ശ്രീവിജയ എയർ – ഇന്തോനേഷ്യൻ എയർലൈനിനു ഇങ്ങനെയൊരു പേരോ?

Total
1
Shares

2021 തുടങ്ങി അധികം ദിവസങ്ങൾ വൈകാതെ ഏവരെയും ഞെട്ടിച്ചത് ഒരു വിമാനാപകടത്തിൻ്റെ വാർത്തയാണ്. ജനുവരി 9 നു ഇൻഡോനേഷ്യയിലെ ജക്കാർത്തയിൽ നിന്നും പറന്നുയർന്ന ശ്രീവിജയ എയർ വിമാനം 62 യാത്രക്കാരുമായി കടലിൽ തകർന്നുവീണതാണ് സംഭവം. അപകടവാർത്തയുടെ നടുക്കത്തിലാണെങ്കിലും ഇന്തൊനീഷ്യയിലെ വിമാനക്കമ്പനിക്ക് എങ്ങനെ ‘ശ്രീവിജയ’ എന്ന പേര് വന്നതെന്ന് നമുക്കിടയിൽ ധാരാളമാളുകൾ ചിന്തിച്ചിട്ടുണ്ടാകും. അതിനെക്കുറിച്ചാണ് ഇന്നത്തെ വീഡിയോ.

എട്ടു മുതൽ 13–ാം നൂറ്റാണ്ടു വരെ ഇന്തൊനീഷ്യയുടെ പടിഞ്ഞാറൻ മേഖലയിൽ ഭരണത്തിലിരുന്ന രാജവംശമാണു ശ്രീവിജയ സാമ്രാജ്യം. 600 വർഷത്തോളം ജാവ മുതൽ തായ്‌ലൻഡ് മുനമ്പു വരെയുള്ള മേഖല അടക്കിവാണ ശ്രീവിജയ സാമ്രാജ്യത്തിലെ രാജാവിന്റെ ആസ്ഥാനം ഇന്തൊനീഷ്യയുടെ പടിഞ്ഞാറൻ പ്രദേശം ഉൾപ്പെടുന്ന സുമാത്ര ദ്വീപായിരുന്നു.

ഹിന്ദു–ബുദ്ധ സംസ്കൃതിയുടെ കൂടിച്ചേരലിന്റെ കൊടിയടയാളം കൂടിയായിരുന്നു ശ്രീവിജയ സാമ്രാജ്യം. ഇന്ത്യയുടെ സ്വാധീനം ഏറെ അനുഭവപ്പെട്ടിരുന്ന ഈ സാമ്രാജ്യത്തിന്റെ വേരുകൾ ആറാം നൂറ്റാണ്ടിലെ തമിഴ് – ചോള സംസ്കൃതിയിലേക്കു നീളുന്നതായും ചില ഗവേഷകർ പറയുന്നു. പേരിലെ ദ്രാവിഡ–സംസ്കൃത ചേരുവയ്ക്കു പിന്നിൽ ചിറകടിച്ച ഘടകവും ഇതാകാം.

ഇനി ശ്രീവിജയ എയർലൈൻസിന്റെ വിശേഷങ്ങളിലേക്ക് കടക്കാം. 2003 ൽ പ്രവർത്തനമാരംഭിച്ച ഒരു ഇൻഡോനേഷ്യൻ വിമാനക്കമ്പനിയാണ് ശ്രീവിജയ എയർലൈൻസ്. ദേശസ്നേഹം തുടിക്കുന്ന പേര് വേണമെന്നു തീരുമാനിച്ചതു കൊണ്ടായിരിക്കണം എയർലൈനിനു ‘ശ്രീവിജയ’ എന്ന പേര് നൽകിയത്. 2003 നവംബർ 10 നു ജക്കാർത്ത – പാങ് കൽ പിനാംഗ് റൂട്ടിലായിരുന്നു ശ്രീവിജയ എയറിന്റെ ആദ്യ സർവ്വീസ്. ബോയിങ് 737 വിമാനങ്ങളായിരുന്നു ശ്രീവിജയയിൽ ഉണ്ടായിരുന്നത്.

പ്രവർത്തനമാരംഭിച്ച ആദ്യ വര്ഷം തന്നെ ശ്രീവിജയ ലാഭം കണ്ടുതുടങ്ങി. 2007 ൽ എയർക്രാഫ്റ്റുകളുടെ സുരക്ഷ, പരിപാലനം എന്നിവയ്ക്കുള്ള ബോയിങ് ഇന്റർനാഷണൽ അവാർഡ് ശ്രീവിജയ കരസ്ഥമാക്കി. 2011 ലെ പാരീസ് എയർഷോയ്ക്കിടെ 20 Embraer 190 ജെറ്റുകൾ വാങ്ങുവാനായി കരാറിലേർപ്പെട്ടെങ്കിലും പിന്നീട് അത് റദ്ദാക്കി ബോയിങ് 737 മോഡൽ തന്നെ സ്വീകരിക്കുകയായിരുന്നു.

ഇൻഡോനേഷ്യയിലെ തന്നെ മറ്റൊരു വിമാനക്കമ്പനിയായ നാം എയർ ശ്രീവിജയയുടെ സബ്സിഡിയറി എയർലൈനാണ്‌. ജക്കാർത്തയിലെ സോകർണോ ഹട്ട ഇന്റർനാഷണൽ എയർപോർട്ടാണ് ശ്രീവിജയയുടെ പ്രധാന ഹബ്ബ്. ഏകദേശം 53 ലക്ഷ്യകേന്ദ്രങ്ങളിലേക്ക് ശ്രീവിജയ സർവ്വീസ് നടത്തുന്നുണ്ട്. തുടക്കം മുതൽ ഇതുവരെ ബോയിങ് 737 മോഡൽ എയർക്രാഫ്റ്റുകളാണ് ശ്രീവിജയ ഉപയോഗിച്ചു വരുന്നത്. നിലവിൽ 18 എയർക്രാഫ്റ്റുകളാണ് ശ്രീവിജയയുടെ ഫ്‌ലീറ്റിൽ ഉള്ളത്.

പ്രവർത്തനമാരംഭിച്ചതു മുതൽ ഇത്രയുംനാൾ വലിയ അപകടങ്ങളൊന്നും വരുത്തിയിട്ടില്ലാത്ത ശ്രീവിജയയെ 2021 കാത്തിരുന്നത് വലിയൊരു അപകടം തന്നെയായിരുന്നു. 2021 ജനുവരി 9 ശനിയാഴ്ച ഉച്ചയ്ക്കു ശേഷം 2.30ന് ജക്കാര്‍ത്തയില്‍നിന്ന് വെസ്റ്റ് കാളിമന്തനിലേക്ക് പുറപ്പെട്ട ശ്രീവിജയ എയറിന്റെ SJ182 എന്ന ബോയിങ് 737 വിമാനം ടേക്ക് ഓഫിനു തൊട്ടു പിന്നാലെ റഡാറില്‍നിന്ന് അപ്രത്യക്ഷമാകുകയായിരുന്നു. 12 ജീവനക്കാര്‍ ഉള്‍പ്പെടെ 62 പേരാണ് വിമാനത്തിലുണ്ടായിരുന്നത്. പറന്നുയർന്ന്‌ മിനിട്ടുകൾക്കകം വിമാനം കുത്തനെ വീഴുകയായിരുന്നുവെന്നു വിവരം ലഭിച്ചതോടെ കടലിൽ നടത്തിയ തിരച്ചിലിൽ വിമാനത്തിന്റെ അവശിഷ്ടങ്ങൾ ലഭിക്കുകയായിരുന്നു. അപകടകാരണം ഇനിയും വ്യക്തമാകുവാനിരിക്കുന്നു.

അപകടത്തിൽപ്പെട്ട വിമാനത്തിന് 27 വർഷത്തോളം പഴക്കവുമുണ്ടായിരുന്നു. 1994 ൽ പുറത്തിറങ്ങിയ ഈ ബോയിങ് 737-500 വിമാനം ആദ്യം ഉപയോഗിച്ചത് അമേരിക്കയിലെ കോണ്ടിനെന്റൽ എയർലൈൻസ് ആയിരുന്നു. 2010 ൽ കോണ്ടിനെന്റൽ എയർലൈൻസ് യുണൈറ്റഡ് എയർലൈൻസുമായി യോജിച്ചപ്പോൾ ഈ വിമാനം പിന്നെ യുണൈറ്റഡ് എയര്ലൈന്സിന്റെതായി മാറി. 2012 ലാണ് ഈ വിമാനം ശ്രീവിജയ എയർ വാങ്ങുന്നത്.

പ്രവർത്തനമാരംഭിച്ചിട്ട് ഇതുവരെ വലിയ അപകടങ്ങളിലൊന്നും പെട്ടിട്ടില്ലാത്ത, മികച്ച സുരക്ഷാ ചരിത്രമുള്ള ശ്രീവിജയ എയറിനുമേൽ ഒരു കറുത്ത അധ്യായമായി മാറിയിരിക്കുകയാണ് തകർന്നു വീണ SJ182 എന്ന ബോയിങ് 737 വിമാനം. ദുരന്തത്തിൽ ജീവൻ വെടിഞ്ഞവർക്ക് ആദരാജ്ഞലികൾ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post