ശ്രീകൃഷ്ണൻ ഗുരുവായൂർ കെഎസ്ആർടിസി സ്റ്റാൻഡിൽ; ഫോട്ടോഷൂട്ട് ചിത്രങ്ങൾ വൈറൽ….

Total
0
Shares

മഹാവിഷ്ണുവിന്റെ ഒൻപതാമത്തെ അവതാരമായ ശ്രീകൃഷ്ണന്റെ ജന്മദിവസമാണ് ശ്രീകൃഷ്ണ ജന്മാഷ്ടമിയായി ആഘോഷിക്കുന്നത്. ചിങ്ങമാസത്തിൽ കൃഷ്ണപക്ഷത്തിലെ അഷ്ടമി തിഥി വരുന്ന രോഹിണി നക്ഷത്രദിവസത്തിൽ ആഘോഷിക്കപ്പെടുന്ന ഈ പുണ്യദിനം കൃഷ്ണാഷ്ടമി, ഗോകുലാഷ്ടമി, അഷ്ടമി രോഹിണി, ശ്രീകൃഷ്ണ ജയന്തി, ജന്മാഷ്ടമി എന്നീ പേരുകളിലും അറിയപ്പെടുന്നു. അന്നേദിവസം നടത്തപ്പെടുന്ന ശ്രീകൃഷ്ണജയന്തി ഘോഷയാത്രയിൽ പങ്കെടുത്തുകൊണ്ട് നിരവധി ചെറിയ കുട്ടികൾ കൃഷ്ണന്റെയും രാധയുടെയും ഗോപികമാരുടേയുമൊക്കെ വേഷമണിഞ്ഞു കൊണ്ട് കാഴ്ചക്കാരെ സന്തോഷിപ്പിക്കാറുണ്ട്.

കേരളത്തിൽ ഗുരുവായൂരിലാണ് ശ്രീകൃഷ്ണജയന്തി ആഘോഷങ്ങളും പാട്ടും നൃത്തവുമെല്ലാം ഏറ്റവും കൂടുതലായി അരങ്ങു കൊഴുക്കുന്നത്. അതുകൊണ്ട് ഗുരുവായൂരിൽ ഭക്തജനത്തിരക്ക് ഏറുകയും നല്ല കളർഫുൾ ചിത്രങ്ങൾ ലഭിക്കുമെന്നതിനാൽ ഫോട്ടോഗ്രാഫർമാർ ധാരാളമായി എത്തിപ്പെടുകയും ചെയ്യും. ഇത്തവണ ശ്രീകൃഷ്ണജയന്തി സ്പെഷ്യലായി പകർത്തിയ ചിത്രങ്ങളിൽ ശ്രദ്ധ നേടിയിരിക്കുന്നത് ‘കെഎസ്ആർടിസിയും കൃഷ്ണനും’ എന്ന തീമിൽ ഗുരുവായൂർ കെഎസ്ആർടിസി ബസ് സ്റ്റാൻഡ് പശ്ചാത്തലമാക്കി ചിത്രീകരിച്ച ഒരു ഫോട്ടോഷൂട്ട് ആണ്.

തൃശ്ശൂർ സ്വദേശിയും ഫോട്ടോഗ്രാഫറുമായ ഗോകുൽദാസിൻ്റെ ആശയത്തിൽ ഉടലെടുത്തതാണ് വ്യ്ത്യസ്തവും ഇതുവരെ അധികമാരും പരീക്ഷിക്കാത്തതുമായ ഈ ഫോട്ടോഷൂട്ട് വിഷയം. കെഎസ്ആർടിസി എൻക്വയറിയിൽ അന്വേഷണം നടത്തുന്ന കൃഷ്ണൻ, ഡിപ്പോയിലെ സെക്യൂരിറ്റിയോട് കുശലം ചോദിക്കുന്ന കൃഷ്ണൻ, വനിതാ കണ്ടക്ടറോട് സംസാരിക്കുന്ന കൃഷ്ണൻ, കെഎസ്ആർടിസി സൂപ്പർഫാസ്റ്റ് ബസ്സിൽ കയറിയ കൃഷ്ണൻ തുടങ്ങി വ്യത്യസ്തവും ആകർഷണീയവുമായ ഫ്രെയിമുകളാണ് ഫോട്ടോഗ്രാഫറായ ഗോകുൽദാസ് പരീക്ഷിച്ചത്. ചിത്രങ്ങൾ ഫേസ്ബുക്കിലും ഇൻസ്റ്റാഗ്രാമിലും പോസ്റ്റ് ചെയ്തതോടെ ഫോട്ടോഷൂട്ട് അങ്ങു വൈറലായി മാറുകയായിരുന്നു.

ഗുരുവായൂർ സ്വദേശിനിയായ വൈഷ്ണവ കെ.സുനിൽ എന്ന പെൺകുട്ടിയാണ് ഫോട്ടോഷൂട്ടിൽ കൃഷ്ണനായി വേഷം ധരിച്ചിരിക്കുന്നത്. ഇത് തുടർച്ചയായ മൂന്നാം തവണയാണ് വൈഷ്ണവ ഗുരുവായൂരിലെ ശ്രീകൃഷ്ണജയന്തി ആഘോഷങ്ങൾക്കായി കൃഷ്ണവേഷം ധരിക്കുന്നത്. ഫോട്ടോഷൂട്ടിനു പുറമെ ആകർഷണീയമായ ചുവടു വെയ്പുകളോടെ കള്ളനോട്ടത്തോടെയുള്ള വൈഷ്ണവയുടെയും കൂട്ടരുടെയും നൃത്തത്തിന്റെ വീഡിയോ ദൃശ്യങ്ങളും ടിക്‌ടോക്, യൂട്യൂബ്, ഫേസ്‌ബുക്ക് തുടങ്ങിയ സോഷ്യൽ മീഡിയ പ്ലാറ്റ്ഫോമുകളിൽ വൈറലായി മാറിക്കഴിഞ്ഞു.

14 വർഷമായി നൃത്തമഭ്യസിക്കുന്ന വൈഷ്ണവ തൃശ്ശൂർ സെന്റ് തോമസ് കോളേജിലെ രണ്ടാം വർഷ ബിരുദ വിദ്യാർത്ഥിനിയാണ്. അപ്രതീക്ഷിതമായി താൻ സോഷ്യൽ മീഡിയയിൽ ശ്രദ്ധിക്കപ്പെട്ടതിനെ അങ്ങേയറ്റം ബഹുമാനത്തോടെയും ആദരവോടെയുമാണ് കാണുന്നതെന്ന് വൈഷ്ണവ പറയുന്നു. എന്തായാലും നൃത്തചുവടുകൾക്കൊപ്പം കെഎസ്ആർടിസി ഡിപ്പോയിലെ ഫോട്ടോഷൂട്ടും വൈറലായതിന്റെ സന്തോഷത്തിലാണ് ഈ മിടുക്കി.

അഷ്ടമിരോഹിണിക്ക്‌ ഗുരുവായൂരിൽ പുലർച്ചെ 3ന് നിർമാല്യദർശനം മുതൽ വലിയതോതിലുള്ള ഭക്തജനപ്രവാഹമാണ് ഇത്തവണയും ഉണ്ടായത്. കൃഷ്ണ-രാധാ വേഷാലംകൃതരായ നൂറുകണക്കിന് കുട്ടികൾ ക്ഷേത്രനടയെ വൃന്ദാവനസമാനമാക്കി. ഉറിയടി ഘോഷയാത്രയിൽ ഗോപികാനൃത്തം, ജീവത എഴുന്നള്ളത്ത്, താലപ്പൊലി എന്നിവയും കാഴ്ചക്കാർക്ക് ആവേശം പകർന്നു.

രാവിലെയും ഉച്ചയ്‌ക്കും നടന്ന കാഴ്ചശീവേലിക്ക് വലിയ കേശവന്‍ സ്വര്‍ണക്കോലമേറ്റി. കൊമ്പന്മാരായ ജൂനിയര്‍ മാധവനും ചെന്താമരാക്ഷനും പറ്റാനകളായി. പെരുവനം കുട്ടന്‍മാരാർ മേളത്തിന് പ്രമാണം വഹിച്ചു. ഭക്തജനങ്ങള്‍ക്ക് വിഭവസമൃദ്ധമായ സദ്യയും ദേവസ്വം ഒരുക്കിയിരുന്നു. രണ്ട് സ്ഥലങ്ങളിലായി പ്രത്യേകം തയ്യാറാക്കിയ പന്തലില്‍ മുപ്പതിനായിരത്തോളം പേർ സദ്യയില്‍ പങ്കെടുത്തു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post