ഗോവയിൽ പോകുന്നവർ ചെയ്യാൻ പാടില്ലാത്ത ചില കാര്യങ്ങൾ..

Total
0
Shares

ഗോവ.. ഈ പേര് കേൾക്കുമ്പോൾ മനസ്സിൽ വരുന്ന ചിത്രം എന്തായിരിക്കും? ഉറപ്പായിട്ടും ബീച്ചും നൈറ്റ് പാർട്ടികളും സുന്ദരീ-സുന്ദരന്മാരുമൊക്കെ ആയിരിക്കും. ഇന്ത്യയിലെ ഏറ്റവും ചെറിയ സംസ്ഥാനം എന്നായിരുന്നു നമ്മളെല്ലാം ചെറിയ ക്‌ളാസ്സുകളിൽ വെച്ച് ഗോവയെ ആദ്യമായി അറിഞ്ഞത്. പിന്നീട് നമ്മൾ വളർന്നപ്പോൾ ആ അറിവും അതിരുകൾ ഭേദിച്ച് വളർന്നു.

തായ്‌ലൻഡിൽ പട്ടായ പോലെ ഇന്ത്യയിൽ എല്ലാവരും അടിച്ചു പൊളിക്കുവാനും അൽപം പാശ്ചാത്യ സംസ്കാരം നേരിൽക്കാണുവാനും അനുഭവിച്ചറിയുവാനും ഒക്കെ എത്തിച്ചേരുന്നത് ഗോവയിലേക്ക് ആണ്. എല്ലാവരും ധാരാളം കഥകൾ (ഉള്ളതും ഇല്ലാത്തതും) പറഞ്ഞു പരത്തിയിട്ടുള്ളതിനാൽ ഗോവ എന്നാൽ ‘ബാച്ചിലേഴ്‌സിൻ്റെ സ്വർഗ്ഗം’ എന്നാണു എല്ലാവരുടെയും വിചാരം. ഒരുകണക്കിനു നോക്കിയാൽ അങ്ങനെ തന്നെയാണ്. എന്നിരുന്നാലും ഗോവയിൽ ചെന്നിട്ട് തോന്നിയതു പോലെ നടക്കാമെന്ന് ആരും വിചാരിക്കേണ്ട. ഗോവയിൽ പോയാൽ ചെയ്യാൻ പാടില്ലാത്ത ചില കാര്യങ്ങളുമുണ്ട്. അവയിൽ ചിലത് നിങ്ങൾക്കായി പറഞ്ഞുതരാം.

© cntraveller.

മദ്യപാനം : ഗോവയിൽ ധാരാളം പബ്ബുകളും ബാറുകളും പെട്ടിക്കടകൾ പോലെ മദ്യഷാപ്പുകളും ഉണ്ടെന്നു വെച്ച് ഗോവക്കാർ മുഴുവനും കുടിച്ചു മറിഞ്ഞു നടക്കുന്നവരാണെന്നു വിചാരിക്കരുത്. മദ്യപിക്കണം എങ്കിൽ മാന്യമായി അത് കഴിക്കുക. അല്ലാതെ മദ്യം ഉള്ളിൽ കയറ്റിയിട്ട് ഒച്ചപ്പാടും ബഹളവും ഒക്കെ എടുത്താൽ ഏതൊരു സ്ഥലത്തെപ്പോലെയും ഗോവയിലും നല്ല അടി കിട്ടും. അതുകൊണ്ട് ഗോവൻ ട്രിപ്പ് മദ്യത്തിൽ മുക്കാതെ എല്ലാവരും ശ്രദ്ധിക്കുക.

ബീച്ചുകൾ വൃത്തികേടാക്കരുത് : ഗോവയുടെ പ്രധാന ആകർഷണം അവിടത്തെ വിവിധ ബീച്ചുകളാണ്. അവിടെയെല്ലാം പോയി അടിച്ചുപൊളിച്ചു രസിക്കാം എന്നതിനപ്പുറം അവിടം മലിനമാക്കുവാൻ ശ്രമിക്കരുത്. ടൂറിസമാണ് ഗോവയുടെ പ്രധാന വരുമാനം. അതിൽ പ്രധാന പങ്ക് വഹിക്കുന്നത് ബീച്ചുകളുമാണ്. ഈ ബീച്ചുകൾ നമ്മൾ ചെന്നിട്ട് വൃത്തികേടാക്കിയാൽ അതിന്റെ ദോഷം ഗോവക്കാർക്കും കൂടിയാണ്. അതുകൊണ്ട് അവർ പ്രതികരിക്കും.

ആളുകളോടുള്ള പെരുമാറ്റം : ഗോവയിൽ വരുന്ന എല്ലാ സഞ്ചാരികളും ഒരേപോലത്തെ ചിന്താഗതിയുള്ളവരാകണം എന്നില്ല. പ്രത്യേകിച്ച് സ്ത്രീകൾ. അതിപ്പോൾ വിദേശികളായാലും സ്വദേശികളായാലും അവരോട് എന്തു കമന്റും അടിക്കാം, ഫോട്ടോസ് എടുക്കാം എന്നൊന്നും വിചാരിക്കരുത്. അവരുടെ അനുവാദത്തോടെ വേണമെങ്കിൽ മാന്യമായി ഫോട്ടോസ് എടുക്കാം. അല്ലാതെ ഒളിഞ്ഞും പാത്തും അറിയാതെ ഫോട്ടോസ് പകർത്തുന്ന നിങ്ങളിലെ ഫോട്ടോഗ്രാഫർ ഉണർന്നാൽ വെറുതെ പണിയാകും. അത്തരം ഫോട്ടോഗ്രാഫി കമ്പക്കാർ ആ കമ്പം ഇവിടെ ഉപേക്ഷിച്ചിട്ട് അവിടേക്ക് പോകുക.

തുറിച്ചു നോട്ടം : പല നാടുകളിൽ നിന്നുള്ള ടൂറിസ്റ്റുകൾ വരുന്ന സ്ഥലമായതിനാൽ ഗോവയിൽ പല വസ്ത്രധാരണത്തിലുള്ള ആളുകളെയും കാണാം. പ്രത്യേകിച്ചും ബീച്ചുകളിൽ വിദേശ വനിതകളൊക്കെ അല്പവസ്ത്രധാരികളായി ഉല്ലസിക്കുന്നതും കാണാം. ഇതൊക്കെ ആദ്യമായിട്ടു കാണുകയാണെങ്കിൽ പോലും ഒരിക്കലും അവരെ കൗതുകത്തോടെ തുറിച്ചു നോക്കാനോ ഒന്നും പാടുള്ളതല്ല. അവരുടെ പ്രതികരണം ചിലപ്പോൾ കടുത്തതാകാൻ ഇടയുണ്ട്.

ഷോപ്പിംഗ് : ഗോവയിൽ ചെന്നിട്ട് സാധാരണക്കാരായ നമ്മളെല്ലാം ഷോപ്പിംഗ് പരമാവധി ഒഴിവാക്കുകയായിരിക്കും നല്ലത്. കാരണം അവിടത്തെ കച്ചവടങ്ങൾ എല്ലാം തന്നെ ടൂറിസ്റ്റുകളെ കണ്ടുകൊണ്ടാണ്. പ്രത്യേകിച്ച് നല്ല കാശുള്ള വിദേശികളെ. അതാകുമ്പോൾ കച്ചവടക്കാർക്ക് നല്ല ലാഭവും ലഭിക്കും. അതിനിടയിൽ നമ്മൾ ചെന്ന് വിലപേശാനും മറ്റും നിന്നാൽ അവർക്ക് കലിയിളകും. അത് പിന്നീട് ഒരു വഴക്കിലെത്തുവാനും സാധ്യതയുണ്ട്. എല്ലാ കച്ചവടക്കാരും ഒരേപോലെയല്ല കേട്ടോ. എന്നിരുന്നാലും ഇത്തരം വിലപേശലും വഴക്കിടലും ഒക്കെ ഒഴിവാക്കുന്നതാണ് നല്ലത്.

പലതരം ആക്ടിവിറ്റികൾ : ഗോവയിലെ ബീച്ചുകളിൽ പലതരം വാട്ടർ സ്പോർട്സ് ആക്ടിവിറ്റികൾ ലഭ്യമാണ്. ഇവയിലൊക്കെ കയറുന്നതൊക്കെ നല്ലതാണ്. പക്ഷേ സുരക്ഷയെ മുൻനിർത്തി അവർ പറയുന്ന നിർദ്ദേശങ്ങൾ അനുസരിക്കാൻ നാം തയ്യാറാകണം. അതൊന്നും കേൾക്കാതെ സൂപ്പർമാനെപ്പോലെ ഷൈൻ ചെയ്യാമെന്നു വിചാരിക്കരുത്. എന്തെങ്കിലും അപകടമുണ്ടായാൽ അവസാനം ഹോസ്പിറ്റൽ ബെഡിൽ സ്പൈഡർമാനെപ്പോലെ കിടക്കേണ്ടി വരും.

അപ്പോൾ ഈ കാര്യങ്ങളൊക്കെ ഒന്നു ശ്രദ്ധിച്ചാൽ ഏതൊരാൾക്കും അത്യാവശ്യം സ്വാതന്ത്ര്യമൊക്കെ ലഭിക്കുന്ന നാടാണ് ഗോവ. നമ്മുടെ സന്ദർശനം മൂലം ആ നാടിനോ നാട്ടുകാർക്കോ യാതൊരു ബുദ്ധിമുട്ടും വരുത്താതെ നോക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

നെടുമ്പാശ്ശേരി എയർപോർട്ടിൽ നിന്നും കുറഞ്ഞ ചെലവിൽ ബസ്സിൽ യാത്ര ചെയ്യാം…

ഇന്ത്യയിലെ പൊതുമേഖല-സ്വകാര്യമേഖല പങ്കാളിത്തത്തോടെ തുടങ്ങിയ ആദ്യത്തെ വിമാനത്താവളമാണ് എറണാകുളം ജില്ലയിലെ നെടുമ്പാശ്ശേരി എയർപോർട്ട്. 1999 മേയ് 25ന് പ്രവർത്തനമാരംഭിച്ചതു മുതൽ ഇന്ന് വരെ വാർത്തകളിൽ നിറഞ്ഞു നിന്നിട്ടേയുള്ളൂ ഈ ഇന്റർനാഷണൽ എയർപോർട്ട്. മൊത്തം യാത്രക്കാരുടെ എണ്ണത്തിൽ ഇന്ത്യയിൽ ഏഴാമതും അന്തർദേശീയ യാത്രക്കാരുടെ…
View Post