തിരുനെറ്റിക്കല്ല് – കണ്ണൂർ ജില്ലയിൽ അധികമാരും അറിയാത്ത ഒരു സ്വർഗ്ഗം…

Total
0
Shares

വിവരണം – റിയാസ് റഷീദ് റാവുത്തർ.

അധികമാരും അറിയാൻ വഴിയില്ലാത്ത ഒരു സ്ഥലമാണു കണ്ണുർ ജില്ലയിലെ ജോസ്ഗിരിയിൽ സ്ഥിതി ചെയ്യുന്ന തിരുനെറ്റികല്ല്. ഈ യാത്ര തിരുനെറ്റിക്കല്ലിന്റെ ഉയരങ്ങളിലേക്കാണു. പുതിയ ഒരു സ്ഥലം സഞ്ചാരികൾക്കു പരിചയപ്പെടുത്തുന്നു.

കണ്ണുർ ജില്ലയിലെ ഏറ്റവും ഉയരം കൂടിയ പ്രദേശങ്ങളിൽ ഒന്നാണു ജോസ്ഗിരിയും സമീപ ഗ്രാമങ്ങളും, വളരെ നല്ല കാലാവസ്ഥയാണു ഇവിടുത്തെ പ്രത്യേകതയായി എടുത്തു പറയാവുന്നത്, മാത്രവുമല്ല കർണാടകയുടെ അതിർത്തി ഗ്രാമം കൂടിയാണിവിടം, കണ്ണുർ ജില്ലയിൽ സ്റ്റോബറി വ്യാവസായ്കാടിസ്ഥാനത്തിൽ കൃഷി ചെയ്യുന്ന ഒരു പ്രദേശം കൂടിയാണു ജോസ്ഗിരി,ഒരു മലയുടെ ഏറ്റവും മുകളിൽ ഒരു കൊച്ചു ഗ്രാമം, മിക്കപ്പോഴും കോടമഞ്ഞിൽ പുതഞ്ഞു കിട്ക്കുന്ന തണുപ്പുള്ള കാലാവസ്ഥയുള്ള മനോഹരമായ ഒരു ഗ്രാമം.

ഇങ്ങോട്ടേക്കുള്ള വഴി ദുർഘടം പിടിച്ചതാണു, ചെറിയ റോഡും കുത്തനെയുള്ള കയറ്റവുമാണു സഞ്ചാരികളെ കാത്തിരിക്കുന്നത്, ഉള്ള റോഡ് തന്നെ പൊട്ടി പൊളിഞ്ഞാനു കിടക്കുന്നത്. ജോസ്ഗിരിയിൽ നിന്നും 2 കിലോമീറ്റർ മുകളിലോട്ടു സഞ്ചരിച്ചാൽ തിരുനെറ്റിക്കല്ലായി. ഒരു മലയുടെ മുകളിൽ രണ്ടു വലിയ പാറകൾ മുഖാമുഖം നില്ക്കുന്ന കാഴച, ഒറ്റ നോട്ടത്തിൽ തിരുനെറ്റിക്കല്ലിനെ ഇങ്ങനെ പറയാം. വഴി വളരെ മോശമാണു, ഒരു ഓഫ് റോഡ് റൈഡിങ്ങാണു നിങ്ങൾ ആഗ്രഹിക്കുന്നതെങ്കിൽ രണ്ടും കല്പ്പിച്ചു വണ്ടിയും കൊണ്ടു മല കയറാം. കൂട്ടുകാരന്റെ ബൈക്കായതു കൊണ്ടു ഓഫ് റോഡ് സാഹസത്തിനു മുതിരാതെ നടന്നു കയറി ഞങ്ങൾ.

ഓരു ഫാം ഹൗസിന്റെ അടുത്ത് എത്തുമ്പോൾ ഇടതു വശത്തായി കാട്ടിനുള്ളിലൂടെ ഒരു ചെറിയ നട വഴി കാണാം, ആ വഴിയാണു മലയുടെ മുകളിൽ കയറാനുള്ള വഴി, ഈ വഴി അന്വേഷിച്ചു കുറേ നടന്നു .വഴി ചോദിക്കാൻ ആണെങ്കിൽ ഒരാളേയും കണ്ടതുമില്ല, അവസാനം രണ്ടും കല്പ്പിച്ചു കയറിയ വഴി ശരി തന്നെയായിരുന്നു.

ഇനി അങ്ങൊട്ടു കാടാണു, വഴിയിൽ കാട്ടുപന്നി ഉഴുതു മറിച്ചിട്ട സ്ഥലങ്ങൾ കാണാം. പ്രശ്നം ഇതല്ല,മുൻ വശത്തുള്ളവരെ പോലൂം കാണാത്ത തരത്തിൽ വഴി പോലും മനസ്സിലാകാത്ത തരത്തിൽ ഉള്ള കാടും കറുക പുല്ലുമാണു മുൻപിൽ. അതു വകഞ്ഞു മാറ്റി വേണം മല കയറാൻ, ഇവിടുന്നു ശരിക്കും ഞങ്ങൾ ബുദ്ധിമുട്ടി എന്നു പറയാം. കോടമഞ്ഞും കൂടി വന്നതോടു കൂടി ആകെ പ്രശ്നമായി. കയ്യിൽ കിട്ടിയ വടിയും എന്റെ കുടയും ഉപയോഗിച്ചു മുൻപിലെ പുല്ലു വകഞ്ഞു മാറ്റി യാത്ര മുകളിൽ എത്തി.

രണ്ടു വലിയ കല്ലുകളാണു ഇവിടുത്തെ ആകർഷണം. വലിഞ്ഞു കല്ലിന്റെ മുകളിൽ കയറുക എന്നുള്ളത് പണ്ടേയുള്ള ശീലമായതു കൊണ്ട് കഷ്ടപ്പെട്ട് വലിഞ്ഞു കയറി. ഇവിടെ നിന്നാൽ കാഴ്ചകളുടെ ഉത്സവമാണു. കണ്ണുർ ജില്ലയും കാസർഗോട് ജില്ലയും കർണാടകത്തിലെ തലക്കാവേരിയും അങ്ങനെ നിരവധി കാഴ്ചകൾ. പക്ഷേ ആ‍ കാഴ്ച ആസ്വധിക്കുന്നതിനു മുന്നേ കോടമഞ്ഞു എല്ലാ കാഴ്ചകളും മറച്ചിരുന്നു. നല്ല കാറ്റും കോടമഞ്ഞിന്റെ തണുപ്പും ആസ്വദിച്ചു ആ മലയുടെ മുകളിൽ കുറേ നേരം വെറുതേ ഇരുന്നു. കഷ്ടപ്പെട്ടു വലിഞ്ഞു മുകളിൽ കയറുമ്പോൾ ഉള്ള ഒരു സന്തോഷം ഉണ്ടല്ലോ, അതു വലിഞ്ഞു കയറിയാലേ മനസ്സിലാകു. എങ്കിലും ഇല്ലിക്കൽ കല്ലു നരകപാലം വഴി വലിഞ്ഞു കയറിയ പോലെ ജീവൻ പണയം വെച്ചു കയറുന്ന പരുപാടിയൊന്നും ഇവിടെയില്ല. എങ്കിലും അപകടകരമാണു, താഴെ വലിയ കൊക്കയാണു, കാലു തെന്നിയാൽ പിന്നെ നോക്കണ്ട.

തിരിച്ചിറങ്ങാൻ സമയമായി. ഇരുട്ടു വീണാൽ അപകടകരമാണു യാത്ര. എന്നെക്കാൾ ഉയരമുള്ള കാടു വകഞ്ഞു മാറ്റി തിരിച്ചിറക്കം..വല്യ ആയാസമില്ലാതെ ഒരു ട്രെക്കിങ്ങ്, നല്ല കോടമഞ്ഞും തണുത്ത കാലാവസ്ഥയും, മല കയറി ഒരു ഓഫ് റോഡ് സവാരി, കാട്ടരുവിയിൽ മനസ്സു നിരഞ്ഞൊരു കുളി, ഇതൊക്കെയാണോ യാത്രാലക്ഷ്യങ്ങൾ എങ്കിൽ തിരുനെറ്റിക്കല്ലിലേക്കു വന്നോളു… (കോടമഞ്ഞു വന്നതിനാൽ മലയുടെ മുകളിൽ നിന്നുമുള്ള മനോഹരമായ കാഴ്ചകൾ ഒന്നും തന്നെ ക്യാമറയിൽ പകർത്തുവാനായില്ല).

എങ്ങനെ എത്തിച്ചേരാം. – കണ്ണുർ നിന്നും തളിപ്പറമ്പ്, ആലക്കോട് വഴി ഉദയഗിരി, അവിടെ നിന്നും ജോസ്ഗിരി. (66 KM). പയ്യന്നൂർ വഴിയും വരാവുന്നതാണു, പയ്യന്നൂർ- ചെറുപുഴ- ജോസ്ഗിരി (50KM). മഴക്കാലത്തു വരുകയാണെങ്കിൽ നിരവധി വെള്ള ച്ചാട്ടങ്ങൾ ആസ്വവധിക്കാവുന്നതാണ്. തിരുനെറ്റിക്കല്ലു കയറാൻ ആണെങ്കിൽ രാവിലെ 6.40 നു പയ്യന്നുർ നിന്നും ബസ് ഉണ്ട്, 9 മണിയാകുമ്പോൾ ജോസ്ഗിരിയിൽ എത്തും. തിരിച്ചു 2.30 നു ജൊസ്ഗിരിയിൽ നിന്നും മടക്കയാത്ര ആകാം. 4.40 നു പയ്യന്നുർ എത്തും. ഭക്ഷണം ജോസ്ഗിരിയിൽ നിന്നും കഴിക്കാവുന്നതാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post