ടാറ്റ 1613 SE ലോറി; സ്‌ഫടികം ലോറി അഥവാ കൂപ്പിലെ രാജാവ്…

Total
33
Shares

കടപ്പാട് – Jayadev P, വാഹനമേളം.

മലയാളികൾക്ക് ലോറി എന്നു കേൾക്കുമ്പോൾ ഒരേയൊരു രൂപമായിരിക്കും മനസ്സിൽ ഓടിയെത്തുക. നീണ്ട മൂക്കും, നെറ്റിയിൽ പേരെഴുതുവാനുള്ള സ്ഥലവും, പിന്നിൽ ആനയുടെയോ ദൈവങ്ങളുടെയോ ചിത്രവുമൊക്കെയായി കളം നിറഞ്ഞു നിന്ന ടാറ്റായുടെ ലോറി. കേരള ലോറി എന്നാണു ഇവൻ പുറത്തുള്ള സംസ്ഥാനങ്ങളിലെല്ലാം അറിയപെടുന്നത് തന്നെ.

ഏത് കാട്ടിലും, മേട്ടിലും, കൂപ്പിലും കയറി ഇരുപതും ഇരുപത്തിയഞ്ചും ടൺ ലോഡും കയറ്റി വരുന്നവൻ അങ്ങനെ വിശേഷണങ്ങൾ പലതാണ് ടാറ്റ 1613 SE എന്ന മോഡലിനെ പറ്റി. പണ്ടൊക്കെ ഇരട്ട ചില്ലുള്ള അമ്മാവൻ മോഡൽ ലോറികളായിരുന്നു കൂപ്പുകളിലെ താരമെങ്കിൽ പിന്നീട് അൽപ്പം ചെറുപ്പം ലുക്കുള്ള മോഡലാണ് കൂടുതൽ ഹിറ്റായത്.

സിനിമകളിൽ വില്ലന്റെയും, ഒപ്പം തന്നെ നായകന്റെയും വാഹനമായി മികച്ച പ്രകടനം കാഴ്ച വെക്കുവാൻ ഈ ലോറികൾക്ക് കഴിഞ്ഞിട്ടുണ്ട്. സ്‌ഫടികം സിനിമയിൽ മോഹൻലാൽ അവതരിപ്പിച്ച ആടുതോമ എന്ന കഥാപാത്രത്തോടൊപ്പം അതിലെ ലോറിയും ഹിറ്റായി മാറിയത് ഒരുദാഹരണം മാത്രം. ഇന്നും ‘സ്‌ഫടികം ലോറി’ എന്ന് ആ മോഡലിനെ വിളിക്കുന്നവരുണ്ട്. പിന്നീട് ശിക്കാർ, പുലിമുരുകൻ എന്നീ ചിത്രങ്ങളിലും മോഹൻലാലിന്റെ സന്തത സഹചാരിയായി വിലസിയതും ഈ ടാറ്റാ ലോറികൾ തന്നെ.

1954-ൽ മെഴ്‌സിഡസ് ബെൻസുമായി ചേർന്ന് ടാറ്റ തങ്ങളുടെ ആദ്യത്തെ സെമി ഫോർവെഡ് ട്രക്ക് ഇറക്കിയതു മുതൽ ഇന്ന് വരെ ഈ വിഭാഗത്തിൽ മുടിചൂടാ മന്നന്മാരാണ് ടാറ്റ. ഈ വിഭാഗത്തിൽ പല കാലങ്ങളിലായി എതിരാളികൾ പലരും കടന്നുവന്നെങ്കിലും അവരെ എല്ലാം പിന്തള്ളി ടാറ്റ നീണ്ട 63 വർഷത്തെ ജൈത്രയാത്ര തുടരുകയാണ്.

ടാറ്റയുടെ സെമി ഫോർവേഡ് ട്രക്ക് സെഗ്മെന്റിലെ പുതിയ കണ്ണിയാണ് 1613 SE. BS 4 ലും ടാറ്റ തങ്ങളുടെ പുലിക്കുട്ടിയെ വീണ്ടും അവതരിപ്പിച്ചിരിക്കുകയാണ്. BS 4 ൽ ടാറ്റയുടെ സ്വന്തം 5675 cc, 136 BHP, 697 TCIC CRDI എഞ്ചിനാണ് 1613 SE-യ്ക്ക് ശക്തിപകരുന്നത്. 1400-1600 RPM ൽ 490 ന്യൂട്ടൺ മീറ്റർ ടോർക്കാണ് ഈ എഞ്ചിൻ ഉൽപ്പാദിപ്പിക്കുന്നത് . 6 – സ്പീഡ് മാനുവൽ GBS-600 ഗിയർ ബോക്സണ് 1613ൽ ടാറ്റ ഉപയോഗിക്കുന്നത്. മുന്നിലും പിന്നിലുമായി സെമി-എലിപ്റ്റിക്കൽ ലീഫ് സ്പ്രിങ് സസ്പെൻഷനാണ് വാഹനത്തിൽ ഉപയോഗിച്ചിരിക്കുന്നത്.

26% ഗ്രെഡബ്ളിറ്റി വാഹനത്തിന്റെ കരുത്തിനെ സൂചിപ്പിക്കുന്നു. 225 ലിറ്ററാണ് വാഹനത്തിന്റെ ഇന്ധന ടാങ്കിന്റെ ശേഷി. BS 4 നിബന്ധന പാലിക്കുന്നതിനായി Exhaust Gas Re-circulation അഥവാ EGR ടെക്നൊളജിയാണ് വാഹനത്തിൽ ഉപയോഗിച്ചിരിക്കുന്നത്. അതിനാൽ തന്നെ Ad-Blue അഥവാ യൂറിയയുടെ ആവശ്യം വരുന്നില്ല. BS 3 യിൽ 1613 SE-യ്ക്ക് ടാറ്റ 697, കുമ്മിൻസ് ISBe 5.9 എന്നീ രണ്ട് എഞ്ചിൻ ഓപ്ഷനിലും ലഭ്യമായിരുന്നു.

ഇന്ത്യൻ ട്രക്ക് വിപണിയിൽ അശോക് ലെയ്‌ലാൻഡ്, ടാറ്റ എന്നിവർക്കൊപ്പം ഇന്ന് ഭാരത് ബെൻസ്, വോൾവോ തുടങ്ങിയ ഭീമന്മാരും രംഗത്തിറങ്ങിയിട്ടുണ്ട്. എങ്കിലും നമ്മൾ മലയാളികളുടെയുള്ളിൽ ലോറി എന്നു പറയുമ്പോൾ ഓടിവരുന്ന ചിത്രം ടാറ്റ 1613 ന്റെ തന്നെയായിരിക്കും. ആനകളെയും കൊണ്ട് സഞ്ചരിക്കുവാനും, കാട്ടിൽ നിന്നും തടികൾ വെട്ടിക്കയറ്റി കൊണ്ടുവരാനും, റേഷൻ കടകളിലേക്ക് അരിച്ചാക്കുകൾ എത്തിക്കുവാനുമൊക്കെ അക്കാലത്തു ടാറ്റ ലോറികൾ മാത്രമേ ഉണ്ടായിരുന്നുള്ളൂ. ഇന്നും വാഹനപ്രേമികൾക്കിടയിൽ ടാറ്റയ്ക്ക് പ്രധാനപ്പെട്ട ഒരു സ്ഥാനം തന്നെയാണ് ഉള്ളത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post