഫ് പട്ടണത്തിൽ നിന്നും അൽമൊഹദർ പോകുന്ന വഴിയിൽ പച്ചപ്പ്‌ നിറഞ്ഞ തട്ട് തട്ടുകളായി അടുക്കി വെച്ച കൃഷി നിലങ്ങൾ കാണാൻ സാധിക്കും. നമ്മുടെ വട്ടവടയെയും പൂബ്ബാറയേയും ഓർമിപ്പിക്കും വിധം മനോഹരമായ കൃഷിയിടങ്ങൾ ഈ മലനിരകളിൽ ഉണ്ട്. തകീഫ്ൽ നിന്ന് തായിഫിലേക്കും, മക്കയിലേക്കും സുഗമമായ പാതകളിലൂടെ വളരെ വേഗത്തിൽ എത്തിപ്പെടാൻ കഴിയും .

ഹഖൽ എന്ന സ്ഥലത്ത് ആ ഗ്രാമത്തിനെ ചുറ്റി പറ്റി നിഗൂഢതകൾ നിറഞ്ഞ പർവ്വത താഴ്വരകൾ ഒത്തിരിയുണ്ട്. പുറം കാഴ്ചയിൽ അവയെല്ലാം മനോഹരമായി തോന്നണമെന്നില്ല . ഓരോ ചെറിയ മലഞ്ചെരിവുകളുടെ താഴ്വരകൾ തേടി പല നാൾ നടത്തിയ കൊച്ചു ട്രെക്കിങ്ങുകളിലേക്കാണ് ഈ യാത്രയെ ഞാൻ കൊണ്ടു പോകുന്നത്…

ഉരുളൻ കല്ലുകൾ നിറഞ്ഞ ചെറിയൊരു മല മുകളിലേക്ക് സാഹസികത നിറഞ്ഞ ചെറിയൊരു ട്രെക്കിങ്ങ് ആണ് ആദ്യ ദിവസം നടത്തിയത്. വല്യ മലയൊന്നുമല്ലെങ്കിൽ പോലും കുറച്ച്‌ അധികം സമയമെടുത്ത് മല മുകളിലെത്താൻ. ആദ്യമായിട്ടാണ് കല്ലുകൾ നിറഞ്ഞ മല കയറുന്നത്. ഒരു പക്ഷേ ആ പരിചയ കുറവായിരിക്കാം സമയക്കൂടുതൽ എടുത്തതെന്ന് തോന്നുന്നു. എല്ലാവർക്കും ഈ സ്ഥലത്തെക്കുറിച്ച് അറിയാൻ ആകാംഷ ഉണ്ടാകുമെന്നു അറിയാം പക്ഷേ വഴി പറഞ്ഞു തരാൻ ഇത്തിരി ബുദ്ധിമുട്ടുണ്ട്. എന്തെന്നാൽ ഓരോ ഉള്ളറകളും തേടി നടത്തിയ യാത്രയായതിനാൽ ഇവയിൽ ചിലതൊന്നും വഴിയോര കാഴ്ചകളിൽ കാണാൻ കഴിയില്ല… ഒരു മാപ്പ് ഉണ്ടായിരുന്നെങ്കിൽ അതിലൂടെ നിങ്ങളെ എനിക്ക് കൊണ്ടു പോകാൻ കഴിയുമായിരുന്നു അതു തന്നെയാണ് വഴി പറഞ്ഞു തരാനുള്ള ബുദ്ധിമുട്ട് എന്ന് പറഞ്ഞത്. ക്ഷമിക്കുക.

പിന്നെ എന്തിനു ഇതിവിടെ വിവരിക്കണമെന്ന് ചിന്തിക്കുന്നവരുമുണ്ടാകും… പുറമെ കാണുന്ന മനോഹരമല്ലാത്ത സ്ഥലങ്ങളുടെ ഉള്ളറകൾ തേടി പോയിട്ടുണ്ടോ നിങ്ങൾ? ….ഇല്ല എന്നാണ് മറുപടിയെങ്കിൽ എന്തോ ചെറിയൊരു മല കയറി ചെന്നപ്പോൾ ഞാൻ കണ്ട കാഴ്ചകൾ അതായിരുന്നു എന്നെ ദിവസവും ഓരോ മലഞ്ചെരിവുകളും തേടി പോകാൻ പ്രാപ്തനാക്കിയത്. ഒരു നിമിഷം ആ മലമുകളിലിരുന്നപ്പോൾ മലമുകളിൽ നിന്നും അടർന്ന് ചിന്നി- ച്ചിതറിയോടുന്ന ഉരുളൻ പാറകൾ പോലെയാണ് ചില ജീവിതങ്ങൾ ചിലതൊക്കെ അങ്ങ് തട്ട്മുട്ടില്ലാതെ ഉരുണ്ടു കൊണ്ടേയിരിക്കും എന്ന് തോന്നിപോയി.

ആ മരുഭൂമികൾക്കിടയിലെ മലഞ്ചെരിവുകളുടെ രഹസ്യങ്ങൾ തേടി പോവണം. ഓരോ മലഞ്ചെരിവുകൾക്കിടയിലൂടെ ഒഴുകുന്ന നീർ തടങ്ങങ്ങളിൽ വളരുന്ന വിത്യസ്ത ഇനം സസ്യങ്ങൾ അവിടെ കാണാം. മലമുകളിൽ നിന്നും വരുന്ന മലവെള്ളപ്പാച്ചിലിലൂടെ കുത്തിയൊലിച്ചു വന്ന ഉരുളൻ കല്ലുകളുണ്ട് അവിടെ. അതിലെ ഓരോ കല്ലുകളും നമ്മോട് സംവദിക്കുമെന്ന് തോന്നിപ്പോകും. അത്രെയും മനോഹരമാണ് അതെല്ലാം.

ഓരോ നിരപ്പായ ഇടങ്ങളിലെ പാറകൾക്കിടയിലും ഒളിഞ്ഞിരിക്കുന്ന ഗുഹാമുഖങ്ങൾ ഒത്തിരിയുണ്ട് അവിടെ. പേടിപ്പെടുത്തുന്നതും രഹസ്യ ചുരുളുകളഴിക്കാത്തതുമായ ഗുഹാന്തരങ്ങളും കാണാം. പാറിപ്പറക്കുന്ന പക്ഷികളും, പച്ചവിരിച്ച മുൾവൃക്ഷങ്ങളും, പേരറിയാത്ത ഒരു കൂട്ടം കള്ളിചെടികളും അവിടങ്ങളിൽ വളര്‍ന്നു നില്‍ക്കുന്നുണ്ട്. അതിജീവനത്തിന്റെ പ്രതീകങ്ങളായ അവയോട് ചേര്‍ന്ന് കുറേയധികം സമയം ഞാനിരുന്നു…… ദൂരെ… അങ്ങ് ദൂരേയ്ക്ക് കണ്ണും നട്ടിരിക്കുമ്പോള്‍ ഇവിടെ ഞാന്‍ തേടിയത് യുഗങ്ങള്‍ക്കു മുമ്പ് ഈ മണ്ണിലൂടെ സഞ്ചരിച്ചവരുടെ കാല്‍പാടുകളെയായിരുന്നില്ല മറിച്ച് രഹസ്യങ്ങളൊന്നും തുറന്നു തരാത്ത ഈ മലഞ്ചെരുവുകളിലെ മാത്രിക കാഴ്ചകളെയായിരുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post