വിമാനം ലാൻഡ് ചെയ്തു കഴിഞ്ഞാൽ നമ്മൾ ചെയ്യേണ്ട ചില കാര്യങ്ങൾ..

Total
0
Shares

വിമാനയാത്രകളുടെ ടിപ്സ് ഞാൻ തന്നെ പലപ്രാവശ്യമായി നിങ്ങള്ക്ക് മുന്നിൽ അവതരിപ്പിച്ചിട്ടുണ്ട്. എന്നാൽ ഒരു വിമാനം ലാൻഡ് ചെയ്തു കഴിഞ്ഞാൽ നമ്മൾ ചെയ്യേണ്ട ചില കാര്യങ്ങളെക്കുറിച്ച് അധികമാരും ബോധവാന്മാരായിരിക്കില്ല. ഞാൻ തന്നെ പല യാത്രകളിലും ഇത് കണ്ടു മനസ്സിലാക്കിയത് കൊണ്ടാണ് ഇത്തരം കാര്യങ്ങൾ ഒന്നു പോസ്റ്റ് ചെയ്യണമെന്നു വിചാരിച്ചത്. അപ്പോൾ നമുക്ക് ഇനി കാര്യത്തിലേക്ക് കടക്കാം.

ഒരു വിമാനം ടേക്ക് ഓഫ് ചെയ്യുന്നതിനേക്കാൾ ദുഷ്കരമായ ഒന്നാണ് ലാൻഡിംഗ്. പൈലറ്റുമാരുടെ മികവ് പുറത്തെടുക്കുവാൻ സാധിക്കുന്നതും ഈ സന്ദർഭത്തിലായിരിക്കും. റൺവേയുടെ അവസ്ഥ, കാലാവസ്ഥാ സ്വഭാവം, പൈലറ്റിന്റെ പരിചയം എന്നിവയെ അടിസ്ഥാനമാക്കിയായിരിക്കും ഒരു വിമാനത്തിന്റെ സ്‌മൂത്ത് ആയ ലാൻഡിംഗ്. ഈ അവസരത്തിൽ എയർ ഹോസ്റ്റസുമാർ നമ്മളോട് ചില നിർദ്ദേശങ്ങൾ നൽകാറുണ്ട്. അവ മടി കൂടാതെ അനുസരിക്കുക എന്നതാണ് നാം ചെയ്യേണ്ടത്. പിന്നിലേക്ക് ചരിച്ചിട്ടിരിക്കുന്ന സീറ്റ് നേരെയാക്കുക, വിൻഡോകൾ ഉയർത്തി വെക്കുക, സീറ്റ് ബെൽറ്റ് ധരിക്കുക എന്നിവയായിരിക്കും സാധാരണയായി ആ നിർദേശങ്ങൾ.

വിമാനം ലാൻഡ് ചെയ്തു കഴിഞ്ഞാൽ ഉടൻ തന്നെ സീറ്റ് ബെൽറ്റ് അഴിച്ചുവെച്ച് എഴുന്നേറ്റ് പെട്ടിയും എടുത്തുകൊണ്ട് ഇറങ്ങുവാൻ തയ്യാറെടുപ്പിലായിരിക്കും മിക്ക യാത്രക്കാരും. ഈ സമയത്ത് എയർഹോസ്റ്റസുമാരുടെ വാക്കുകൾ ആരും ചെവിക്കൊള്ളുന്നതായി കാണാറില്ല. “ഞങ്ങളുടെ സ്ഥലമെത്തി, ഇനി ഞങ്ങൾക്കറിയാം എന്ത് വേണമെന്ന്. നിങ്ങളുടെ സേവനം ഇനി വേണ്ട” എന്ന ഭാവത്തിലായിരിക്കും ഭൂരിഭാഗം യാത്രക്കാരും. മലയാളികളാണ് ഇത്തരക്കാരിൽ മുന്നിൽ എന്ന കാര്യവും വിഷമത്തോടെ പറയാം.

പക്ഷേ ഇവർ മറക്കുന്ന ഒരു കാര്യമുണ്ട്. വിമാനം ലാൻഡ് ചെയ്തു എന്നുകരുതി അപകട സാധ്യതകൾ തള്ളിക്കളയാനാകില്ല. റൺവേയിൽ വെച്ച് എത്രയോ തവണ വിമാനങ്ങൾക്ക് അപകടാവസ്ഥ നേരിടേണ്ടി വന്നിട്ടുണ്ട്. ഒന്നു കുലുങ്ങിയാൽ മാത്രം മതി എഴുന്നേറ്റു നിൽക്കുന്ന നിങ്ങളുടെ കാര്യം കഷ്ടത്തിലാകാൻ. അതുകൊണ്ട് വിമാന ജീവനക്കാരുടെ അനുവാദം ലഭിച്ചു കഴിഞ്ഞാൽ മാത്രമേ സീറ്റ് ബെൽറ്റ് അഴിച്ചു വെച്ച് എഴുന്നേൽക്കുവാൻ പാടുള്ളൂ. ആദ്യം ഇറങ്ങുന്നയാൾക്ക് എയർപോർട്ടിൽ സമ്മാനം ഒന്നും കൊടുക്കുന്നില്ലെന്ന് ഓർക്കുക.

അതുപോലെ തന്നെ മറ്റൊരു കാര്യം കൂടി സൂചിപ്പിക്കട്ടെ. വിസ ഓൺ അറൈവൽ സൗകര്യമുള്ള തായ്‌ലൻഡ് പോലുള്ള രാജ്യങ്ങളിൽ വിമാനം ലാൻഡ് ചെയ്തു കഴിഞ്ഞാൽ, ജീവനക്കാരുടെ നിർദ്ദേശം ലഭിച്ചാലുടൻ തന്നെ പുറത്തേക്ക് ഇറങ്ങുവാൻ റെഡിയാകണം. കഴിയുമെങ്കിൽ ആദ്യത്തെ ബാച്ച് ബസ്സിൽ തന്നെ ടെർമിനലിൽ എത്തിച്ചേരണം. വേറൊന്നും കൊണ്ടല്ല, വിസ ഓൺ അറൈവൽ ക്യൂവിൽ ആദ്യം തന്നെ സ്ഥാനം പിടിക്കുവാൻ വേണ്ടിയാണത്.

സീറ്റ് ബെൽറ്റ് അഴിച്ച് എഴുന്നേറ്റാൽ ഉടൻ നിങ്ങൾ ഇരുന്ന സീറ്റിൽ എന്തെങ്കിലും വെയ്സ്റ്റ് (കടലാസ് കഷണങ്ങളോ മറ്റോ) ഉണ്ടെങ്കിൽ അവ ഒന്നു ക്ളീൻ ചെയ്ത് ഒതുക്കുവാൻ ശ്രദ്ധിക്കുക. ലാൻഡ് ചെയ്യുന്നതിന് മുൻപായി ഇത്തരം വസ്തുക്കൾ കളക്ട് ചെയ്യുവാൻ എയർഹോസ്റ്റസുമാർ വലിയ സഞ്ചിയുമായി വരാറുണ്ട്. എന്തെങ്കിലും വെയ്സ്റ്റ് ഉണ്ടെങ്കിൽ അപ്പോൾ അവ അതിൽ നിക്ഷേപിക്കുക. ക്ളീനിങ് അവരുടെ ജോലിയല്ലേ എന്നു കരുതി സീറ്റിലും താഴെയുമായി ഒന്നും ഇടാതിരിക്കുക. കാരണം വിമാനം ലാൻഡ് ചെയ്തു കഴിഞ്ഞാൽ ജീവനക്കാർക്ക് തിരക്കിട്ട ജോലികൾ ധാരാളമുണ്ട്. അതിനിടയിൽ ഇത്തരം കാര്യങ്ങൾ അവർക്ക് ബുദ്ധിമുട്ടുണ്ടാക്കും.

വിമാനത്തിൽ നിന്നും പെട്ടിയും എടുത്തുകൊണ്ട് പുറത്തിറങ്ങുന്നതിന് മുൻപ് പാസ്പോർട്ട്, ബോർഡിംഗ് പാസ്സ്, ഐഡി കാർഡുകൾ, മൊബൈൽഫോൺ, ലാപ്ടോപ്പ്, പഴ്സ് തുടങ്ങിയവയെല്ലാം ഉണ്ടെന്നു ഉറപ്പു വരുത്തുക. ഇറങ്ങുന്ന സമയത്ത് ഡോറിനു സമീപം വിമാനജീവനക്കാർ (ചിലപ്പോൾ പൈലറ്റ് ഉൾപ്പെടെ) നിൽക്കുന്നുണ്ടാകും. പറ്റുമെങ്കിൽ അവരോട് ഒരു നന്ദി പറയുക. അതൊരു നല്ല മര്യാദയാണ്. അതുപോലെ തന്നെ എളുപ്പത്തിൽ ബാഗേജ് വരുന്ന സ്ഥലത്ത് എത്തി ആദ്യം തന്നെ നിങ്ങളുടെ ബാഗ് കൈക്കലാക്കുവാൻ ശ്രമിക്കുക. ബാഗ് മോഷണം, മാറിപ്പോകൽ തുടങ്ങിയ കാര്യങ്ങൾക്ക് അവസരം കൊടുക്കേണ്ടല്ലോ. അപ്പോൾ ഇനി വിമാനത്തിൽ നിന്നും ഇറങ്ങുന്ന സമയത്ത് ഈ കാര്യങ്ങൾ കൂടി ഒന്നോർക്കുക.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post