പെട്ടിമുടി രക്ഷാപ്രവർത്തനത്തിൽ ആരുമറിയാതെ പോയ മൂന്നു ഹീറോകൾ

Total
26
Shares

പെട്ടിമുടിയിൽ മണ്ണിടിച്ചിൽ ദുരന്തമുണ്ടായ സ്ഥലത്ത് രക്ഷാപ്രവർത്തനത്തിനുണ്ടായിരുന്ന, അധികമാരും ശ്രദ്ധിക്കപ്പെടാതെ പോയ ചിലരെ നമുക്കു മുന്നിലെത്തിക്കുകയാണ് ദേവികുളം സബ്കലക്ടർ തൻ്റെ ഫേസ്‌ബുക്ക് പേജ് വഴി. അദ്ദേഹത്തിൻ്റെ കുറിപ്പ് താഴെ കൊടുക്കുന്നു. ഒന്നു വായിക്കാം.

ഔദ്യോഗിക ജീവിതത്തിൽ ഇനിയൊരിക്കലും ഓർമ്മിക്കുവാനാഗ്രഹിക്കാത്ത ദിവസങ്ങളിൽകൂടിയാണ് ഇപ്പോൾ കടന്ന് പൊയ്ക്കൊണ്ടിരിക്കുന്നത്. അതുവരെ കാഴ്ചകളുടെ വസന്തം പെയ്തിറങ്ങിയിരുന്ന പെട്ടിമുടി.. ഇവിടെ ജീവിക്കാൻ ഭാഗ്യം ലഭിച്ചവരോട് അസൂയ തോന്നിയിട്ടുള്ളവർ പോലുമുണ്ട്. എത്ര പെട്ടെന്നാണ് നിഷ്കളങ്കരായ ആ മനുഷ്യരുടെ ജീവൻ മണ്ണെടുത്തത്. അവരുടെ സ്വപ്നങ്ങൾ മലവെള്ളം കൊണ്ടുപോയത്..!!

രക്ഷാപ്രവർത്തനങ്ങൾ ഇപ്പോഴും നടന്നുകൊണ്ടിരിക്കുകയാണ്. ഉറ്റവരെ നഷ്ടപ്പെട്ടവരുടെ വിലാപങ്ങൾ മനസ്സിലുണ്ടാക്കിയ നൊമ്പരം ആറിയിട്ടില്ല. കാലവസ്ഥ അല്പം അനുകൂലമായിട്ടുണ്ടെങ്കിലും ഒഴുകിയെത്തിയ പാറക്കൂട്ടങ്ങൾക്കിടയിൽ കാണാതായവർക്കായുള്ള തിരച്ചിൽ ശ്രമകരമായ ദൗത്യം തന്നെയാണ്. വിവിധ സർക്കാർ വകുപ്പുകൾ, സന്നദ്ധ സംഘടനകൾ, നാട്ടുകാർ തുടങ്ങി നിരവധിപ്പേരുടെ സേവനം ഇവിടെ ലഭ്യമാണ്. അതിൽ ഫയർ ആൻഡ് റെസ്ക്യൂ ടീമിലെ ശ്രീ പ്രദീപ് ടി ആർ, ശ്രീ അനീഷ്, ശ്രീ ജോയ് എന്നിവരുടെ പേരുകൾ എടുത്തു പറയേണ്ടതാണ്.

ആദ്യ ദിനം പെട്ടിമുടിയിൽ എത്തുമ്പോൾ തന്നെ മുട്ടറ്റം ചെളിയിൽ ഇവരുണ്ട്.അവരുടെ അശ്രാന്ത പരിശ്രമം കൊണ്ട് മാത്രം ഒരാഴച്ചക്കുള്ളിൽ അൻമ്പത്തിയെട്ടു മൃതദേഹങ്ങൾ നമുക്ക് കണ്ടെത്താനായി.ഇതിൽ പലതും ഇവർ പറഞ്ഞ സ്പോട്ടുകളിൽ നടത്തിയ തിരച്ചിലിലാണ് കണ്ടെത്തിയതും. ദിവസങ്ങൾ കഴിയുംതോറും ജീർണ്ണാവസ്ഥയിലേക്ക് ആയിത്തുടങ്ങിയ ശരീരങ്ങൾ തൊടാൻ പലരും മടിച്ചുനിൽക്കുപ്പോൾ ആദ്യ ദിനം മുതൽ ഇന്ന് വരെ മൃതശരീരങ്ങൾക്ക് കേട് പറ്റാതിരിക്കാൻ ഒരു “ഗ്ലൗ” പോലും ഉപയോഗിക്കാതെയാണ് ഇവർ തങ്ങളുടെ ദൗത്യം തുടരുന്നത്.

ഒൻപതാം തീയതി വൈകുന്നേരം വലിയ പാറക്കൂട്ടങ്ങൾ പൊട്ടിച്ചു മാറ്റാനുള്ളതുകൊണ്ടും, മോശം കാലാവസ്ഥ കണക്കിലെടുത്തും അന്നത്തെ തിരച്ചിൽ അവസാനിപ്പിക്കാൻ ഏകദേശം അഞ്ചു മണിയോടെ ഞങ്ങൾ തീരുമാനിച്ചു. വയർലെസ് സന്ദേശം അയച്ചു നിമിഷങ്ങൾക്കുള്ളിൽ അവർക്ക് ഒരു പതിനഞ്ചു മിനിറ്റ് കൂടി സമയം അനുവദിക്കണമെന്ന് ആവശ്യപ്പെട്ടുകൊണ്ട് ഒരു ഫയർ ആൻഡ് റെസ്ക്യൂ ഉദ്യോഗസ്ഥൻ ഞങ്ങളെ സമീപിച്ചു, അത്രയും മോശം കാലാവസ്ഥയിൽ അങ്ങനെ ഒരു ആവശ്യം കേട്ട് ആശ്ചര്യം തോന്നി..

പതിനഞ്ചു മിനിറ്റ് സമയം ആവശ്യപ്പെട്ട് പോയവരെ ഇരുപതു മിനിറ്റിനു ശേഷവും കാണാത്തത്കൊണ്ട് ഞങ്ങൾ സംഭവ സ്ഥലത്തേക്ക് ചെന്നു. ശക്തമായ കാറ്റും മഴയും പിന്നെ കൊടും തണുപ്പും. തിരച്ചിൽ അവസാനിപ്പിക്കാൻ ചുറ്റുമുള്ളവർ പറയാൻ തുടങ്ങി. ഇന്നത്തേക്ക് ദൗത്യം അവസാനിപ്പിക്കാനുള്ള നിർദേശം കൊടുക്കാൻ തുടങ്ങുമ്പഴേക്കും അകലെ സൈറ്റിൽ നിന്നും ഒരു ഫയർ ആൻഡ് റെസ്ക്യൂ ഉദ്യോഗസ്ഥൻ കൈ വീശി കാണിച്ചു. ഒപ്പം ഒരു ശരീരം കൂടി കണ്ടെത്തി എന്ന വയർലെസ് സന്ദേശവും എത്തി.

കോരിച്ചൊരിയുന്ന മഴയിൽ ഒരു ചെറിയ തുണിക്കെട്ടും കൊണ്ട് ഒരാൾ കയറി വന്നു. ആറു മാസം മാത്രം പ്രായമുള്ള ഒരു കുഞ്ഞിന്റെ ചേതനയറ്റ ശരീരമായിരുന്നു അത്. ഞങ്ങൾ അന്ന് കണ്ടെത്തിയ പതിനേഴാമത്തെ മൃതശരീരം..

“നാളെ ആറുമണിക്ക് തന്നെ ഞങ്ങൾ തിരച്ചിൽ പുനരാരംഭിക്കും സർ.” മറുപടിയൊന്നും പറയാതെ അയാളുടെ മുഖത്തേക്ക് വെറുതെ ഒന്ന് നോക്കുക മാത്രം ചെയ്ത് ഇന്നത്തേക്ക് തിരച്ചിൽ നിർത്താൻ നിർദ്ദേശം കൊടുത്തു. അപ്പോഴും തോരുമെന്നൊരു സൂചനപോലും തരാതെ മഴ ശക്തമായി പെയ്യുന്നുണ്ടായിരുന്നു. അയാളുടെ കാലിലെ അട്ടകടിയേറ്റ മുറിവിൽ നിന്നും രക്തമൊഴുകുന്നുണ്ടായിരുന്നു. അദ്ദേഹത്തോട് മറുപടിയൊന്നും പറയാതെ തിരികെ പോരുമ്പോൾ ഒരുപറ്റം നല്ല മനസ്സുകളുടെ രൂപങ്ങൾ ആയിരുന്നു ചിന്ത നിറയെ.

ഇന്നിപ്പോൾ ദൗത്യം രണ്ടാഴ്ച പിന്നിടുമ്പോൾ അറുപത്തിയഞ്ചു മൃതദേഹങ്ങൾ കണ്ടെടുക്കാൻ നമുക്ക് സാധിച്ചിട്ടുണ്ട്. കാണാതായ മറ്റുള്ളവർക്കു വേണ്ടിയുള്ള തിരച്ചിൽ തുടരുകയാണ്.
പ്രീയപ്പെട്ട പ്രദീപ്, അനീഷ്, ജോയ്… ഉറ്റവരുടെ ശരീരം അവസാനമായൊന്നു കാണുവാൻ അലമുറയിടുന്ന ഒരുപറ്റം സാധുമനുഷ്യരുടെ പ്രതീക്ഷകളിലേക്ക് ഞാൻ നിങ്ങളുടെ പേരുകൾ ചേർത്തു വെക്കട്ടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post