ലോറിക്കാരെ തെറി പറയുന്നതിനു മുൻപ് ഈ കാര്യങ്ങൾ ഒന്നോർക്കുക !!

Total
104
Shares

എഴുത്ത് – ജിതിൻ ജോഷി.

കഴിഞ്ഞ ദിവസം ഒരു കാഴ്ച കണ്ടു. വീതി കുറഞ്ഞ ചുരം റോഡിലൂടെ വളരെ ബുദ്ധിമുട്ടി ഓരോ വളവും കയറിപ്പോകുന്ന ഒരു ചരക്കുലോറി. അതിനു പിറകെ തുടരെ തുടരെ ഹോൺ മുഴക്കി വിടാതെ പിന്തുടർന്ന് ഓവർടേക്ക് ചെയ്യാൻ ശ്രമിക്കുന്ന ബൈക്ക് യാത്രക്കാർ. ഒരു ഹെയർപിൻ വളവിൽ വച്ചു അവർ തെറ്റായ സൈഡിലൂടെ ലോറിയെ മറികടന്നു മുന്നിൽ കയറി സഡൻ ബ്രേക്ക് ഇട്ട് ഇത്രയും നേരം സൈഡ് തരാത്തതിന് ലോറി ഡ്രൈവറെ ചീത്ത പറയുന്നു..

ജാക്കറ്റും മറ്റു റൈഡിങ് ഗിയറുകളും ധരിച്ച ഒരു ‘സൂപ്പർ ബൈക്ക് – ന്യൂ ജെനെറേഷൻ’ റൈഡർ ആണ് ബൈക്ക് യാത്രികൻ. ശരിക്കും കഷ്ടം തോന്നി.. എപ്പോളെങ്കിലും നിറയെ സാധനവുമായി പോകുന്ന ലോറി ഓടിച്ചിട്ടുണ്ടോ..?? നല്ല രസമാണ്. അത് ഓടിച്ചു നോക്കുമ്പോളേ മനസ്സിലാവൂ ചുരങ്ങളിൽ ഓരോ വളവും എങ്ങനെയാണ് കയറിപ്പോകുന്നതെന്ന്..

ശരിയാണ് നാം ബൈക്ക് അല്ലെങ്കിൽ കാർ എടുത്തു ആസ്വദിച്ചു ഡ്രൈവ് ചെയ്യുമ്പോൾ മുന്നിൽ പുക തുപ്പി, ടയർ കരിച്ചു പതുക്കെപോകുന്ന ലോറികൾ തികച്ചും അരോചകമാണ്. പക്ഷേ ഓർക്കുക, നാളുകളായി ഉറക്കമിളച്ചു അന്യ സംസ്ഥാനങ്ങളിൽ നിന്നും വരുന്ന ആ ലോറികളിൽ നമുക്കുള്ള ഭക്ഷണം തന്നെയാവും. ഒന്നോ രണ്ടോ ആഴ്ച ഈ ലോറികളുടെ വരവ് നിലച്ചാൽ അറിയാം എന്തൊക്കെയാണ് ഇങ്ങനെ നമുക്ക് മുന്നിലൂടെ കടന്നു പോകുന്നതെന്ന്.

അതുപോലെ തന്നെ മരം കയറ്റിപോകുന്ന ലോറികൾ. അവയും റോഡിന്റെ ചരിവും മറ്റു കാര്യങ്ങളും കണക്കുകൂട്ടിയാണ് വണ്ടി ഓടിക്കുക. അങ്ങോട്ടോ ഇങ്ങോട്ടോ ഒന്ന് മാറിയാൽ എളുപ്പം മറിയുന്നവയാണ് തടി കയറ്റിയ ലോറികൾ. ഇവരുടെ തൊട്ട് പിന്നിൽ പോയി ഹോൺ അടിച്ചു തെറി പറയുമ്പോൾ ഓർക്കുക, സുരക്ഷിതമായ ഒരു സ്ഥലം കാണാതെ ഇവർ വാഹനം ഒതുക്കില്ല. അഹങ്കാരം മൂലമോ ധാർഷ്ട്യം മൂലമോ അല്ല. മറിച്ചു അവരുടെയും നമ്മുടെയും സുരക്ഷയെ മുൻനിർത്തി ആണ്. കാരണം റോഡിനു ചരിവ് കൂടിയ വശങ്ങളിൽ വണ്ടി ഒതുക്കിയാൽ അത് അപകടമാണ്.

തീർച്ചയായും പൊതുവെ നിരത്തിൽ അത്യാവശ്യം മാന്യതയോടെ വാഹനം ഓടിക്കുന്നവരാണ് നാഷണൽ പെർമിറ്റ്‌ ലോറി ഡ്രൈവർമാർ. പല ദേശങ്ങളിലെ റോഡുകളിലൂടെ ജീവിതം ഓടിതീർക്കുന്ന ഇവർ നമുക്ക് ഓരോരുത്തർക്കും വേണ്ടിയാണ് കഷ്ടപ്പെടുന്നത്. നാം ബെഡ്‌റൂമിൽ എസിയുടെ കുളിരിൽ ഉറങ്ങുമ്പോൾ ഇവർ മിക്കപ്പോഴും ഉറങ്ങുക ലോറിക്കുള്ളിലോ അടിയിലോ കിടന്നിട്ടാവും.

അതുകൊണ്ട് പ്രിയ സഞ്ചാരികളെ, ഇനിയെങ്കിലും ഫുൾ ലോഡ് കയറ്റുപോകുന്ന വാഹനങ്ങളുടെ പിന്നിൽ പോയി ഹോൺ അടിച്ചു വെറുപ്പിക്കരുത്. അത് ചുരമായായാലും സാധാരണ റോഡ് ആയാലും. മാന്യമായി ഒരു വട്ടം ഹോൺ അടിച്ചാലും നിങ്ങൾ പിന്നിലുണ്ട് എന്ന് അവർക്ക് മനസിലാവും. വളരെ പെട്ടെന്ന് തന്നെ അവർ വണ്ടി നമുക്കുവേണ്ടി ഒതുക്കിത്തരും.

ചിലർക്കു ഒരു വിചാരം ഉണ്ട്.അന്യസംസ്ഥാനത്ത് രജിസ്റ്റർ ചെയ്ത വാഹനങ്ങൾ കാണുമ്പോൾ നമുക്ക് എന്തും അവരോടാകാം കാരണം ഇത് നമ്മുടെ നാടാണല്ലോ എന്ന്. എന്നാൽ ഓർക്കുക, നാളെ നമ്മളും അവരുടെ നാട്ടിൽ പെട്ടുപോകാം. അപ്പോൾ നമ്മൾ കൊടുത്ത അനുഭവങ്ങൾ തന്നെയാവും നമുക്കും തിരിച്ചുകിട്ടുക. റോഡ് ശരിക്കും ഒരു കൊടുക്കൽ വാങ്ങൽ സ്ഥലമാണ്. ബഹുമാനവും സ്നേഹവും കൈമാറ്റം ചെയ്യപ്പെടുന്നയിടം. ഒരു നിമിഷം കാത്തിരിക്കൂ.. പുഞ്ചിരിയോടെ മറികടക്കൂ..അപ്പൊ എല്ലാവർക്കും ശുഭയാത്ര.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post