സ്വിമ്മിങ് പൂളിൽ ഇറങ്ങുമ്പോൾ എല്ലാവരും ശ്രദ്ധിക്കേണ്ട ചില കാര്യങ്ങൾ

Total
0
Shares

അല്പനേരം വെള്ളത്തില്‍ മുങ്ങിക്കിടന്നാലുള്ള സുഖമൊന്ന് ആലോചിച്ച് നോക്കൂ. ഈ സുഖമറിഞ്ഞതുകൊണ്ടാണ് റിസോർട്ടുകളിലെ സ്വിമ്മിങ് പൂളിൽ കുളിക്കുവാൻ ആളുകൾ ഇത്ര ആഗ്രഹിക്കുന്നതും. നീന്തിക്കുളി മാത്രമല്ല സ്വിമ്മിങ്ങ് പൂളിന്റെ ഗുണം. ജലാശയക്കാഴ്ച എന്ന നിലയിലും അന്തരീക്ഷ ഊഷ്മാവ് കുറയ്ക്കാനും പൂളുകള്‍ സഹായിക്കും. നീന്താനും നീന്തല്‍ പഠിക്കാനുമെല്ലാം ഇപ്പോള്‍ മിക്കവാറും പേര്‍ ഉപയോഗിക്കുന്നത് സ്വിമ്മിംഗ് പൂളാണ്.

സ്വിമ്മിംഗ് പൂള്‍ ഉപയോഗിക്കുമ്പോള്‍ ശ്രദ്ധിയ്‌ക്കേണ്ട ചില കാര്യങ്ങളുണ്ട്. ഹോട്ടലോ റിസോർട്ടോ എന്തുമാകട്ടെ, അവർക്ക് അവരുടേതായ പൂൾ നിയമങ്ങൾ ഉണ്ടായിരിക്കും. പൂളിൽ ഇറങ്ങുന്നതിനു മുൻപ് ഈ നിയമങ്ങൾ ഒന്നറിഞ്ഞിരിക്കുക. ഓരോ പ്രോപ്പർട്ടികൾക്കും അവരവരുടേതായ പൂള് സമയം ഉണ്ടായിരിക്കും. സാധാരണയായി രാവിലെ പത്തു മണി മുതൽ രാത്രി പത്തു മണി വരെയായിരിക്കും മിക്ക റിസോർട്ടുകളിലെയും പൂൾ സമയം.

ഫാമിലിയായി വരുന്നവർ കുട്ടികളെ ഒറ്റയ്ക്ക് പൂളിൽ ഇറക്കുവാൻ പാടുള്ളതല്ല. ചിലയിടങ്ങളിൽ കുട്ടികൾക്കായി പ്രത്യേകം പൂളുകൾ ഉണ്ടായിരിക്കും. അതിൽ ആഴം ഒട്ടും തന്നെ ഉണ്ടായിരിക്കില്ല. എന്നിരുന്നാലും മുതിർന്നവരുടെ സാന്നിധ്യത്തിൽ മാത്രം അവരെ പൂളിൽ ഇറക്കുക. സ്വിമ്മിങ് പൂളിൽ ഇറങ്ങുന്നതിനു മുൻപും പൂളിൽ നിന്നും കയറിയതിനു ശേഷവും ഒരു കുളി, അത് നിർബന്ധമാണ്. ഇത് അണുക്കളെ നശിപ്പിക്കാനും ക്ലോറിന്‍ നീക്കാനും സഹായിക്കും.അതാത് മിക്ക പൂളുകൾക്കു സമീപവും ബാത്ത് റൂമുകൾ ഉണ്ടായിരിക്കും.

പൂളിലേക്ക് ചാടുന്ന പ്രവണത എത്രത്തോളം സുരക്ഷിതമാണെന്ന് ചിന്തിക്കുക. ചാടുന്നതിനുള്ള സംവിധാനം ഉണ്ടെങ്കിൽ മാത്രം അതിനു മുതിരുക. കാരണം മിക്കവാറും പൂളുകളുടെ സമീപത്ത് ആകെ വെള്ളം വീണ് നനഞ്ഞു വഴുക്കുവാൻ സാധ്യതയുണ്ട്. ഓടിവന്നു ചാടുവാൻ ശ്രമിക്കുമ്പോൾ തെന്നി വീണു അപകടം സംഭവിക്കുവാൻ ഇടയുണ്ട്. അതുകൊണ്ട് ചാട്ടങ്ങൾ പരമാവധി ഒഴിവാക്കുക. ജംപിങ് സംവിധാനമുള്ളതാണെങ്കിൽ പൂളിൽ ഇറങ്ങിയിട്ട് പൂളിന്റെ ഘടനയും മറ്റും മനസ്സിലാക്കിയിട്ടു ചാടുന്നതായിരിക്കും ഉത്തമം.

മിക്കവർക്കുമുള്ള ഒരു ആഗ്രഹമാണ് പൂളിൽ കിടന്നു മദ്യപിക്കുക എന്നത്. എന്നാൽ ഇത് വളരെ അപകടകരമാണ് എന്നോർക്കുക. കേരളത്തിലെ റിസോർട്ടുകളിൽ ഭൂരിഭാഗവും പൂളിലുള്ള മദ്യപാനം അനുവദിക്കുന്നില്ല. ഗോവ പോലുള്ള ടൂറിസ്റ്റു കേന്ദ്രങ്ങളിൽ ഒക്കെ പൂളിനു സമീപത്തായി ബാറുകൾ തന്നയുണ്ടാകും. അവിടെയൊക്കെ വേണമെങ്കിൽ നിങ്ങൾക്ക് കള്ളുകുടി ആസ്വദിക്കാം. മദ്യപാനം ഞങ്ങൾ പ്രോൽസാഹിപ്പിക്കുന്നില്ല കേട്ടോ.

സ്വിമ്മിംഗ് പൂളില്‍ സാധാരണയായി ക്ലോറിന്‍ ഉപയോഗിക്കാറുണ്ട്. വെള്ളം വൃത്തിയാക്കുന്നതിനു വേണ്ടിയാണിത്. എന്നാല്‍ വെള്ളം
വളരെ കടുത്ത നീല നിറത്തില്‍ കാണുകയാണെങ്കില്‍ അതിൽ കൂടുതല്‍ ക്ലോറിന്‍ അടങ്ങിയിട്ടുണ്ടെന്നു മനസിലാക്കാം. ഇളം നീല നിറത്തിലെ തെളിഞ്ഞ വെള്ളമാണെങ്കില്‍ ക്ലോറിന്‍ തോത് പാകത്തിനായിരിക്കും. ക്ലോറിന്‍ മുടിയ്ക്കും കണ്ണിനും ഏറെ ദോഷം ചെയ്യും. ഇതുകൊണ്ടു തന്നെ സ്വിമ്മിംഗ് ക്യാപ്, നീന്തുമ്പോള്‍ ഉപയോഗിക്കുന്ന പ്രത്യേക തരം കൂളിംഗ് ഗ്ലാസ് എന്നിവ ഉപയോഗിക്കുക. പൂളിൽ ഇറങ്ങുന്നവർ അതാത് പറഞ്ഞിട്ടുള്ള ഡ്രസ്സ് കോഡുകൾ ഉപയോഗിക്കുവാൻ ശ്രമിക്കുക. ഫൈവ് സ്റ്റാർ ഹോട്ടലുകളിലെ പൂളുകൾ ആണെങ്കിൽ ശരിയായ ഡ്രസ്സ് കോഡ് ഇല്ലാതെ അവർ പൂളിൽ ഇറക്കുകയില്ല.

വിലപിടിപ്പുള്ള ആഭരണങ്ങളും മറ്റും ധരിച്ചുകൊണ്ട് പൂളിൽ കുളിക്കുവാൻ ഇറങ്ങരുത്. കാരണം ഇവയൊക്ക അബദ്ധവശാൽ പൂളിൽ താഴെ പോയിക്കഴിഞ്ഞാൽ പിന്നെ തിരികെ ലഭിക്കുക പ്രയാസമാണ്. മിക്കവാറും സമയങ്ങളിൽ പൂളിലെ വെള്ളം ശുദ്ധിയാക്കുവാനായി ഫിൽറ്ററേഷൻ നടന്നുകൊണ്ടിരിക്കുകയായിരിക്കും. അതിലൂടെ ഇവ നഷ്ടപ്പെട്ടുപോകുവാനും സാധ്യതയുണ്ട്. ഇനി നിങ്ങൾ സ്വിമ്മിങ് പൂളുകളിൽ ഇറങ്ങുന്നതിനു മുൻപായി ഈ കാര്യങ്ങൾ ഒന്നു ശ്രദ്ധിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post