തായ്‌ലൻഡിൽ ടൂറിസ്റ്റുകൾ ചെയ്യാൻ പാടില്ലാത്ത ചില കാര്യങ്ങൾ…

Total
1
Shares

നമ്മുടെ നാട്ടിൽ നിന്നും കൂടുതലാളുകളും വിദേശ ടൂറിനായി തിരഞ്ഞെടുക്കുന്ന ഒരു രാജ്യമാണ് തായ്‌ലൻഡ്. എയർ ഏഷ്യ പോലുള്ള ബഡ്ജറ്റ് വിമാനങ്ങളുടെ വരവും ചെലവ് കുറഞ്ഞ പാക്കേജുകളുമാണ് തായ്‌ലൻഡ് എന്ന രാജ്യത്തെ നമ്മുടെ നാട്ടിലെ ടൂറിസ്റ്റുകൾക്കിടയിൽ പ്രിയങ്കരമാക്കിയത്. തായ്‌ലൻഡ് എന്നു കേൾക്കുമ്പോൾ മിക്കവർക്കും ഒരു ധാരണയുണ്ട്. അവിടെ വിക്രിയകളും കാട്ടിക്കൂട്ടാം, ആരും ചോദിക്കാനും പറയാനും ഇല്ല, പ്രത്യേകിച്ച് പെൺവിഷയത്തിൽ. എന്നാൽ ഇതൊക്കെ ചില സിനിമാക്കാരും മറ്റും പറഞ്ഞു പരത്തിയിട്ടുള്ള കാര്യങ്ങൾ ആണെന്ന് ആരും മനസ്സിലാക്കുന്നില്ല.

എല്ലാ രാജ്യത്തെയും പോലെ തന്നെ തായ്‌ലണ്ടിലും ഉണ്ട് നിയമങ്ങൾ. അത് ടൂറിസ്റ്റുകളായാലും തദ്ദേശീയരായാലും അനുസരിക്കുവാൻ ബാധ്യസ്ഥരുമാണ്. ഇതൊന്നുമറിയാതെ അവിടെ ചെല്ലുന്ന നമ്മുടെ ചില നാട്ടുകാർക്ക് പണികിട്ടാറുമുണ്ട്. അതുകൊണ്ട് തായ്‌ലൻഡിൽ പോയാൽ ഒരിക്കലും ചെയ്യാൻ പാടില്ലാത്ത ചില കാര്യങ്ങൾ പറഞ്ഞു തരാം.

തായ്‌ലൻഡിൽ ഭൂരിഭാഗവും ബുദ്ധമത വിശ്വാസികളാണ്. പ്രധാനപ്പെട്ട സ്ഥലങ്ങളിലും അമ്പലങ്ങളിലും ഒക്കെ ധാരാളം ബുദ്ധമത സന്യാസിമാരെ നമുക്ക് അവിടെ കാണാവുന്നതാണ്. ഇവരൊക്കെ അതാവശ്യം മോഡേണും ആയിരിക്കും. അവരോട് സംസാരിക്കുന്നതൊക്കെ കൊള്ളാം, പക്ഷെ അങ്ങോട്ടു ചെന്ന് ആശ്ലേഷിക്കാനോ മറ്റോ മുതിരരുത്. പ്രത്യേകിച്ച് സ്ത്രീകൾ. കാരണം സ്ത്രീകൾ ഇവരെ സ്പർശിക്കുവാൻ പാടില്ല എന്നാണു അവിടത്തെ ആചാരം. ബസ്സുകളിൽ പോലും അവിടത്തെ ബുദ്ധ സന്യാസികൾ സ്ത്രീകളുടെ അടുത്ത് ഇരിക്കാറില്ലത്രേ. തായ്‌ലൻഡിൽ ബുദ്ധസന്യാസിമാർക്ക് പ്രത്യേകം ആദരവ് നൽകേണ്ടതാണ്.

അമ്പലങ്ങളിലും ചില കടകളിലും മറ്റും പോകുമ്പോൾ ചെരിപ്പ് ഊറി വെക്കണോ എന്ന് അന്വേഷിച്ചിട്ടു കയറുക. ഈ വക കാര്യങ്ങളിൽ തായ് ജനത വളരെ ശ്രദ്ധ ചെലുത്തുന്നവരാണ്. ഇതുകൊണ്ടാണ് അവിടത്തെ മിക്കയാളുകളും കനംകുറഞ്ഞ സ്ലിപ്പർ ചെരുപ്പുകൾ ധാരാളമായി ഉപയോഗിക്കുന്നത്. അതാകുമ്പോൾ ഒരാണും ഇടാനുമൊക്കെ എളുപ്പമാണല്ലോ.

ഹണിമൂണിനായി പോകുന്ന ദമ്പതികളുടെ പ്രത്യേകം ശ്രദ്ധയ്ക്ക് – നമ്മുടെ നാട്ടിലെപ്പോലെ അവിടെ നിങ്ങളെ തുറിച്ചു നോക്കാനോ ശല്യം ചെയ്യാനോ ആരും ഉണ്ടാകില്ല. പക്ഷേ പൊതു സ്ഥലത്തു വെച്ചുള്ള നിങ്ങളുടെ സ്നേഹപ്രകടനം അതിരു കടക്കരുത്. പറഞ്ഞു വരുന്ന പോയിന്റുകൾ വ്യക്തമായിക്കാനും എന്നു വിചാരിക്കുന്നു. ബീച്ചുകളിൽ ആണെങ്കിൽ അൽപ്പം റൊമാന്റിക് ആകുകയും ചെയ്യാം കേട്ടോ.

ബാങ്കോക്കിലും പട്ടായയിലും മറ്റും വഴിയരികിൽ ധാരാളം കച്ചവടക്കാർ ഉണ്ടായിരിക്കും. നിങ്ങൾക്കു വേണ്ട സാധനങ്ങളുടെ വില മാന്യമായി ചോദിക്കുക. യാതൊരു വിധത്തിലും അവരെ അവഹേളിക്കാതിരിക്കുക. ഒട്ടുമിക്ക കച്ചവടക്കാരും നമ്മളോട് വളരെ കൂളായിട്ടായിരിക്കും പെരുമാറുക. അതിപ്പോൾ നമ്മൾ ഒന്നും വാങ്ങിയില്ലെങ്കിൽപ്പോലും അവർ അനിഷ്ടങ്ങൾ ഒന്നും പ്രകടിപ്പിക്കുകയുമില്ല. ഒരുമാതിരി ജാഡ കാണിക്കുന്ന കച്ചവടക്കാർ ആണെങ്കിൽ പിന്നെ അവരോട് വാങ്ങാൻ നിൽക്കാതെ മറ്റുള്ള കച്ചവടക്കാരെ തിരയുക. അതുപോലെ തന്നെ കാലുകൾ കൊണ്ട് ഒന്നും ചൂണ്ടിക്കാണിക്കാതിരിക്കുക.

തായ് ജനത വളരെ ആരാധനയോടെയാണ് അവിടത്തെ രാജകുടുംബത്തെ നോക്കിക്കാണുന്നത്. എല്ലായിടത്തും രാജാവിന്റെ ചിത്രങ്ങളും നമുക്ക് കാണാവുന്നതാണ്. രാജാവിന്റെ ചിത്രത്തെയോ രാജകുടുംബത്തെയോ അവഹേളിക്കുന്ന രീതിയിൽ പെരുമാറാനോ പ്രവർത്തിക്കുവാനോ അവിടെ പാടുള്ളതല്ല. ഇവിടെ നിന്നും പോകുന്നവർ രാജാവിന്റെ ചിത്രത്തെ നോക്കി “ദേ ഇത് ഇയാളെപ്പോലെ ഇരിക്കുന്നു, അയാളെപ്പോലെ ഇരിക്കുന്നു” എന്നൊന്നും കമന്റുകൾ പാസ്സാക്കാതിരിക്കുക. ഭാഷ മനസിലായില്ലെങ്കിലും നമ്മൾ കളിയാക്കുകയാണെന്നു അവർക്ക് ചിലപ്പോൾ മനസ്സിലായേക്കും.

മദ്യപാനികൾക്ക് ചാകരയാണ് തായ്‌ലൻഡിൽ പോയാൽ. വഴിയരികിൽ ഇരുന്നുകൊണ്ട് പോലും ആരെയും കൂസാതെ മദ്യപിക്കാനുള്ള സൗകര്യവും സ്വാതന്ത്ര്യവും അവിടെയുണ്ട്. എന്നു കരുതി കുടിച്ചു കൂത്താടാനുള്ള വേദിയല്ല അതെന്നോർക്കുക. മദ്യപിച്ച് വെളിവില്ലാതെ കാണുന്നവരോട് തട്ടിക്കയറുന്ന സ്വഭാവമുള്ളവർ അവിടെ ചെന്നാൽ ‘പൂച്ചയാകുക’. അതേപോലെ മയക്കുമരുന്നുകളുടെ പിന്നാലെ പോകാതിരിക്കുക. ആരോടും അതിനെക്കുറിച്ചൊന്നും തിരക്കാതെയുമിരിക്കുക. കൂടെയുള്ളവർ ഇത്തരക്കാരുടെ കാര്യത്തിൽ പ്രത്യേകം ശ്രദ്ധിക്കുക. അതുപോലെ തന്നെ തായ്‌ലൻഡ് അല്ലേ ഇവിടെ എങ്ങനെ വേണമെങ്കിലും നടക്കാം എന്നു വിചാരിച്ചു മാന്യമല്ലാത്ത വസ്ത്രങ്ങൾ ധരിച്ചുകൊണ്ട് പൊതു ഇടങ്ങളിലൂടെ സഞ്ചരിക്കാതിരിക്കുക.

ഒരു ടൂറിസ്റ്റ് കേന്ദ്രമായതിനാൽ തായ്‌ലൻഡിൽ ഫോട്ടോയെടുക്കുവാൻ പറ്റിയ നല്ല കാഴ്ചകളുണ്ട്. പക്ഷെ അനുവാദമില്ലാതെ കടകളുടെയോ ആളുകളുടെയോ ചിത്രങ്ങൾ പകർത്തുവാൻ നിൽക്കരുത്. പ്രത്യേകിച്ച് സ്ത്രീകളുടെ. അവിടെ സെക്സ് ടൂറിസം നിലവിലുണ്ടെന്ന് കരുതി അവിടത്തെ സ്ത്രീകളാരും മോശപ്പെട്ടവരല്ല എന്നോർക്കുക. അനാവശ്യമായി അവരുടെ മേൽ കൈവെക്കുകയോ ശല്യം ചെയ്യുകയോ ചെയ്‌താൽ നല്ല പണി കിട്ടും. എല്ലാവരോടും മാന്യമായിത്തന്നെ ഇടപെടുക. സാധാരണ നമ്മൾ ഷേക്ക് ഹാൻഡ് ചെയ്യാറുള്ളതു പോലെ തായ് ആളുകളോട് ചെയ്യരുത്. അവർ മറ്റുള്ളവരെ അഭിസംബോധന ചെയ്യുന്നത് ‘നമസ്കാരം’ (തായ് ഭാഷയിൽ – “സ്വതീകാ”) പറഞ്ഞാണ്.

അപ്പോൾ ഇനി തായ്‌ലൻഡിൽ ടൂറിനായി പോകുന്നവർ ഈ കാര്യങ്ങൾ പ്രത്യേകം ശ്രദ്ധിക്കുക. സെക്സ് ടൂറിസം മാത്രമല്ല, തായ്‌ലൻഡിൽ ഒത്തിരി നല്ല നല്ല കാര്യങ്ങളുണ്ട്, കാഴ്ചകളുണ്ട്. അവയെല്ലാം ആസ്വദിച്ച് നിങ്ങളുടെ യാത്ര അടിപൊളിയാക്കുക.

4 comments
  1. ഞാൻ നിസാർ എനിക്ക് പട്ടായ കാണാൻ മോഹം ഞാൻ വർക്ക് ചെയ്യുന്നത് ദുബായ് 8 മാസം കഴിഞ്ഞാൽ നാട്ടിൽ വെരും എനിക്ക് പോകാൻ എത്ര രൂപയുടെ ചിലവുണ്ട്

  2. ഞാൻ വരുന്നുണ്ട്, work ചെയ്യുന്നത് indus വിവ യിൽ , ചെലവിനെ കുറിച്ച് ഒന്നും ചോദിക്കാൻ ഇല്ല, കാരണം ഒക്കെ ഫ്രീ, ഫ്രീ ട്രിപ്പ്‌ ആണ്, നെറ്റ്‌വർക്ക് മാർക്കറ്റിംഗ്, 6മാസം മുന്നേ സ്റ്റാർട്ട്‌ ചെയത ബിസിനസ്‌, അപ്പൊ c u തായ്‌ലൻഡ്…. 9645710083

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post