ചില സിനിമകളിൽ മാത്രം കണ്ടിട്ടുള്ള ഹരിതപാതയിലൂടെ ഒരു ട്രെയിൻ യാത്ര..

Total
9
Shares

വിവരണം – Kizheppadan.

സുബ്രമണ്യറോഡ് എന്ന് കണ്ടക്ടർ വിളിച്ചുപറയുമ്പോൾ ആണ് ചെറിയ മയക്കത്തിൽ നിന്നും ഉണരുന്നത്. നല്ല വൃത്തിയുള്ള ബസ് സ്റ്റാൻഡ്. ഇവിടത്തെ സുബ്രമണ്യ ക്ഷേത്രം പ്രശസ്തമാണ്. അതിനാൽ എപ്പോഴും തിരക്കുള്ള ഒരു സ്ഥലമാണ് ഇവിടെ. ഇവിടേ നിന്ന് അല്പം ദൂരമുണ്ട് നമ്മുടെ യാത്ര ആരംഭിക്കുന്ന സ്റ്റേഷനിലേക്ക്. അതിനു മുന്നേ ക്ഷേത്രം പരിസരം ഒന്ന് ചുറ്റിക്കറങ്ങി. ഉള്ളിൽ കയറാൻ സാധിച്ചില്ല. കഠിനമായ ചൂട് അവിടെ അധികം നേരം നിർത്താൻ അനുവദിച്ചില്ല.

സ്റ്റേഷനിലേക്ക് അവിടെ നിന്ന് ബസ് ഉണ്ട്. അതിന്റെ സമയം അറിയാൻ അന്വേഷണത്തിൽ പോയി ചോദിച്ചു. താഴെ വരും എന്ന് അറിയാൻ കഴിഞ്ഞു താഴെ പോയി നിന്നു. അന്നേരം അവിടെ ഉള്ള മറ്റൊരു ജീവനക്കാരനോട് ചോദിച്ചപ്പോൾ മുകളിൽ വരും എന്ന് മറുപടി. അങ്ങനെ അങ്ങോട്ടും ഇങ്ങോട്ടും തട്ടാൻ തുടങ്ങിയപ്പോൾ പുറത്തു ഉള്ള ഒരു സ്വകാര്യ വാഹനത്തിൽ കയറി യാത്ര ആരംഭിച്ചു.

ബസ് സ്റ്റാൻഡിലെ അവസ്ഥ ട്രെയിൻ ഓടിക്കുന്നവർക്ക് അറിയില്ലല്ലോ. ഉച്ചക്ക് 1:15 ആണ് ട്രെയിൻ. മംഗലാപുരത്തു നിന്നും യശ്വന്തപുരം പോകുന്ന ട്രെയിൻ ആണ് നമ്മുടെ വണ്ടി. തീർത്ഥാടന കേന്ദ്രം ആയതിനാൽ ആകണം ഒരു അമ്പലം മാതൃകയിൽ ആണ് സ്റ്റേഷന് മുൻഭാഗം. ചെറിയ സ്റ്റേഷൻ ആണ്. വിരലിലെണ്ണാവുന്ന യാത്ര തീവണ്ടികൾ മാത്രമേ ഈ വഴി ഓടുന്നുള്ളു. കൂടുതലും ചരക്കു വണ്ടികൾ ആണ്.

സ്റ്റേഷന് പുറമെ ഒട്ടും തിരക്കില്ല പക്ഷെ ഉള്ളിൽ കയറിയപ്പോൾ ആണ് യഥാർത്ഥ തിരക്ക് കണ്ടത്. ആ കാണുന്ന എല്ലാവരും നമ്മുടെ ട്രെയിനിലേക്ക് ഉള്ള ആളുകൾ ആണെന്ന് മനസിലായി. അന്നേരം അവിടെ മംഗലാപുരത്തേക്കുള്ള ഒരു പാസഞ്ചർ ട്രെയിൻ പോകാൻ തയ്യാറായി നിൽപ്പുണ്ട്. അപ്പുറത്ത് പെട്രോളിയം ആയി മറ്റൊരു വണ്ടിയും. അങ്ങിങ്ങായി നിൽക്കുന്ന മരങ്ങൾ സ്റ്റേഷന്റെ ഭംഗി കൂട്ടുന്നുണ്ട്.

ട്രെയിൻ വരുന്നതിന്റെ മുന്നറിയിപ്പ് ഒന്നും അവിടെ കേട്ടില്ല മറിച്ചു ഒരു ബെല്ലടി മാത്രമേ കേട്ടൊള്ളു. എന്തായാലും സമയം പാലിച്ചു ദൂരെ നിന്ന് കൂകി വരുന്നുണ്ട്. ടിക്കറ്റ് റിസർവ് ചെയ്തതിനാൽ കയറാൻ തിരക്കി കയറേണ്ട ആവശ്യം ഇല്ല പക്ഷെ അതിനേക്കാൾ പ്രധാനം ഇടതു വശത്തെ വാതിലിൽ സ്ഥാനം പിടിക്കുക എന്നുള്ളതാണ്. കാരണം ആ ഭാഗത്താണ് കാഴ്ചകൾ മുഴുവൻ. ട്രെയിൻ നിന്നപാടേ ചാടിക്കയറി സീറ്റിൽ ബാഗ് വെച്ച് രണ്ടു വാതിലുകളിലായി സ്ഥാനം ഉറപ്പിച്ചു. അല്പം സമയത്തെ കാത്തിരിപ്പിന് ശേഷം ട്രെയിൻ പതിയെ നീങ്ങി തുടങ്ങി.

പശ്ചിമ ഘട്ട മലനിരകളിൽ മംഗലാപുരം മുതൽ ബാംഗ്ലൂർ വരെയുള്ള ട്രെയിൻ റൂട്ടിലെ 52 KM വരുന്ന റെയിൽ പാതയാണ് #ഗ്രീൻറൂട്ട് ആയി അറിയപ്പെടുന്നത്. സുബ്രമണ്യ റോഡ് മുതൽ സക്ലേശപൂർ വരെയാണ് ഈ പാത. ചെറുതും വലുതുമായ 52 തുരങ്കങ്ങളും 109 പാലങ്ങളും 25 അടുത്ത് വെള്ളച്ചാട്ടവും ഈ ഹരിത പാതയിലുണ്ട്.

1996 ഇൽ മീറ്റർ ഗേജ് നിന്നും ബ്രോഡ് ഗേജ് ആയി മാറിയ ഈ പാതയിൽ 2005 മുതലാണ് ചരക്കു വണ്ടികൾ ഓടി തുടങ്ങിയത്. പിന്നീട് മൂന്ന് വർഷങ്ങൾക്കു ശേഷം യാത്ര തീവണ്ടികളും ഈ വഴി ഓടി തുടങ്ങി. സാഹസികത ഇഷ്ടപെടുന്ന സഞ്ചാരികളുടെ ഇഷ്ട പാതയാണ് ഈ വഴി.വന്യതയും പ്രകൃതി സൗന്ദര്യവും ആസ്വദിച്ചുള്ള യാത്ര..ചില തുരങ്കങ്ങളുടെ നീളം 700 മീറ്റർ വരെയുണ്ട്..പക്ഷെ നിലവിൽ ട്രെക്കിങ്ങ് നിരോധിച്ചിരിക്കുകയാണ്. എന്നിരുന്നാലും പോകുന്ന ആളുകൾ ഉണ്ട് എന്നാണ് അറിയുന്നത്..

ഈ പാതയിൽ ട്രെയിനിന് വേഗത കുറവാണ്. അതിനാൽ കാഴ്ച്ചകൾ നല്ലതുപോലെ ആസ്വദിക്കാൻ കഴിയും.. ഓരോ തുരങ്കം കയറുമ്പോഴും ട്രെയിനിലെ കുട്ടികൾ ശബ്ദം ഉണ്ടാക്കി സന്തോഷിക്കുകയാണ്. വാതിലിൽ നിന്നുള്ള യാത്ര ആയതിനാൽ അല്പം ശ്രദ്ധ കൂടുതൽ ആവശ്യമാണ്. പാലങ്ങളിലൂടെ യാത്ര ചെയ്യുമ്പോൾ താഴേക്ക് നോക്കിയാൽ അല്പം ഭയം നമ്മളിൽ ഉണ്ടാകും. എല്ലാ പാലത്തിനടിയിലൂടെയും ചെറിയ രീതിയിൽ വെള്ളം ഒഴുകുന്നുണ്ട്. മഴക്കാലം ആണെങ്കിൽ മാത്രമേ ഈ സൗന്ദര്യം പൂർണമായ അളവിൽ നമ്മുക് ആസ്വദിക്കാൻ കഴിയൂ. ഓരോ തുരങ്കത്തിന് മുന്നിലും നമ്പറും അതിന്റെ നീളവും രേഖപ്പെടുത്തിയിട്ടുണ്ട്.

പശ്ചിമ ഘട്ട മലനിരകളുടെ സൗന്ദര്യവും കാനന ഭംഗിയും ആണ് കാഴ്ചയിലുടനീളം. രണ്ടര മണിക്കൂർ ആണ് ഈ ഹരിത പാതയിലൂടെ ഉള്ള യാത്ര.അതിനിടയിൽ രണ്ടു സ്റ്റേഷനിൽ വണ്ടി നിർത്തുകയും ചെയ്യും. യാത്രക്കിടയിൽ പലരും വാതിലിൽ വന്നു എത്തിനോക്കുന്നുണ്ടായിരുന്നു. കാഴ്ചകൾ എല്ലാവർക്കും ആസ്വദിക്കാൻ ഉള്ളതല്ലേ. അതിനാൽ പല സമയങ്ങളിലായി പലർക്കും വേണ്ടി മാറി നിന്നു കൊടുത്തു.

കുടകിൽ ഉണ്ടായ മണ്ണിടിച്ചിൽ ഈ പാതയെയും ബാധിച്ചിട്ടുണ്ട്. പല സ്ഥലങ്ങളിലായി അതിന്റെ അടയാളം കാണാം കൂടാതെ പല സ്ഥലങ്ങളിലും ജോലികൾ പുരോഗമിക്കുന്നുണ്ട്. പകലും രാത്രിയുമായി ഓരോ ട്രെയിൻ ആണ് ഈ വഴിയുള്ളത്. പക്ഷെ കാഴ്ച കാണാൻ രാത്രി സാധിക്കില്ലല്ലോ. അതിനാൽ ഈ ഒരു വണ്ടി മാത്രമേ നമ്മുക് ഈ യാത്ര സമ്മാനിക്കുകയൊള്ളു. കൂടാതെ മംഗലാപുരം ഭാഗത്തു നിന്ന് വരുന്നവർ ഇടതുവശം ചേർന്നിരിക്കാൻ പ്രത്യേകം ശ്രദ്ധിക്കണം.

അങ്ങനെ യാത്ര ആരംഭിച്ച സക്ലേശപൂർ തിരിച്ചെത്തി. ഈ വണ്ടി ബാംഗ്ലൂർ പോകുന്നതായതിനാൽ ടിക്കറ്റ് അങ്ങോട്ടാണ് എടുത്തിരുന്നത്. സക്ലേശപൂർ സ്റ്റേഷനിൽ വണ്ടി എത്തിയപ്പോൾ വിശപ്പും ദാഹവും മാറ്റാൻ കടയിൽ കയറി. മലയാളി ചേട്ടൻ. അങ്ങനെ യാത്ര അവസാനിക്കുന്നതിന് മുൻപ് ഒരു മലയാളിയെ കണ്ടു. ഹസ്സനും ശ്രവണബെലഗോളയും കടന്നു വണ്ടി യശ്വന്തപുരം എത്തിയപ്പോൾ സമയം രാത്രി 8:30.. ആ ദിവസം ബാംഗ്ലൂർ തങ്ങി പിറ്റേ ദിവസം വൈകീട്ട് നാലു ദിവസത്തെ യാത്ര അവസാനിപ്പിച്ച് വന്ന വണ്ടിക്കു തന്നെ കുറ്റിപ്പുറത്തേക്ക് തിരിച്ചു..

ട്രെയിൻ സമയം : മംഗലാപുരത്തു നിന്ന് – തിങ്കൾ, ബുധൻ, വെള്ളി കാലത്തു 11:30, ട്രെയിൻ നമ്പർ 16576. ചൊവ്വ, വ്യാഴം, ശനി കാലത്തു 11:15, ട്രെയിൻ നമ്പർ 16516. യശ്വന്തപുരത്തു നിന്ന് – തിങ്കൾ, ബുധൻ, വെള്ളി കാലത്തു 07:10, ട്രെയിൻ നമ്പർ 16515. ചൊവ്വ, വ്യാഴം, ഞായർ കാലത്തു 07:10, ട്രെയിൻ നമ്പർ 16575.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post