കെഎസ്ആർടിസി സ്റ്റാൻഡിലെ ശ്രീകൃഷ്ണന്റെ ഫോട്ടോഷൂട്ട് ചിത്രങ്ങൾ കണ്ടപ്പോൾ മനസ്സിൽ തോന്നിയ ഒരു കഥ

Total
3
Shares

ശ്രീകൃഷ്ണജയന്തി ദിനത്തിൽ വൈറലായ കെഎസ്ആർടിസി ബസ് സ്റ്റാൻഡിലെ ശ്രീകൃഷ്ണന്റെ ഫോട്ടോഷൂട്ട് ചിത്രങ്ങൾ കണ്ടപ്പോൾ മനസ്സിൽ തോന്നിയ ഒരു ചെറുകഥയാണ് ഇവിടെ നിങ്ങളുമായി പങ്കുവെക്കുന്നത്. തെറ്റുകുറ്റങ്ങളുണ്ടെങ്കിൽ ക്ഷമിക്കുക – പ്രശാന്ത് പറവൂർ.

ജന്മാഷ്ടമി ദിനത്തിൽ ഗുരുവായൂരപ്പനെ കൺ‌തുറന്നു കാണണം, തൻ്റെ എല്ലാ വിഷമങ്ങളും ആ നടയിൽ നടതള്ളണം. അതോടൊപ്പം തന്നെ ഉണ്ണിക്കണ്ണന്മാരുടെ കുസൃതികളും നൃത്തചുവടുകളുമെല്ലാം ആസ്വദിച്ചു ആ നിർവൃതിയിൽ അങ്ങു എല്ലാം മറന്നു നിൽക്കണം. കായംകുളത്തു നിന്നും നിന്നും ഗുരുവായൂരിലേക്കുള്ള കെഎസ്ആർടിസി ബസ്സിൽ കയറുമ്പോൾ അമ്മിണിയമ്മയുടെ ചിന്ത അതായിരുന്നു.

കായംകുളത്തിനടുത്തുള്ള ഒരു ഗ്രാമത്തിലാണ് അമ്മിണിയമ്മയുടെ താമസം. ചെറിയൊരു കൂരയിൽ ഒറ്റയ്ക്കാണ് കഴിയുന്നത്. ആകെയുണ്ടായിരുന്ന മകനെ ഇല്ലാത്ത കാശുണ്ടാക്കി ഗൾഫിലേക്ക് പറഞ്ഞയച്ചതായിരുന്നു. 16 വർഷത്തോളമായി അയാളെക്കുറിച്ച് ഒരു വിവരവുമില്ല. ജീവിച്ചിരിപ്പുണ്ടോയെന്നു പോലും ആർക്കുമറിയില്ല. ഈ എൺപത്തിമൂന്നാം വയസ്സിലും ചില വീടുകളിൽ മുറ്റമടിക്കുവാനും മറ്റും പോകുന്നതിൽ നിന്നും കിട്ടുന്ന വരുമാനം കൊണ്ടാണ് അമ്മിണിയമ്മയുടെ ജീവിതം. ഈയിടെയായി പണിയൊന്നും എടുക്കുവാൻ വയ്യാതായിരിക്കുന്നു. എങ്കിലും പോകുന്നയത്രയും പോകട്ടെ എന്ന ചിന്തയായിരുന്നു അമ്മിണിയമ്മയ്ക്ക്.

കുറേനാളായി ഗുരുവായൂരിൽ ഒന്നു പോകണം എന്നൊരു മോഹം അമ്മിണിയമ്മയുടെ മനസ്സിലുദിക്കുവാൻ തുടങ്ങിയിട്ട്. ഒടുവിൽ സാക്ഷാൽ ശ്രീകൃഷ്ണന്റെ ജന്മദിനത്തിൽ തന്നെ അതാകാം എന്നു വിചാരിച്ചാണ് ഈ യാത്ര. ബസ് ആലപ്പുഴയും എറണാകുളവും ഒക്കെ പിന്നിട്ട് ഗുരുവായൂരിൽ എത്തിയപ്പോൾ സമയം രാത്രിയായിരുന്നു.

പുലർച്ചെ നിർമ്മാല്യം തൊഴാനുള്ള ആളുകൾ ധാരാളമായി വന്നുകൊണ്ടിരിക്കുന്നു. അണിഞ്ഞൊരുങ്ങി ഗുരുവായൂരപ്പനെ കാണുവാൻ പോകുന്നവർക്കിടയിൽ നിറം മങ്ങിയ നാടനും മുണ്ടുമുടുത്ത് അമ്മിണിയമ്മയും കൂടി. തൊഴാനുള്ള ക്യൂ രാത്രിയിൽത്തന്നെ നീണ്ടു തുടങ്ങിയിരുന്നു. ചെറിയ കുട്ടികളെ കണ്ടപ്പോൾ ഒരുനിമിഷം അമ്മിണിയമ്മയ്ക്ക് മകനെ ഓർമ്മ വന്നു. ഗുരുവായൂരപ്പന് നേര്ച്ച നേർന്നുണ്ടായതിനാൽ ഉണ്ണിക്കൃഷ്ണൻ എന്നായിരുന്നു മകന് പേരിട്ടിരുന്നതും. തനിക്കു ചുറ്റും ക്യൂവിൽ നിൽക്കുന്നവരെല്ലാം കുടുംബവുമായി വളരെ സന്തോഷത്തോടെയാണ് വന്നിരിക്കുന്നതെന്ന കാര്യം അവർ ശ്രദ്ധിച്ചു. നല്ല പട്ടു വസ്ത്രങ്ങൾ ധരിച്ച അവരെല്ലാം നിറംമങ്ങിയ വസ്ത്രം ധരിച്ചു നിന്നിരുന്ന അമ്മിണിയമ്മയിൽ നിന്നും അകലം പാലിക്കുവാൻ ശ്രദ്ധിച്ചിരുന്നു.

തലേദിവസം ഉച്ച കഴിഞ്ഞു ഒന്നും കഴിക്കാതെയായിരുന്നു അമ്മിണിയമ്മയുടെ ഗുരുവായൂർ യാത്ര. അതിനിടയിൽ വെള്ളം മാത്രം കുടിച്ചുകൊണ്ട് അവർ വിശപ്പിനെ ആട്ടിയോടിക്കുവാൻ പരിശ്രമിച്ചു കൊണ്ടിരുന്നു. തിരികെപ്പോകുവാനുള്ള ബസ് ചാർജ്ജ് മാത്രമേ ഇനി കയ്യിലുള്ളൂ. ജീവിതത്തിൽ ആദ്യമായി ഗുരുവായൂരപ്പനെ നിർമ്മാല്യം തൊഴാൻ പോകുന്നതിനുള്ള സന്തോഷത്താൽ അമ്മിണിയമ്മ ചുറ്റിനുമുള്ളതെല്ലാം മറന്നു ഒരു നിർവൃതിയിൽ അങ്ങനങ്ങു ആ ക്യൂവിൽ നിന്നു.

കണ്ണു തുറക്കുമ്പോൾ അമ്മിണിയമ്മ കിഴക്കേ നടയുടെ അരികിലെ ഏതോ കടയുടെ അടുത്ത് കിടക്കുകയായിരുന്നു. എന്താണ് നടന്നതെന്ന് ഓർത്തെടുക്കാനാകാതെ അവർ കുഴങ്ങി. അവിടെയുണ്ടായിരുന്ന ഒരു കളിപ്പാട്ട വിൽപ്പനക്കാരൻ പറഞ്ഞാണ് തലകറങ്ങി വീഴുകയും, ആരൊക്കെയോ ചേർന്ന് എടുത്ത് ഇവിടെ കൊണ്ടിരുത്തുകയും വെള്ളം കൊടുക്കുകയുമൊക്കെ ചെയ്തുവെന്നും ക്ഷീണം കാരണം അവിടെക്കിടന്നു ഉറങ്ങുകയായിരുന്നുവെന്നും അമ്മിണിയമ്മ മനസ്സിലാക്കുന്നത്. പക്ഷേ ഒന്നും ഓർമ്മയിൽ വരുന്നുമില്ല.

നിർമ്മാല്യം തൊഴലെല്ലാം അപ്പോഴേക്കും കഴിഞ്ഞിരുന്നു. നേരം പുലർന്നു വെളിച്ചം വീണു തുടങ്ങിയിരുന്നു. നേരത്തെ കണ്ട ആ കളിപ്പാട്ട വിൽപ്പനക്കാരൻ അമ്മിണിയമ്മയ്ക്ക് ചായയും രാവിലത്തെ ഭക്ഷണവും വാങ്ങിക്കൊടുത്തു. അങ്ങനെ തൊട്ടരികിൽ വരെ ചെന്നിട്ട് ഗുരുവായൂരപ്പനെ കാണുവാനാകാതെ, നിറഞ്ഞ കണ്ണുകളുമായി, “ഭഗവാന് തന്നെ കാണണംന്നുണ്ടാകില്ല, അതായിരിക്കാം ഇങ്ങനയൊക്കെ” എന്ന് ആത്മഗതം പറഞ്ഞുകൊണ്ട് അമ്മിണിയമ്മ വേച്ചുവേച്ച് തിരികെ മടങ്ങുവാനായി കെഎസ്ആർടിസി സ്റ്റാൻഡിലേക്ക് നടന്നു.

അങ്ങനെ നടന്നു നടന്നു അമ്മിണിയമ്മ കെഎസ്ആർടിസി സ്റ്റാൻഡിൽ എത്തിച്ചേർന്നു. അവിടെ വെച്ചാണ് മിടുക്കനായ ഒരു പയ്യനെ അമ്മിണിയമ്മയ്ക്ക് കൂട്ടുകിട്ടുന്നത്. ഏകദേശം 20 – 21 വയസ്സു കാണും. പേര് കണ്ണൻ. മലയാളിയാണെങ്കിലും കർണാടകയിലെ ഉഡുപ്പിയിലാണ് വീട്. അവർ പരസ്പരം പലതും സംസാരിച്ചു. ഗുരുവായൂരിൽ വന്നതും, തലകറങ്ങി വീണതും, ദർശനം കിട്ടാതെ പോയതുമെല്ലാം വിഷമത്തോടെ കണ്ണൻ കേട്ടിരുന്നു. അതിനിടയിൽ സ്റ്റാൻഡിലെ ചായക്കടയിൽ നിന്നും അമ്മിണിയമ്മയ്ക്ക് ചൂടുള്ള ചായയും അവൻ വാങ്ങി നൽകി.

അമ്മിണിയമ്മയ്ക്ക് പോകുവാനായി കായംകുളം ഭാഗത്തേക്കുള്ള ബസ് എപ്പോഴാണെന്ന് അവൻ സ്റ്റാൻഡിലെ പലരോടും അന്വേഷിച്ചു മനസിലാക്കി. കുറച്ചു സമയം കൊണ്ട് അമ്മിണിയമ്മയ്ക്ക് എന്തോ ഒരു ഊർജ്ജം കൈവന്നപോലെ. തൻ്റെ പേരക്കിടാവാകുവാൻ പ്രായമുള്ള ഒരു കുട്ടിയാണ് ഈ ആശ്വാസത്തിനു കാരണമെന്ന് അവർ ഒരു നെടുവീർപ്പോടെ ഓർത്തു. അങ്ങനെ കുറേക്കഴിഞ്ഞപ്പോൾ അമ്മിണിയമ്മയ്ക്ക് പോകുവാനുള്ള, കായംകുളം വഴി തിരുവനന്തപുരത്തേക്കുള്ള ബസ് പുറപ്പെടുവാൻ തയ്യാറായി സ്റ്റാൻഡിൽ വന്നുനിന്നു. അമ്മിണിയമ്മ കണ്ണനോട് യാത്രപറഞ്ഞുകൊണ്ട് വേഗം കയറി സീറ്റൊക്കെ പിടിച്ചുകൊണ്ടിരിപ്പായി. അപ്പോഴേക്കും കോഴിക്കോട് ഭാഗത്തേക്കുള്ള ഒരു സൂപ്പർഫാസ്റ്റിൽ കണ്ണനും കയറി.

ബസ്സിലെ കണ്ടക്ടർ ടിക്കറ്റെടുക്കാൻ അരികിൽ വന്നപ്പോൾ കാശിനായി അമ്മിണിയമ്മ തൻ്റെ തുണിസഞ്ചിയിൽ തപ്പി. കാശും കൊടുത്ത് ടിക്കറ്റും വാങ്ങി തിരികെ സഞ്ചിക്കകത്തേക്ക് വെക്കുന്നതിനിടെയാണ് അവരുടെ കയ്യിൽ എന്തോ തടഞ്ഞത്. സഞ്ചി പരിശോധിച്ചു നോക്കിയപ്പോൾ ഒരു മഞ്ഞപ്പട്ടുതുണിയിൽ പൊതിഞ്ഞ നിലയിൽ രണ്ടു സ്വർണ്ണവളകൾ, കൂടാതെ മനോഹരമായ ഒരു മയിൽപ്പീലിയും…

അപ്പോഴേക്കും അമ്മിണിയമ്മയുടെ ബസ് സ്റ്റാൻഡിൽ നിന്നും പതിയെ നീങ്ങിത്തുടങ്ങിയിരുന്നു. അമ്പരപ്പോടെ അമ്മിണിയമ്മ കണ്ണൻ കയറിയ ബസ്സിലേക്ക് നോക്കി. അവിടെയതാ, ചിത്രങ്ങളിൽ കണ്ടിട്ടുള്ളതുപോലത്തെ സാക്ഷാൽ ശ്രീകൃഷ്ണൻ ചിരിച്ചുകൊണ്ട് അമ്മിണിയമ്മയെ നോക്കി കൈവീശിക്കാണിക്കുന്നു… അപ്പോഴേക്കും അമ്മിണിയമ്മ കയറിയ ബസ് ആ കാഴ്ച മറച്ചുകൊണ്ട് സ്റ്റാൻഡിൽ നിന്നും പുറത്തുകടന്നിരുന്നു.

ചിത്രങ്ങൾ – Gokul Das K S.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post