കാശില്ലാതെ രാജ്യം മുഴുവൻ ചുറ്റാമെന്നു വിചാരിക്കുന്നവർക്കായി…

Total
0
Shares

വിവരണം – നിയാഫ് കോഴിക്കോട്.

ചില പ്രമുഖർ ഒറ്റ രൂപ പോലും കയ്യിൽ ഇല്ലാതെ രാജ്യം മുഴുവൻ ചുറ്റി സഞ്ചരിച്ചു എന്ന വാർത്തകൾക്കു ശേഷം ഹിച്ച് ഹിക്കിങ് രീതിയിലുള്ള ക്യാഷ് ലെസ്സ് യാത്ര ചെറിയ പ്രായക്കാർക്കിടയിൽ ഒരു പുതിയ ട്രെൻഡ് ആയിരിക്കുകയാണ് !

ഇത് സാധ്യമോ ? ഒറ്റ രൂപ പോലുമില്ലാതെ ഇന്ത്യ കാണാൻ ഇറങ്ങുമ്പോൾ ആദ്യം വേണ്ടത് എന്താണ് ? ഉ : വേണ്ടത് ബോധമാണ്, 1 .77 മില്യൺ വീടില്ലാത്തആളുകൾ തെരുവുകളിൽ ജീവി ക്കുന്ന ഒരു രാജ്യമാണ് കാണാൻ പോവുന്നത് എന്ന ബോധ൦.തെരുവുകളിൽ ആവശ്യത്തിന് ഭക്ഷണമില്ലാതെ , താമസിക്കാൻ ഇടമില്ലാതെ വൃത്തിഹീനമായ സഹജര്യത്തിൽ ജീവിക്കുന്ന അവരെല്ലാം പലവിധത്തിൽ ജീവിക്കാൻ ശ്രമിക്കുന്ന ഇടങ്ങളിലേക്കാണ് നാം കാഴ്ചക്കാരായി എത്തുന്നത്.

വളരെ ആളുകൾ തിങ്ങി താമസിക്കുന്ന ഫ്ലാറ്റുകൾ , തിരക്കേറിയ നഗരങ്ങൾ, ജീവിക്കാൻ വേണ്ടി പല ജോലികളിൽ ഏർപ്പെട്ടവർ! ട്രെയ്നിൽ നിലം തുടക്കാൻ വരുന്നവർ മുതൽ ,സാദനങ്ങൾ വിൽക്കുന്നവർ ,ചെരുപ്പ് നന്നാക്കുന്നവർ, റിക്ഷ ചവിട്ടുന്നവർ , ആയിരക്കണക്കിന്ന് ഭിക്ഷാടകർ, ( കേരളത്തിൽ നിന്നും – ഡൽഹി വരെ പോയാൽ അതിനിടക്ക് ചുരുങ്ങിയത് ഒരു 100 ഭിക്ഷക്കാരെങ്കിലും നിങ്ങളുടെ മുമ്പിലൂടെ വരും(പല പ്രായത്തിൽ ഉള്ളവർ ), കച്ചവടക്കാർ , റോഡരികിൽ ഇരുന്ന് മുടി മുറിച്ചു കൊടുക്കുന്നവർ , എന്തിനു, ആളുകളെ ആളുകൾ വലിക്കുന്ന റിക്ഷകൾ ഉള്ള ബംഗാൾ മുതൽ, ഓരോ വീട്ടുപടിക്കലും ഓരോ കച്ചവട വസ്തുക്കൾ ഉള്ള തലസ്ഥാന നാഗരിയുമൊക്കെയാണ് നിങ്ങളെ ഊറ്റിയെടുക്കാനായി കാത്തിരിക്കുന്നത്.

സത്യാവസ്ഥ മനസ്സിലാക്കാൻ ഒരു ഉദാഹരണം കൂടി പറയാം , നമ്മുടെ നാട്ടിൽ MBBS കഴിഞ്ഞ ഡോക്ടർമാർ സ്വന്തമായി ഒരു ക്ലിനിക് തുടങ്ങിയാൽ അവിടെ ഒരു റിസെപ്ഷനിസ്റ് , ഒരു നേഴ്സ് , അറ്റൻഡർ പിന്നെ അതിനൊക്കെ സ്വന്തമായി വേറെ മുറികൾ ഒക്കെയല്ലേ ? എന്നാൽ ഒറ്റമുറി മാത്രമുള്ള പല ചരക്കുകടയിൽ കടക്കാരൻ ഇരിക്കുനന പോെല അതേ ഇരിപ്പിൽ , ഡോക്ടർതന്നെ ടോക്കൺ തരുകയും, മരുന്ന് കുറിക്കുകയും , ഡോക്ടര് തന്നെ മരുന്ന് എടുത്ത് തരുകയും ചെയുന്ന ആശുപത്രിക്കടകൾ വരെ ഉള്ള നാടാണ് ഇന്ത്യ!

എന്താണ് ഇതിൽ നിന്നും ഒക്കെ മനസ്സിലാക്കേണ്ടത് ? ജീവിക്കാൻ വളരെ അധികം കഷ്ടപ്പാടുള്ള ,വളരെ അധികം ചിലവേറിയ , ജീവിക്കാൻ വേണ്ടി മത്സരം നടക്കുന്ന, സ്വന്തം കാര്യങ്ങൾ മാത്രം നോക്കി ജീവിക്കുന്ന നഗരവാസികൾക്കിടയിലേക്ക് ഒറ്റരൂപാ പോലുമില്ലാതെ ചെന്നാലുള്ള ഒരു അവസ്ഥ ആലോചിച്ചു നോക്ക്. ഒരു അസുഖം വന്നാലുള്ള അവസ്ഥ ഓർത്തു നോക്ക്.

ഇൻക്രെഡിബിലെ ഇന്ത്യയിൽ യാത്ര ചെയ്യുംമ്പോൾ സാദ്രാണയായി കണ്ടുവരുന്ന അസുഖങ്ങളായ മഞ്ഞപ്പിത്തം, ഡയറിയ, ഡെങ്കി, മലേറിയ ,കോളറ പോലുള്ള അസുഖങ്ങങ്ങളെഎല്ലാം നാം ശ്രദ്ധിക്കേണ്ടതുണ്ട്. ഭക്ഷണം, വെള്ളം , കൊതുക് തുടങ്ങിയ വൃത്തിഹീനമായ സാഹചര്യങ്ങളാണ് ഇത്തരം അസുഖങ്ങൾക്ക് കാരണമാവുന്നത്! പൈസ ഇല്ലാതെ ഇന്ത്യ കാണാൻ പോയാൽ …. കുടിക്കുന്ന വെള്ളത്തിന് പൈസ വേണം , റൂമിനു മണിക്കൂറിനാണു പൈസ , കുളിക്കാനും ബാത്റൂമിനും വരെ പൈസ കൊടുക്കണം , എന്തിനു റെയിൽവേയിലെ പ്ലാറ്റഫോമിൽ നില്ക്കാൻ വരെ പ്ലാറ്റഫോം ടികെട് വേണം. ട്രെയ്നലെ മറ്റുള്ള യാത്രികർ പലപ്പോഴും ഭക്ഷണം ഓഫർ ചെയ്യാറുണ്ട് , ഭക്ഷണം ഷെയർ ചെയ്ത പലരെയും ഞാൻ ഓർക്കുന്നു. പക്ഷെ അതൊക്കെ സൗഹൃദത്തിന്റെ വേളകളിൽ മാത്രമാണ് !

ശാരീരികമായി എല്ലാ കഴിവുമുള്ള ഒരാൾ ഭക്ഷണം ഇരന്നു ചെന്നാൽ കൊടുക്കാൻ വിമുഖത ഉള്ളവരാണ് ഇന്ത്യക്കാർ ! കാരണം അവര് അതിനേക്കാൾ ഇല്ലാത്ത നൂറുകണക്കിന് ആളുകളെ എന്നും കാണുന്നവരാണ് !

ഒറ്റരൂപാ പോലുമില്ലാതെ യാത്ര ചെയ്തവർ ഉണ്ടാവാം. പ്രത്യേക മാനസികാവസ്ഥയിൽ ഒന്നും എടുക്കാതെ നാട് വിടുന്നവർ ഉണ്ടാവാം. പക്ഷെ അവരാരും അതൊന്നും ഫേസ്ബുക് പോസ്റ്റുകൾ ഇട്ടിട്ടല്ല ചെയ്യുന്നത് എന്ന് മനസ്സിലാക്കണം. ഓരോ സംസ്ഥാനങ്ങൾക്കിടയിൽ എത്ര കിലോമീറ്റർ ദൂരം ഉണ്ട് ? ട്രാൻസ്പോർട്ടേഷൻ എങ്ങനെ ? അവിടേക്ക് എത്താനുള്ള പ്രധാന മാർഗം ട്രെയിൻ അല്ലെ ? പൈസ ഇല്ലാതെ ട്രെയിൻ യാത്ര സാധ്യമാണോ ? ആണെങ്കിൽ അത് കള്ളവണ്ടി കയറിയിട്ടല്ലേ? ഇങ്ങനെയുള്ള യാത്രകൾ കൊണ്ട് ആളുകൾക്കോ രാജ്യത്തിനോ വല്ല ഗുണവും ഉണ്ടോ ?- ഇവർ ഇന്ത്യയിലെ പ്രധാന ടൂറിസ്റ്റ് സ്ഥലങ്ങളിലേക്ക് എത്തുന്നത് എങ്ങനെ ? എന്തുകൊണ്ട് ടൂറിസ്റ്റ് പ്‌ളേസുകൾ ? റ്റിക്കറ്റ് എടുക്കാതെ ഇവ കാണുന്നത് എങ്ങനെ ? ഇനി പോണ വഴിക്ക് ജോലി ചെയ്യാനാണ് പ്ലാൻ എങ്കിൽ , കുറഞ്ഞ ദിവസത്തേക്ക് നിങ്ങൾക്ക് ജോലി അവിടെ എടുത്തു വച്ചിട്ടുണ്ടോ ? ഇതൊക്കെ മറുപടി ഇല്ലാത്ത ചോദ്യങ്ങൾ ആയിരുന്നു.

പൈസ അധികമില്ലാത്ത യാത്രചെയ്ത പലരുടെയും അനുഭവങ്ങൾ വായിച്ചിട്ടുണ്ട്
ചിലവ് കുറച്ചു പ്ലാൻ ചെയ്തു യാത്ര പോകാം. എന്നാൽ പൈസ ഇല്ലാതെ ഇന്ത്യ മുഴുവൻ കാണുക എന്നത് ഈ സമൂഹത്തിൽ അസാധ്യമായ ഒന്നാണ്.

ഇന്ത്യയിൽ യാത്ര ചെയ്യാനും, ഭക്ഷണ൦ കഴിക്കാനും , ജീവിക്കാനും , എന്തിനു ഒന്ന് മൂത്രമൊഴിക്കാൻ വരെ പൈസ വേണം എന്നതാണ് ഇത് വരെ ഉള്ള അനുഭവം. ഇനി നിങ്ങൾ ഇന്ത്യ കണ്ടത് നിങ്ങളുടെ പോക്കറ്റിലെ പൈസ എടുക്കാതെ ആണ് എങ്കിൽ അതിനർത്ഥം , ഷമീർ ചാപ്പന് പറഞ്ഞത് പോലെ നിങ്ങൾ മറ്റുള്ളവരുടെ ചിലവിൽ യാത്ര ചെയ്തു എന്നതല്ലേ ? അതെങ്ങനെയാണ് ക്യാഷ്‌ലെസ്സ് ഇന്ത്യൻ ജേർണി ആവുന്നത് ?

ഇങ്ങനെ ഒറ്റരൂപാപോലുമില്ലാതെ പണ്ട് ഇന്ത്യ കണ്ട ചിലർ പിന്നീട് സിനിമ നടൻമാരായി എന്നും , അതല്ല സിൽമാ നടൻ ആയതു കൊണ്ടാണ് അവർക്കു അങ്ങനെ ഇന്ത്യ കാണാൻ പറ്റിയത് എന്ന വ്യക്തായില്ലായ്മയും, അതോ നടൻ ആകുന്നതിനു മുമ്ബ് ഒരു ക്യാഷ്‌ലെസ്സ് ഇന്ത്യൻ ട്രിപ്പ് എന്നത് നേർച്ച വല്ലതും ആണോ? എന്ന സംശയങ്ങൾ എല്ലാം നിലനിൽക്കെ ദയവു ചെയ്തു ആരും ഒരു അത്യാവശ്യ ഘട്ടത്തിൽ അസുഖം വന്നാൽ മരുന്നിനുള്ള/തിരിച്ചു നാട്ടിലേക്ക് വരാനുള്ള 1500 രൂപ പോലും കൈയിൽ ഇല്ലാതെ ഇന്ത്യ കാണാൻ ഇറങ്ങിത്തിരിക്കരുത് എന്നു അപേക്ഷിക്കുന്നു.

ഫേസ്‌ബുക്കിൽ നിങ്ങൾക്ക് തള്ളാം, തള്ളിമറിക്കാം, ദയവു ചെയ്തു ആളുകളെ തെറ്റിധരിപ്പിക്കരുത്. ഒരുപക്ഷെ ഇതൊക്കെ കേട്ടിട്ട് ഏതെങ്കിലും ഒരുത്തൻ പോയി പച്ചവെള്ളം കിട്ടാതെ ചത്താൽ ഒന്ന് ഓർത്തു നോക്കിക്കേ ? വളരേ മൈനർ ആയിട്ടുള്ള അംഗങ്ങൾ വരെ യാത്രകൾ ചെയ്യുന്നതായി കണ്ടിട്ടുണ്ട് ! അവരിൽ തെറ്റിദ്ധാരണകൾ വളർത്തരുത് !

NB : ഒറ്റ പൈസ പോലും എടുക്കാതെയാണ് യാത്രക്ക് ഇറങ്ങുന്നത് എങ്കിൽ – അങ്ങനെയുള്ള ഡിങ്കന്മാർ കയ്യിൽ കരുതുന്ന എടിഎം കാർഡ് , വീട്ടിലേക്ക് വിളിക്കാനുള്ള ഫോൺ , അതിൽ ഇത്തിരി ബാലന്സ് എന്നിവയെങ്കിലും കരുതുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post