തന്തൂരിയിലെ കിടിലൻ രുചിയുമായി നന്തൻകോട്ടെ ഇമ്പീരിയൽ കിച്ചൻ

Total
3
Shares

വിവരണം – ‎Praveen Shanmukom‎ to ARK – അനന്തപുരിയിലെ രുചി കൂട്ടായ്മ.

തന്തൂരി ഒന്ന് കഴിക്കണമെന്ന് മോഹം. കുറേ നാളായി ഇങ്ങനെ ഗ്രില്ല്ഡ് ഐറ്റങ്ങളൊക്കെ കഴിച്ചിട്ട്. രാത്രിയായിരുന്നു ചിന്ത തലയിൽ കയറി വന്നത്. പോരാത്തതിന് വിശപ്പിന്റെ വിളിയും. എല്ലാം കൊണ്ട് ബെസ്റ്റ് ടൈം. പക്ഷേ കാലാവസ്ഥ അത്ര അനുകൂലമല്ല. മഴ ചാറുന്നുണ്ട്. അത് കുഴപ്പമില്ല. വീടിന് അടുത്ത് ഗ്രില്ല്ഡ് ഐറ്റംസ് കിട്ടുന്ന ഒരു റെസ്റ്റോറുണ്ട്. സ്കൂട്ടുറും എടുത്ത് പകുതി റെയിൻ കോട്ടും എടുത്ത് ഇറങ്ങി.

അവിടെ ചെന്നപ്പോൾ തന്തൂരി ഇല്ല. എനിക്കാണെങ്കിൽ അതു തന്നെ വേണം. ഇത് തോന്നാൻ കാരണമായ പരസ്യം കണ്ട സ്ഥലത്തോട്ട് പോകേണ്ടി വരുമെന്ന് തോന്നുന്നു. മഴയത്ത് കുറച്ച് ഒതുങ്ങി നിന്ന് നേരെ ഇമ്പീരിയിലിലോട്ട് വിളിച്ചു. സമയം രാത്രി 8:30 കഴിഞ്ഞു. അവിടെ ഒമ്പത് മണി വരെ ഉള്ളുവെന്ന് പറഞ്ഞു. വിലയൊക്കെ ഒന്നും കൂടി ചോദിച്ച് ഉറപ്പാക്കി. ഫാഫ് തന്തൂരി എടുത്ത് വയ്ക്കാൻ പറഞ്ഞു. മഴയൊന്നും നോക്കിയില്ല. ഉള്ള അര മഴക്കോട്ടുമായി വിട്ടു.

ചെന്നിറങ്ങിയപ്പോൾ തന്നെ രണ്ട് പേർ മുന്നിൽ. സ്വഗ്ഗിയിൽ നിന്നാണോ, ഞാൻ പറഞ്ഞു – അല്ല. സംഭവം രാത്രി ഹോട്ടൽ അടയ്ക്കാറായി. ഈ സമയത്ത് സ്ക്കൂട്ടറിൽ ആരെയും പ്രതീക്ഷിച്ച് കാണില്ല. ഏത് പ്രതികൂല കാലാവസ്ഥയിലും സമയത്ത് ഓൺ ലൈൻ ഡെലിവറി നടത്തുന്ന സ്വിഗ്ഗി, സൊമാറ്റോക്കാരെയല്ലാം സമ്മതിക്കണം.

അകത്ത് ചെന്നപ്പോൾ പാഴ്സൽ റെഡിയാക്കി വച്ചിട്ടുണ്ട്. മുന്നിൽ അകലത്തിൽ കസേരകൾ ഇട്ട് കണ്ടപ്പോൾ ചോദിച്ചു. ഇതെന്തിനാ. സ്വഗ്ഗിക്കാർ വന്നാൽ ഇരിക്കാനാണ്. അത് കണ്ടപ്പോൾ ചെറിയൊരു സമാധാനം. അവർ ഈ കോവിഡ് സമയത്ത് വളരെ കരുതൽ എടുത്തിട്ടുണ്ടെന്ന് തോന്നി. വേറെ ഒന്ന് രണ്ട് സ്ഥലത്ത് പാഴ്സൽ വാങ്ങിക്കാൻ പോയി. ഒന്നും വാങ്ങിക്കാതെ തിരിച്ചിറങ്ങേണ്ടി വന്നു. ബേസിക്ക് ആയിട്ട് വേണ്ട മാസ്ക്ക് പോലും ഇല്ലാതെയാണ് ഹോട്ടൽ ജീവനക്കാർ നിന്നിരുന്നത്. കണ്ടാൽ തോന്നും കോവിഡിന് അവരെ പേടിയാണെന്ന്. ഭാഗ്യത്തിന് ആ ദുരനഭുവങ്ങൾ ഇവിടെ ഉണ്ടായില്ല, ഞാൻ കാണുന്ന സമയത്തെങ്കിലും.

വീട്ടിലെത്തും വരെ വിശപ്പിന്റെ കാര്യം മറന്ന് വണ്ടിയോടിച്ചു. വീടെത്തി. പുറത്തിറങ്ങിയതാണ്. കോവിഡ് ആയത് കൊണ്ട് കുളിച്ച് ഫ്രെഷായി. പിള്ളേര് വിശപ്പ് കാരണം ശ്വാസം മുട്ടി ഇരിക്കയായിരുന്നു. അതിനിടയിലും ചട പടേ ചട പടേന്ന് ഫോട്ടോ എടുത്തു. ആ തന്തൂരിയങ്ങോട്ട് എടുത്തു. മൊരിഞ്ഞ കഷ്ണം വായിൽ വച്ച് ഒരു കടി. ആഹാ. പൊളി. ഗ്രീൻ ചില്ലിയും ബെസ്റ്റ്. മോൾ ഇതിനിടയിൽ അടുക്കളയിലോട്ട് ഓടി ഒരു നാരങ്ങ എടുത്തോണ്ട് വന്നു. അതിന്റെ ആവശ്യം തോന്നിയില്ല. അല്ലാതെ തന്നെ ഗ്രീൻ ചില്ലിയിൽ എല്ലാം ഉണ്ടായിരുന്നു. വീട്ടിൽ ഉണ്ടാക്കിയ ചപ്പാത്തിയോടാപ്പം ചേർത്ത് എല്ലാം അങ്ങ് തട്ടി.

Including GST വില ₹ 242 ആയി. എങ്കിലും വില കുറയ്ക്കാൻ ചില മാർഗ്ഗങ്ങളുണ്ട്. ഇമ്പീരിയൽ കിച്ചന്റെ ഒരു വാട്സ് ആപ്പ് ഗ്രൂപ്പുണ്ട്. ലിങ്ക് – https://chat.whatsapp.com/BEx5xzWGVZGKrmIKrLQ5yK. ഈ വാട്സ് ഗ്രൂപ്പിൽ ഉള്ളവർക്ക് 10 മുതൽ 15 ശതമാനം വരെയൊക്കെ ഡിസ്ക്കൗണ്ട് ഉണ്ട്. ഞാനും ഈ ഗ്രൂപ്പിൽ ഉണ്ട്. എങ്കിലും എനിക്ക് കിട്ടിയില്ല. കാരണം ഓരോ ദിവസവും ഡിസ്ക്കൗണ്ട് ഓരോ വിഭവത്തിനായിരിക്കും. അത് മാത്രമല്ല ചില അപ്രതീക്ഷിത ഡിസ്ക്കൗണ്ടുകൾ ചില സമയത്ത് ഉണ്ടാകും. ആവശ്യമുള്ളവർക്ക് അത് ഉപകരിക്കും. അത് യഥാസമയം ആ വാട്സ് ആപ്പ് ഗ്രൂപ്പിലുള്ളവരെ അറിയിക്കും.

അന്ന് തന്തൂരിക്ക് ഡിസ്‌കൗണ്ട് ഇല്ലായിരുന്നു. ഞാൻ അന്ന് തന്തൂരി കൊതിച്ച് തന്തൂരി വാങ്ങിക്കാൻ പോയത് കൊണ്ട് അത് തന്നെ വാങ്ങിച്ചു. കൊതിക്കെന്ത് ഡിസ്ക്കൗണ്ട്. കൊതി തോന്നിയിട്ട് അത് അപ്പോൾ തന്നെ വാങ്ങിച്ച് കഴിക്കുമ്പോഴുള്ള ഒരു നിർവൃതി ഉണ്ട്. ആ നിർവൃതിയുമായി മഴയത്ത് നല്ല ഒരു ഉറക്കം. നല്ല ഒരു അനുഭവം.

The Imperial Kitchen, Ground Floor, Heera High Life, Keston Rd, Near Trends, Kanaka Nagar, Nanthancodu, Thiruvananthapuram, Timings: 11 AM to 9 PM, Seating Capacity: 220.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post